Tag: Pfizer Vaccine

کرونا ویکسین کے ضمنی اثرات، جاپان کا بڑا فیصلہ

ٹوکیو: دنیا بھر میں کرونا ویکسین ‘موڈرنا’ کے سائیڈ ایفیکٹ کے سامنے آنے کے باعث جاپان نے بڑا فیصلہ کیا ہے۔

جاپان کے صحت کے حکام نے تصدیق کی ہے کہ موڈرنا ویکسین کے باعث دل کی سوزش کے معاملے پر اب بیس سال اور اس سے کم عمر افراد کو موڈرنا کے بجائے ‘فائزر’ ویکسین لگانے کی تیاری کی جارہی ہیں۔

حکام کے مطابق یہ اقدام اس تناظر میں اٹھایا گیا ہے کہ جب کووِڈ نائنٹین کی موڈرنا ویکسین خصوصاً نوجوان مردوں میں دل کے پٹھے اور دل کے ارد گرد تھیلی نما غلافِ قلب کی سوزش جیسے ضمنی اثرات کا باعث بنی۔

جاپان کی وزارت صحت کی جانب سے جاری اعدادوشمار کے مطابق بارہ ستمبر تک موڈرنا ویکسین کے ضمنی اثرات کا تناسب کچھ یوں تھا، بیس سال کے افراد( فی دس لاکھ میں 17.1 فیصد) جبکہ اس سے کم عمر کے جوانوں میں 21.6 فیصد تھا۔

اس کے مقابلے میں فائزر ویکسین کی خوراک لگوانے بیس سالہ نوجوانوں میں یہ شرح فی دس لاکھ 13.1 اور بیس سال سے کم عمر والوں میں 1.9 رپورٹ کی گئی تھی۔

یہ بھی پڑھیں: کرونا وائرس: جاپان نے نئے طریقہ علاج کی منظوری دے دی

جاپانی وزارت کے حکام نے واضح کیا کہ یہ واقعات کبھی کبھار ہوتے ہیں ان کی علامات ہلکی ہیں اور یہ کہ خطرات کے مقابلے میں ان کے فوائد کہیں زیادہ ہیں۔

ساتھ ہی وزارت یہ مشورہ دینے پر غور کر رہی ہے کہ ان گروپوں کے مردوں کو خطرات سے متعلق بتایا جائے اور موڈرنا کے بجائے فائزر ویکسین لگانے کی پیشکش کی جائے، اُن کا کہنا ہے کہ یہی مشورہ پہلی مرتبہ موڈرنا ویکسین کا ٹیکہ لگوانے والے مردوں کو بھی دیا جائے گا۔

اکتوبر 14, 2021
ابوظبی: فائزر ویکسین کی بوسٹر ڈوز سے متعلق اہم معلومات

ابوظبی: اماراتی صحت کے حکام نے کرونا ویکسین کی بوسٹر ڈوز سے متعلق پوچھے گئے سوالات کا مفصل جواب دے دیا ہے۔

تفصیلات کے مطابق متحدہ عرب امارات نے گذشتہ ماہ اعلان کیا تھا کہ چھ ماہ قبل سائنوفارم ویکسین کی دوسری خوراک لینے والے تمام شہریوں اور مقیم غیرملکی کرونا سے مکمل بچاؤ کے لیے 20 ستمبر تک ایک اور خوراک (بوسٹر) لیں۔

بوسٹر خوراک سے متعلق اماراتی صحت کے حکام نے اپنے سرکاری سوشل میڈیا چینلز پر کووڈ نائنٹین ویکسین کے لئے بوسٹر خوراک سے متعلق اکثر پوچھے گئے سوالات کے جوابات بھی دئیے۔

کیا مجھے بوسٹر خوراک کی ضرورت ہے؟

اماراتی صحت کے حکام کا کہنا تھا کہ اگر آپ کو چھ ماہ سے زائد عرصہ پہلے سائنو فارم ویکسین کی دوسری خوراک موصول ہوئی ہے تو آپ کو استثنیٰ بڑھانے اور ہر ویکسین کے لئے منظور شدہ ہیلتھ پروٹوکول کی تعمیل کے لئے بوسٹر خوراک ضرور حاصل کرنی چاہیئے۔

دیگر ویکسی نیشنز کو بوسٹر خوراک کی ضرورت نہیں ہوتی اور وزرات صحت اور روک تھام (ایم او ایچ اے پی ) اور دیگر صحت کے حکام کے فیصلے کے بعد اسے اپ ڈیٹ کیا جائے گا۔

بوسٹر خوراک وصول کرنے کی آخری تاریخ کب ہے؟

حکام کے مطابق تمام شہریوں اور غیر ملکیوں کو بیس ستمبر دو ہزار اکیس تک کی مہلت دی گئی ہے تاکہ چھ ماہ سے زیادہ عرصہ پہلے سائنو فارم ویکسین کی دوسری خوراکیں حاصل کرنے والے تمام افراد کو بوسٹر خوراک نہ ملنے تک سبز درجہ برقرار رکھنے کی اجازت دی جائے۔

ایس ایم ایس کوڈ حاصل کرنے کا طریقہ

اتصالات کے صارفین چھتیس چھتیس پرحرف (آر) کے ساتھ ایس ایم ایس بھیج سکتے ہیں، جس کے بعد ان کا ایمریٹس آئی ڈی نمبر یا یو آئی ڈی (یونیفائڈ آئی ڈی ) فعال ہوجائے گا۔

الحسن ایپ پر جائیں

ہر کوئی ویب سائٹ ( m.alhosnapp.ae) کے زریعے الحسن ایپ تک رسائی حاصل کرسکتا ہے، اس کے لئے آپ اپنا ایمریٹس آئی ڈی نمبر یا یو آئی ڈی اپنے موبائل نمبر کے ساتھ درج کرسکتے ہیں، آپ کو اپنے موبائل نمبر پر ون ٹائم پاس ورڈ بھیجا جائے گا، ایک بار جب آپ اسے ویب سائٹ پر داخل کرتے ہیں تو آپ کو ایک لینڈنگ پیج بھیج دیا جائے گا جو آپ کو الحسن سے تمام تفصیلات فراہم کرتا ہے۔

بوسٹر خوراک کے بعد کیا میری الحسن ایپ گرین اسٹیٹس دکھائے گی؟

اس سوال کا جواب دیتے ہوئے حکام نے واضح کیا کہ جب تک آپ ہر تیس دن بعد پی سی آر ٹیسٹ لیتے ہیں، آپ الحسن ایپ پر گرین اسٹیٹس برقرار رکھیں گے۔

میں الحسن ایپ تک رسائی نہیں رکھتا، میں اپنی حیثیت یا معلومات کیسے چیک کرسکتا ہوں؟

الحسن ایپ آپ کو صرف گرین اسٹیٹس فراہم نہیں کرتی، یہ آپ کو مخصوص جگہوں تک رسائی کی اجازت دیتی ہے، یہ کووڈ ٹیسٹوں کا ڈیٹا بیس بھی ہے جو آپ نے لیا ہے، چھبیس اگست کو ابوظبی میڈیا آفس نے کچھ متبادل طریقے فراہم کئے جن کے زریعے صارفین الحسن ایپ پر موجود ٹیسٹنگ اور ویکیس نیشن کی معلومات تک رسائی حاصل کرسکتے ہیں اگر وہ خود ایپ تک رسائی حاصل نہیں کرسکتے۔

اس کوڈ کو ڈائل کریں

اتصالات کے صارفین ٭48٭ڈائل کرسکتے ہیں، اس کے بعد ان کا ایمریٹس آئی ڈی نمبر یا یو آئی ڈی پھر ہیش ٹائپ کرسکتے ہیں، ایک بار جب آپ اپنے فون کے زریعے یہ کوڈ بھیجیں گے ، آپ کو آپ کے لئے گئے ٹیسٹوں اور ان کے نتائج کے بارے میں تازہ ترین معلومات موصول ہوں گی۔

ستمبر 19, 2021
امریکا کا لاہور کیلئے فائزر ویکسین کی 3 لاکھ سے زائد خوراکوں کا عطیہ

لاہور : امریکا نے لاہور کے لیے فائزر ویکسین کی 3لاکھ سے زائد خوراکیں عطیہ کردی، ڈاکٹر یاسمین راشد کا کہنا ہے کہ 15 سال سے 18سال تک کے افرادکو فائزر ویکسین لگ رہی ہے۔

تفصیلات کے مطابق وزیر صحت پنجاب ڈاکٹر یاسمین راشد نے اپنے بیان میں کہا ہے کہ لاہور میں فائزر کی 3لاکھ 20ہزار580خوراکیں وصول کی جارہی ہیں، امریکاکی جانب سے ملتان، فیصل آباد کےبعد لاہورکوویکسین عطیہ کی گئی ہے۔

ڈاکٹر یاسمین راشد کا کہنا تھا کہ کورونا ویکسین مہم چل میں سپلائی کا مسلسل ہونا بہت ضروری ہے ، اب تک 3 کروڑ ویکسین لگ چکی ہے، 15 سال سے 18سال تک کے افرادکو فائزر ویکسین لگ رہی ہے۔

وزیر صحت پنجاب نے مزید کہا کہ اسپتالوں میں 87 فیصد کیس ویکسین نہ لگنے کی وجہ سے آئے ، آئی سی یو میں بھی وہ ہی لوگ ہیں جنھیں ویکسین نہیں لگی۔

گذشتہ روز امریکا نے سندھ کے لیے فائزر ویکسین کی مزید 3لاکھ20ہزار سے زائد خوراکوں کا عطیہ دیا تھا ، امریکی قونصل جنرل مارک آسٹرو نے ویکسین وزیرصحت سندھ کے حوالے کیں۔

خوراکیں امریکا کی جانب سے پاکستان کے لیے 66 لاکھ فائزر ویکسین کا حصہ ہیں ، کوویڈ ویکسین کی چوتھی قسط سے پاکستان کو ملی ویکسین کی تعداد ایک کروڑ 6 لاکھ ہوچکی ہے۔

اس موقع پر امریکی قونصل جنرل مارک آسٹرو نے کہا تھا کہ کوویڈکےخلاف پاکستانی عوام کےساتھ مل کرکام کرنے پر فخر ہے، عطیہ پاکستانی عوام کی زندگیاں بچانے اور وبا کے خاتمے کے لیے ہے۔

ستمبر 14, 2021
ڈیلٹا ویرینٹ کیخلاف کون سی ویکسین انتہائی مؤثر ہے؟ محققین نے بڑا دعویٰ کردیا

لندن : برطانوی ماہرین نے اپنی تحقیق میں دعویٰ کیا ہے کہ فائزر ویکسین کی دو خوراکیں ڈیلٹا ویرینٹ کیخلاف88 فیصد مؤثرہیں، مذکورہ ویکسین کو کورونا کی ابتدائی اقسام کے خلاف نتیجہ خیز اور کارگر قرار دیا گیا ہے۔

غیر ملکی خبر رساں ادارے کی رپورٹ کے مطابق ایک برطانوی تحقیق میں کہا گیا ہے کہ کورونا وائرس کے سدباب کیلئے تیارکی گئی فائزر ویکسین کی دو خوراکیں ڈیلٹا ویرینٹ کے خلاف 88 فیصد مؤثر رہیں۔

برطانوی تحقیق میں مزید کہا گیا ہے کہ کورونا وائرس کی ایسٹرازینیکا ویکسین کی دو خوراکیں ڈیلٹا ویرینٹ کے خلاف 60 فیصد مؤثر رہیں۔

برطانوی تحقیق میں یہ بھی بتایا گیا ہے کہ ڈیلٹا ویرینٹ کے خلاف فائزر ویکسین کی ایک خوراک 36 فیصد جبکہ ایسٹرازینیکا کی ایک خوراک 30فیصد مؤثر رہی۔

دوسری جانب چلی نے روسی کورونا وائرس کی ویکسین اسپوٹنک فائیو کے ہنگامی استعمال کی منظوری دے دی ہے۔

جولائی 23, 2021
فائزر ویکسین کی مزید کھیپ پاکستان پہنچ گئیں

اسلام آباد: بیرون ملک جانے والے افراد کے لئے بڑی خوشخبری ہے کہ امریکی کمپنی کی تیار کردہ فائزر ویکسین کی مزید کھیپ پاکستان پہنچ گئیں ہیں۔

ذرائع کے مطابق غیر ملکی ایئرلائن کے ذریعے مزید چودہ ہزار فائزر ویکسین کی ڈوز اسلام آباد پہنچی، اسلام آباد ایئرپورٹ حکام نے فائزر ویکسین ای پی آئی کےحوالےکی۔

ذرائع کا کہنا ہے کہ فائزر ویکسین ای پی آئی کے مرکزی ویئر ہاؤس منتقل کردی گئی، جہاں انہیں الٹرا کولڈ چین ریفریجریٹرز میں اسٹاک کیا گیا ہے۔

یاد رہے کہ پاکستان نےفائزر سے1کروڑ 30لاکھ ڈوز خریداری کا معاہدہ کیاہے، کوویکس گزشتہ ماہ پاکستان کو1لاکھ600 فائزرڈوز فراہم کرچکا ہے جبکہ فائزرکی جانب سےرواں ماہ مزید ویکسین فراہمی کا امکان ہے۔

فائزر دائمی امراض کا شکار،کمزورقوت مدافعت افراد کو لگائی جارہی ہیں، اسکے علاوہ بیرون ملک جانےکےخواہشمند افراد بھی اس سے مستفیذ ہورہے ہیں، امریکی ویکسین ملک کے مخصوص ویکسی نیشن سینٹرز پر دستیاب ہوگی۔

یہ بھی پڑھیں: فائزر کا پاکستان کو ویکسین سپلائی رواں ماہ سے شروع کرنے کا فیصلہ

دوسری جانب پاکستان میں کرونا وائرس کی چوتھی لہر کے وار جاری ہیں، سماجی فاصلے، ماسک کو نظر انداز کرنے اور ایس او پیز کی خلاف ورزیوں کے باعث پاکستان میں ایک بار پھر وائرس کی ہلاکت خیزیوں اور کیسز میں اضافہ جاری ہے۔

ملک میں گزشتہ 24 گھنٹوں کے دوران کورونا کے 2ہزار 579کیس رپورٹ ہوئے، گزشتہ روز کورونا کے 41 ہزار 186 ٹیسٹ کیے گئے جبکہ اس وبا سے مزید 40 افراد انتقال کرگئے ہیں۔

جولائی 21, 2021
فائزر ویکسین ڈیلٹا ویریئنٹ کے خلاف کتنی مؤثر ہے؟

اسرائیلی وزارت صحت کے زیرتحت ہونے والی ایک ابتدائی تحقیق میں یہ بات سامنے آئی ہے کہ فائزر اور بائیو این ٹیک کی تیار کردہ کوویڈ 19 ویکسین دنیا کی چند مؤثر ترین ویکسینز میں سے ایک ہے جس کی افادیت 90 فیصد سے زیادہ ہے تاہم کورونا وائرس کی نئی قسم ڈیلٹا کے خلاف یہ ویکسین اتنی زیادہ مؤثر نہیں۔

اس تحقیق میں وائرس کی ابتدائی اقسام کے خلاف اس ویکسین کی 95 فیصد افادیت کا موازنہ ڈیلٹا قسم سے کیا گیا تھا۔ بھارت میں سب سے پہلے سامنے آنے والی یہ قسم گزشتہ 2 ہفتوں کے دوران اسرائیل میں 90 فیصد سے زیادہ نئے کیسز کا باعث بنی ہے۔

تحقیق کے دوران جون کے مہینے میں اکٹھے کیے گئے ڈیٹا سے عندیہ ملا کہ فائزر ویکسین کی 2 خوراکوں کو استعمال کرنے والے افراد کو ڈیلٹا قسم کے خلاف 64 فیصد تک تحفظ ملتا ہے۔ تاہم تحقیق میں بتایا کہ ویکسین بیماری کی سنگین شدت اور ہسپتال میں داخلے سے بچانے کے لیے 93 فیصد تک مؤثر ہے۔

محققین نے بتایا کہ ڈیلٹا قسم بہت زیادہ متعدی ہے مگر نتائج سے عندیہ ملتا ہے کہ ویکسین کا استعمال لوگوں کو کووڈ کی سنگین شدت اور موت سے بچانے میں مددگار ہے۔

اس سے قبل مئی 2021 میں پبلک ہیلتھ انگلینڈ کی تحقیق میں بتایا گیا تھا کہ فائزر/بائیو این ٹیک اور ایسٹرازینیکا/ آکسفورڈ یونیورسٹی کی تیار کردہ کووڈ ویکسینز کورونا وائرس کی اس نئی قسم کے خلاف بہت زیادہ مؤثر ہیں۔

تحقیق میں دریافت کیا گیا کہ فائزر ویکسین کورونا کی دوسری خوراک استعمال کرنے کے 2 ہفتے بعد ڈیلٹا سے 88 فیصد تک تحفظ ملتا ہے۔ اس کے مقابلے میں ایسٹرازینیکا ویکسین کی ڈیلٹا کے خلاف افادیت 60 فیصد ہے۔

پبلک ہیلتھ انگلینڈ کے مطابق دونوں ویکسینز کی افادیت میں فرق کی ممکنہ وجہ یہ ہے کہ ایسٹرازینیکا ویکسین کی دوسری خوراک فائزر ویکسین کے مقابلے میں زیادہ وقفے کے بعد دی جاتی ہے۔

جولائی 6, 2021
سعودی عرب یا خلیجی ممالک جانے والے افراد کیلئے بڑی خوشخبری

لاہور :وزیر صحت پنجاب یاسمین راشد کا کہنا ہے کہ سعودی عرب یا خلیجی ممالک جانے والے افراد کیلئے فائزرویکسین دستیاب ہے، ورکنگ ویزہ اور متعلقہ درکار کوائف کے حاملین کو فائزر ویکسین لگانا شروع کردی۔

تفصیلات کے مطابق وزیر صحت پنجاب ڈاکٹر یاسمین راشد نے بیرون ملک جانے والے کو خوشخبری سناتے ہوئے کہا ہے کہ سعودی عرب یامڈل ایسٹ جانے والے افرد کیلئے فائزرویکسین دستیاب ہے۔

ڈاکٹر یاسمین راشد کا کہنا تھا کہ ورکنگ ویزہ،متعلقہ درکار کوائف کے حاملین کو فائزر ویکسین لگاناشروع کردی، میواسپتال لاہور،ہولی فیملی اسپتال راولپنڈی ، نشتراسپتال ملتان ، الائیڈاسپتال فیصل آبادمیں ویکسین لگائی جارہی ہے۔

وزیر صحت پنجاب نے مزید کہا کہ درج تمام سرکاری اسپتالوں میں فائزرویکسین کی وافر ڈوز پہنچا دی گئی ہیں۔

یاد رہے معاون خصوصی ڈاکٹر فیصل سلطان نے بتایا تھا کہ ملک میں فائزرویکسین کی51ہزارڈوززتقسیم کی جا رہی ہیں، کوویکس کےذریعےفائزرویکسین کے ایک لاکھ 6 ہزار ڈوز ملے ہیں۔

معاون خصوصی کا کہنا تھا کہ پنجاب کوایم آراین اے ویکسین کی26ہزار، سندھ کو12000اورکےپی کو8ہزارڈوزز اور بلوچستان کوویکسین کی 2000ڈوزملیں گی جبکہ اسلام آباد،گلگت بلتستان اورآزادکشمیرکوایک ایک ہزارڈوزز فراہم کی جائیں گی۔

جولائی 3, 2021
حکومت نے بیرون ممالک جانے والوں کو فائزر ویکسین لگانے کی اجازت دے دی

اسلام آباد : حکومت نےبیرون ممالک جانےوالوں کوفائزرویکسین لگانےکی اجازت دے دی، 26جولائی سےقبل بیرون ملک جانےوالوں کو فائزر ویکسین لگائی جائے گی۔

تفصیلات کے مطابق وزارت قومی صحت نےفائزر ویکسین کی عبوری گائیڈلائنز جاری کر دیں ، جس میں حکومت نےبیرون ممالک جانےوالوں کو فائزر ویکسین لگانےکی اجازت دے دی۔

وزارت قومی صحت کا کہنا ہے کہ 26جولائی سےقبل بیرون ملک جانےوالوں کوفائزرویکسین لگائی جائے گی ، چینی ویکسین تسلیم نہ کرنےوالےممالک جانے والوں، ورک،اسٹڈی ویزہ رکھنے والے افراد اور سعودی عرب ورک ویزہ پرجانےوالے کو فائزویکسین ویکسین لگائی جائےگی

گائیڈلائنزفائزرویکسین اسٹوریج، حوالگی،استعمال میں معاون ہوں گی ،گائیڈ لائنز میں کہا گیا ہے کہ فائزرویکسین کی تھرمل شپنگ کنٹینرزسےترسیل کی جائے، تھرمل شپنگ کنٹینرزمیں مطلوبہ ٹمپریچربرقرار رکھاجائے۔

گائیڈ لائنز کے مطابق فائزرویکسین کوالٹراکولڈچین فریزرزمیں محفوظ رکھاجائے، ویکسین کی اسٹوریج مقررہ درجہ حرارت پریقینی بنائی جائے اور اسٹوریج یونٹ کایومیہ ٹمپریچرریکارڈ کیاجائے۔

وزارت قومی صحت نے کہا ہے کہ فائزرویکسین کوکنٹینرزسےنکالتےوقت گائیڈلائنزکاخیال رکھا جائے اور ویکسین کی وائل استعمال سےقبل نہ کھولی جائے جبکہ فائزرویکسین ک ساتھ خصوصی سپلائی کٹ فراہم کی جائے۔

گائیڈ لائنز میں کہاگیا ہے کہ فائزرویکسین 18سال، زائدعمرافرادکولگائی جا سکتی ہے، پاکستان میں فائزرکوروناویکسین کی محدودمقداردستیاب ہے، فائزرویکسین کورونا کے ہائی رسک بیمارافراد کو لگائی جائےگی۔

گائیڈ لائنز کے مطابق فائزرویکسین حاجیوں،ورک، اسٹڈی ویزہ رکھنےوالےافراد ، حاملہ،دودھ پلانےوالی ماؤں ، امراض جگر،دائمی ہیپٹائٹس کےمریض ، دائمی نیورولوجیکل، فالج کےمریض کولگائی جائے گی۔

وزارت قومی صحت کا مزید کہنا تھا کہ ٹرانسپلانٹ کےمنتظرمریض 2 ہفتےقبل اور ٹرانسپلانٹ کرانےوالےمریض ایک ماہ بعدفائزرویکسین لگواسکتے ہیں ، کینسر ، امراض پتہ وجوڑکےمریض ، دائمی امراض تنفس کاشکار ، دائمی امراض قلب، ہائپرٹینشن کے مریض ڈاکٹرکےمشورے سے فائزر لگوا سکتے ہیں۔

گائیڈ لائنز میں کہا ہے کہ فائزرویکسین بخارمیں مبتلاافراد ، کوروناکےمریضوں اور شدیدالرجی کاشکارافراد کونہ لگائی جائے تاہم کوروناسےصحتیاب مریضوں کو فائزر ویکسین لگائی جا سکتی ہے۔

گائیڈ لائنز کے مطابق فائزرویکسین کومنفی 60 تا 80 ٹمپریچر پراسٹور رکھاجائے اور روشنی سےبچایا جائے، فائزرویکسین تیاری کےبعد6گھنٹےروم ٹمپریچر میں رکھی جا سکتی ہے، ویکسین کی ایک شیشی6ڈوز پرمشتمل ہے جبکہ فائزرویکسین کی دوسری ڈوز21دن بعدلگائی جائےگی۔

جون 25, 2021
پاکستان کا فائزر سے کورونا ویکسین کی 13 ملین خوراکیں خریدنے کا معاہدہ

اسلام آباد : پاکستان نے فائزر سے کورونا ویکسین کی 13 ملین خوراکیں خریدنے کا معاہدہ کرلیا ، معاہدے کے تحت 2021 کے آخر تک خوراکیں پاکستان پہنچ جائیں گی۔

تفصیلات کے مطابق پاکستان اور فائزر بائیو این ٹیک کے درمیان ویکسین فراہمی کا معاہدہ طے پاگیا ، جس کے تحت اس سال کے آخر تک فائزر پاکستان کو ویکسین کی 13 ملین ڈوز فراہم کرے گی۔

اس حوالے سے وزیر صحت فیصل سلطان نے خبر رساں ادارے روئٹرز کو بتایا کہ ویکسین کی فراہمی کا ابھی تک کوئی درست ٹائم لائن دستیاب نہیں لیکن حکومتی معاہدے کے تحت 2021 کے آخر تک خوراکیں پاکستان پہنچ جائیں گی۔

خیال رہے گذشتہ ماہ پاکستان نے بڑے پیمانے پر ویکسی نیشن مہم شروع کی تھی ، جس کے بعد ملک بھر میں اب تک ویکسین کی 12.9 ملین (1 کروڑ 29 لاکھ) ڈوز لگائی جا چکی ہیں۔

یاد رہے 29 مئی کو امریکی کورونا ویکسین فائزر کی ایک لاکھ ڈوز پاکستان پہنچی تھی ، فائزر ویکسین پاکستان کو کوویکس کی جانب سے فراہم کی گئی، ذرائع کا کہنا تھا کہ فائزر کوویکس سے پاکستان کو ملنے والی دوسری کورونا ویکسین ہے، رواں ماہ کوویکس سے پاکستان کو آسٹرازنیکا ویکسین کی پہلی کھیپ ملی تھی۔

پاکستان میں کورونا ویکسینیشن مہم میں بنیادی طور پر چینی ویکسین ، سائنوفرم ، کینسو بائیو اور ساینوواک ، آسٹرا زینیکا کا استعمال کیا جارہا ہے،آسٹرا زینیکا صرف بیرون ملک جانے والوں کو لگائی جارہی ہے۔

واضح رہے حکومت نے کورونا ویکسین کی خریداری کیلئے 1 ارب ڈالر کی منظوری دی تھی ، 70لاکھ افراد کو ویکسین لگانے کیلئے ویکسین خریداری کی منظوری دی گئی۔

جون 22, 2021
اوورسیز پاکستانیوں کا حکومت سے فائزر ویکسین لگانے کا مطالبہ

اسلام آباد:اوورسیز پاکستانیوں نے حکومت سے فائزر ویکسین لگانے کا مطالبہ کرتے ہوئے کہا بیرون ملک واپس جانے کیلئے فائزر ویکسین لگوانی لازم ہے۔

تفصیلات کے مطابق اوورسیز پاکستانیوں نے ایف نائن ماس ویکسینیشن سینٹر کے باہر احتجاجی مظاہرہ کیا ، مظاہرے میں مختلف شہروں سے آئے اوورسیز پاکستانی شریک ہوئے ، بینرز اور پلے کارڈز تھامے مظاہرین نے مطالبات کے حق میں نعرے بازی کی۔

مظاہرین نے حکومت سے اوورسیز پاکستانیوں کو فائزر ویکسین لگانے کا مطالبہ کرتے ہوئے کہا وباء کے دوران چھٹیوں پر بیرون ممالک سے پاکستان آئے تھے، بیرون ملک واپس جانے کیلئے فائزر ویکسین لگوانی لازم ہے۔

مظاہرین کا کہنا تھا کہ ماس ویکسںنیشن سنٹر میں فائزر ویکسین نہیں لگائی جا رہی ، فائزر ویکسین نہ لگوانے پر مطلوبہ ممالک داخلے پر پابندی ہے، حکومت اوورسیز پاکستانیوں کیلئے فائزر ویکسین کا فوری انتظام کرے۔

یاد رہے چند روز قبل حکومت نے فائزرکوروناویکسین کے استعمال کی حکمت عملی تبدیل کردی تھی ، ذرائع کا کہنا تھا کہ بیرون ملک جانے والے افراد ، اسٹڈی، ورک ویزہ پر جانے والوں کوفائزر ویکسین نہ لگانےکافیصلہ کیا ہے ، فائزرویکسین صرف حجاج اور دائمی امراض کے شکارافراد کولگائی جائےگی۔

ذرائع نے کہا تھا کہ فائزرکی دوسری کھیپ ملنےپربیرون ملک جانےوالوں کولگائی جائےگی، ابھی بیرون ملک جانےوالوں کیلئےآسٹرازنیکاویکسین دستیاب ہے، آسٹرازنیکا ویکسین سعودی عرب،یو اے ای سمیت یورپ میں تسلیم شدہ ہے۔

جون 14, 2021