ARYNews.tv | Urdu – Har Lamha Bakhabar

Tag: PIA

پی آئی اے کا مکمل نام پاکستان انٹرنیشنل ایئرلائنز ہے۔ یہ پاکستان کی قومی ایئرلائن ہے اور ملک کی سب سے بڑی ایئرلائن بھی ہے۔ پی آئی اے تقریباً 23 اندرون ملک اور 30 سے زائد بیرون ملک پروازیں چلاتی ہے جو ایشیا، یورپ اور جنوبی امریکہ تک جاتی ہیں۔

پی آئی اے اپنے مسافروں کو مختلف قسم کی سہولیات فراہم کرتی ہے جن میں شامل ہیں:

  • کوڈ شیئر: دنیا کی کئی بڑی ایئرلائنز کے ساتھ کوڈ شیئر کا معاہدہ کیا ہوا ہے جس سے مسافر دنیا کے مختلف حصوں میں آسانی سے سفر کر سکتے ہیں۔
  • مختلف کلاسز:  اپنے مسافروں کو مختلف کلاسز میں سفر کرنے کی سہولت فراہم کرتی ہے جن میں اکانومی، بزنس اور فرسٹ کلاس شامل ہیں۔
  • کیمپ اور ہوٹلز: ایئرلائن نے پاکستان کے مختلف شہروں میں کیمپ اور ہوٹلز بھی قائم کیے ہوئے ہیں۔
  • PIA
  • پی آئی اے PIA
  • کابل ایئرپورٹ پر پی آئی اے کے محصور طیاروں کو اڑان بھرنے کی اجازت دے دی گئی

    کابل ایئرپورٹ پر پی آئی اے کے محصور طیاروں کو اڑان بھرنے کی اجازت دے دی گئی

    اسلام آباد: افغان دارالحکومت کابل میں طالبان کے داخلے کے بعد، امریکا کے 4 سی ون تھرٹی طیاروں کی لینڈنگ کے لیے کابل ایئرپورٹ بند کردیا گیا جس کے بعد وہاں موجود پاکستان انٹرنیشنل ایئرلائن (پی آئی اے) کے 2 طیارے محصور ہوگئے تاہم بعد ازاں طیاروں کو اڑان بھرنے کی اجازت دے دی گئی۔

    تفصیلات کے مطابق افغان دارالحکومت کابل کے ایئرپورٹ پر پاکستان انٹرنیشنل ایئرلائن (پی آئی اے) کے 2 طیارے محصور ہوگئے جنہیں بعد میں اڑان بھرنے کی اجازت دے دی گئی۔

    ذرائع کے مطابق امریکا کے 4 سی ون تھرٹی طیاروں کی لینڈنگ کے لیے کابل ایئرپورٹ کو اچانک بند کردیا گیا۔ اس موقع پر 2 امریکی ہیلی کاپٹرز نے کابل ایئرپورٹ کا محاصرہ کیا ہوا تھا۔

    ایئرپورٹ بند ہونے کے بعد پی آئی اے کے دونوں طیاروں ایئر بس 320 اور 777 کو اڑان کی اجازت نہیں دی گئی۔ 320 طیارے میں 170 اور 777 میں 329 مسافر موجود ہیں۔

    ترجمان پی آئی اے کا کہنا ہے کہ کچھ پاکستانی کابل ایئرپورٹ پہنچے اور انہوں نے کہا کہ ہمیں پاکستان جانا ہے، ان کے پاس ٹکٹس موجود نہیں تھے، 8 مسافروں کو ایڈجسٹ کیا گیا۔

    بعد ازاں کابل ایئرپورٹ اتھارٹی نے پی آئی اے کے طیاروں کو اڑان بھرنے کی اجازت دے دی۔ ترجمان پی آئی اے کے مطابق بوئنگ 777 طیارہ اڑان بھرنے کے لیے تیار ہے جبکہ دوسرا طیارہ کچھ دیر بعد اسلام آباد کے لیے اڑان بھرے گا۔

  • شارجہ جانے والے مسافروں کے لئے بڑی خوشخبری

    شارجہ جانے والے مسافروں کے لئے بڑی خوشخبری

    کراچی: قومی ایئر لائن نے شارجہ کیلئے ریپڈ انٹیجن ٹیسٹ کیساتھ آمد کی اجازت حاصل کرلی ہے۔

    سول ایوی ایشن ذرائع کے مطابق مسافروں کیلئے کراچی ایئرپورٹ پر پی آئی اے ٹکٹ دفتر میں لیبارٹری کا قیام عمل میں لایا گیا ہے، ٹیسٹ کے لئے پی آئی اے نےمسافروں کو پروازسےچار گھنٹےقبل ایئرپورٹ پہنچنے کی ہدایت کی ہے۔

    ذرائع کا کہنا ہے کہ مسافرنجی لیبارٹری کے ریپڈانٹیجن ٹیسٹ رپورٹ لیکر رات ڈھائی بجے روانہ ہونگے، شارجہ کیلئےریپیڈ ٹیسٹ کی فیس فی مسافردو ہزارپانچ سو روپےمقررکی گئی ہے۔

    سی اےاے ذرائع کا کہنا ہے کہ پی آئی اے کی درخواست پرایئرلائن دفتر میں لیب کی اجازت دی گئی، ریپڈ سی آرٹیسٹ کی سہولت صرف سیالکوٹ ائیرپورٹ میسر ہے۔

    یاد رہے کہ ابوظہبی جانیوالےمسافروں کیلئےریپڈ پی سی آرٹیسٹ کرانا لازمی قرار دیا گیا ہے۔

    یہ بھی پڑھیں: دبئی جانے والے مسافروں کے لیے اچھی خبر

    واضح رہے کہ گذشتہ روز سیالکوٹ ایئر پورٹ انتظامیہ نے بڑا قدم اٹھاتے ہوئے مسافروں کے لیے ایئر پورٹ پر ریپڈ پی سی آر ٹیسٹ کی سہولت فراہم کی تھی،نجی لیبارٹری کی جانب سے سیالکوٹ ایئر پورٹ پر ریپڈ پی سی آر کاؤنٹر بھی قائم کیا گیا تھا۔

    ایئر پورٹ منیجر کے مطابق سیالکوٹ ایئر پورٹ ریپڈ پی سی آر ٹیسٹ کی سہولت والا پہلا پاکستانی ایئر پورٹ بنا۔

    حکام کے مطابق 10 اگست کو فلائی دبئی اور 11 اگست کو ایمریٹس کی پروازیں سیالکوٹ سے مسافروں کو دبئی لے کر روانہ ہوں گی، دبئی کے لیے لازمی ریپڈ پی سی آر ٹیسٹ کی فیس 6 ہزار 500 روپے مقرر کی گئی۔

  • جشن آزادی پر پی آئی اے کا خصوصی ڈسکاؤنٹ کا اعلان

    جشن آزادی پر پی آئی اے کا خصوصی ڈسکاؤنٹ کا اعلان

    کراچی: پاکستان انٹرنیشنل ایئر لائن (پی آئی اے) نے جشن آزادی کے موقع پر اندرون ملک پروازوں پر 14 فیصد رعایت کا اعلان کردیا۔

    تفصیلات کے مطابق پاکستان انٹرنیشنل ایئر لائن (پی آئی اے) نے جشن آزادی کے موقع پر خصوصی ڈسکاؤنٹ کا اعلان کیا ہے، جشن آزادی کے موقع پر اندرون ملک پروازوں پر 14 فیصد ڈسکاؤنٹ کی پیشکش کی گئی ہے۔

    ترجمان پی آئی اے کا کہنا ہے کہ مذکورہ پیشکش 14 تا 16 اگست تک سفر کرنے پر محدود رہے گی، ٹکٹس فوری فروخت کے لیے دستیاب ہیں۔

    خیال رہے کہ قومی ایئر لائن اس سے قبل عاشورہ پر عراق کے لیے خصوصی پروازیں چلانے کا اعلان کرچکی ہے، زائرین کی سہولت کے لیے دارالحکومت اسلام آباد، لاہور اور کراچی سے نجف کے لیے براہ راست ‏پروازیں چلائی جائیں گی۔

    پی آئی اے کی 11 اگست سے 11 پروازیں زائرین کو لے کر نجف پہنچیں گی اور زائرین کی ‏واپسی کا آپریشن 21 اگست سے ترتیب دیا جائے گا۔

  • اندرون ملک پروازوں سے منرل واٹر بوتلیں ہٹانے کا حکم

    اندرون ملک پروازوں سے منرل واٹر بوتلیں ہٹانے کا حکم

    کراچی : قومی ایئرلائن پی آئی اے نے اندرون ملک پروازوں سے منرل واٹر بوتلیں ہٹانے کا حکم دیتے ہوئے ہدایت نامہ جاری کردیا ہے۔

    تفصیلات کے مطابق قومی ایئرلائن پی آئی اے نے اندرون ملک پروازوں سے منرل واٹر بوتلیں ہٹانے کا حکم دے دیا ، اس حوالے سے فلائٹ منیجرنےتمام کیبن کریو ممبران کوہدایت نامہ جاری کردیا ہے۔

    ہدایت نامے میں کہا گیا ہے کہ اندرون ملک پروازوں پرمسافروں کواب منرل واٹر کی ہاف لیٹر بوتلیں فراہم نہیں کی جائیں گی، پانی طلب کرنے پر عملہ مسافروں کوگلاس میں پانی فراہم کرے گا۔

    ہدایت نامے میں کہا گیا ہے کہ بوتلیں سیٹوں کیساتھ مخصوص جگہ پر ڈیزائن کردہ ایس پی ڈی سی میں رکھی جائیں، ٹرانزٹ اسٹیشنز پر کیٹرنگ عدم دستیابی پر کیبن کریو پانی فراہم کرے گا۔

    دوسری جانب اندورن ملک پروازوں پرکھانا فراہم کرنے پردوبارہ پابندی عائد کردی گئی ہے ، پابندی کورونا وائرس کے بڑھتے کیسز کے پیش نظر عائد کی گئی۔

    خیال رہے ایئرلائنز کو 21 جولائی سے پیک شدہ کھانا دینے کی اجازت دی گئی تھی۔

  • عید الاضحی کے موقع پی آئی اے کا مسافروں کیلیے بڑا اعلان

    عید الاضحی کے موقع پی آئی اے کا مسافروں کیلیے بڑا اعلان

    کراچی : پی آئی اے نے عید الاضحی کے موقع پر مسافروں کیلئے کراچی سے 20 اضافی پروازیں چلانے کا اعلان کردیا ہے، کراچی سے اسلام آباد کے لیے 14 اور لاہور کیلئے 6 اضافی پروازیں چلائی جائیں گی۔

    تفصیلات کے مطابق قومی ایئرلاین (پی آئی اے ) نے عید الاضحی پر کراچی سے اضافی پروازیں چلانے کا اعلان کردیا ہے ، پی آئی اے 20اضافی پروازیں آپریٹ کرے گی ، اس دوران بوئنگ777 طیارے استعمال ہوں گے۔

    پی آئی اے ترجمان کا کہنا ہے کہ مجموعی طور پر کراچی اسلام آباد کے لیے 14پروازیں چلائی جائیں گی، اسلام آباد کے لیے یومیہ4پروازیں آپریٹ ہوں گی جبکہ کراچی سے لاہور کے لیے 6 اضافی پروازیں آپریٹ کرے گی۔

    انتظامیہ نے مزید کہا کہ پی آئی اے 16جولائی کو دوحہ سے 2خصوصی پروازیں آپریٹ کرے گی۔

    یاد رہے رواں ماہ کے آغاز میں پی آئی اے نے دبئی، دوحہ اور بحرین سےپاکستان کے لیے 18 ‏پروازیں آپریٹ کرنے کا اعلان کیا تھا، پروازیں گلف ممالک سے لاہور، اسلام آباد اور کراچی کے لیے آپریٹ کی جائیں گی۔

    ترجمان کا کہنا تھا کہ دبئی سے پاکستان 10، دوحہ سے6، بحرین سے 2 پروازیں آپریٹ کی جائیں ‏گی اور گلف ممالک سے فلائٹ آپریشن 6 جولائی سے 18 جولائی تک مکمل کیا جائے گا۔

  • کراچی طیارہ حادثہ: پی آئی اے کے سی ای او ارشد ملک کی طلبی

    کراچی طیارہ حادثہ: پی آئی اے کے سی ای او ارشد ملک کی طلبی

    اسلام آباد: سینیٹ کی قائمہ کمیٹی برائے ایوی ایشن نے گزشتہ برس ہونے والے کراچی طیارہ حادثے پر پاکستان انٹرنیشنل ایئر لائنز (پی آئی اے) کے سی ای او ایئر مارشل ارشد ملک کو ریکارڈ سمیت طلب کرلیا۔

    تفصیلات کے مطابق سینیٹ کی قائمہ کمیٹی برائے ایوی ایشن کا اجلاس ہوا، اجلاس میں ڈی جی سول ایوی ایشن نے بتایا کہ سوات کا فضائی آپریشن بند کر دیا کیونکہ ایک پرواز میں صرف 6 مسافروں نے سفر کیا۔

    سینیٹر شیری رحمٰن کا کہنا تھا کہ سیاحت کے فروغ کے لیے ہیلی کاپٹر کی سہولت کیوں فراہم نہیں کر رہے جس پرڈی جی نے بتایا کہ سیاحوں کے لیے ہیلی کاپٹر سروس کا پراسس پائپ لائن میں ہے۔

    سینیٹر افنان اللہ نے دریافت کیا کہ پائلٹس کی جعلی لائسنسنگ کے معاملے پر کیا ہوا؟ جس پر ڈی جی نے بتایا کہ 262 میں سے صرف 82 پائلٹس کے لائسنس جعلی نکلے۔ سینیٹر عون عباس نے کہا کہ لائسنس جعلی تھے تو ملوث افراد پر 302 کے تحت مقدمہ درج ہونا چاہیئے، کیا موجودہ وزیر سے قبل کسی کو جعلی لائسنسز کا پتہ نہیں تھا؟

    اجلاس میں کراچی طیارہ حادثے پر پاکستان انٹرنیشنل ایئر لائنز (پی آئی اے) کے سی ای او ایئر مارشل ارشد ملک کو ریکارڈ سمیت طلب کرلیا گیا۔

    سیکریٹری سول ایوی ایشن نے بتایا کہ پی آئی اے پر 455 ارب کے قرضے واجب الادا ہیں، کوشش ہے پی آئی اے کو 2 حصوں میں تقسیم کر لیا جائے۔ کابینہ کو ری اسٹرکچرنگ پلان بھجوایا گیا ہے۔

  • بیرون ملک پھنسے پاکستانیوں کی واپسی کیلئے آج سے آپریشن شروع ہوگا

    بیرون ملک پھنسے پاکستانیوں کی واپسی کیلئے آج سے آپریشن شروع ہوگا

    اسلام آباد : غیر ملکی ایئرلائنز کی جانب سے پروازوں کی منسوخی کے بعد بیرون ملک پھنسے پاکستانیوں کی واپسی کیلئے آج سے آپریشن شروع ہوگا۔

    تفصیلات کے مطابق پی آئی اے کی جانب سے بیرون ملک پھنسے پاکستانیوں کی واپسی کیلئے آج سے آپریشن شروع ہوگا، ترجمان پی آئی اے کا کہنا ہے کہ دبئی، دوحہ اور بحرین سے پاکستان کے لیے اٹھارہ پروازیں آپریٹ ہوں گی، پروازیں گلف ممالک سےلاہور،اسلام آباد اورکراچی کے لیےآپریٹ کی جائیں گی۔

    پی آئی اے فلائٹ آپریشن کیلئے بوئنگ ٹرپل سیون طیارےاستعمال کرے گا، گلف ممالک سے فلائٹ آپریشن چھ جولائی سے اٹھارہ جولائی تک مکمل کیا جائے گا۔

    وزیر ہوابازی غلام سرورخان کا کہنا ہے کہ اووربکنگ پرغیرملکی ایئرلائنزکوشوکازنوٹس جاری کردئیے ہیں اور اووربکنگ کرنےوالی ایئرلائنز کے خلاف کارروائی کی جارہی ہے۔

    خیال رہے اے آر وائی نیوز نے بیرون ملک پھنسے پاکستانیوں کے لئے آواز اٹھائی تھی، جس کے بعد سول ایوی ایشن اھارٹی نے ایکشن لیا تھا۔

    یاد رہے غیرملکی ائیرلائنز کی جانب سے پروازوں کی منسوخی کے بعد امریکا سمیت دیگر ممالک سے ‏‏آنیوالے ہزاروں پاکستانی مسافر پھنس گئے تھے ، غیر ‏‏ملکی ایئرلائنز نے پاکستان کیلئے اوور بوکنگ کی گئی ، جس کے باعث ہزاروں پاکستانی مہنگے ٹکٹ خریدنے کے باوجود دیار غیر میں محصور ہیں۔

    بعد ازاں حکومتی ہدایت پر قومی ایئرلائن پی آئی اے نے بیرون ممالک ‏میں پھنسے پاکستانیوں کی مدد کا فیصلہ کیا تھا۔

  • پی آئی اے ملازمین کیلئے اہم خبر

    پی آئی اے ملازمین کیلئے اہم خبر

    کراچی : قومی ائیر لائن نے کل سے تمام ملازمین کی بائیو میڑک حاضری لازمی قرار دے دی اور بائیو میٹرک مشینوں کے پاس ہینڈ سینی ٹائزر رکھنے کا حکم دیا۔

    تفصیلات کے مطابق قومی ائیر لائن نے تمام ملازمین کی بائیو میڑک حاضری لازمی قرار دے دی ہے ، اس حوالے سے پی آئی اے کے ہیومین ریسورس نے نوٹیفکیشن جاری کر دیا ہے ، جس میں کہا گیا ہے کہ ملازمین2جولائی سےبائیومیٹرک حاضری لگائیں اور ماسک کا استعمال کریں۔

    نوٹیفکیشن میں بائیو میٹرک مشینوں کے پاس ہینڈ سینی ٹائزر بھی رکھنے کا حکم دیا گیا ہے۔

    یاد رہے کورونا کےبڑھتے کیسز کے باعث مارچ (پی آئی اے) کی انتظامیہ نے بائیو میٹرک حاضری معطل کرنے کا فیصلہ کیا تھا، محکمہ ہیومن ریسورس نے سرکلر میں کہا تھا کہ لائن منیجر کے دفاتر میں رکھے جانے والے رجسٹروں پر ملازمین دستی طور پر اپنی حاضری کا نشان لگائیں گے۔

    سیکشن اور ڈویژنل ہیڈز کو ہدایت کی گئی تھی کہ وہ اپنے دفاتر میں حاضری کے اندراج برقرار رکھیں جو ہر ماہ کی 10 تاریخ تک اسلام آباد میں ہیومن ریسورس منیجر کو بھیجے جائیں گے۔

    اس سے قبل ، پاکستان انٹرنیشنل ایئر لائنز (پی آئی اے) نے ملک میں وائرس کے بڑھتے ہوئے معاملات کے درمیان سخت کوویڈ 19 احتیاطی تدابیر کو نافذ کرنے کا فیصلہ کیا تھا۔

  • سیاحت کے فروغ کیلئے پی آئی اے کی نئی پروازوں کا آغاز

    سیاحت کے فروغ کیلئے پی آئی اے کی نئی پروازوں کا آغاز

    کراچی : قومی ایئر لائن پی آئی اے نے سیاحت کے فروغ کیلئے اقدامات کرتے ہوئے سیالکوٹ سے اسکردو کے لئے پروازیں شروع کرنے کا اعلان کردیا ہے۔

    اس حوالے سے ذرائع کا کہنا ہے کہ پی آئی اے سیالکوٹ سے اسکردو کیلئے3جولائی سے پروازیں آپریٹ کرے گی، پی آئی اے کراچی، اسلام آباد، لاہور سے اسکردو کے لئے پروازیں آپریٹ کررہی ہے۔

    ذرائع کے مطابق پی آئی اے نے اسکردو سے چیری لانے پر بھی 50فیصد رعایت کا اعلان کیا ہے، کراچی، لاہور، اسلام آباد اور سیالکوٹ کیلئے چیری لانے پر رعایت ہوگی۔

    پی آئی اے انتظامیہ کا کہنا ہے کہ پی آئی اے چیری لانے پر300روپے کلو کے بجائے 150روپے کلو وصول کرے گی، مسافر اپنے عزیز و اقارب کو تحفے کے طور پر چیری لاسکیں گے۔ پی آئی اے کارگو کےذریعے بھی چیری لانے پر رعایت دی جائے گی۔

  • پی آئی اے کا کم ایندھن والے 4 نئے جدید طیارے خریدنے کا فیصلہ

    پی آئی اے کا کم ایندھن والے 4 نئے جدید طیارے خریدنے کا فیصلہ

    کراچی : قومی ایئرلائن پی آئی اے نے کم ایندھن والے چار نئے جدید طیار ے خریدنے کا فیصلہ کر لیا، پی آئی اے کاروباری ضروریات کے مطابق نئے طیارے حاصل کررہی ہے۔

    تفصیلات کے مطابق پی آئی اے میں کم ایندھن خرچ کرنےوالے 4نئے جدید طیارے شامل کرنے کا فیصلہ کرلیا گیا ، نیروباڈی کے 4نئے جہاز 6سالہ ڈرائی لیزپرحاصل کیےجائیں گے۔

    جولائی کے وسط میں پہلا ایئر بس 320 پی آئی اے فلیٹ میں شامل ہوجائےگا ، دوسراطیارہ اگست میں بیڑے میں شامل ہوگا جبکہ مزید 2طیارے اکتوبر اور دسمبر تک پی آئی اے کو مل جائیں گے۔

    انتظامیہ کا کہنا ہے کہ پی آئی اے کاروباری ضروریات کے مطابق نئےطیارے حاصل کررہی ہے، پی آئی اے بزنس پلان میں 8 سے زائد طیارے شامل کرنے کی منصوبہ بندی ہے، پی آئی اے کے ہوائی بیڑے میں بوئنگ 777 طیارے بھی شامل کیے جائیں۔

    خیال رہے اپریل میں کابینہ کی اقتصادی رابطہ کمیٹی نے قومی ایئر لائن کی ری اسٹرکچرنگ پلان کی منظوری دیتے ہوئے صدر و وزیراعظم کے وی وی آئی پی جہازوں کی مرمت کیلئے 33 کروڑ کی گرانٹ منظور کی تھی۔