Tag: petroleum price up

اسلام آباد: اوگرا نے پٹرولیم مصنوعات مہنگی کرنے کی سمری وزارت پٹرولیم کو ارسال کر دی۔

تفصیلات کے مطابق اوگرا کی جانب سے پٹرولیم مصنوعات مہنگی کرنے کی سمری وزارت پٹرولیم کو ارسال کر دی گئی، اضافی جی ایس ٹی کے باعث پٹرولیم مصنوعات مہنگی کرنے کی سفارش کی گئی ہے ۔

اوگرا نے یکم جون سے پٹرول کی قیمت میں پچیاسی پیسے فی لیٹر جبکہ ہائی اسپیڈ ڈیزل کی قیمت میں چھ روپے انتہر پیسے فی لیٹر اضافے کی سفارش کی ہے۔

اوگرا کی جانب سے ہائی آکٹین کی قیمت میں دو روپے اٹھارہ پیسے فی لیٹر ، مٹی کے تیل کی قیمت میں چار روپےستاون پیسے فی لیٹر اور لائٹ ڈیزل کی قیمت میں چار روپے سینتالیس پیسے فی لیٹراضافے کی سفارش وزارت پٹرولیم کو ارسال کی گئی ہے ۔

تاہم وزیراعظم سے مشاورت کے بعد حکومت حتمی قیمتوں کا اعلان کرے گی۔

اسلام آباد: پاکستان میں پیٹرولیم مصنوعات کی قیمتوں میں کمی کا ہنی مون دور ختم ہوا، اوگرا نے پیٹرولیم مصنوعات کی قیمتوں میں دس فیصد تک کا اضافہ تجویزکر دیا۔

سعودی عرب اور خلیجی اتحادی ممالک کے یمن پر فضائی حملے جاری ہے، عالمی منڈی میں تیل کی قیمتوں میں ہونے والےاضافے کو جواز بنا کر اوگرا نےعوام پرپیٹرول بم گرانے کی تیاری کرلی۔

اوگرا کی جانب سے پٹرولیم مصنوعات کی قیمتوں میں دس فیصد تک اضافے کی سمری ارسال کردی، جس میں پیٹرول چار روپے چالیس پیسے فی لیٹر مہنگا کرنے کی تجویز دی ہے۔

ہائی آکٹین سات روپے چھیاسٹھ پیسے، ہائی اسپیڈڈیزل سواچھ روپے اور مٹی کے تیل کی قیمت ایک روپے چھپن پیسے فی لیٹر بڑھانے کی تجویز دی گئی ہے جبکہ لائٹ ڈیزل ڈھائی روپے فی لیٹر مہنگا کرنے کی سفارش کی گئی ہے۔

ذرائع کے مطابق حکومت جی ایس ٹی میں ایڈجسٹمنٹ سے قیمتیں برقرار بھی رکھ سکتی ہے۔