لاہور: ہائی کورٹ میں ایک شہری کی جانب سے پیٹرولیم مصنوعات پرعائد زائد سیلزٹیکس کوچیلنج کردیا گیا۔
درخواست گزار کے مطابق پاکستان میں پٹرولیم مصنوعات کی قیمتیں بین الاقوامی قیمتوں کے تناسب سے کم نہیں کی گئیں۔
درخوات گزار کا کہناہے کہ زائد سیلز ٹیکس عائد ہونے کے باعث پاکستان میں پٹرولیم مصنوعات کی قیمتیں زیادہ کم نہیں ہوئیں۔
درخواست گزار نے عدالت میں درخواست کی کہ حکومت کی جانب سے پٹرولیم مصنوعات کی قیمت پرلگایا گیا سیلزٹیکس کالعدم قراردیا جائے۔
اسلام آباد: پیٹرولیم مصنوعات کی قیمتوں میں ساڑھے چار روپے تک کمی کا امکان ہے.
نئے سال کا آغاز پٹرولیم قیمتوں میں کمی سے ہوگا، ذرائع کے مطابق یکم جنوری سے پیٹرول کی قیمت میں ایک روپے چون پیسے فی لیٹر، ہائی اسپیڈ ڈیزل دو روپے ساٹھ پیسے فی لیٹر سستا کرنے کی سفارش کی گئی ہے۔
غریبوں کا ایندھن مٹی کا تیل تین روپے ستر پیسے اور لائٹ ڈیزل کی قیمت میں تین روپے پچھتر پیسے فی لیٹر کمی کی سفارش کی گئی ہے۔ ہائی اوکٹین کی قیمت میں بھی ساڑھے چار روپے تک کی کمی کا امکان ہے۔
اوگرا ذرائع کے مطابق پٹرولیم مصنوعات کی قیمتوں میں کمی کی سمری تیس دسمبر کو وزارت خزانہ کوارسال کی جائیگی، ماہرین کا کہناہے کہ حکومت نے اضافی ٹیکس کم نہ کیا تو عوام جنوری میں بھی مطلوبہ ریلیف سے محروم رہ سکتے ہیں.
اسلام آباد: اوگر انے پیٹرولیم مصنوعات کی قیمت میں معمولی کمی کی سمری وزارت پیٹرولیم کوبھیج دی ہے، عوام کا ریلیف اس بار بھی اضافی جی ایس ٹی کا جن نگل جائے گا۔
دنیا بھر میں خام تیل کی قیمت انتہائی کم ہوچکی ہے مگر آئندہ ماہ پاکستانی عوام اس کمی سے مستفید نہیں ہو سکیں گے، خام تیل کی قیمت چالیس ڈالر کے ادرگرد ہی ٹریڈ کررہی ہے۔
اوگرا سمری میں پیٹرول کی قیمت میں ایک روپے پانچ پیسے سستا کرنے کی سفارش کی گئی ہے، مٹی کا تیل اناسی پیسے اور لائٹ ڈیزل کی قیمت میں چھتیس پیسے کمی متوقع ہے ۔
اوگرا نے ہائی اسپیڈ ڈیزل ایک رو پے بیالیس پیسے اور ہائی آکٹین ستاسی پیسے فی لیٹر مہنگا کرنے کی سفارش کی ہے جبکہ پیٹرولیم مصنوعات پر ٹیکس اس وقت بلند ترین سطح پر ہے.
اسلام آباد: مختصر مدت تک پٹرول مصنوعات کی کم قیمت کی خوشی اب مدہم پڑنے والی ہے، امکان ہے کہ یکم مارچ سے پیڑولیم مصنوعات کی قیمتوں میں اضافہ ہوجائے گا۔
اضافے کے بعد پیٹرول تین روپےستانوے پیسے فی لیٹرمہنگا ہو جائےگا، ہائی اوکٹین کی قیمت میں چار روپے پچاس پیسے مٹی کے تیل کی قیمت دو روپے چھیاسٹ پیسے کا اضافہ متوقع ہے۔
ہائی اسپیڈڈیزل کی قیمت میں تین روپے،لائٹ ڈیزل کی قیمت میں دو روپے اکسٹھ پیسےفی لیٹراضافےکاامکان ہے۔
واضح رہے کہ فروری کے آغاز میں اوگرا نے پیٹرولیم مصنوعات کی قیمتوں میں فی لیٹرچودہ روپے سے آٹھ روپے اسی پیسے تک کمی کی سفارش کی تھی ۔
جس کے بعد وزیرِاعظم نے پیٹرولیم مصنوعات کی قیمتوں میں گیارہ روپے بیاسی پیسے تک کی کمی کی منظوری دی تھی، جبکہ حکومت نے پیٹرولیم مصنوعات پر سیلز ٹیکس پانچ فیصد بڑھا کر ستائیس فیصد کر دیا تھا۔
اسلام آباد: اوگرا نے پیٹرولیم مصنوعات کی قیمتوں میں کمی کی سمری وزیرِاعظم کو ارسال کر دی ہے، پیٹرولیم مصنوعات پر ٹیکسوں میں اضافے سے عوام تین سے پانچ روپے کے ریلیف سے محروم رہ گئے۔
اوگرا نے پیٹرولیم مصنوعات کی قیمتوں میں کمی کی سمری حکومت کو ارسال کر دی ہے، پیٹرول کی قیمت میں چھ روپے پچیس پیسے کمی کرنے کی سفارش کی گئی ہے۔
ٹیکسوں میں اضافے کے باعث پیٹرولیم کی ارسال کردہ سمری میں ہائی اوکٹین کی قیمت میں چودہ روپے چودہ پیسے ہائی اسپیڈ ڈیزل کی قیمت میں سات روپے چھیاسی پیسے سستا کرنے کی تجویز دی گئی ہے۔
مٹی کے تیل کی قیمت میں گیارہ روپے چھبیس پیسے اور لائٹ ڈیزل کی قیمت میں دس روپے اڑتالیس پیسے کمی کی تجویز ہے، پیٹرولیم مصنوعات پر جی ایس ٹی میں اضافے کے بعد عوام کوتین سے پانچ روپے تک کے ریلیف سے محروم کردیا گیا ہے۔
اسلام آباد: اوگرا کی جانب سے پیٹرولیم مصنوعات کی نئی قیمتوں کی سمری تیارکرلی گئی ہے پیٹرول کی قیمت میں چھ روپےچھیاسٹھ پیسے کمی کی تجویز دی گئی ہے۔
عالمی مارکیٹ میں تیل کی گرتی ہوئی قیمتوں کی وجہ سے جنوری کے مہینے میں بھی پیٹرولیم مصنوعات کی قیمتوں میں نمایاں کمی ہوگی۔
اوگرا کی جانب تیار کی گئی سمری کے مطابق پیٹرول کی قمیت میں چھ روپے چھیاسٹ پیسے، ہائی اسپیڈ ڈیزل کی قیمت میں نو روپے اکیانوے پیسے فی لیٹر سستا کرنے کی تجویزدی گئی ہے۔
سمری میں مٹی کا تیل تیرہ روپے تئیس پیسے اور لائٹ ڈیزل بارہ روپے چھپن پیسے فی لیٹر سستا کرنے کی تجویزدی گئی ہے، اوگرا حتمی قیمتوں کی سمری معمولی ردوبدل کیساتھ کل وازارت پیٹرولم کو ارسال کرے گا۔
اسلام آباد: یکم جنوری سے پیٹرولیم مصنوعات کی قیمتوں میں چھ روپے پچاس پیسے تک کی کمی متوقع ہے۔
اوگرا زرائع کے مطابق یکم جنوری سے پیٹرولیم مصنوعات کی قیمتوں میں گزشتہ ماہ کی طرح خاطر خواہ کمی متوقع ہے، سب سے زیادہ کمی ہائی اوکیٹن کی قیمت میں چھ روپے پچاس پیسے فی لیٹر تک ہوسکتی ہے۔
پٹرول کے نرخ ساڑھے پانچ روپے جبکہ ڈیزل کی قیمت میں پانچ روپے فی لیٹر تک کمی متوقع ہے، لائٹ اسپیڈ ڈیزل کی قیمت میں بھی چار روپے پچاس پیسے کمی کا امکان ہے جبکہ غریبوں کے ایندھن مٹی کے تیل کی قیمت میں چار روپے فی لیٹر تک کی کمی ہوسکتی ہے۔
عالمی منڈی میں خام تیل کی قیمت میں کمی کے باعث خام تیل درآمد کرنے والے ممالک میں پیٹرولیم مصنوعات کی قیمتوں میں مسلسل کمی ریکارڈ کی جارہی ہے۔
اسلام آباد: عالمی منڈی میں خام تیل کی قیمت ساٹھ ڈالر سے بھی کم ہونے کے بعد مقامی پیٹرولیم مصنوعات میں مزید آٹھ روپے فی لیٹر تک کمی متوقع ہے۔
رواں ماہ کے دوران بھی عالمی مارکیٹ میں تیل کی قیمتوں میں مسلسل کمی کا رجحان ہے، عالمی مارکیٹ میں خام تیل کی قیمت کم ہوکر اٹھاون ڈالر بائیس ڈالر فی بیرل ہوگئی ہے۔
پیٹرولیم سیکٹر تجزیہ کاروں کے مطابق اگر یہ رجحان برقرار رہا تو یکم جنوری سے ملک میں پیٹرولیم مصنوعات کی قیمتوں میں خاطر خوا کمی ہوگی۔
توقع ہے کہ آئندہ ماہ بھی پیٹرولیم مصنوعات کی قیمتوں میں آٹھ روپے تک کی کمی متوقع ہے۔
کراچی: عوام کیلئےبڑی خوشخبری آنےوالی ہے، پاکستان میں پیٹرول کی قیمت میں مزید ساڑھے نو اور ڈیزل کی قیمت میں سات روپے بارہ پیسے کی کمی کی جا رہی ہے ۔
عالمی سطح پر تیل کی گرتی قیمت کے باعث یکم دسمبر سے پاکستان میں پیٹرولیم مصنوعات کی قیمتوں میں مزید کمی متوقع ہے،اوگرا نے پیٹرولیم مصنوعات سستی کر نے کی سمری وزارت خزانہ کو ارسال کردی ہے،جس کے مطابق پیڑول 9 روپے 66 پیسے فی لیٹر سستا کرنےکی تجویز ہے۔ہائی اسپیڈ ڈیزل 7 روپے 12 پیسے فی لیٹر سستا کرنے کی تجویز ہے۔
اسی طرح ہائی اوکٹین 10 روپے فی لیٹر سستا کرنے کی تجویز دی گئی ہے، مٹی کا تیل 4 روپے 1 پیسہ فی لیٹر سستا کرنے کی سفارش کی گئی ہے۔جبکہ لائٹ ڈیزل 5 روپے فی لیٹر سستا کرنے کی تجویز دی گئی ہے۔
اسلام آباد: پیٹرولیم مصنوعات ساڑھے تین سے پانچ روپے فی لیٹر تک سستی ہونے کا امکان ہے۔
عالمی منڈی میں مسلسل گرتی قیمت کےباعث یکم دسمبرسےپاکستان میں بھی پیٹرولیم مصنوعات کی قیمتوں میں کمی کا امکان ہے،اُوگرا ذرائع کےمطابق پیٹرول چار روپے،ہائی آکٹین پانچ روپےفی لیٹر سستا ہونےکا امکان ہے،اسی طرح مٹی کا تیل تین روپے65 پیسےاورہائی اسپیڈ ڈیزل تین روپےنوے پیسےفی لیٹر سستا ہونےکا امکان ظاہرکیاگیا ہے، عالمی مارکیٹ میں خام تیل کی قیمت پچھترڈالر فی بیرل تک نیچےآچکی ہے۔