Tag: PIA

کراچی: قومی ایئرلائن (پی آئی اے) کی ایک فلائٹ پر ایک مسافر بڑی رقم بھول گیا، تاہم ان کی خوش قسمتی تھی کہ انھیں یہ رقم کیبن کریو کی فرض شناسی کے باعث واپس مل گئی۔

تفصیلات کے مطابق سعودی عرب کے شہر دمام سے پنجاب کے شہر سیالکوٹ آنے والی پاکستان انٹرنیشنل ایئرلائن (پی آئی اے) کی پرواز میں ایک مسافر غیر ملکی کرنسی بھول گیا، جس کی مالیت 50 لاکھ روپے بنتی ہے۔

پی آئی اے کے کیبن کریو خاور بٹ کو کیبن سے یہ رقم مل گئی، انھوں نے انتظامیہ کو مطلع کیا اور پھر مسافر سے رابطہ کیا گیا، جس کے بعد یہ تمام رقم متعلقہ افسران کی موجودگی میں مسافر کے حوالے کر دی گئی۔

مسافر نے پی آئی اے کیبن کریو کے ایمان داری کے جذبے کو بے حد سراہا اور قومی ایئر لائن کے لیے نیک خواہشات کا اظہار کیا۔

کراچی: یورپ اور برطانیہ میں پی آئی اے پر سے پابندی مئی میں ہٹنے کی امید روشن ہو گئی۔

تفصیلات کے مطابق آج پیر کو ڈی جی سول ایویشن کی صدارت میں 43 ویں ای کچہری کا انعقاد کیا گیا، جس میں بتایا گیا کہ مئی میں پروازوں پر سے پابندی اٹھنے پر اپ ڈیٹ ملنے کی امید پیدا ہو گئی ہے۔

کچہری میں بتایا گیا کہ ڈرونز کے بارے میں جامع پالیسی جلد مکمل کر لی جائے گی، ڈرون پالیسی پر پالیسی دستاویز تیار کی جا رہی ہے جو حتمی ہونے پر PCAA ویب سائٹ پر دستیاب ہوگی۔ ہوائی حادثات میں احتساب کے حوالے سے مخصوص طریقہ کار اور تقاضے ہیں جن پر عمل کرنا ضروری ہے۔

ایڈیشنل ڈائریکٹر جنرل نے کچہری میں مسافروں کو اپنے حقوق سے متعلق آگاہی پر زور دیا اور کہا کہ ایئر لائنز کا صرف ’ٹیکنیکل‘ کہہ کر فلائٹ منسوخ کر دینا کافی نہیں ہے، فلائٹ منسوخی یا تاخیر اور پھر منسوخی کو رپورٹ کرنے سے متعلق ایئر لائنز کے لیے دستاویز تیار کی جائے گی۔

سیرین ایئر اور پی آئی اے کے خلاف شکایات کو ایئر لائنز کے ساتھ دوبارہ اٹھایا جائے گا، بتایا گیا کہ امیگریشن کاؤنٹرز پر ایف آئی اے مناسب تعداد میں اہلکاروں کو تفویض کرنے کی ذمہ دار ہے، کاؤنٹرز پر ناکافی اہلکاروں کا مسئلہ ایف آئی اے کے ساتھ متعدد بار اٹھایا جا چکا ہے اور اس پر مزید کارروائی کی جائے گی۔

کوئٹہ انٹرنیشنل ایئرپورٹ پارکنگ میں خصوصی افراد کے لیے جگہیں مختص کرنے اور صاف اور واضح نشانات لگانے کی ہدایت بھی جاری کی گئی، کچہری میں بتایا گیا کہ ڈیرہ غازی خان (ڈی جی خان) ایئرپورٹ فی الحال ایئر لائنز کے لیے منافع بخش روٹ نہیں ہے۔