Tag: PIA flight operation

کراچی : ایندھن کی فراہمی پی آئی اے آج اندرون و بیرون ملک 51 پروازیں آپریٹ کی گئیں، فلائٹ شیڈول میں بہتری کے بعد آج کم فلائٹس منسوخ کی گئیں ہیں۔

تفصیلات کے مطابق پی آئی اے فلائٹ آپریشن جزوی طور پر بحالی کی طرف گامزن ہے،پی آئی اے آج مجموعی طور پر اندرون و بیرون ملک 51 پروازیں آپریٹ کی گئیں۔

اس حوالے سے ترجمان پی آئی اے کا کہنا ہے کہ پروازوں میں بیشتر تعداد بین الاقوامی فلائٹس کی ہے، آج چھوٹے سیکٹر کی پروازوں کی روانگی بھی ممکن بنائی گئی۔

ترجمان کے مطابق اندرون ملک کے دورافتادہ مقامات گلگت،اسکردو اور کراچی سے کوئٹہ کی پروازیں بھی آپریٹ کی گئی، پی آئی اے کی کراچی کوئٹہ پروازیں 8 دن بعد بحال ہوئیں تاہم کچھ پروازیں منسوخ کی گئیں۔

کراچی: پاکستان انٹرنیشنل ایئر لائن (پی آئی اے) کا فلائٹ آپریشن شدید طور پر متاثر ہونا شروع ہو گیا۔

تفصیلات کے مطابق قومی ایئرلائن کو فنڈز کی شدید قلت کا سامنا ہے، جس کی وجہ سے فلائٹ آپریشن شدید متاثر ہونا شروع ہو گیا ہے، اور پی آئی اے کی کراچی سے جانے والی دو طرفہ 14 پروازیں منسوخ کر دی گئیں۔

ذرائع کے مطابق پی ایس او سے طیاروں کا ایندھن ملنے میں مشکلات کی وجہ سے کراچی سے تربت، بہالپور، فیصل آباد، اسلام آباد، اور لاہور کی دوطرفہ پروازیں منسوخ کی گئیں، کراچی سے سکھر کی پرواز بھی منسوخ کی گئی۔

کراچی سے مسقط کی بھی دو طرفہ پروازیں منسوخ ہو گئی ہیں، فنڈز کی قلت کی وجہ سے پی آئی کے تمام ملازمین کو تنخواہوں کی ادائیگی بھی نہ ہو سکی، اس صورت حال میں قومی ایئر لائن نے حکومت سے فوری مدد کی اپیل کر دی ہے۔

ترجمان پی آئی اے کا کہنا ہے کہ وزارت خزانہ سے ادارہ رابطے میں ہے، جیسے ہی فنڈز ملیں گے تنخواہیں ادا کر دی جائیں گی۔