ARYNews.tv | Urdu – Har Lamha Bakhabar

Tag: PIA

پی آئی اے کا مکمل نام پاکستان انٹرنیشنل ایئرلائنز ہے۔ یہ پاکستان کی قومی ایئرلائن ہے اور ملک کی سب سے بڑی ایئرلائن بھی ہے۔ پی آئی اے تقریباً 23 اندرون ملک اور 30 سے زائد بیرون ملک پروازیں چلاتی ہے جو ایشیا، یورپ اور جنوبی امریکہ تک جاتی ہیں۔

پی آئی اے اپنے مسافروں کو مختلف قسم کی سہولیات فراہم کرتی ہے جن میں شامل ہیں:

  • کوڈ شیئر: دنیا کی کئی بڑی ایئرلائنز کے ساتھ کوڈ شیئر کا معاہدہ کیا ہوا ہے جس سے مسافر دنیا کے مختلف حصوں میں آسانی سے سفر کر سکتے ہیں۔
  • مختلف کلاسز:  اپنے مسافروں کو مختلف کلاسز میں سفر کرنے کی سہولت فراہم کرتی ہے جن میں اکانومی، بزنس اور فرسٹ کلاس شامل ہیں۔
  • کیمپ اور ہوٹلز: ایئرلائن نے پاکستان کے مختلف شہروں میں کیمپ اور ہوٹلز بھی قائم کیے ہوئے ہیں۔
  • PIA
  • پی آئی اے PIA
  • ائیرہوسٹس کی تصویر پر تنقید، قومی ائیرلائن کا خوبصورت جواب

    ائیرہوسٹس کی تصویر پر تنقید، قومی ائیرلائن کا خوبصورت جواب

    کراچی: انٹرنیٹ پر وائرل ہونے والی پی آئی اے کی عمر رسیدہ ائیرہوسٹس کی تصاویر پر تنقید کے بعد قومی ایئرلائن کی انتظامیہ بھی میدان میں آگئی اور تنقید کرنے والوں کو جواب میں مسکراتا پیغام دے دیا۔

    تفصیلات کے مطابق انٹرنیٹ پر گزشتہ دنوں صابرہ نامی ائیرہوسٹس کی تصویر سوشل میڈیا ایکٹوسٹ نے جاری کی جس کے بعد انہیں شدید تنقید کا نشانہ بنایا گیا کیونکہ انہوں نے اس تصویر کے ساتھ تضحیک آمیز الفاظ تحریر کیے تھے۔

    برطانیہ میں مقیم خاتون صحافی شمع جونیجو نے اپنے ٹوئٹر اکاؤنٹ پر تصویر شیئر کرتے ہوئے تحریر کیا کہ ’’دنیا کی سب سے عمر رسیدہ (سینئر) ائیرہوسٹس اس چہرے کے ساتھ مسافروں کو خوش آمدید کہتی ہیں‘‘۔ اس ٹوئٹ میں انہوں نے ہنسنے والا ایموجی بھی استعمال کیا تھا۔

    خاتون صحافی نے ٹوئٹ کیا تو سماجی رابطے کی ویب سائٹ پر ایک طوفان برپا ہوگیا اور سب نے ائیرہوسٹس کا مزاق اٹھانے پر شمع جونیجو کو کرارے جوابات بھی دیے جبکہ کچھ صارفین نے یہ بھی کہا کہ اگر کوئی خاتون محنت سے روزی کمارہی ہیں تو اس میں مذاق اٹھانے کی کوئی بات نہیں ہے۔

    سماجی رابطے کی ویب سائٹس پر ہونے والی تنقید کے بعد شمع جونیجو نے ائیرہوسٹس (صابرہ) کی مزید تصاویر شیئر کی جس میں انہوں نے لکھا کہ جب پہلی تصویر شیئر کی تو صابرہ اسے دیکھ کر خود بھی ہنس پڑی تھی بعد ازاں انہوں نے مجھے اپنی دیگر تصاویر بھی دی اور ملازمت کے دوران پیش آنے والے مسائل سے بھی آگاہ کیا۔

    اس تمام تر صورتحال کے بعد پی آئی اے کی انتظامیہ بھی میدان میں آئی اور انہوں نے ائیرہوسٹس کی تصویر اپنے آفیشل اکاؤنٹ سے شیئر کرڈالی

    پی آئی اے ٹوئٹر پر شیئر ہونے والی صابرہ رضوی کی تصویر کے ساتھ لکھا گیا ہے کہ ’’آسمان کی بلندیوں پر مسکراتے چہرے کے ساتھ مسافروں کو خوش آمدید کہنے والی پی آئی اے کی جانثار ملازم جو بے خوفی کے ساتھ خدمات سرانجام دے رہی ہیں‘‘۔

  • پی آئی اے کے فروخت شدہ طیارے کی دوبارہ فروخت کا فیصلہ

    پی آئی اے کے فروخت شدہ طیارے کی دوبارہ فروخت کا فیصلہ

    کراچی : پی آئی اے نے جرمن کمپنی کو مبینہ طور پر فروخت کردہ طیارے کی دوبارہ فروخت کا فیصلہ کرلیا، ائر لائن انتظامیہ کی جانب سے ائر بس 310 طیارے کی فروخت کے لئے اشتہار دیا جائے گا۔

    ذرائع سے ملنے والی تفصیلات کے مطابق پی آئی اے نے جرمن کمپنی کو مبینہ طور پر فروخت کردہ طیارے کی دوبارہ فروخت کا فیصلہ کیا ہے، مذکورہ طیارہ قومی ائر لائن کے سابق جرمن سی ای او نے جرمن کمپنی کے حوالے کیا تھا۔

    مبینہ فروخت کے حوالے سے ہلڈن برنڈ کے خلاف ایف آئی اے کی تحقیقات تا حال جاری ہیں، ہلڈن برنڈ کے پلان کے مطابق طیارہ دسمبر 2016 میں لپذک نامی جرمن ایئر پورٹ پر ائر لائن کے خرچے پر پہنچایا گیا۔

    ذرائع کے مطابق مذکورہ کمپنی کی جانب سے طیارے کی قیمت پہلے 34 ہزار7 سو 50 جبکہ بعد ازاں 47 ہزار 5سو یورو لگائی گئی تھی، کل رقم طیارے اور قومی ائر لائن کے مذکورہ ائر پورٹ پر مستقل ڈسپلے کی مد میں کمپنی نے وصول کرنا تھی۔

    ذرائع کا مزید کہنا ہے کہ پلان کے مطابق اس ایئر پورٹ کو پی آئی اے کی نیویارک پروازوں کے لئے بطور ٹرانزٹ ائر پورٹ استعمال کیا جانا تھا، طیارے کے لزپک ائر پورٹ پہنچانے کے لئے ایک مقامی حکم نامے کے اجراء کے علاوہ کوئی معاہدہ نہیں کیا گیا۔

    ذرائع کا کہنا ہے کہ جرمن ائر پورٹ تک طیارے کو پہنچانے کے لئے طیارے کے انجنز کے آخری سئیکل استعمال کئے گئے، طیارے کے انجن نا قابل استعمال ہو جانے کی بنا پر طیارے کو اس ایئر پورٹ پر فروخت کیا جائے گا۔

    ذرائع کا کہنا ہے کہ طیارے کی بیرون ملک فروخت کے لئے آئندہ چند روز تک میڈیا میں اشتہار شائع کرایا جائے گا، اس حوالے سے پی آئی اے کے قائم مقام سی ای او نیئر حیات کا کہنا ہے کہ مذکورہ طیارے کو بیرون ملک ہی فروخت کیا جائے گا۔

  • وزیراعظم کا دورہ تاجکستان، پی آئی اے میں قلت کے باوجود دو طیارے مختص

    وزیراعظم کا دورہ تاجکستان، پی آئی اے میں قلت کے باوجود دو طیارے مختص

    کراچی : وزیر اعظم نواز شریف کے دورہ تاجکستان کیلئے پی آئی اے نے جہازوں کی قلت کے باوجود دو اہم طیارے مختص کردیئے، بارہ رکنی ایئر ہوسٹسز کا گروپ بھی ہمراہ جائے گا۔

    تفصیلات کے مطابق اربوں روپے خسارے میں چلنے والے قومی ادارے پی آئی اے کو ایک اور جھٹکا لگ گیا، وزیر اعظم نواز شریف کے آئندہ چند روز میں دورہ تاجکستان کیلئے وزارت خارجہ کی جانب سے پی آئی اے کو وی وی آئی پی پرواز کے لئے طیارہ مختص کرنے کی ہدایت کی گئی ہے۔

    قومی ائیر لائن کا مختص کردہ ایک طیارہ خصوصی پرواز کے لئے جبکہ دوسرا اسٹینڈ بائی ہوگا، مذکورہ ہدایات کے بعد ائیر لائن انتظامیہ کی جانب سے پیر تک وی وی آئی پی پرواز کا طیارہ مختص کئے جانے کا امکان ہے۔

    ائیر بس اے320یا بوئنگ777طیارے میں سے کوئی ایک دورے کیلئےمختص کئے جانے کے آپشنز پر غور کیا جارہا ہے، مذکورہ دونوں طیارے5سے6جولائی تک قومی ائیر لائن کے فضائی آپریشن سے باہر رہیں گے۔

    ذرائع کے مطابق دو طیاروں کی کمی سے طیاروں کی قلت کا شکار قومی ائر لائن کا آپریشن بھی متاثر ہوگا، وی وی آئی پی پرواز کے لئے بارہ فضائی میزبانوں کا گروپ بھی مختص کیا جا ئے گا۔

    واضح رہے کہ وزیر اعظم نواز شریف پانچ جولائی کو 2 روزہ دورے پر تاجکستان کے صدر مقام دوشنبہ روانہ ہوں گے جہاں وہ تاجک رہنماؤں سے دو طرفہ اور تجارتی امور پر بات چیت کریں گے۔

    اپنے دورے کے دوران وزیر اعظم نواز شریف تاجک صدر ایموملی راہمون اور وزیر اعظم قاہر رسول زادہ سے ون آن ون ملاقات بھی کریں گے۔

  • پی آئی اے کے حج آپریشن کو حتمی شکل دے دی گئی

    پی آئی اے کے حج آپریشن کو حتمی شکل دے دی گئی

    کراچی: پی آئی اے نے حج آپریشن کو حتمی شکل دے دی ہے۔ پی آئی اے کا حج آپریشن 24 جولائی سے شروع ہو کر 26 اگست تک عازمین کو حجاز مقدس تک پہنچانے کے لیے جاری رہے گا۔

    پی آئی اے اس سال 133 سے زائد پروازوں کے ذریعے 75 ہزار سے زائد عازمین کو حجاز مقدس پہنچائے گی۔ 56 ہزار سے زائد سرکاری اسکیم کے تحت جبکہ 25 ہزار سے زائد عازمین پرائیوٹ اسکیم کے تحت سعودی عرب جائیں گے۔

    پی آئی اے کے قائم مقام سی ای او نیئر حیات نے اے آر وائی نیوز کو بتایا کہ چیئرمین پی آئی اے عرفان علی کی ہدایت پر حج آپریشن کی تمام تر تیاریاں مکمل ہیں۔

    ان کے مطابق پی آئی اے حج آپریشن کے دوران اپنے جدید بوئنگ 777 طیارے آپریٹ کرے گی۔ پہلی حج پرواز 24 جولائی کو اسلام آباد سے 400 سے زائد عازمین کو لے کر حجاز مقدس روانہ ہوگی۔

    آپریشن 26 اگست تک جاری رہے گا جبکہ حجاج کرام کی واپسی کا عمل 6 ستمبر سے شروع ہوگا اور 5 اکتوبر تک جاری رہے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ 

  • پی آئی اے: کنٹریکٹ پائلٹس سے تربیتی اخراجات وصول کرنے کا فیصلہ

    پی آئی اے: کنٹریکٹ پائلٹس سے تربیتی اخراجات وصول کرنے کا فیصلہ

    کراچی: پی آئی اے نے کنٹریکٹ پائلٹس سے تربیتی اخراجات وصول کرنے کا فیصلہ کرلیا۔

    تفصیلات کے مطابق پی آئی اے نے کنٹریکٹ پائلٹس سے تربیتی اخراجات وصول کرنے کا فیصلہ کرلیا ، 60 سال سے زائد عمر کے 22 ریٹائرڈ پائلٹس کو ایک سالہ کنٹریکٹ پر گزشتہ برس بھرتی کیا گیا ہے۔

    اطلاعات کے مطابق بنکاک میں اے ٹی آر طیاروں کی سیمولیٹر تربیت کے دوران 17 پائلٹس مرحلہ وار فیل ہوئے، تربیت اور تنخواہوں کی مد میں ایک پائلٹ پر 30 لاکھ روپے سے زائد کے اخراجات صرف ہوئے۔

    یہ بھی اطلاعات ہیں کہ فیل پائلٹس کی اکثریت نے دوران تربیت سمولیٹرز سافٹ ویئر پر فرضی جہاز ہی تباہ کر ڈالے۔

    نمائندہ اے آر وائی نیوز صلاح الدین کے مطابق فیل پائلٹس کی اکثریت اکتوبر 2017 تک کے کنٹریکٹ پر بھرتی کی گئی ہے، 10 پائلٹس کو تربیت میں فیل ہونے کے باعث ملازمت سے کچھ عرصہ قبل فارغ کیا گیا ہے۔

    دوسرے مرحلے میں فیل ہونے والے 7 پائلٹس کو سابق انتظامیہ نے مبینہ طور پر برطرف نہیں کیا، مذکورہ فیل پائلٹس کی برطرفی کے احکامات مارچ میں چیف پائلٹ کریو ٹریننگ نے جاری کیے۔

    ترجمان پی آئی اے کا کہنا ہے کہ پائلٹس کو معاہدے کے مطابق ایک ماہ کی تنخواہ دے کر فارغ کیا گیا ہے۔

  • پی آئی اے کے جہازسے ہیروئن برآمدگی،ملازمین سمیت 14 گرفتار

    پی آئی اے کے جہازسے ہیروئن برآمدگی،ملازمین سمیت 14 گرفتار

    راولپنڈی : ڈی جی اے این ایف میجرجنرل مسرت نواز نے کہا ہے کہ ہیتھرو ائرپورٹ پر پی آئی اے کے جہاز سے ہیروئن برآمدگی کی شفاف تحقیقات کی گئی ہیں، ڈیڑھ ماہ کی تحقیقات کے بعد 14ملزمان کو گرفتارکیا گیا ہے۔

    یہ بات انہوں نے راولپنڈی میں پریس کانفرنس سے خطاب کرتے ہوئے کہی، انہوں نے مزید کہا کہ 2ماہ میں 750پروازوں کو چیک کیا گیا، کیس میں پی آئی اے، اے ایس ایف کے سابق اہلکارملوث پائے گئے۔

    ایک شخص کو لاہور اورنو ملزمان کو کراچی سے گرفتارکیا گیا، کچھ اوپرکے درجے کے ملازمین بھی اس میں شامل ہیں۔ آئی ایس آئی نے گرفتاریوں میں بہت مدد کی۔

    مزید پڑھیں : لندن میں پی آئی اے کے طیارے سے مبینہ طورپرمنشیات برآمد

    ڈی جی اے این ایف میجر جنرل مسرت نواز نے کہا کہ وزیر اعظم پاکستان نواز شریف، آرمی چیف اور وزیر داخلہ کی خصوصی ہدایات پرہیتھرو ائرپورٹ پر قومی ائرلائن سے ہیروئن برآمدگی کے واقعے کے بعد کارروائی کی گئی۔

    مزید پڑھیں : راولپنڈی،پی آئی اے کی لندن پرواز سے ہیروئن پکڑی گئی

    انہوں نے کہا کہ پی آئی اے کے جہاز سے ہیروئن برآمد ہونے کے بعد قومی ائرلائن کی دنیا بھر میں جگ ہنسائی ہوئی ہے۔

    مزید پڑھیں: لاہور ائیرپورٹ، مالٹوں میں چھپائی ہیروئن برآمد، ملزم گرفتار

  • خاتون کوکاک پٹ میں بٹھانے والے پی آئی اے کپتان کیخلاف رپورٹ تیار

    خاتون کوکاک پٹ میں بٹھانے والے پی آئی اے کپتان کیخلاف رپورٹ تیار

    کراچی : پی آئی اے کی پرواز میں چینی خاتون کو کاک پٹ میں بلانے پر کیپٹن شہزاد کےخلاف تحقیقات مکمل کرکے قانون کی خلاف ورزی کا مرتکب قرار دے دیا گیا، 3رکنی کمیٹی نے مزید کارروائی کے لئے پی آئی اے انتظامیہ کو رپورٹ پیش کردی۔

    تفصیلات کے مطابق گزشتہ ماہ پی آئی اے کی پرواز852میں جہاز کے کپتان نے ایک غیر ملکی خاتون کو خلاف قانون کاک پٹ میں بٹھا لیاتھا، مذکورہ لڑکی جہاز کے ٹیک آف سے لے کر لینڈنگ تک کاک پٹ میں ہی رہی۔ جس پر سول ایوی ایشن نے واقعے کا نوٹس لے کر تحقیقات کاحکم دیا تھا۔

    تحقیقاتی کمیٹی نے اپنی رپورٹ مکمل کرکے مزید کارروائی کیلئے پی آئی اے انتظامیہ کے حوالے کردی ہے، رپورٹ کے مطابق کیپٹن شہزاد کو اس خاتون کو کاک پٹ میں بلانے پر قوانین کی خلاف ورزی کا مرتکب قرار دیا گیا ہے۔

    کمیٹی کا کہنا ہے کہ خاتون مسافرکو طیارےکی لینڈنگ سے چند منٹ پہلے کاک پٹ میں بلایا گیا، خاتون پروازکی بیجنگ ایئرپورٹ پرلینڈنگ تک کاک پٹ میں ہی موجود رہی۔

    تحقیقاتی رپورٹ میں بتایا گیا ہے کہ غیرمتعلقہ فرد کی کاک پٹ میں موجودگی پر پابندی عائد ہے، کیپٹن شہزاد عزیز کے اس عمل سے قومی ائیرلائن سمیت ملکی ساکھ بھی بےحد متاثر ہوئی ہے، اس اقدام سے مسافروں اورطیارے کو خطرات لاحق ہوئے۔

    مزید پڑھیں: پی آئی اے: غیرملکی خاتون کا پائلٹ کے کاک پٹ میں سفر

    رپورٹ میں سفارش کی گئی ہے کہ کیپٹن کےخلاف سی اےاے قوانین کے تحت ڈسپلنری کارروائی کی جائے، پروازمیں تعینات خاتون سینئر پرسر کےخلاف بھی ڈسپلنری کارروائی کی جائے۔

    کاک پٹ میں غیرملکی خاتون‘ کپتان کے خلاف تحقیقاتی کمیٹی قائم

    تحقیقاتی رپورٹ میں مزید کہا گیا ہے کہ شہناز بی بی نے واقعے سے متعلق غلط بیانی پرمبنی بیان دیا، شہنازبی بی نے تحقیقاتی کمیٹی کو گمراہ کرنے کی بھی کوشش کی۔

  • پی آئی اے: سیالکوٹ سے کراچی آنے والی خاتون کا زیور چوری

    پی آئی اے: سیالکوٹ سے کراچی آنے والی خاتون کا زیور چوری

    کراچی: پی آئی اے کی فلائٹ کے ذریعے سیالکوٹ سے کراچی آنے والی خاتون کا زیور چوری ہوگیا، سیالکوٹ میں ہینڈ بیگ زبردستی بک کرایا گیا، بیگ کراچی پہنچا تو سونے کی دو قیمتی انگوٹھیاں غائب تھیں۔

    تفصیلات کے مطابق قومی ایئر لائن کے ذریعے سفر کرنے والے افراد کا سامان چوری ہونے کے واقعات میں اضافہ ہونے لگا، عملہ زیادہ سے زیادہ سامان کارگو کرانے کی کوشش کرتا ہے جب سامان مسافر تک پہنچتا ہے تو اکثر قیمتی اشیا غائب ہوتی ہیں۔

    ایسا ہی ایک واقعہ سیالکوٹ سے اپنے شوہر کے ہمراہ کراچی آنے والے خاتون کے ساتھ پیش آیا جن کا ہینڈ بیگ سیالکوٹ سے بک کرایا گیا اور کراچی پہنچا تو اس میں سے سونے کی دو انگوٹھیاں غائب تھیں۔

    کراچی کے رہائشی خرم امتیاز نے اے آر وائی نیوز کو بتایا کہ میں اور میری زوجہ نے 30 مارچ کو سیالکوٹ سے کراچی کے لیے پی آئی اے کی فلائٹ پی کے 397 سے سفر کیا، سیالکوٹ ایئرپورٹ پر ہمارے دستی بیگ کو زبردستی ہماری مرضی کے برخلاف کارگو کے لیے بک کردیا گیا۔

    جب ہم کراچی ایئرپورٹ پہنچے جہاں ہمارا بیگ ہمارے حوالے کیا گیا اسے چیک کیا تو اس کی ایک زپ اوپن تھی، ہینڈ کیری سے ایک جیولری بکس نکال کر کسی نے اوپری جگہ میں رکھا ہوا تھا، بیگ بھی پھٹا یا کٹا ہوا تھا، جیولری بکس سے سونے کی دو انگوٹھیاں غائب تھیں۔

    خرم امتیاز نے بتایا کہ انہوں نے پی آئی اے کے عملے سے شکایت کی انہوں نے کمپلین کاپی بھی دی لیکن بعدازاں کچھ نہ ہوا اور کارگو لانے کے ذمہ دار عملے کے خلاف کوئی کارروائی نہیں ہوئی اور نہ چور ی سے متعلق مزید کچھ معلومات مل سکیں۔

    انہوں نے بتایا کہ بعد ازاں سول ایوی ایشن کے عملے کو شکایت کی لیکن انہوں نے بھی جواب دیا کہ ہمیں کوئی کلیو نہیں ملا تاحال ہمیں اپنی چوری شدہ انگوٹھیاں واپس نہیں ملیں۔

    یہ بھی پڑھیں: لاہورایئرپورٹ پرکارروائی‘ میاں بیوی ہیروئن اسمگلرزگرفتار

    خرم امتیاز نے شکوہ کیا کہ میں نے کسی بس یا رکشا میں سفر نہیں کیا بل کہ قومی ایئرلائن میں سفر کیا ہے، ایئرپورٹ سیکیورٹی فورس کہاں گئی؟ سی سی ٹی وی کیمرے کہاں گئے؟ سیکیورٹی افسران جن کی ذمہ داری بنتی ہے ان کی کارکردگی کیا ہے؟ جو سامان چوری ہوا اور کوئی نہیں پکڑا گیا؟

    انہوں نے مطالبہ کیا کہ اس نظام میں موجود اس سقم کو دور کیا جائے، چوری کا سلسلہ بند کرایا جائے تاکہ دیگر مسافروں کا سامان بھی بدعنوان افراد کی دست برد سے محفوظ رہ سکے۔

    دیکھیں ویڈیو بیان:


    پی آئی اے: سیالکوٹ سے کراچی آنے والی خاتون کا… by arynews

  • پی آئی اے کے مسافر’پاک بھارت میچ‘ سے لطف اندوز ہوں گے

    پی آئی اے کے مسافر’پاک بھارت میچ‘ سے لطف اندوز ہوں گے

    کراچی: کرکٹ چیمپئنز ٹرافی کا جنون زمین سے آسمان تک جاپہنچا ہے‘ پاکستان کی قومی فضائی کمپنی پی آئی اے نےانتظام کیا ہے کہ اب فضاؤں میں سفر کرنے والے مسافر بھی کرکٹ سے ہر لمحہ اپ ڈیٹ رہیں گے۔

    تفصیلات کے مطابق پی آئی اے برطانیہ، یورپ، امریکا، کینیڈا اور چین جانیوالی اپنی تمام پروازوں میں آئی سی سی چیمپئنرز ٹرافی میں پاک بھارت کے درمیان ہونے والے سنسنی خیز میچ سے مسافروں کو میچ سے باخبر رکھے گی۔

    پی آئی اے کے قائم مقام چیف ایگزیکٹیو آفیسر نیئر حیات نے اے آروائی نیوز کو بتایا کہ لانگ روٹ پر جانیوالی تمام پروازوں میں بوئنگ777طیاروں کے کپتانوں کو ہدایت جاری کردی گئی ہیں کہ وہ دورانِ پرواز اپنے مسافروں کو ہرپندرہ منٹ بعد سیٹلائٹ کمیونکیشن اور ACARSسسٹم کے تحت کرکٹ کی اپ ڈیٹ لیتے رہیں گے تاکہ لانگ روٹ کے مسافر فضاؤں میں بھی میچ سے لطف اندوز ہوتے رہیں۔

    چیمپیئنزٹرافی کا سب سےبڑامقابلہ

    یاد رہے کہ پاکستان اور بھارت کے درمیان چیمپیئنز ٹرافی2017 کا اہم میچ آج کھیلا جائے گا۔ میچ پاکستانی وقت کے مطابق ڈھائی بجے شروع ہو گا۔

    آئی سی سی چیمپیئنز ٹرافی میں بھارت کے خلاف ہائی وولٹیج ٹاکرے کے لیے پاکستان کوکپتان سرفراز احمد، اظہرعلی، احمد شہزاد، بابر اعظم، شعیب ملک، محمد حفیظ، شاداب خان، عماد وسیم، فہیم اشرف، وہاب ریاض، محمد عامر اور حسن علی کی خدمات حاصل ہیں۔

    اس موقع پر کپتان سرفراز احمد کا کہنا تھا کہ بھارت کابیٹنگ آرڈر مضبوط ہے، ہماراپہلا ہدف بھارت کی ٹیم کو جلدآؤٹ کرنا ہوگا، جبکہ بھارت کے خلاف جدید حکمت عملی کے ساتھ کھیلیں گے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • پی آئی اے طیاروں سے منشیات کی برآمدگی ملک کی بدنامی ہے، رحمان ملک

    پی آئی اے طیاروں سے منشیات کی برآمدگی ملک کی بدنامی ہے، رحمان ملک

    اسلام آباد : سینیٹ کی قائمہ کمیٹی داخلہ اور نارکوٹکس کے چئیرمین کمیٹی رحمان ملک نے کہا کہ پی آئی اے کے طیاروں سے منشیات کی برآمدگی سے عالمی سطح پر ملک کی بدنامی ہوئی ہے۔

    یہ بات انہوں نے اجلاس سے خطاب کرتے ہوئے کہی، پارلیمنٹ لاجز میں ہونے والے اجلاس میں کمیٹی کو اے این ایف حکام نے بریفنگ بھی دی۔

    چئیرمین کمیٹی رحمان ملک نے کہا کہ میری معلومات کے مطابق ائیرپورٹ پر ایک منشیات مافیا ہے جس میں سارے اداروں کے اہلکار شامل ہیں۔

    منشیات کو جہاز کے پینل میں چھپایا جاتا ہے۔ سینیٹر چوہدری تنویر نے کہا کہ دو دن بعد اسی جہاز پر وزیراعظم نے بھی جاناتھا اگر یہ ہیروئن اس وقت نکل آتی ملک کی کتنی بےعزتی ہوتی، اجلاس میں کہا گیا کہ اے این ایف کی بروقت کارروائی قابل تعریف ہے۔

    ایف آئی اے نے اب تک کیس کیوں نہیں رجسٹر کیا ہے؟ اس میں اب تک ایک بھی شخص گرفتار نہیں کیا گیا۔ حکام نے کمیٹی کو بتایا کہ طیاروں کی روزانہ کہ بنیاد پر اسکیننگ کر رہے ہیں۔

    کمیٹی کو اے این ایف حکام نے بریفنگ میں بتایا کہ دو واقعے چھ دن کے وقفے سے ہیروئین ملنے کے ہوئے۔ دونوں ہیروئن ایک ہی قسم کی تھیں جو ہیتھرو ائر پورٹ اور بے نظیر بھٹو انٹرنیشنل ائر پورٹ سے ملی۔ پورے ملک سے جانے والی تمام پروازوں کو اب چیک کیا جا رہا ہے۔ ہم انکوائری کر رہے ہیں لیکن ابھی تک کسی کو گرفتار نہیں کیا گیا۔

    چئیرمین کمیٹی رحمان ملک نے کہا کہ منشیات کی اسمگلنگ منظم کام ہے۔ کمیٹی وزیراعظم کا تحقیقاتی کمیٹی کی احکامات کی تعریف کرتی ہے۔

    آئندہ میٹنگ میں پی آئی اے، سی آئی اے کے ذمہ داروں کو بلایا جائے۔ کیا کوئی ایسی ایجنسی ائیرپورٹ پر نہیں جو منشیات کو کنٹرول کرتی ہے۔