ARYNews.tv | Urdu – Har Lamha Bakhabar

Tag: PETROLEUM PRODUCTS

  • حکومت نے پیٹرولیم مصنوعات کی قیمتوں کا اعلان کردیا

    حکومت نے پیٹرولیم مصنوعات کی قیمتوں کا اعلان کردیا

    اسلام آباد : وفاقی وزیر خزانہ اسحاق ڈار نے ڈیزل کی قیمت میں 5روپے فی لیٹر کمی کا اعلان کردیا جبکہ پیٹرول کی قیمت کو اسی نرخ پر برقرار رکھا گیا ہے۔

    تفصیلات کے مطابق وفاقی حکومت نے پیٹرولیم مصنوعات کی قیمتوں کا اعلان کردیا، اس حوالے سے وفاقی وزیر خزانہ اسحاق ڈار نے اعلان کیا ہے کہ ڈیزل کی قیمت میں 5روپے فی لیٹر کمی کردی گئی ہے۔

    انہوں نے کہا کہ مٹی کے تیل کی قیمت میں 10روپے فی لیٹر کمی کا فیصلہ کیا گیا ہے جبکہ پیٹرول کی قیمت میں کوئی اضافہ یا کمی نہیں کی جارہی، پیٹرول گزشتہ ماہ کے مقرر کردہ نرخ پر ہی دستیاب ہوگا، وزارت خزانہ نے پٹرولیم مصنوعات کی نئی قیمتوں کا نوٹیفکیشن جاری کردیا۔

    وزیرخزانہ اسحاق ڈار نے پیٹرولیم مصنوعات کی قیمتوں میں ردو بدل کے حوالے سے اپنے ویڈیو بیان میں بتایا کہ پٹرول کی قیمت 282 روپے فی لیٹر پر برقرار ہے۔

    انہوں نے کہا کہ ہائی اسپیڈ ڈیزل کی قیمت میں5روپے کمی کر رہے ہیں، ہائی اسپیڈ ڈیزل کی قیمت 5روپے کمی سے 288روپے فی لیٹر مقرر کی گئی ہے۔

    اسحاق ڈار نے بتایا کہ مٹی کے تیل کی قیمت میں فی لیٹر10 روپے کمی کے بعد فی لیٹر قیمت176روپے 7 پیسے پر آگئی ہے۔

    ان کا مزید کہنا تھا کہ لائٹ ڈیزل کی قیمت میں بھی 10 روپے کمی کی جا رہی ہے جس کے بعد فی لیٹر لائٹ ڈیزل کی قیمت 164روپے68پیسے مقرر کی گئی ہے۔

  • پٹرولیم مصنوعات کی درآمدات میں نمایاں کمی ریکارڈ

    پٹرولیم مصنوعات کی درآمدات میں نمایاں کمی ریکارڈ

    اسلام آباد : پٹرولیم مصنوعات کی درآمدات میں جاری مالی سال کے پہلے 8 ماہ میں سالانہ بنیادوں پر 8فیصد کی کمی ریکارڈ کی گئی ہے۔

    پاکستان بیورو برائے شماریات اور انڈسٹری کے اعدادوشمار کے مطابق جولائی سے لے کر فروری تک کی مدت میں پٹرولیم مصنوعات کی درآمدات پر 11.87 ارب ڈالر کا زرمبادلہ صرف ہوا جو گزشتہ مالی سال کی اسی مدت کے مقابلہ میں 8 فیصد کم ہے۔ گزشتہ مالی سال کی اسی مدت میں پٹرولیم مصنوعات کی درآمدات پر 12.94 ارب ڈالر کا زرمبادلہ صرف ہوا تھا۔

    فروری میں پٹرولیم مصنوعات کی درآمدات میں سالانہ بنیادوں پر ایک فیصد کی نمو ریکارڈ کی گئی ہے۔ فروری میں پٹرولیم مصنوعات کی درآمدات کا حجم 1.265 ارب ڈالر ریکارڈ کیا گیا جو گزشتہ سال فروری میں 1.252 ارب ڈالر تھا۔ جنوری کے مقابلہ میں فروری میں پٹرولیم مصنوعات کی درآمدات میں ماہانہ بنیادوں پر 5 فیصد کی کمی ریکارڈکی گئی ہے۔

    اعدادوشمار کے مطابق مقدری لحاظ سے پٹرولیم مصنوعات کی درآمدات میں جاری مالی سال کے پہلے ماہ میں سالانہ بنیادوں پر 32 فیصد کی کمی ریکارڈ کی گئی ہے۔ جاری مالی سال کے پہلے 8 ماہ میں 7546000 ٹن پٹرولیم مصنوعات کی درآمدات ریکارڈکی گئی ہیں جو گزشتہ مالی سال کی اسی مدت میں 11149000 ٹن تھی۔

  • پیٹرولیم مصنوعات کی فروخت میں ایک بار پھر کمی

    پیٹرولیم مصنوعات کی فروخت میں ایک بار پھر کمی

    اسلام آباد : پاکستان میں گزشتہ چند ماہ کے دوران پیٹرولیم مصنوعات کی قیمتوں میں ہونے والے اضافے نے عوام کی قوت خرید کو بھی متاثر کیا ہے، جس کے سبب پیٹرول کی فروخت میں نمایاں کمی سامنے آئی ہے۔

    اس حوالے سے جاری رپورٹ میں انکشاف کیا گیا ہے کہ رواں مالی سال کی پہلے پانچ ماہ میں ملک میں پیٹرولیم مصنوعات کی فروخت میں سالانہ بنیادوں پر20 فیصد کی کمی ریکارڈ کی گئی ہے۔

    آئل کمپنیز ایڈوائزری کونسل کی جاری کردہ رپورٹ کے مطابق رواں مالی سال کے پہلے پانچ ماہ جولائی تا نومبر2022 کے دوران پٹرولیم مصنوعات کی فروخت میں نمایاں کمی ریکارڈ کی گئی۔

    اعداد و شمار کے مطابق پچھلے پانچ ماہ میں مجموعی طور پر77لاکھ ٹن پٹرول، فرنس آئل اور ڈیزل فروخت ہوا جو سال 2022کے96 لاکھ ٹن کے مقابلے میں20فیصد کم ہے۔

    او سی اے سی کے مطابق اس عرصے میں پٹرول کی فروخت میں 16فیصد، ڈیزل کی فروخت میں 24فیصد اور فرنس آئل کی فروخت میں 26فیصد کمی آئی ہے۔

    اعداد و شمار کے مطابق سالانہ لحاظ سے نومبر میں فرنس آئل کی فروخت میں سب سے زیادہ یعنی 33فیصد کمی ریکارڈ کی گئی ہے۔

    رپورٹ کے مطابق جولائی تا نومبر کے پانچ ماہ میں بھی فرنس آئل سب سے کم فروخت ہوا جس کا مطلب ہے کہ فرنس آئل مہنگا ہونے پر لوڈشیڈنگ بڑھا کر کھپت کم کی جارہی ہے۔

    آئل کمپنیوں کے لحاظ سے دیکھا جائے تو پی ایس او کی پٹرولیم مصنوعات فروخت میں پچھلے پانچ ماہ کے دوران18 فیصد،اے پی ایل کی فروخت میں 21فیصد،شیل کی فروخت میں 23فیصد اور ہیسکول کی فروخت میں2فیصد کمی آئی ہے۔

  • پیٹرولیم مصنوعات کی فروخت میں نمایاں کمی

    پیٹرولیم مصنوعات کی فروخت میں نمایاں کمی

    اسلام آباد : ملک میں پیٹرولیم مصنوعات کی فروخت میں جاری مالی سال کے پہلے 4 ماہ میں سالانہ بنیادوں پر22 فیصد کی کمی ریکارڈ کی گئی ہے۔

    آئل کمپنیز ایڈوائزری کونسل اور انڈسٹری کے اعداد و شمار کے مطابق جولائی سے لے کر اکتوبر تک کی مدت میں ملک میں 615 ملین ٹن پیٹرولیم مصنوعات کی فروخت ریکارڈ کی گئی جو گزشتہ مالی سال کی اسی مدت کے مقابلہ میں 22 فیصد کم ہے، گزشتہ مالی سال کی اسی مدت میں ملک میں 7.85 ملین ٹن پیٹرولیم مصنوعات کی فروخت ریکارڈ کی گئی تھی۔

    اعداد و شمارکے مطابق اکتوبر میں پیٹرولیئم مصنوعات کی فروخت میں ماہانہ بنیادوں پر9 فیصد کا اضافہ ریکارڈ کیا گیا، اکتوبر میں ملک میں 1.66 ملین ٹن پیٹرولیم مصنوعات کی فروخت ریکارڈ کی گئی جو ستمبر میں 1.52 ملین ٹن تھی۔

    اعداد و شمارکے مطابق مالی سال کے پہلے چار ماہ میں ملک میں پیٹرول کی فروخت میں سالانہ بنیادوں پر18 فیصد اور ہائی سپیڈڈیزل کی فروخت میں 26 فیصد کی کمی ریکارڈ کی گئی، اسی طرح فرنس آئل کی فروخت میں بھی 26 فیصد کمی ریکارڈ کی گئی ہے۔

    مالی سال کے پہلے 4 ماہ میں پاکستان اسٹیٹ آئل کی پیٹرولیم مصنوعات کی فروخت میں سالانہ بنیادوں پر21 فیصد اور اٹک پیٹرولیم کمپنی کی پیٹرولیم مصنوعات کی فروخت میں سالانہ بنیادوں پر21 فیصد کی کمی ریکارڈ کی گئی ہے، اسی طرح شیل کمپنی کی پیٹرولیم مصنوعات کی فروخت میں سالانہ بنیادوں پر23 فیصد اور حیسکول کی فروخت میں 5 فیصد کی کمی ریکارڈ کی گئی ہے

  • حکومت کا پیٹرولیم مصنوعات کی قیمتوں کے حوالے سے اہم فیصلہ

    حکومت کا پیٹرولیم مصنوعات کی قیمتوں کے حوالے سے اہم فیصلہ

    اسلام آباد : وفاقی حکومت نے پٹرولیم مصنوعات کی قیمتیں برقرار رکھنے کا فیصلہ جبکہ ٹیکس ریٹرن فائل کرنے کی مدت میں بھی توسیع کا اعلان کیا گیا ہے۔

    تفصیلات کے مطابق اپنے ایک ویڈیو بیان میں وفاقی وزیر خزانہ اسحاق ڈار نے کہا ہے کہ اوگرا کی سمری وزارت خزانہ کو مل چکی ہے۔

    وزیراعظم شہباز شریف کے مشورے سے فیصلہ کیا گیا ہے کہ پٹرولیم مصنوعات کی قیمتوں میں کوئی رد و بدل نہیں کیا جائے گا۔

    انہوں نے کہا کہ پٹرولیم مصنوعات میں شامل پٹرول، ڈیزل اور مٹی کے تیل کی قیمتیں برقرار رکھنے کا فیصلہ کیا گیا ہے۔ موجودہ قیمتیں آئندہ15دن تک برقرار رہیں گی۔

    ٹیکس ریٹرن فائل کرنے کی مدت میں توسیع

    وزیرخزانہ اسحاق ڈار نے کہا کہ ٹیکس گوشوارے جمع کرانے کی تاریخ میں بھی ایک ماہ کی توسیع کردی گئی ہے، اسٹیٹ بینک ایک لاکھ ڈالرتک کی ایل سیز کلیئر کرے گا، ایل سیز کے جتنے بھی کیسز التوا میں ہیں وہ جلد کلیئر ہوجائیں گے۔

  • پیٹرولیم مصنوعات کی فروخت میں نمایاں کمی، رپورٹ میں اہم انکشاف

    پیٹرولیم مصنوعات کی فروخت میں نمایاں کمی، رپورٹ میں اہم انکشاف

    اسلام آباد : پاکستان میں گزشتہ چند ماہ کے دوران پیٹرولیم مصنوعات کی قیمتوں میں ہونے والے اضافے نے عوام کی قوت خرید کو بھی متاثر کیا ہے، جس کے سبب پیٹرول کی فروخت میں نمایاں کمی سامنے آئی ہے۔

    اس حوالے سے جاری رپورٹ میں انکشاف کیا گیا ہے کہ رواں مالی سال کی پہلی سہ ماہی میں ملک میں پیٹرولیم مصنوعات کی فروخت میں سالانہ بنیادوں پر23 فیصد کی کمی ریکارڈ کی گئی ہے۔

    آئل کمپنیزایڈوائزری کمیٹی اورانڈسٹری کے اعداد و شمار کے مطابق جولائی سے لے کر ستمبر2022 تک کی مدت میں ملک میں 4.49 ملین ٹن پیٹرولیم مصنوعات کی فروخت ریکارڈ کی گئی جو گزشتہ مالی سال کی اسی مدت کے مقابلہ میں 23 فیصد کم ہے۔

    ستمبر کے مہینہ میں پیٹرولیم مصنوعات کی قیمتوں میں سالانہ بنیادوں پر22 فیصد کی کمی ریکارڈ کی گئی، ستمبر میں ملک میں 1.525 ملین ٹن پیٹرولیم مصنوعات کی فروخت ریکارڈ کی گئی جو گزشتہ سال ستمبر میں 1.962ملین ٹن تھی۔

    اعداد و شمار کے مطابق پہلی سہ ماہی میں ملک میں1.160ملین ٹن پیٹرول کی فروخت ریکارڈ کی گئی جو گزشتہ مالی سال کی اسی مدت کے مقابلہ میں 21 فیصد کم ہے۔

    ماہ ستمبرمیں ملک میں 0.628 ملین ٹن پیٹرول کی فروخت ریکارڈ کی گئی جو گزشتہ سال ستمبر کے مقابلہ میں22 فیصد کم ہے۔ گزشتہ سال ستمبر میں ملک میں0.804 ملین ٹن پیٹرول کی فروخت ریکارڈ کی گئی تھی۔ پہلی سہ ماہی میں ملک میں ہائی اسپیڈ ڈیزل کی فروخت میں سالانہ بنیادوں پر30 فیصد کمی ریکارڈ کی گئی ہے۔،

    پہلی سہ ماہی میں ملک میں 1.460 ملین ٹن ہائی اسپیڈ ڈیزل کی فروخت ریکارڈ کی گئی، ستمبر میں ملک میں 0.520ملین ٹن ہائی اسپیڈڈیز لکی فروخت ریکارڈ کی گئی جو گزشتہ سال ستمبر کے مقابلہ میں 26 فیصد کم ہے، گزشتہ سال ستمبرمیں ملک میں 0.707 ملین ٹن ہائی اسپیڈ ڈیزل کی فروخت ریکارڈ کی گئی تھی۔

    پہلی سہ ماہی میں ملک میں 0.983 ملین ٹن فرنس آئل کی فروخت ریکارڈ کی گئی جو گزشتہ مالی سال کی پہلی سہ ماہی کے مقابلہ میں 23 فیصد کم ہے۔

    ستمبر کے مہینہ میں 0.305 ملین ٹن فرنس آئل کی فروخت ریکارڈ کی گئی جو گزشتہ سال ستمبر کے مقابلہ میں 24فیصد کم ہے، گزشتہ سال ستمبر میں ملک میں 0.399 ملین ٹن فرنس آئل کی فروخت ریکارڈ کی گئی تھی۔

  • عالمی منڈی میں خام تیل کی قیمتوں میں مسلسل کمی ریکارڈ

    عالمی منڈی میں خام تیل کی قیمتوں میں مسلسل کمی ریکارڈ

    اسلام آباد : عالمی منڈی میں خام تیل کی قیمتوں میں ایک بار پھر کمی ریکارڈ کی گئی ہے۔

    تفصیلات کے مطابق انٹرنیشنل مارکیٹ میں خام تیل کی قیمتوں میں مسلسل کمی کا رجحان جاری ہے۔ غیرملکی خبر رساں اداروں کے مطابق لندن برینٹ خام تیل اٹھاسی ڈالر اکیانوے سینٹ فی بیرل پر ٹریڈ کررہا ہے۔

    اس کے علاوہ امریکی ڈبلیوٹی آئی ویسٹ ٹیکساس خام تیل کی قیمت بیاسی ڈالرنواسی سینٹ فی بیرل پر آگئی ہے۔

    رپورٹ کے مطابق برینٹ خام تیل کی قیمت بھی 3.41 ڈالر (3.67 فیصد) کمی کے ساتھ 89.84 ڈالر فی بیرل ہوگئی۔

    واضح ہے کہ 29 اگست سے اب تک امریکی ڈبلیو ٹی آئی کی قیمت میں تقریباً 14 ڈالر تک کمی ہوچکی ہے۔ عالمی منڈی میں پٹرولیم مصنوعات میں کمی دیکھنے میں آرہی ہے جبکہ پاکستان میں پٹرول دن بدن مہنگا ہوتا جا رہا ہے۔

    یاد رہے کہ گزشتہ ماہ دنیا میں سب سے زیادہ تیل برآمد کرنے والے ممالک نے رواں ماہ ستمبر میں اپنی پیداوار میں قدرے اضافہ کرنے پر اتفاق کیا تھا تاکہ بڑھتی ہوئی قیمتوں کو کم کرنے میں مدد مل سکے۔

    تیل پیدا کرنے والے گروپ ’اوپیک پلس‘ کے اراکین جس میں روس بھی شامل ہے، مشترکہ طور پر پیداوار میں 100,000 (ایک لاکھ) بیرل یومیہ اضافہ کریں گے۔ یاد رہے کہ جولائی اور اگست کے دوران یومیہ 600,000بیرل کا اضافہ کیا گیا تھا۔

    دوسری جانب تیل درآمد کرنے والے ممالک تیل کی قیمتوں میں کمی لانے کے لیے اس سے بھی بڑا اضافہ چاہتے تھے۔

  • پیٹرولیم مصنوعات کی قیمتوں میں اضافے کے خلاف کیس کی سماعت

    پیٹرولیم مصنوعات کی قیمتوں میں اضافے کے خلاف کیس کی سماعت

    لاہور: پٹرولیم مصنوعات کی قیمتوں میں ہوشربا اضافے کیخلاف عدالت میں دائر درخواست کی سماعت ہوئی جس میں عدالت نے فریقین کو نوٹس جاری کردیئے۔

    لاہور ہائی کورٹ کے جسٹس شاہد کریم نے اظہر صدیق ایڈووکیٹ کی درخواست پر سماعت کی، درخواست میں پٹرولیم مصنوعات کی قیمتوں میں کیے گئے میں اضافے کو کالعدم قرار دینے کی استدعا کی گئی ہے۔

    لاہور ہائی کورٹ میں سماعت کے موقع پر وفاقی حکومت، وزارت پیٹرولیم، وزارت داخلہ اور اوگرا کو نوٹس جاری کردیئے گئے۔

    لاہور ہائی کورٹ نے فریقین کو2ہفتے میں تحریری جواب داخل کرنے کی ہدایت جاری کرتے ہوئے درخواست گزار کو وزیراعظم کا نام بطور فریق واپس لینے کی ہدایت کی ہے۔

    یاد رہے کہ درخواست گزار نے مؤقف اختیار کیا ہے کہ عالمی منڈی کےبرعکس قیمتیں بڑھائی گئیں، قیمت بڑھانے کے لیے کابینہ سے منظوری لی گئی اور نہ ہی وجوہات بتائی گئیں، قیمتوں میں اضافے سے مہنگائی میں ہوشربا اضافہ ہوگا۔

    یاد رہے شہباز حکومت کی جانب سے ایک ہفتے میں پٹرول ساٹھ روپے فی لیٹرمہنگا کر دیا، 30 روپے اضافے کے بعد پٹرول کی نئی قیمت 209 روپے 86 پیسے، ڈیزل 204 روپے 15 پیسے کا ہوگیا جبکہ مٹی کے تیل کی فی لیٹرقیمت میں 26 روپے 38 پیسے کا اضافہ ہوا۔

  • پٹرولیم مصنوعات کی قیمتوں میں بڑے اضافے کا امکان ، آج اہم فیصلہ متوقع

    پٹرولیم مصنوعات کی قیمتوں میں بڑے اضافے کا امکان ، آج اہم فیصلہ متوقع

    اسلام آباد : حکومت کی جانب سے پٹرولیم مصنوعات کی قیمتوں میں اضافے سے متعلق آج اہم فیصلہ متوقع ہے۔

    تفصیلات کے مطابق پٹرولیم مصنوعات کی قیمتوں میں اضافے کا امکان ہے ،ذرائع کا کہنا ہے کہ پٹرولیم مصنوعات کی قیمتوں کے حوالے سے آج اہم فیصلہ متوقع ہے۔

    ذرائع کا کہنا ہے کہ پٹرولیم مصنوعات پردی جانےوالی سبسڈی کومرحلہ وارختم کیا جا سکتا ہے، سبسڈی کو مرحلہ وار ختم کرکے پٹرولیم مصنوعات کی قیمتیں بڑھائی جائیں گی۔

    ذرائع نے بتایا کہ اوگرا نے پٹرولیم مصنوعات پربڑھتی ہوئی سبسڈی سےآگاہ کر دیا، فی لیٹر پٹرول پر حکومت 29 روپے 60 پیسے سبسڈی دیتی ہے اور 16مئی سے فی لیٹرپٹرول کی یہ رقم 45 روپے 14 پیسے تک پہنچ جائے گی۔

    ذرائع نے کہا کہ ڈیزل پر فی لیٹرسبسڈی اس وقت 73روپے4پیسے ہے، 16 مئی سےڈیزل پرسبسڈی 85 روپے 85 پیسے تک پہنچ جائے گی، اسی طرح مٹی کے تیل پر فی لیٹر سبسڈی 43 روپے 16 پیسے ہے، 16 مئی سے مٹی کے تیل پر فی لیٹر سبسڈی 50.44 روپے ہو جائے گی۔

    ذرائع کا کہنا تھا کہ لائٹ ڈیزل آئل پراس وقت فی لیٹرسبسڈی64.70 روپے ہے، 16مئی سےلائٹ ڈیزل پریہ سبسڈی 68 روپے فی لیٹر ہو جائے گی۔

    ذرائع کے مطابق ساری سبسڈی ختم کریں تو فی لیٹرپٹرول 45 روپے 15 پیسے بڑھانا پڑےگا اور پوری سبسڈی ختم کرنےسےپٹرول195روپے کا ہو جائے گا۔

    اس طرح مکمل سبسڈی ختم کرنے سے ڈیزل 230 روپےفی لیٹر ، مٹی کےتیل 176روپے اور لائٹ ڈیزل فی لیٹر 186 روپے 31 پیسے تک پہنچ جائے گا۔

    ذرائع نے بتایا ہے کہ روپے کی بے قدری بھی پٹرولیم مصنوعات قیمتوں میں اضافے کاباعث ہے، پٹرولیم مصنوعات قیمتوں کا حتمی فیصلہ وزارت وزیر اعظم کی مشاورت سے کرے گی۔

  • حکومت کا عوام کیلئے ایک اور بڑا ریلیف

    حکومت کا عوام کیلئے ایک اور بڑا ریلیف

    اسلام آباد : حکومت نے عوام کو ریلیف دینے کیلئے پیٹرولیم مصنوعات پر سیلز ٹیکس ختم کردیا اور پٹرول،ڈیزل ، مٹی کے تیل اور لائٹ ڈیزل پر سیلز ٹیکس کی شرح صفر کردی۔

    تفصیلات کے مطابق فیڈرل بورڈ آف ریونیو (ایف بی آر) نے پٹرولیم مصنوعات پرعائد سیلز ٹیکس کی تفصیلات جاری کرتے ہوئے نوٹی فکیشن بھی جاری کردیا۔

    نوٹیفکیشن میں کہا گیا کہ پٹرول ، ڈیزل ، مٹی کے تیل اور لائٹ ڈیزل پر سیلز ٹیکس کی شرح0.00 فیصد کردی ہے، عوام کو ریلیف دینے کیلئے سیلز ٹیکس کی شرح صفر کی گئی۔

    یاد رہے وزیر اعظم عمران خان نے قوم سے خطاب میں یکم مارچ سے پٹرولیم مصنوعات کی قیمتیں دس روپے فی لیٹر کم کرنے کا اعلان کیا تھا۔

    عمران خان کا کہنا تھا کہ روس اوریوکرین جنگ کی وجہ سے خوف ہے تیل کی قیمتیں بڑھیں گی لیکن پاکستان میں آج بھی پیٹرول اور ڈیزل کی قیمتیں کم ہیں۔

    انھوں نے مزید کہا تھا کہ اپوزیشن تنقیدکرتی ہےان کےپاس کیاحل ہے اگر اپوزیشن کےپاس تیل کی قیمتوں کے پاس کوئی تجویز ہےتو بتائے پاکستان میں سبسڈی نہ دیں توفی لیٹرقیمت220روپےہو۔

    وزیراعظم کا کہنا تھا کہ حکومت نے فیصلہ کیا ہے کہ مہنگائی میں اضافے کے خدشے کے باوجود قیمتیں بڑھانے کی بجائے کم کی جائیں گی۔