میکسویل: آنجہانی آسٹریلوی کرکٹر فلپ ہیوز کی آخری رسومات ان کے آبائی قصبے میکسویل میں ادا کردی گئیں ہیں۔
فلپ ہیوز نے کیرئیر کی آخری اننگز بھی مکمل کرلی ہے، وہ اپنے اختتامی سفر پر روانہ ہوگئے، ہیوز کی آخری رسومات سرکاری اعزاز کے ساتھ ان کے آبائی قصبے میکسویل میں ادا کردی گئیں ہیں، جس میں ہزاروں لوگ شریک ہوئے۔
نامور کرکٹرز سمیت اعلیٰ شخصیات نے ہیوز کو خراج عقیدت پیش کیا، آسٹریلوی وزیرِاعظم ٹونی ایبٹ اور اپوزیشن لیڈر بھی اس موقع پر موجود تھے، میکسویل میں ہیوز کی میت کو گاڑی کے ذریعے آخری آرام گاہ پہنچایا گیا۔
اس موقع پر ہر آنکھ پرنم تھی، شہر کی فضا سوگوار تھی، آسٹریلوی کپتان مائیکل کلارک آخری پیغام میں بھی جذبات پر قابو نہ رکھ سکے اور رو پڑے۔
کلارک نے کہا کہ ہیوز سب کو پیارا تھا، وہ ہمارے دلوں میں ہمیشہ زندہ رہے گا، اس موقع پر شرکاء نے اپنے پیغامات بھی تحریر کئے، فلپ ہیوز پچیس نومبر کو حریف بولر کی گیند سر پر لگنے سے اسی گراؤنڈ میں شدید زخمی ہوگئے تھے، جہاں ان کی آخری رسومات ادا کی گئی ہیں۔
فلپ ہیوز کی شرٹ چونسٹھ کو ہمیشہ کیلئے ان کے نام سے موسوم کردیا گیا ہے۔
