Tag: PIA

کراچی: گراؤنڈ طیاروں کے حوالے سے قومی ایئر لائن پی آئی اے نے کہا ہے کہ انھیں نئے سال میں فضائی آپریشن کے لیے فعال کر دیا جائے گا۔

سی ای او پی آئی اے خرم مشتاق نے کہا ہے کہ نئے سال میں پی آئی اے کے گراؤنڈ طیاروں کو فعال کر کے فضائی آپریشن میں استعمال کیا جائے گا، آئندہ 6 ماہ میں پی آئی اے کے بوئنگ 777 ایئر بس طیاروں کو فعال کر کے تعداد 24 تک کرنے کا فیصلہ کیا گیا ہے۔

خرم مشتاق نے کہا ’’تین ہفتے قبل جب مجھے بورڈ نے قائم مقام سی ای او لگایا، تو اس وقت 34 میں سے صرف 16 طیارے اڑان بھر رہے تھے، تین ہفتوں میں پی آئی اے ٹیم نے محنت کر کے فوری طور پر 3 طیاروں کو فعال کر لیا ہے۔‘‘

سی ای او کے مطابق بوئنگ 777، ایئر بس 320 اور ایک اے ٹی آر کو فضائی آپریشن کے لیے فعال کر لیا گیا ہے، اور فضائی آپریشن میں اب فعال طیاروں کی تعداد 19 ہو گئی ہے۔

انھوں نے بتایا کہ بوئنگ 777 کو یورپی ملکوں کے فضائی آپریشن کے لیے استعمال کیا جائے گا، نیز، حج آپریشن 2025 کی تیاری بھی تیز کر دی گئی ہے، کوشش ہے کہ پی آئی اے کے تمام 34 طیاروں کو اسی سال فعال کر کے مکمل قوت سے پی آئی اے کا فضائی آپریشن چلایا جائے۔

خرم مشتاق کا کہنا تھا کہ ان اقدامات سے پی آئی اے کی آمدنی میں دگنا اضافہ ہوگا، پی آئی اے ملازمین کی تنخواہوں میں بھی 25 فی صد اضافے کا فیصلہ کیا گیا ہے، جس پر جلد عمل درآمد کیا جائے گا۔

کراچی: پاکستان انٹرنیشنل ایئرلائن (پی آئی اے) کے ملازمین کی تنخواہوں میں 25 فی صد اضافے کی درخواست پر وزارت نجکاری نے پی آئی اے سی ایل سے مالیاتی تخمینے طلب کر لیے۔

تفصیلات کے مطابق وزارت نجکاری کی جانب سے خط میں پی آئی اے سے تنخواہوں میں اضافے کے ساتھ آئندہ 12 ماہ کے مالیاتی خسارے کی تفصیل طلب کر لی گئی ہے۔

وزارت نے پی آئی اے کے کوآپریٹ کمیونکیشن ڈویژن کی کارکردگی کا منظور شدہ بزنس پلان سے موازنہ بھی مانگ لیا ہے، ذرائع کا کہنا ہے کہ وزارت نجکاری نے پی آئی اے سی ایل انتظامیہ کو تفصیلات فوری فراہم کرنے کی ہدایت کی ہے۔

ذرائع کے مطابق خط میں ملازمین کی تنخواہوں کے اضافے کے اثرات پر بھی رپورٹ طلب کی گئی ہے، اور کہا گیا ہے کہ پی آئی اے سی ایل کی 30 جون سے اب تک بزنس پلان کے تحت کارکردگی کا جائزہ پیش کیا جائے۔

پی آئی اے کا طیاروں کے حوالے سے بڑا فیصلہ

پی آئی اے بورڈ آف ڈائریکٹرز نے ملازمین کی تنخواہوں میں اضافے کو وزارت نجکاری کی اجازت سے مشروط کیا ہے، جب کہ پی آئی اے ملازمین کی تنخواہوں میں 2016 سے اضافہ نہیں ہوا ہے۔

کراچی: اے آر وائی نیو ز کی خبر پر پی آئی اے انتظامیہ حرکت میں آ گئی، قومی ایئر لائن کی انتظامیہ نے گراؤنڈ ہونے والے طیاروں کی مرمت کا کام شروع کر دیا۔

تفصیلات کے مطابق پی آئی اے کے آپریشنل فلیٹ میں اضافہ ہونے لگا ہے، قومی ایئر لائن کے بیڑے میں نئے انجنوں کے ساتھ 11 واں ایئر بس 320 AP-BOM شامل کر لیا گیا ہے۔

جہاز کو نئے پینٹ اور کیبن کی تزئین و آرائش کے ساتھ ہینگر سے رول آؤٹ کر دیا گیا ہے، پی آئی اے کے آپریشنل بیڑے میں اگلے چند دنوں میں طویل عرصے سے گراؤنڈ بوئنگ 777 اور ATR طیارے بھی شامل ہو جائیں گے۔

فلیٹ بحالی سے پی آئی اے کے نیٹ ورک میں وسعت اور پراڈکٹ کے معیار میں بہت بہتری آئے گی، رواں ہفتے سے پی آئی اے نے اندرون ملک پروازوں میں آن فلائٹ انٹرنیٹ سسٹم بھی متعارف کروایا گیا ہے، جو کہ مسافروں میں مقبولیت اختیار کر رہا ہے۔

پابندی اٹھنے کے بعد پی آئی اے کا یورپ فلائٹ آپریشن متاثر ہونے کا نیا خدشہ

سی ای او پی آئی اے خرم مشتاق کا کہنا ہے کہ پروازوں کے شیڈول پر سختی سے عمل کرنا، مسافروں کو محفوظ اور اعلیٰ معیار کے پراڈکٹ فراہم کرنا اوّلین ترجیح ہے، پی آئی اے کے فلائٹ شیڈول میں 90 فی صد ریگولیرٹی، آپریشنل بیڑے میں اضافہ اور پراڈکٹ میں بہتری کے لیے اٹھائے گئے اقدامات ہماری کمٹمنٹ کا حصہ ہیں۔

کراچی: شارجہ میں پی آئی اے کے ایک ملازم نے فرض شناسی اور ایمان داری کی مثال قائم کر دی، جب انھوں نے ہزاروں درہم سے بھرا ایک گمشدہ پرس اس کے مالک کے حوالے کیا۔

تفصیلات کے مطابق پی آئی اے کی پشاور سے شارجہ جانے والی پرواز پر ایک مسافر اپنا پرس جہاز پر بھول گیا تھا، پرس میں تقریبا 15 ہزار درہم سمیت ضروری کاغذات موجود تھے۔

ترجمان پی آئی اے کے مطابق طیارے کے کیبن کی صفائی کے دوران قومی ایئر لائن کے ملازم اسامہ خان کو نقدی اور پرس سمیت ضروری کاغذات ملے، جس پر اس نے فی الفور پیشہ ورانہ اقدام کرتے ہوئے مسافر کو بروقت اطلاع دے دی۔

ملازم نے ایئرپورٹ پر موجود گراؤنڈ ہینڈلنگ ٹیم کی موجودگی میں تمام رقم اور پرس مسافر کے حوالے کر دی، مسافر نے پی آئی اے عملے کی ایمان داری اور سروسز کو سراہتے ہوئے ان کا شکریہ ادا کیا۔

پابندی اٹھنے کے بعد پی آئی اے کا یورپ فلائٹ آپریشن متاثر ہونے کا نیا خدشہ

ترجمان کا کہنا تھا کہ ایمان داری اور با اعتمادی کے ایسے اقدامات سے پی آئی اے پر مسافروں کے اعتماد کو خوب تقویت ملتی ہے۔

واضح رہے کہ قومی ایئر لائن (پی آئی اے) کے شعبہ انجینئرنگ انتظامیہ کی مبینہ غفلت اور ناقص کارکردگی کے سبب پی آئی اے کے 34 کے فلیٹ میں 17 طیارے گراؤنڈ ہو چکے ہیں، جس کی وجہ سے یورپ فلائٹ آپریشن متاثر ہونے کا خدشہ ہے۔

ذرائع کے مطابق بوئنگ 777 کے 12 طیاروں میں سے 7 گراؤنڈ ہیں، ایئر بس 320 ساختہ 17 طیاروں میں سے 7 گراؤنڈ ہیں، جب کہ 5 اے ٹی آر طیاروں میں سے صرف 2 طیارے فلائٹ آپریشنز میں حصہ لے رہے ہیں۔

کراچی: قومی ایئر لائن (پی آئی اے) کے سینئر افسر کی قائم مقام سی ای او کے طور پر تعیناتی پر اہم حکومتی شخصیت نے سخت برہمی کا اظہار کیا، اور کہا کہ بیوروکریسی سے تعیناتی ہونی چاہیے تھی۔

تفصیلات کے مطابق پی آئی اے کے کل وقتی سی ای او کی تعیناتی کا معاملے پر بورڈ آف ڈائریکٹر کا ہنگامی اجلاس طلب کیا گیا ہے، جو آج دوپہر 1 بجے کراچی میں ہوگا، جس کے لیے سیکریٹری ایوی ایشن حکومت کا پیغام لے کر کراچی پہنچ گئے ہیں۔

ذرائع کا کہنا ہے کہ گزشتہ ہفتے پی آئی اے بورڈ آف ڈائریکٹرز نے سینئر افسر خرم مشتاق کو قائم مقام سی ای او تعینات کیا تھا، اپنے ہی افسر کی تعیناتی پر ایک اہم حکومتی شخصیت برہم ہو گئی۔

حکومتی شخصیت نے کہا کہ پی آئی اے کے سی ای او کے لیے بیورکسی میں سے کسی شخصیت کا انتخاب کرنا چاہیے تھا، جو نجکاری مفادات کی نگہبانی کرے، حکومتی شخصیت کا مطالبہ تھا کہ سابقہ سی ای او کو ایکسٹنشن دے دی جاتی۔

پابندی اٹھنے کے بعد پی آئی اے کا یورپ فلائٹ آپریشن متاثر ہونے کا نیا خدشہ

ذرائع کے مطابق اجلاس میں اب اشتہار کے ذریعے سے نئے سی ای او کے انتخاب کی منظوری لی جائے گی، دیے جانے والے اشتہار میں سی ای او کی سلیکشن کے قواعد و ضوابط کو وضع کیا جائے گا۔

دوسری طرف ترجمان پی آئی اے کا کہنا ہے کہ بورڈ کا اجلاس ایک روٹین معاملہ ہے، جس میں پی آئی اے کے امور اور مستقبل سے متعلق سفارشات کا جائزہ لیا جائے گا اور ان کی منظوری دی جائے گی۔