ARYNews.tv | Urdu – Har Lamha Bakhabar

Tag: PIA plane

  • دوران پرواز موبائل کی بیٹری پھٹ جاتی تو بڑا حادثہ ہوسکتا تھا، خاتون مسافر نے تہلکہ خیز ویڈیو شیئر کردی

    دوران پرواز موبائل کی بیٹری پھٹ جاتی تو بڑا حادثہ ہوسکتا تھا، خاتون مسافر نے تہلکہ خیز ویڈیو شیئر کردی

    باکمال لوگ لاجواب سروس کی دعویدار پی آئی اے کے عملے نے انتہائی لاپرواہی کا مظاہرہ کیا، طیارے کے ائیر وینٹی لیشن سسٹم میں خاتون کا موبائل فون گرگیا جو 13 روز تک نہ مل سکا۔

    اے آر وائی نیوز کی رپورٹ کے مطابق پاکستان انٹرنیشنل ایئرلائن (پی آئی اے) کے عملے کی جانب سے کی جانے والی غفلت سینکڑوں مسافروں کی جان لے سکتی تھی۔

    رپورٹ کے مطابق پی آئی اے کے بوئنگ777طیارے میں دوران پرواز ایک خاتون مسافر کا موبائل سیٹ کے نیچے کھلے ایئر وینٹی لیشن سسٹم میں گرگیا تھا۔ یہ واقعہ 6 جولائی کو جدہ سے اسلام آباد جانے والی پرواز میں پیش آیا۔

    خاتون نے موبائل فون گرنے کی ویڈیو سوشل میڈیاپر وائرل کردی، پی آئی اے کا انجینئرنگ عملہ لاکھ کوشش کے باوجود 13دن تک ائیر وینٹی لیشن سسٹم سے مذکورہ موبائل نہ نکال سکا۔

    خاتون مسافر نے ایئر وینٹی لیشن سسٹم میں موبائل فون گرنے کی ویڈیو سوشل میڈیا پر وائرل کردی
    پی آئی اے کا بوئنگ777طیارہ موبائل فون کے ساتھ ہی 13دن تک سفر کرتا رہا۔

    اپمی ویڈیو میں خاتون مسافر کا کہنا ہے کہ عملہ کئی روز تک موبائل فون کی ائیر وینٹی لیشن سسٹم میں موجودگی سے انکار کرتا رہا۔

    خاتون مسافر کا کہنا ہے کہ موبائل کی گمشدگی کے بعد میں مسلسل 7 دن تک موبائل لوکیشن کے ذریعے طیارے کے ساتھ موبائل کو سفر کرتا ہوا دیکھ رہی تھی۔

    اگر خدانخواستہ موبائل فون کی بیٹری پھٹ جاتی تو بڑا حادثہ رونما ہوسکتا تھا،خاتون کے اہل خانہ نے پی آئی اے کے خلاف وفاقی محتسب کو بھی درخواست دے دی۔

    اس حوالے سے پی آئی اے کے ترجمان عبداللہ خان نے بتایا کہ پی آئی اے عملے نے 19 جولائی کو جہاز کا فرش کھول کر موبائل فون مسافر کے حوالے کردیا تھا۔

    انہوں نے کہا کہ پی آئی اے انتظامیہ مذکورہ خاتون مسافر سے مسلسل رابطے میں تھی، شیڈولڈ پروازوں کی وجہ سے فوری طور پر جہاز کا فرش کھول کر موبائل نہیں نکالا جاسکتا تھا۔

  • طیارہ غلط رن وے پر کیسے گیا؟ تحقیقات میں اہم انکشاف

    طیارہ غلط رن وے پر کیسے گیا؟ تحقیقات میں اہم انکشاف

    کراچی: پی آئی اے کی دمام سے ملتان جانے والی پرواز کی لاہور ایئرپورٹ پر غلط رن وے پر لینڈنگ کے واقعے کی تحقیقات شروع کر دی گئی۔

    ذرائع کے مطابق پی کے 150 کے کپتان نے طیارے کو غلط رن وے پر اتارا تھا، بورڈ آف سیفٹی انویسٹی گیشن نے اس واقعے کی تحقیقات شروع کر دی ہے۔ بورڈ آف سیفٹی انویسٹی گیشن کی ہدایت پر پائلٹ اور فرسٹ افسر کے خلاف تحقیقات کی جا رہی ہے۔

    تحقیقات میں انکشاف ہوا کہ کپتان نے اے ٹی سی کنٹرولر کی ہدایت کو بھی نظر انداز کر دیا تھا، اور طیارہ ایک ناٹیکل میل دوری پر بھی اصل رن وے سے دوسرے رن وے پر جا رہا تھا، ان سب کے باوجود پی آئی اے کے طیارے کے کپتان نے بتائے گئے رن وے کی جگہ طیارہ دوسرے رن وے نمبر 36 ایل پر اتار دیا۔

    رپورٹ کے مطابق طیارے کے کپتان کو اے ٹی سی نے رن وے نمبر 36 آر پر لینڈ کرنے کی ہدایت کی تھی، اس غفلت کے سبب بورڈ آف سیفٹی انویسٹی گیشن کی ہدایت پر کپتان اور فرسٹ افسر کے یورین سیمپل سمیت دیگر ٹیسٹ کیے گئے ہیں۔

    پائلٹ کی غفلت، پی آئی اے کا طیارہ بڑے حادثے سے بال بال بچ گیا

    سی اے اے ذرائع کے مطابق پی آئی اے کے کپتان اور فرسٹ افسر نے مسافروں کی زندگی خطرے میں ڈال دی تھی، اے ٹی سی ہدایت کو نظر انداز کر کے فلائٹ سیفٹی رولز کی دھجیاں اڑائی گئیں۔ قومی ایئر لائن پی آئی اے کی انتظامیہ کی جانب سے، سی اے اے اور بورڈ آف سیفٹی انویسٹی گیشن کی جانب سے اس واقعے کی الگ الگ تحقیقات کی جا رہی ہیں۔

    یاد رہے کہ پی آئی اے کے طیارے کی دوسرے رن وے پر لینڈنگ کا واقعہ 18 جنوری کی صبح 7:32 بجے پیش آیا تھا، واقعے کے فوراً بعد کپتان اور فرسٹ افسر کو پی آئی اے نے گراؤنڈ کر دیا تھا۔

  • روس میں پی آئی اے طیارے کی خرابی کے حوالے سے اہم انکشافات

    روس میں پی آئی اے طیارے کی خرابی کے حوالے سے اہم انکشافات

    پی آئی اے کی لاہور سے ٹورنٹو کی پرواز میں فنی خرابی کے باعث روس سے واپسی کے معاملے میں اہم پیشرفت سامنے آئی ہے۔

    پی آئی اے کی لاہور سے کینیڈا کے شہر ٹورنٹو جانے والی پرواز پی کے 797 کو چند روز قبل تکنیکی خرابی کے باعث واپس بلالیا گیا تھا جس کی تحقیقات میں بہت سے انکشافات ہوئے ہیں۔

    اس حوالے سے ذرائع کا کہنا ہے کہ شعبہ انجینئرنگ کے مبینہ غلط فیصلے نے 300مسافروں کی زندگی کو5گھنٹے تک داؤ پر لگائے رکھا۔

    چار جولائی کو پرواز کی روسی فضائی حدود سے واپسی سے25 کروڑ سے زائد کا ایک لاکھ ٹن فیول استعمال کیا گیا۔

    اس کے علاوہ لاہور ایئرپورٹ لینڈنگ پر ممکنہ حادثے سے بچاؤ کیلئے 40 لاکھ ٹن فیول بھی گرایا گیا، پرواز کی واپسی پر متعلقہ مسافروں کو ہوٹل میں رہائش کی سہولت پربھی رقم صرف کی گئی۔

    ذرائع کے مطابق پرواز کے کپتان کی جانب سے قریبی ملک میں لینڈنگ کا فیصلہ ہیڈ آفس احکامات پر منسوخ کیا گیا، ٹورنٹو کی پرواز نمبر797کے کپتان کو طیارے کے ہائیڈرولک سسٹم میں خرابی کی نشاندہی ہوئی۔

    خرابی کی نشاندہی پر کپتان نے قریب یورپی ملک میں طیارے کی لینڈنگ کا فیصلہ کیا، یورپی ممالک میں بوئنگ کمپنی سے معاہدے کے مطابق ٹیکنیکل خرابی دور کرنے کی سہولت موجود ہے۔

    شعبہ انجینئرنگ کی جانب سے کپتان کے فیصلے کے برعکس طیارےکو لاہور واپس بلالیا گیا
    ترجمان پی آئی اے کا کہنا ہے کہ طیارے کی خرابی کے ساتھ واپسی کے ذمہ داران کے تعین کیلئے چھان بین جاری ہے۔

    یاد رہے کہ اتوار اور پیر کی درمیانی شب لاہور سے روانہ ہونے والی پی آئی اے کی پرواز پی کے797 کو روس کی فضائی حدود سے واپس بلالیا گیا تھا۔ بوئنگ 777 طیارہ پونے پانچ گھنٹے کا سفر طے کرکے روس کی فضائی حدود میں تھا جب تکنیکی خرابی پیدا ہوئی۔

    اس پرواز کی بحفاظت لینڈنگ کے حوالے سے ترجمان پی آئی اے کا کہنا ہے کہ بوئنگ 777 طیارے کے ہائیڈرالک سسٹم میں خرابی پیدا ہوگئی تھی جس کی وجہ سے اسے واپس بلانا پڑا اور اسے لاہور ائیرپورٹ پر لینڈ کرادیا گیا۔

  • پی آئی اے کا طیارہ بڑے حادثے سے بال بال بچ گیا

    پی آئی اے کا طیارہ بڑے حادثے سے بال بال بچ گیا

    کراچی : پشاورایئرپورٹ پر پی آئی اے کا طیارہ لینڈ کرتے ہی سلپ کرگیا، تاہم کپتان نے مہارت سے طیارے کو کنٹرول کرلیا۔

    تفصیلات کے مطابق پشاورمیں موسم کی خرابی کے باعث پی آئی اے کا طیارہ بڑے حادثے سے بال بال بچ گیا۔

    پشاورایئرپورٹ پرطیارہ لینڈ کرتے ہی سلپ کرگیا تاہم کپتان نےمہارت سےطیارےکوکنٹرول کیا اور طیارےٹیکسی وے کے قریب آکرپھنس گیا ، جس کے بعد مسافروں کوسیڑھیوں کےذریعے اتار کر لاؤنج منتقل کردیا گیا۔

    دوسری جانب پشاور سے کراچی آنے والی پی آئی اے کی پرواز پی کے351دو گھنٹے سے زائد تاخیر کا شکار ہوئی ، پرواز میں تاخیر پر پشاور ایئرپورٹ پر مسافروں نے احتجاج کیا۔

    ترجمان سی اےاے نے بتایا کہ پی آئی اے کا طیارہ ریاض سے پشاور پہنچا تھا جو سلپ ہوگیا، رن وے بند ہونے کی وجہ سے دو پروازوں کواسلام آبادموڑ دیا گیا۔

    ترجمان کے مطابق رن وے کو کلیئر کر دیا گیا ہے ، کراچی والی پرواز کچھ ہی دیر میں روانہ کردی جائےگی۔

  • کینیڈا میں برفباری : پی آئی اے کا طیارہ طوفان کی زد میں آگیا، ویڈیو دیکھیں

    کینیڈا میں برفباری : پی آئی اے کا طیارہ طوفان کی زد میں آگیا، ویڈیو دیکھیں

    ٹورنٹو : کینیڈا کے شہر ٹورنٹو میں ہونے والی شدید برفباری میں پی آئی اے کا طیارہ بڑی تباہی سے بچ گیا، کپتان نے اپنی ماہرانہ کارکردگی سے بحفاظت اتار لیا۔

    اس حوالے سے پی آئی اے ذرائع کا کہنا ہے کہ بوئنگ777طیارہ ٹورنٹو ایئرپورٹ کے قریب تھا کہ شدید برفباری شروع ہوگئی اور طیارہ برفانی طوفان کی زد

    میں آگیا۔

    پی آئی اے کے کپتان نے حاضر دماغی اور مہارت کا مظاہرہ کرتے ہوئے طیارے کو کنٹرول کیا اور بحفاظت ٹورنٹو ایئرپورٹ پر اتار لیا۔

    طیارے کی لینڈنگ ہوتے ہی ٹورنٹو ایئرپورٹ اتھارٹی کے عملے نے رن وے اور اطراف کے ایریا کو کور کیا اور ہنگامی بنیاد پر مشینری کے ذریعے برف ہٹانے کا کام شروع کردیا۔

    ذرائع کے مطابق پروازپی کے797لاہور سے ٹورنٹو پہنچی تھی، پرواز کو بحفاظت اتارنے پر پی آئی اے کے سی ای او ارشد ملک نے کپتان اور فضائی عملے کو شاباشی دیتے ہوئے ان کی کارکردگی کو سراہا۔

    سی ای او ارشد ملک نے ٹورنٹو ایئرپورٹ انتظامیہ کا بھی شکریہ ادا کیا جنہوں نے رن وے پر سے فوری طور پر برف ہٹا کر طیارے کو پارک کروایا۔

  • کراچی سے اسلام آباد جانے والی پی آئی اے کی پرواز حادثے سے بچ گئی

    کراچی سے اسلام آباد جانے والی پی آئی اے کی پرواز حادثے سے بچ گئی

    کراچی: پی آئی اے کی پرواز بڑے حادثے سے بچ گئی، اڑان بھرنے کے کچھ ہی دیر بعد طیارے سے پرندہ ٹکراگیا تاہم طیارے کو بحفاظت ایئر پورٹ پر اتار لیا گیا۔

    تفصیلات کے مطابق کراچی سے اسلام آباد جانے والی پی آئی اے کی پرواز کے انجن سےپرندہ ٹکراگیا، جس کے بعد کپتان نے کنٹرول ٹاور سے رابطہ کیا اور طیارے کو واپس کراچی ایئرپورٹ پر لینڈ کرنے کی اجازت طلب کی تاہم طیارے کو باحفاظت کراچی ایئرپورٹ پر اتارلیا گیا۔

    ترجمان پی آئی اے کا کہنا ہے کہ پرندہ جہاز کے ٹیک آف کے بعد بلند ہوتے ہوئے ٹکرایا تھا، پرواز پر 162 مسافر سوار تھے ، مسافروں کو لاوئنج میں منتقل کرکے جہاز کے نقصان کا جائزہ لیا جائے گا۔

    پی آئی اے کے ترجمان نے بتایا کہ مسافروں کیلئےمتبادل جہازمہیاکردیاگیا ، پرواز پی کے368 سہ پہر4 بجے کراچی سے اسلام آباد کیلئے روانہ ہوگی۔

    ترجمان نے مزید کہا کہ جہاز کے دائیں انجن کے بلیڈ ٹوٹنے کے آثار ہیں ، تفصیلی نقصان کا جائزہ بورواسکوپ کی مدد سے لیا جائے گا

    خیال رہے ائیرپورٹ کے اطراف آبادی، آلودگی اور پرندوں کے روک تھام کا موثر نظام کا نا ہونا ایسے واقعات کی سبب بنتے ہیں ، فضائی حفاظت اداروں اور معاشرے دونوں کی ذمہ داری ہے اور ہم سب کو اپنا کردار ادا کرنا ہوگا۔

  • پی آئی اے کا طیارہ بڑے حادثے سے بال بال بچ گیا

    پی آئی اے کا طیارہ بڑے حادثے سے بال بال بچ گیا

    کراچی : پی آئی اے کا طیارہ بڑے حادثے سے بچ گیا ،ابوظہبی سے پشاور آنے والی پی آئی اے کی پرواز کو فنی خرابی کے باعث کراچی ایئرپورٹ پر بحفاظت اتارلیا گیا۔

    تفصیلات کے مطابق ابوظہبی سے پشاور سے آنے والی پرواز حادثے سے بال بال بچ گئی، پی آئی اے کی پروازپی کے 218 میں اچانک فنی خرابی پیدا ہوگئی، کاک پٹ میں طیارے کے ہائیڈرو لک سسٹم میں خرابی کی نشاندہی کے بعد کپتان نے ایئر ٹریفک کنٹرولر سے رابطہ کیا۔

    ایئر ٹریفک کنٹرولر کی اجازت کے بعد کپتان نےطیارےکوکراچی ایئرپورٹ پربحفاظت اتارلیا، ترجمان پی آئی اے کا کہنا ہے کہ فنی خرابی دور ہوتےہی پرواز کو پشاور روانہ کردیاجائے گا، ایئرپورٹ پرمسافروں کوتمام سہولتیں فراہم کی جارہی ہیں۔

    یاد رہے گذشتہ ہفتے نیو اسلام آباد انٹرنیشنل ائیرپورٹ پر نجی فلائنگ کلب کا طیارہ حادثے سے بال بال بچ گیا تھا ، طیارہ معمول کی تربیتی پرواز پر تھا کہ لینڈنگ کے وقت اچانک ٹائر پنکچر ہو گیا ، جس پر کپتان نے حاضر دماغی کا مظاہرہ کرتے ہو ئے طیارہ کو کنٹرول کیا۔

    یارے میں انسٹیکٹرر اور ٹرینی موجود تھا جنہوں نے بحفاظت طیارے کو لینڈ کرایا۔ کمال مہارت اور حاضر دماغی کی وجہ سے کوئی بڑا نقصان نہیں ہوا۔

  • کراچی: حادثے کا شکار طیارے کا انجن اور پر تباہ حال گھروں سے اتار لیے گئے

    کراچی: حادثے کا شکار طیارے کا انجن اور پر تباہ حال گھروں سے اتار لیے گئے

    کراچی: پی آئی اے کے حادثے کا شکار طیارے کا انجن اور پر ماڈل کالونی کے گھروں سے اتار لیے گئے، پی آئی اے کی مدد کے لیے فوج، میکا نائزڈ انجینیئرز اور پاک فضائیہ کے دستے بھی موجود رہے۔

    تفصیلات کے مطابق پاکستان انٹرنیشنل ایئر لائن (پی آئی اے) کے حادثے کا شکار طیارے کے وزنی ترین حصے اٹھا لیے گئے، جہاز کے ملبے کے یہ ٹکڑے جناح گارڈن کے تباہ شدہ گھروں سے اٹھائے گئے ہیں۔

    مذکورہ گھروں کے درمیان سے جہاز کا پر اور انجن تکنیکی ماہرین کی موجودگی میں وزنی کرین کی مدد سے نکالا گیا، حادثے کے بعد کئی ٹن وزنی انجن سہ منزلہ عمارت کی چھت پر پڑا تھا۔

    جہاز کا 17 میٹر لمبا اور 5 میٹر چوڑا پر گھر کے اندر دھنسا ہوا تھا، پر کو نکالنے سے گھر کے منہدم ہونے کا خدشہ تھا لہٰذا اسے ٹکڑوں کی صورت میں نکالا گیا۔

    ذرائع کا کہنا ہے کہ انجن اور پر اٹھانے کے لیے وزنی اور اونچی کرین کی ضرورت پڑی مگر راستہ تنگ، گنجان آباد ہونے اور بجلی کی تاروں کی وجہ سے دشواری کا سامنا کرنا پڑا جس کے بعد عملے نے کے پی ٹی اور نیول ڈاکیارڈ سے وزنی کرنیں اور دیگر مشینری منگوائی۔

    کام کے دوران پی آئی اے کی مدد کے لیے فوج، میکا نائزڈ انجینیئرز اور پاک فضائیہ کے دستے بھی موجود رہے، سندھ رینجرز 42 ونگ نے پورے علاقے کو سیل کر کے ملبے کی منتقلی کے عمل کو محفوظ بنایا۔

    ذرائع کے مطابق تمام پرزوں کو کراچی ایئر پورٹ پر ایک محفوظ جگہ منتقل کردیا گیا ہے جہاں تحقیقاتی ٹیمیں ان کا جائزہ لیں گی، علاقہ مکینوں نے محفوظ طریقے سے ملبہ ہٹانے کے لیے پی آئی اے، کے پی ٹی اور افواج پاکستان کی کاوشوں کو سراہا۔

    ترجمان پی آئی اے کا کہنا ہے کہ پی آئی اے نے کرینوں اور وزنی مشینری کو متاثرہ مکانوں کی چھتوں کو نکالنے کے لیے بھی استعمال کرنے کا فیصلہ کیا ہے، ترجمان کا کہنا ہے کہ ٹیمیں تکنیکی طور پر تجربہ کار ہیں اور اس کام کو عام مزدوروں کے مقابلے میں احسن اور محفوظ طریقے سے انجام دے سکتی ہیں۔

    خیال رہے کہ 22 مئی کی دوپہر کو پی آئی اے کا لاہور سے کراچی آنے والا طیارہ المناک حادثے کا شکار ہوگیا تھا جب لینڈنگ سے چند لمحے قبل طیارہ رہائشی علاقے میں گھروں پر گر گیا۔

    عید سے 2 روز قبل پیش آنے والے المناک حادثے میں 97 مسافر جاں بحق ہوگئے تھے جبکہ 2 مسافر معجزانہ طور پر زندہ بچ گئے۔ حادثے کی تحقیقات جاری ہیں۔

  • پی آئی اے کا ایک اور طیارہ حادثے سے بال بال بچ گیا

    پی آئی اے کا ایک اور طیارہ حادثے سے بال بال بچ گیا

    کراچی :پی آئی اے کا ایک اور طیارہ حادثے سے بال بال بچ گیا، لینڈنگ سے قبل طیارے سے پرندہ ٹکراگیا ، طیارے سے چوبیس گھنٹوں کے دوران پرندا ٹکرانے کا یہ دوسرا واقعہ ہے۔

    تفصیلات کے مطابق اسلام آباد سے کراچی آنیوالی پی آئی اے کی پرواز پی کے301حادثے سے بال بال بچ گئی ، لینڈنگ سے قبل طیارے سے پرندہ ٹکراگیا، جس کے باعث پی آئی اے کے ایئربس 320طیارے کو نقصان پہنچا تاہم کپتان نے طیارے کو باحفاظت کراچی ایئرپورٹ اتار لیا۔

    ترجمان پی آئی اے کا کہنا ہے کہ طیارے کو گراونڈ کردیا گیا، سول ایوی ایشن اتھارٹی کی غفلت و لاپرواہی کے باعث جہازوں سے پرندے ٹکرانے کے مسلسل واقعات پیش آرہے ہیں ، ایئرپورٹ کے اطراف گندگی کے ڈھیر ہونے کی وجہ سے پرندوں کی آمجگاہ بن رہی ہے ، ضلعی انتظامیہ کو متعدد بارآگاہ کیا گیا کوئی شنوائی نہیں ہورہی۔

    خیال رہے پی آئی اے کے طیارے سے چوبیس گھنٹوں کے دوران پرندا ٹکرانے کا یہ دوسرا واقعہ ہے۔

    یاد رہے گذشتہ روز بھی کراچی سے لاہور پی آئی اے کی پرواز پی کے 304 بڑے حادثے سے بچ گئی تھی ، ایئربس 320 کے اڑان بھرنے کے کچھ ہی دیر بعد انجن سے پرندہ ٹکرا گیا تھا ، جس کے باعث بی ایم ایکس رجسٹریشن کے حامل طیارے کے انجن کو نقصان پہنچا لیکن کپتان نے مہارت سے طیارے کو باحفاظت واپس کراچی ایئرپورٹ اتار لیا تھا۔

    مزید پڑھیں : پی آئی اے کے بیڑے میں شامل ہونے والا نیا طیارہ بڑے حادثے سے بال بال بچ گیا

    پی آئی اے نے کچھ دن قبل ایئربس320نئے طیارےکوبیڑے میں شامل کیاتھا۔

    اس سے ایک روز قبل باچا خان ایئرپورٹ پشاور پر نجی ایئر لائن کی پرواز ای آر 550 سے ایک پرندہ ٹکرا گیا تھا، پرندہ ٹکرانے کی وجہ سے طیارے کے دائیں انجن کو نقصان پہنچا طیارہ لڑکھڑانے کے باوجود کپتان نے کمال مہارت سے طیارے کو بحفاظت زمین پر اتار لیا تھا۔

    خیال رہے اگر جہاز سے پرندہ ٹکرا جائے تو یہ بات کوئی معمولی نہیں ہوتی بلکہ بڑے حادثے کا سبب بنتی ہے، دنیا بھر کے ایئر پورٹس کی سول ایو ایشن انتظامیہ رن وے سے پرندوں کو دور رکھنے کے لیے برڈ شوٹر تعینات بھی کرتی ہے تاکہ جہازوں کو حادثات سے محفوظ رکھا جاسکے۔

  • پی آئی اے کے بیڑے میں شامل ہونے والا نیا طیارہ بڑے حادثے سے بال بال بچ گیا

    پی آئی اے کے بیڑے میں شامل ہونے والا نیا طیارہ بڑے حادثے سے بال بال بچ گیا

    کراچی :  پی آئی اے کے بیڑے میں شامل ہونے والا نیا طیارہ بڑے حادثے سے بال بال بچ گیا ، طیارے کے اڑان بھرنے کے کچھ ہی دیر بعد انجن سے پرندہ ٹکرا گیا تاہم باحفاظت طیارے کو واپس کراچی ایئرپورٹ اتار لیا گیا۔

    تفصیلات کے مطابق کراچی سے لاہور پی آئی اے کی پرواز پی کے 304 بڑے حادثے سے بچ گئی، ایئربس 320 کے اڑان بھرنے کے کچھ ہی دیر بعد انجن سے پرندہ ٹکرا گیا ، جس کے باعث بی ایم ایکس رجسٹریشن کے حامل طیارے کے انجن کو نقصان پہنچا لیکن کپتان نے مہارت سے طیارے کو باحفاظت واپس کراچی ایئرپورٹ اتار لیا۔

    ذرائع کا کہنا ہے کہ نئے طیارے کو پرندہ ٹکرانےکےباعث گراونڈکرناپڑا ، پی آئی اے نے کچھ دن قبل ایئربس320نئے طیارےکوبیڑے میں شامل کیاتھا۔

    دوسری جانب ترجمان پی آئی اےعبداللہ کا کہنا ہے کہ انجن میں پرندے کی موجودگی پر5ملین ڈالرزکے ممکنہ نقصان کااندیشہ ہے، سی اے اے کی نااہلی سے نئے طیارے سے پرندہ ٹکرایا، سی اے اے کو ایئرپورٹ کے اطراف کچرے کی موجودگی سے آگاہ کیاتھا تاہم حکام نے کوئی شنوائی نہیں کی۔

    مزید پڑھیں : پرندہ ٹکرانے سے نجی طیارے کی پرواز بڑے حادثے سے بال بال بچ گئی

    یاد رہے گذشتہ روز باچا خان ایئرپورٹ پشاور پر نجی ایئر لائن کی پرواز ای آر 550 سے ایک پرندہ ٹکرا گیا تھا، پرندہ ٹکرانے کی وجہ سے طیارے کے دائیں انجن کو نقصان پہنچا طیارہ لڑکھڑانے کے باوجود کپتان نے کمال مہارت سے طیارے کو بحفاظت زمین پر اتار لیا تھا۔

    خیال رہے اگر جہاز سے پرندہ ٹکرا جائے تو یہ بات کوئی معمولی نہیں ہوتی بلکہ بڑے حادثے کا سبب بنتی ہے، دنیا بھر کے ایئر پورٹس کی سول ایو ایشن انتظامیہ رن وے سے پرندوں کو دور رکھنے کے لیے برڈ شوٹر تعینات بھی کرتی ہے تاکہ جہازوں کو حادثات سے محفوظ رکھا جاسکے۔