ARYNews.tv | Urdu – Har Lamha Bakhabar

Tag: Photos

  • احمد علی اکبر کے ولیمے کی تصاویر سامنے آگئیں

    احمد علی اکبر کے ولیمے کی تصاویر سامنے آگئیں

    پاکستان شوبز انڈسٹری کے معروف اداکار احمد علی اکبر اور ماہم بتول کے ولیمے کی چند تصاویر سامنے آگئیں۔

    احمد علی اکبر پاکستان کے بہترین ٹیلنٹ میں سے ایک ہیں، ان کی اداکاری کی صلاحیت نے انہیں مداحوں کا پسندیدہ بنا دیا ہے۔ ان کے تمام پراجیکٹس کو ناظرین کی جانب سے پسند کیا جاتا ہے۔

    اداکار نے اب اپنی زندگی کے نئے مرحلے کا آغاز کیا ہے متعدد میڈیا رپورٹس کے مطابق اداکار احمد علی اکبر شادی کے بندھن میں بندھ گئے ہیں۔

     

    View this post on Instagram

     

    A post shared by Galaxy Lollywood (@galaxylollywood)

    رپورٹ کے مطابق پاکستان کے مشہور اداکار احمد علی اکبر نے ایک نجی شادی کی تقریب میں ماہم بتول کے ساتھ شادی کر لی، حال ہی میں اداکار کی ان کی اہلیہ کے ساتھ ایک دلچسپ تصاویر بھی سامنے آئی ہے۔

    فوٹو اینڈ ویڈیو شیئرنگ پلیٹ فارم انسٹاگرام پر سامنے آنے والی تصاویر میں اداکار کو اپنے ولیمے میں دلہن کے ساتھ دیکھا جاسکتا ہے۔

    احمد علی اکبر کی مہندی نائٹ کی تصاویر اور ویڈیوز منظرِ عام پر آ گئیں

    سوشل میڈیا پر سامنے آنے والی ابتدائی جھلکیوں میں احمد علی اکبر کو گرے سوٹ میں ملبوس دیکھا جاسکتا ہے جبکہ ان کی دلہن کا چہرہ ان تصاویر میں دکھائی نہیں دے رہا تاہم نئی نویلی دلہن ماہم بتول نے ولیمے کی تقریب میں ہلکے گلابی لانگ ٹیل نیٹ کے دوپٹے کے ساتھ سلور لانگ ٹیل میکسی زیبِ تن کی۔

     

    View this post on Instagram

     

    A post shared by Uzair Jaswal (@uzairjaswalofficial)

    دوسری جانب احمد علی اکبر کے ساتھی فنکاروں نے اسلام آباد میں ہونے والی ولیمے کی تقریب کی اپنی سیلفیز بھی پوسٹ کی ہیں، جبکہ اداکار عثمان خالد بٹ کے شوٹ کا ایک کلپ بھی سوشل میڈیا پر وائرل ہے۔

    اداکار عثمان مختار نے فوٹو اینڈ شیئرنگ ایپ انسٹاگرام پر چند تصاویر شیئر کی جس میں اداکار کو عثمان خالد بٹ، عثمان مختار ان کی اہلیہ زنیرہ انعام خان اور گلوکار عزیر جیسوال کے ساتھ انجوائے کرتے ہوئے دیکھا جاسکتا ہے۔

    واضح رہے کہ جنوری 2025 کے اختتام پر احمد علی اکبر کی شادی کی افواہیں گردش کرنے لگیں تھی تاہم اب تک انہوں نے اپنے آفیشل پیچ پر اس شادی کی تصاویر شیئر نہیں کی ہیں۔

  • ماورا حسین کے نکاح پر عروہ اور فرحان توجہ کا مرکز بن گئے، تصاویر وائرل

    ماورا حسین کے نکاح پر عروہ اور فرحان توجہ کا مرکز بن گئے، تصاویر وائرل

    پاکستان شوبز انڈسٹری کی معروف اداکارہ ماورا حسین کے نکاح پر اداکارہ عروہ حسین اور فرحان سعید توجہ کا مرکز بن گئے۔

    گزشتہ روز لالی و بالی ووڈ اداکارہ ماورا حسین نے اداکار امیر گیلانی سے شادی نے شادی کا اعلان کیا اور ساتھ کی نکاح کی تصاویر شیئر کی تھی جسے دیکھ کر مداح حیران رہ گئے تھے۔

    اداکارہ کی جانب سے شیئر کی گئی خوبصور تصاویر میں دونوں کو خوشگوار موڈ میں دیکھا گیا، جوڑے نے مشترکہ پوسٹ کے کیپشن میں لکھا ’بالآخر افراتفری کے عالم میں، میں نے آپ کو ڈھونڈ لیا‘۔

     

    View this post on Instagram

     

    A post shared by URWA TUL WUSQUA HOCANE (@urwatistic)

    انسٹاگرام پوسٹ پر شوبز شخصیات اور مداحوں کی جانب سے جوڑے کو مبارکباد اور نیک خواہشات کا اظہار کیا جا رہا ہے۔

    ماورا حسین نے اس موقعے پر منٹ گرین رنگ کے عروسی جوڑے میں ملبوس نظر آئیں جبکہ امیر گیلانی نے سیاہ شلوار، قمیص، واسکٹ کے ساتھ شال پہن رکھی تھی۔

    جہاں اس موقع پر ماورا حسین اور امیر گیلانی کے چہرے کے تاثرات انکی محبت کو بیان کر رہے تھے وہیں عروہ حسین اور فرحان سعید مداحوں کی توجہ حاصل کرنے میں کامیاب ہوئے، جوڑے کی متعدد تصاویر میں انہیں بے انتہا دلکش دکھنے کے ساتھ ساتھ خوش بھی نظر آرہے ہیں۔

     

    View this post on Instagram

     

    A post shared by MAWRA (@mawrellous)

    عروہ حسین اور فرحان سعید نے ان یادگار لمحات کی جھلکیاں اپنے انسٹاگرام اکاؤنٹ پر شیئر کیں، عروہ نے نکاح کے موقع پر سرخ جوڑا زیب تن کیا جبکہ فرحان نے سیاہ رنگ کا انتخاب کرتے ہوئے رنگ برنگی شلوار قمیض پہنی جبکہ ان کی بیٹی جہاں آرا سعید بھی تقریب میں شریک نظر آئیں۔

    شوبز انڈسٹری کے باخبر ذرائع کا کہنا ہے کہ اداکارہ عروہ اور گلوکار نے اس موقعے پر بھارت کے معروف ڈیزائنر منیش ملہوترا کا تیار کردہ سوٹ پہنا تھا۔

     

    View this post on Instagram

     

    A post shared by URWA TUL WUSQUA HOCANE (@urwatistic)

    شیئر کی گئیں تصاویر میں سے ایک میں عروہ، فرحان اور ننھی جہاں آرا ایک ساتھ بیٹھ کر پوز دیتے دکھے جبکہ ان کے پیچھے نوبیاہتی جوڑی ماورا حسین اور امیر گیلانی کھڑے مسکراتے دکھے۔

    ایک تصویر میں ماورا حسین کی پوری فیملی ایک ساتھ پوز دیتی دکھی جبکہ ایک جگہ عروہ حسین نکاح کے وقت اپنی بہن کی آنکھوں سے آنسو پونچھتی دکھیں۔

  • واٹس ایپ صارفین کے لیے ایک اور دلچسپ فیچر

    واٹس ایپ صارفین کے لیے ایک اور دلچسپ فیچر

    اسمارٹ فون میسجنگ ایپ واٹس ایپ نے صارفین کے لیے ایک اور کارآمد فیچر متعارف کروا دیا، یہ فیچر جلد تمام صارفین کے لیے دستیاب ہوگا۔

    واٹس ایپ کے مطابق آنے والے دنوں میں یہ فیچر ہر ایک کو دستیاب ہوگا، اس اپ ڈیٹ کے بعد چیٹس میں تصاویر اور ویڈیوز کا زیادہ بڑا ویو دیکھنا ممکن ہوسکے گا۔

    کمپنی کے مطابق اس فیچر سے چیٹس میں بڑے فارمیٹ میں تصاویر اور ویڈیوز کو بھیجنا بھی ممکن ہوجائے گا۔

    اس فیچر کا اعلان ایک ٹویٹ میں کیا گیا اور اسے سمجھانے کے لیے ایک ویڈیو بھی ساتھ پوسٹ کی گئی۔ اس وقت واٹس ایپ میں بھیجی جانے والی تصاویر کراپ محسوس ہوتی ہیں اور مکمل دیکھنے کے لیے ان کو کلک کرکے اوپن کرنا پڑتا ہے۔

    اس نئی اپ ڈیٹ کے بعد واٹس ایپ میں پوری تصویر چیٹ کے اندر ہی نظر آئے گی اور اس پر کلک کرنے کی ضرورت نہیں ہوگی۔ اس تبدیلی کا اطلاق واٹس ایپ چیٹس میں بھیجی جانے والی ویڈیوز پر بھی ہوگا۔

    اس نئے فیچر کو واٹس ایپ نے اپریل میں آئی او ایس ڈیوائس کے لیے متعارف کرایا تھا مگر اب یہ فیچر تمام صارفین کے لیے دستیاب ہے۔

    واٹس ایپ نے ٹویٹ میں لکھا کہ ایپ میں اب تصاویر اور ویڈیوز پہلے سے زیادہ بڑی ہوں گی، تو کوئی بھی اب نامکمل تصویر نہیں دیکھے سکے گا۔

  • کرونا وائرس سے بچنے کے لیے صرف ہاتھ دھونا کافی نہیں

    کرونا وائرس سے بچنے کے لیے صرف ہاتھ دھونا کافی نہیں

    سوشل میڈیا پر تصاویر کا ایک مجموعہ تیزی سے وائرل ہورہا ہے جس میں ہاتھ دھونے کی اہمیت کو اجاگر کیا گیا ہے۔

    کرونا وائرس کے پیش نظر عالمی ادارہ صحت نے صحت و صفائی کے بنیادی اصول اپنانے پر زور دیا ہے جن میں ہاتھ دھونا سرفہرست ہے۔

    سوشل میڈیا پر وائرل مذکورہ تصاویر میں بتایا گیا ہے کہ صرف ہاتھ دھونے، اور صحیح طریقے سے ہاتھ دھونے میں فرق ہے۔

    معروف امریکی اداکارہ کرسٹین بیل کی جانب سے شیئر کی گئی ان تصاویر میں دکھایا گیا ہے کہ ہاتھ نہ دھونا اور صحیح طریقے سے 30 سیکنڈز تک ہاتھ دھونا کس طرح جراثیم سے بچا سکتا ہے۔

    ان مائیکرو اسکوپک تصاویر میں ہاتھ نہ دھونے، چند سیکنڈ کے لیے ہاتھ دھونے، صابن کے بغیر اور صابن کے ساتھ ہاتھ دھونے اور درست طریقے سے ہاتھ دھونے کے بعد کا فرق دکھایا گیا جس میں جراثیم کی تعداد میں واضح کمی دکھائی دے رہی ہے۔

     

    View this post on Instagram

     

    My mom sent me the hand washing black light comparison. 30 SECONDS WITH SOAP YALL!!!

    A post shared by kristen bell (@kristenanniebell) on

    برطانوی نیشنل ہیلتھ سروس کے مطابق صابن سے اچھی طرح اتنی دیر تک ہاتھ دھوئیں، جتنی دیر میں دو بار ’ہیپی برتھ ڈے ٹو یو‘ کا گانا مکمل ہوسکے۔

    خیال رہے کہ برطانیہ میں اب تک کرونا وائرس کے 206 مریضوں کی تصدیق ہوچکی ہے جبکہ 2 افراد ہلاک ہوچکے ہیں۔

    برطانیہ سمیت کرونا وائرس 103 ممالک کو اپنی لپیٹ میں لے چکا ہے، وائرس سے متاثر افراد کی تعداد 1 لاکھ 6 ہزار 211 ہو گئی ہے۔

    چین کے بعد سب سے زیادہ اموات اٹلی میں ہوئی ہیں جہاں وائرس سے ہلاک افراد کی تعداد 233 ہو گئی، دنیا بھر میں وائرس سے اموات کی تعداد 3 ہزار 600 ہوگئی ہے، جبکہ 60 ہزار 190 افراد صحتیاب ہو چکے ہیں۔

  • 17 سالہ لڑکی کا قتل، قاتل نے لاش کی تصاویر سوشل میڈیا پر پوسٹ کردیں

    17 سالہ لڑکی کا قتل، قاتل نے لاش کی تصاویر سوشل میڈیا پر پوسٹ کردیں

    نیویارک: امریکی شہر نیویارک میں ایک 21 سالہ لڑکے نے اپنی 17 سالہ دوست کو قتل کر کے اس کی لاش کی تصاویر سوشل میڈیا پر پوسٹ کردیں۔

    21 سالہ کلارک نے اس قتل کا ارتکاب چند ماہ قبل کیا تھا اور اب اس پر فرد جرم عائد کردی گئی ہے۔

    کلارک نے اپنی دوست کو قتل کرنے کے بعد اپنے گلے پر چھری مار کر خود کو بھی مارنے کی کوشش کی تاہم وہ بچ گیا، پولیس نے اسپتال سے فارغ ہوتے ہی اسے گرفتار کرلیا۔

    پولیس کے مطابق قاتل اور مقتولہ ڈیونس کی دوستی سماجی رابطے کی ویب سائٹ انسٹاگرام پر ہوئی تھی۔ ڈیونس سوشل میڈیا کی ایک معروف شخصیت تھی خصوصاً مختلف آن لائن گیمنگ پلیٹ فارمز پر اس کے مداحوں کی خاصی تعداد موجود تھی۔

    واقعے کے روز دونوں رات کے وقت ایک کنسرٹ سے واپس آرہے تھے، راستے میں ان دونوں کی کسی بات پر لڑائی ہوئی اور یہی لڑائی ڈیونس کے قتل کی وجہ بنی۔

    قتل کے بعد کلارک نے لاش کی تصاویر گیمنگ کمیونٹی کے استعمال کیے جانے والے ایک سوشل میڈیا پلیٹ فارم پر پوسٹ کردیں۔

    عدالت میں کلارک نے اپنے جرم پر پچھتاوے کا اظہار کیا اور معافی مانگی، فرد جرم عائد ہونے کے بعد اب کلارک کو 25 سال قید کی سزا سنائے جانے کا امکان ہے۔

  • بھارتی سرکار دو نہتے پاکستانی نوجوانوں سے خوفزدہ، تصاویر شہروں میں چسپاں کردیں

    بھارتی سرکار دو نہتے پاکستانی نوجوانوں سے خوفزدہ، تصاویر شہروں میں چسپاں کردیں

    نئی دہلی : بھارتی حکومت اور میڈیا دو عام پاکستانیوں کی فیس بک پر موجود تصویر سے خوفزدہ ہوگئے، دو نوجوانوں کی تصاویر شہروں میں چسپاں کردی گئیں۔

    تفصیلات کے مطابق مودی سرکار ہو یا بھارتی میڈیا سب پاکستان فوبیا کا شکار ہیں، مودی سرکاراور بھارتی میڈیا دو پاکستانیوں کی فیس بک پر موجود تصویر سے خوفزدہ ہوگئے۔

    فیس بک کی تصویر پر بھارتی میڈیا نے اپنی مضحکہ خیز رپورٹ میں دونوں پاکستانی نوجوانوں کو نئی دہلی کیلئے خطرہ قرار دے دیا، دونوں طالب علم کچھ روز پہلے رائیونڈ کے اجتماع میں شرکت کیلئے لاہور آئے تھے، سیرو تفریح کے دوران دونوں طالب علموں نے واہگہ بارڈر پر نصب سنگ میل کے قریب تصویر بنوائی تھی۔

    یہ تصویر اس سنگ میل پر بنائی گئی جس درج تھا کہ دہلی 360کلومیٹر اور فیروز پور نو کلو میٹر ہے، ایک نوجوان نے فیس بک پر "دلی کی فتح "کے نام سے یہ تصویر اپلوڈ کردی، بس پھر کیا تھا، تصویر دیکھتے ہی بھارت کی خفیہ ایجنسیوں اور پولیس کی دوڑیں لگ گئیں۔

    پاکستان میں لی گئی تصویر پر دونوں نوجوانوں کو بھارتی پولیس نے دہشت گرد قرار دے دیا، بوکھلاہٹ کی شکار بھارتی پولیس نے پاکستانی نوجوانوں کی تصویریں پہاڑ گنج کے علاقے کی مختلف دیواروں پر چسپا کردیں، بھارتی میڈیا نے دعویٰ کیا ہے کہ دونوں نوجوانوں کی تصویر بھارتی خفیہ ایجنسی نے پولیس کو دی تھیں۔

    واضح رہے کہ یہ ایک ایسی جگہ جہاں روزانہ سینکڑوں لوگ تصویریں بناتے اور فیس بک پہ ڈالتے ہیں لیکن جونہی داڑھی ٹوپی والے مدرسہ کے طلبہ نے ایک تصویر کھینچی سرحد پار ایک بھونچال کھڑا ہوگیا۔

    حقیقتاً ایک بے ضرر سی تصویر کو لے کے ایسا پتنگڑ بنا دیا گیا کہ دہلی پولیس نے شہر بھر میں ان کی تصاویر کے پوسٹر آویزاں کر کے شہریوں کو محتاط رہنے کی تلقین کر دی۔

    یہ طلبہ فیصل آباد کے ایک بڑے دینی ادارے جامعہ اسلامیہ امدادیہ میں زیر تعلیم ہیں، سالانہ رائیونڈ اجتماع کے دوران بارڈر پر گئے اور ایک عام سی تصویریں کھینچی گئی جو کہ بعد ازاں فیس بک پہ ڈال دی گئی لیکن داڑھی اور ٹوپی والے مسلمانوں سے خوفزدہ بھارتی سرکار کے دماغوں پہ ایسے سوار ہیں کہ انہیں اب خواب بھی ان ہی کے آتے ہیں۔

  • موسیقی بجائے بغیر مسحور کردینے والے ساز

    موسیقی بجائے بغیر مسحور کردینے والے ساز

    مختلف اقسام کے آلہ موسیقی جب کسی ماہر کے ہاتھوں بج اٹھتے ہیں تو سننے والوں کو مسحور کردیتے ہیں، تاہم ایک فنکار نے ان سازوں کو ایسے انداز سے پیش کیا ہے کہ سب حیران رہ گئے ہیں۔

    رومانیہ کے فنکار ایڈریان بوردا خود تو کوئی آلہ موسیقی نہیں بجا سکتے، تاہم وہ ان سازوں کے ذریعے اپنے فن کا لوہا منوا رہے ہیں۔

    ایڈریان ایک مصور اور فنکار ہیں۔ ایک اتفاق سے شروع ہونے والی ان کی فوٹو سیریز اس وقت بہت پسند کی جارہی ہے جس میں آلات موسیقی کے اندرونی حصے کو عکس بند کیا گیا ہے۔

    جی ہاں، ان آلات کی موسیقی جہاں ایک طرف تو لوگوں کو مسحور کردیتی ہے تو دوسری طرف ان کے اندر کی بناوٹ بھی بہت خوبصورت ہے جسے رومانیہ کے یہ فنکار پیش کر رہے ہیں۔

    ایڈریان کہتے ہیں کہ وہ رومانیہ کے شہر ریگھی میں رہتے ہیں جسے وائلنز کا شہر کہا جاتا ہے۔ یہاں بہت بڑی تعداد میں وائلن بنائے جاتے ہیں جو رومانیہ بھر میں بھیجے جاتے ہیں۔

    یہاں کے مصور بھی وائلن کو کسی نہ کسی طرح اپنی پینٹنگز کا حصہ بناتے ہیں۔

    ایڈریان کا کہنا ہے کہ اس نے ایک بار ان آلات کو مرمت کے لیے کھلا ہوا دیکھا تھا، تب اس نے ان کے اندر اپنا کیمرا رکھ دیا۔ بعد ازاں آنے والی تصاویر بہت حیرت انگیز تھیں۔

    ان آلات کی اندرونی بناوٹ اور اس میں سے چھن کر جاتی ہوئی روشنی ان تصاویر کو بہت سحر انگیز بنا دیتی ہے۔

    آپ بھی یہ تصاویر دیکھیں۔

  • علی گڑھ یونیورسٹی: قائداعظم کے بغض میں گاندھی کی تصویر بھی ہٹادی گئی

    علی گڑھ یونیورسٹی: قائداعظم کے بغض میں گاندھی کی تصویر بھی ہٹادی گئی

    نئی دہلی : علی گڑھ مسلم یونیورسٹی سے غائب ہونے والی قائداعظم محمد علی جناح کی تصویر گاندھی سے متعلق تقریب میں دوبارہ یونیورسٹی کی لائبریری میں لگا کر ہٹا دی گئی۔

    تفصیلات کے مطابق بھارتی حکمران جماعت بی جے پی کے رہنما ستیش کمار کے مطالبے کے بعد علی گڑھ یونیورسٹی سے بانی پاکستان قائداعظم محمد علی جناح کی مئی میں غائب ہونے والی تصویر گاندھی سے متعلق تقریب کے دوران واپس جامعہ کی مولانا آزاد لائبریری میں لگا کر ہٹا دی گئی۔

    مقامی خبر رساں ادارے کا کہنا ہے کہ تصویری نمائش علی گڑھ مسلم یونیورسٹی انتظامیہ کی جانب سے 2 اکتوبر کو منعقد کی گئی تھی، علی گڑھ مسلم یونیورسٹی کے ترجمان شفی کدوائی کا کہنا ہے کہ تصویر خاموشی سے ہٹائی گئی، جس سے جامعہ کی انتظامیہ آگاہ نہیں تھی۔

    بھارتی خبر رساں ادارے کا کہنا تھا کہ علی گڑھ مسلم یونیورسٹی کی جانب سے لائبریری انچارج کو قائد اعظم محمد علی جناح اور گاندھی کی تصویر غائب کرنے پر شوکاز نوٹس جاری کر دیا گیا ہے۔

    خیال رہے کہ نام نہاد جمہوری حکمران جماعت بی جے پی کے رکن پارلیمنٹ ستیش کمار نے سوال اٹھایا تھا کہ قائداعظم محمد علی جناح کی تصویر طلبہ یونین کے دفتر میں کیا کررہی ہے۔

    رکن پارلیمنٹ ستیش کمار کا کہنا تھا کہ ہم ہرگز محمد علی جناح کی تصویر  گاندھی جی کی تصویر کے ساتھ برداشت نہیں کرسکتے کیوں کہ جناح بھارت کے ٹکڑے کرنے کے ذمہ دار ہیں۔

    بھارتی میڈیا کے مطابق علی گڑھ کی سابق ناظم اور بی جے پی رہنما شاکنتلا بھارتی کا کہنا ہے کہ ’کیا وہ گاندھی جیانتی منا رہے ہیں یا جناح جیانتی؟ اگر انہیں محمد علی جناح کی تصویر لگانی ہے انہیں پاکستان جانا چاہیے‘۔

    بھارت کے قومی اقلیتی تعلیم پر نظر رکھنے والی کمیٹی کے رکن مین ویندرا پرتاب سنگھ کا کہنا ہے کہ کیوں جناح کا بھوت جامعہ کو ڈراتا ہے؟

    ان کا کہنا تھا کہ کئی باعزت شخصیات ہیں جن کی تصویر گاندھی کے ساتھ لگائی جاسکتی ہے کیوں صرف محمد علی جناح کی تصویر ہی لگائی جاتی ہے۔

    واضح رہے کہ بی جے پی رہنما نے جامعہ کی انتظامیہ سے کہا تھا کہ ہندوستان کی تقسیم کے بعد قائد اعظم کی تصویر کیوں نہیں ہٹائی گئی، جس پر انتظامیہ نے جواب دیا تھا کہ قائد اعظم محمد علی جناح کو 1938 میں علی گڑھ یونیورسٹی کی اعزازی رکنیت دی گئی تھی۔

    علی گڑھ یونیورسٹی کی جانب سے جاری بیان میں مزید کہا گیا تھا کہ قائد اعظم سمیت کئی رہنماؤں کی تصاویر بھی یونیورسٹی میں لگائی گئی ہیں، بی جے پی رہنما کا مطالبہ سراسرغلط اورمسلم دشمنی کا منہ بولتا ثبوت ہے۔

  • شہزادے ہیری اور میگھن مرکل کی منگنی کی تصاویر منظرعام پر

    شہزادے ہیری اور میگھن مرکل کی منگنی کی تصاویر منظرعام پر

    لندن : برطانوی شہزادے ہیری اور امریکی اداکارہ میگھن مرکل کی منگنی کی تصاویرمنظرعام پر آگئیں، آئندہ سال 19 مئی کو یہ جوڑا شادی کے بندھن میں بندھ جائے گا۔

    تفصیلات کے مطابق شاہی خاندان نے برطانوی شہزادے ہیری اور امریکی اداکارہ میگھن مرکل کی منگنی کی تصاویر شائع کردیں۔

    برطانوی شہزادے ہیری اور امریکی اداکارہ میگھن مرکل نے نیویارک کے مشہور فیشن فوٹوگرافر الیگزی لوبومرسکی سے اپنی منگنی کی تصویریں بنوائیں۔

    نیویارک کے مشہور فیشن فوٹوگرافرالیگزی لوبومرسکی لیڈی ڈیانا کی تصویروں کے لیے مشہور فوٹوگرافر ماریو ٹیسٹینو کے سابق اسسٹنٹ رہ چکے ہیں۔

    خیال رہے کہ گزشتہ ماہ 27 نومبر کو برطانوی شہزادے ہیری نے امریکی اداکارہ میگھن مارکل سے منگنی کی تھی۔

    لندن : شہزادہ ہیری کی امریکی اداکارہ میگھن مرکل سے منگنی

    شاہی خاندان کی جانب سے اپنے آفیشل ٹوئٹر اکاؤنٹ پر شہزادے ہیری اورمیگھن مرکل کی منگنی کا اعلان کرتے ہوئے کہا تھا کہ دونوں کی شادی دوہزاراٹھارہ کے موسم بہارمیں ہوگی۔

    یاد رہے کہ 2 دسمبر 2017 کو برطانوی شہزادے ہیری کی اپنی منگیترمیگھن مرکل کے ساتھ نوٹنگھم آمد پرعوام نے پرتپاک استقبال کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • خلا سے مکمل سورج گرہن کا منظر

    خلا سے مکمل سورج گرہن کا منظر

    واشنگٹن : سورج گرہن آ گیا اور چلا گیا! تاریخی لمحہ جب امریکا میں دن میں رات ہوگئی، زمین پر تو اس منظر کا نظارہ سب نے کیا لیکن خلا میں مکمل سورج گرہن کا منظر کیسا تھا، دنیا بھر کی خلائی ایجنسیوں اور خلا میں موجود خلانورد نے اس کا نظارہ کیا اور تصاویر شیئر کی۔

    سپر پاور پر مکمل اندھیرا میں ڈوب گیا، امریکا میں یہ منظر سو سال بعد دیکھا گیا، ایک صدی بعد مکمل سورج گرہن نے نیو یارک سے سیاٹل تک کا حصہ تین سے چار منٹ سورج کی روشنی سے محروم رہا۔

    جہاں امریکی شہریوں نے اس سورج گرہن کا نظارہ کیا اور اس منظر کو اپنے کیمروں میں محفوظ کیا وہی دنیا بھر میں خلائی ایجنسیوں اور خلا بازوں نے سورج گرہن کی ایسی تصاویر لی، جو ہم کبھی خواب میں بھی لینا کا نہیں سوچ سکتے۔

    امریکی خلائی مسافر جیک فشر نے ایک تصویر ٹویٹ کی جب وہ اور ان کے ساتھ کام کرنے والے ساتھی اس کی منصوبہ بندی کررہے تھے۔

    اٹلالین خلاء باز پاؤلو نے بھی اس ںظارے کی محفوظ کرنے کیلئے کیمرے میں سولر فلٹر کے ساتھ 400 میلی میٹر کا لیس نصب کیا اور اپنے کیمرے میں خوبصورت منظر کو قید کیا ۔


    امریکی خلائی ایجنسی ناسا نے براہ راست مکمل سرج گرہن دیکھنے کا اہتمام کیا جبکہ خلا میں سیٹلائیٹس سے تصاویر بھی لیں۔

    یورپی سپیس ایجنسی کی ’پروبا 2‘ سیٹیلائٹ نے بھی خلا سے مکمل سورج گرہن کے خوبصورت تصویر لی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔