کراچی : بغیر کام تنخواہ لینے والے پی آئی اے پائلٹس کے گرد گھیرا تنگ ہوگیا، 400 میں سے 150 پائلٹس کے مبینہ جعلی لائسنس کا انکشاف ہوا ہے، چار پائلٹس کو نوکریوں سے فارغ کرنے کا فیصلہ کرلیا گیا۔
تفصیلات کے مطابق پی آئی اے کے 400 میں سے 150 پائلٹس کے مبینہ جعلی لائسنس کا انکشاف ہوا ہے، ان تمام پائلٹس کو سیفٹی کے لیے خطرہ قرار دیتے ہوئے فہرستیں طلب کر لی گئی ہیں۔
اس کے علاوہ پی آئی اے کے ایسے پائلٹس کے گرد گھیراتنگ ہوگیا ہے جو گھر بیٹھے تنخواہیں لے رہے تھے ،حکومت نے قومی ایئرلائن کے 4 پائلٹس کو نوکریوں سے فارغ کرنے کا فیصلہ کیا ہے
اس حوالے سے ذرائع کا کہنا ہے کہ ڈیڑھ سال میں کوئی بھی فلائٹ آپریٹ نہ کرنے والے پائلٹ تنخواہیں لیتے رہے ہیں، پائلٹس کی شیڈولنگ کرنے والوں کیخلاف بھی کارروائی کی جائے گی۔
دوسری جانب حکومت نے ایسے تمام پائلٹوں کے خلاف سخت کارروائی کرنے کا فیصلہ کیا گیا ہے جو مبینہ طور پر جعلی لائسنس پر طیارے اڑا رہے ہیں، سول ایوی ایشن اتھارٹی نے ایسے تمام پائلٹس کو انکوائری مکمل ہونے تک فوری طور پر گراؤنڈ کرنے کا فیصلہ کیا ہے۔
