ARYNews.tv | Urdu – Har Lamha Bakhabar

Tag: PIA

پی آئی اے کا مکمل نام پاکستان انٹرنیشنل ایئرلائنز ہے۔ یہ پاکستان کی قومی ایئرلائن ہے اور ملک کی سب سے بڑی ایئرلائن بھی ہے۔ پی آئی اے تقریباً 23 اندرون ملک اور 30 سے زائد بیرون ملک پروازیں چلاتی ہے جو ایشیا، یورپ اور جنوبی امریکہ تک جاتی ہیں۔

پی آئی اے اپنے مسافروں کو مختلف قسم کی سہولیات فراہم کرتی ہے جن میں شامل ہیں:

  • کوڈ شیئر: دنیا کی کئی بڑی ایئرلائنز کے ساتھ کوڈ شیئر کا معاہدہ کیا ہوا ہے جس سے مسافر دنیا کے مختلف حصوں میں آسانی سے سفر کر سکتے ہیں۔
  • مختلف کلاسز:  اپنے مسافروں کو مختلف کلاسز میں سفر کرنے کی سہولت فراہم کرتی ہے جن میں اکانومی، بزنس اور فرسٹ کلاس شامل ہیں۔
  • کیمپ اور ہوٹلز: ایئرلائن نے پاکستان کے مختلف شہروں میں کیمپ اور ہوٹلز بھی قائم کیے ہوئے ہیں۔
  • PIA
  • پی آئی اے PIA
  • قومی ایئرلائن کا چین کیلئے پروازوں میں اضافہ

    قومی ایئرلائن کا چین کیلئے پروازوں میں اضافہ

    کراچی: پاک چین اقتصادی راہداری کے حوالے سے قومی ایئرلائن نے چین کیلئے پروازوں میں اضافہ کردیا۔

    تفصیلات کے مطابق پاکستان ایئر لائن کے قائم مقام سی ای او قاسم حیات کا کہنا ہے کہ اسلام آباد سے بیجنگ کیلئے ہفتہ وار دو کے بجائے چھ پروازیں آپریٹ کی جائیں گی۔

    قائم مقام سی ای او نے بتایا ہے کہ بیجنگ کیلئے پروازوں میں اضافے سے پاک چین تعلقات میں فروغ اور اقتصادری راہداری کے حوالے پی آئی اے ریونیو میں بھی اضافہ ہوگا۔

    یہ  بھی پڑھیں : شمالی علاقہ جات کی فضائی حدود پروازوں کے لیے بند

    ان کا کہنا تھا کہ قومی ایئرلائن کا ویژن ہے کہ 2020 تک بیڑے میں جدید 60 طیارے شامل ہوجائیں گے، 2017 تک پی آئی اے کے بیڑے میں جدید ایئربس 330 کے دو طیارے، 777 بوئنگ ، ایئر بس 320 چار طیارے شامل ہوجائیں گے۔

  • شمالی علاقہ جات کی فضائی حدود پروازوں کے لیے بند

    شمالی علاقہ جات کی فضائی حدود پروازوں کے لیے بند

    کراچی: سول ایوی ایشن اتھارٹی کے احکامات کے بعد شمالی علاقہ جات کی فضائی حدود پروازوں کے لیے بند کردی گئیں۔

    تفصیلات کے مطابق سول ایوی ایشن اتھارٹی ترجمان نے کہا ہے کہ پی آئی اے نے اتوار کے لیے مختلف پروازیں ری شیڈول کردیں ہیں جس کے مطابق اسلام آباد سے گلگت کی دو طرفہ پرواز نمبر 607 اور 608 ری شیڈول کی گئی ہیں۔

    تر جمان نے بتایا کہ اسلام آباد سے گلگت کی دو طرفہ پرواز نمبر 607 اور 608 کو بھی ری شیڈول کیا گیا ہے۔ علاوہ ازیں اسلام آباد سے کابل کی دو طرفہ پرواز نمبر 249 اور 250 بھی ری شیڈول کی گئی ہے۔

    سی اے اے ترجمان کے مطابق ری شیڈول پروازوں کی آمدورفت میں ایک سے ڈیڑھ گھنٹہ تاخیر کا امکان ہے، مذکورہ پروازیں صرف ایک دن اتوار کے لیے ری شیڈول کی گئی ہیں۔

    سول ایوی ایشن اتھارٹی نے مسافروں کو ہدایت دی ہے کہ مذکورہ پروازوں کے مسافر ایئرپورٹ پہنچنے سے قبل انتظامیہ سے معلومات ضرور حاصل کریں۔

  • پی آئی اے : پانچ لاکھ سے زائد تنخواہ لینے والے افسران کی تفصیلات طلب

    پی آئی اے : پانچ لاکھ سے زائد تنخواہ لینے والے افسران کی تفصیلات طلب

    کراچی : قومی اسمبلی کی قائمہ کمیٹی برائے کابینہ ڈویژن کے اجلاس میں پی آئی اے کی مجموعی کارکردگی اور لاکھوں روپے ماہانہ تنخواہوں پر تعینات جرمن چیف ایگزیکٹو افسر سمیت دیگر افسران کی تعیناتی پر شدید اظہار برہمی کیا گیا۔

    تفصیلات کے مطابق قومی اسمبلی کی قائمہ کمیٹی برائے کابینہ ڈویژن کے چیئرمین رانا حیات کی سربراہی میں پی آئی اے ہیڈ آفس میں دوسرے روز بھی اجلاس جاری رہا۔

    اجلاس میں‌ پی آئی اے کی کارکردگی پر اپوزیشن سے تعلق رکھنے والے ارکان اسمبلی اور حکومتی قائمہ کمیٹی کے ارکان آپس میں الجھ گئے۔

    اجلاس میں قائمہ کمیٹی نے پی آئی اے کی مجموعی کارکردگی پر شدید اظہار برہمی کرتے ہوئے کمیٹی کی جانب سے پی آئی اے میں لاکھوں روپے ماہانہ تنخواہوں پر تعینات جرمن چیف ایگزیکٹو افسر سمیت دیگر افسران کی تعیناتی پر بھی حیرت اور برہمی کا اظہار کیا۔

    ارکان نے شدید تنقید کرتے ہوئے کہا کہ پی آئی اے اربوں روپے خسارے سے دوچار ہے، اتنے بھاری معاوضے پر افسران کیوں بھرتی کیے گئے، کمیٹی نے 5 لاکھ روپے سے زائد تنخواہ پر تعینات تمام افسران کی بشمول جرمن سی ای او کی کارکردگی کی تفصیلات طلب کرلیں۔

    کمیٹی کی جانب سے گذشتہ برسوں میں مختلف پروازوں کے سیکٹرز کے آغاز اور بند کیے جانے کی وجوہات بھی طلب کرلیں اور کمیٹی کے ارکان نے پی آئی اے کے طیاروں کے ذریعے منشیات کی اسمگلنگ پر بھی برہمی کا اظہار کیا۔

    قائمہ کمیٹی نے دو ماہ قبل پی آئی اے کے طیاروں میں منشیات نکلنے کے حوالے سے بننے والی تحقیقاتی کمیٹی جس میں اے ایس ایف، اے این ایف اور پی آئی اے کے افسران شامل ہیں سے  منشیات میں ملوث ملزمان کی نشاندہی اور ذمہ داروں کے تعین پر مبنی رپورٹ ایک ماہ کے اندر طلب کرلی ہے۔

     

  • پی آئی اے کا 8 بوئنگ طیارے خریدنے کا فیصلہ

    پی آئی اے کا 8 بوئنگ طیارے خریدنے کا فیصلہ

    کراچی: پاکستان کی فضائی کمپنی نے بوئنگ کمپنی سے 787-300 کے آٹھ جدید طیارے خریدنے کا فیصلہ کرلیا ، طیارے 2017ء کے جون کے وسط میں پی آئی اے کے بیٹرے میں شامل ہونا شروع ہوجائیں گے ۔

    چیئرمین پی آئی اے اعظم سہگل نے اے آر وائی نیوز کے نمائندے محمد صلاح الدین سے گفتگو میں بتایا کہ بوئنگ کمپنی سے 787 طیارے آسان اقساط پر حاصل کریں گے جو کہ اسٹیٹ آف آرٹ طیارے ہیں یہ طیارے کم فیول استعمال کرتے ہیں اور چارسو مسافروں کے بیٹھنے کی گنجائش ہے۔

    ا عظم سہگل نے بتایا کہ طیارے 2017 کے جون کے وسط میں مرحلہ وار ملنا شروع ہوجائیں گے جس سے پی آئی اے کے بیڑے میں طیاروں کی تعداد میں اضافہ ہوجائے گا، پی آئی اے اکتوبر سے کراچی سے لندن کے لیے پریمیئر شروع کررہی ہے، اکتوبر اوردسمبر میں ایئربس 330 کے دو طیارے پی آئی اے کو مل جائیں گے جس کے بعد پی آئی اے اپنے مزید سیکٹروں میں اضافہ کرے گی جن میں بنکاک، جرمنی، اور بارسلونا شامل ہیں جبکہ دیگر سیکٹرز پر بھی پروازوں کی تعداد میں اضافہ کیا جائے گا۔

    پی آئی اے کو مزید طیارے حاصل ہونے کے بعد مسافروں کو جدید سفری سہولت کے ساتھ ساتھ پی آئی اے کے آمدنی میں بھی اضافہ ہوگا۔ جس سے پی آئی اے کے خسارے میں قابو پانے میں مدد ملے گی۔

    دوسری جانب ایئربس 310 کے پانچ طیارے حج آپریشن مکمل ہونے کے بعد ریٹائرڈ کردیے جائیں گے ۔ پی آئی اے اپنے پرانے طیاروں کو ریٹائرڈ کرکے مرحلہ وار جدید طیارے شامل کرے گی۔

  • بھارت نے پی آئی اے کو اپنی فضائی حدود سے گزرنے پر پابندی عائد کردی

    بھارت نے پی آئی اے کو اپنی فضائی حدود سے گزرنے پر پابندی عائد کردی

    اسلام آباد : بھارت نے پی آئی اے کی پرواز کو اپنی حدود سے گزارنے پر پابندی لگا دی۔

    تفصیلات کے مطابق بھارت نے اپنی روایتی ہٹ دھرمی کا مظاہرہ کرتے ہوئے پاکستان انٹرنیشنل ایئرلائن کی پروازوں کو بھارتی حدود سے گزارنے سے منع کردیا۔

    بھارتی ایوی ایشن اتھارٹی نے پی آئی اے کی پشاور سے کوالالمپور جانے والی پرواز کو اپنی فضائی حدود سے گزرنے نہ دیا، بعد ازاں پرواز پی کے 894 کو لاہور ائیرپورٹ پر اتار لیا گیا۔

    بھارتی سول ایوی ایشن اتھارٹی نے بنا پیشگی اطلاع کے پی آئی اے کے طیارے کو پاکستان واپس موڑ دیا، بھارتی سول ایوی ایشن نے پی آئی اے کی پرواز کو فضائی حدود استعمال کرنے کی اجازت نہ دینے کی وجوہات بتانے سے انکار کر دیا ہے۔

    پی آئی اے کی مذکورہ پرواز میں 250 مسافر سوار تھے ۔ یاد رہے کہ پی آئی اے کی کوالالمپور جانے والی پرواز بھارتی فضائی حدو سے ہی گزر کر جاتی ہے۔

     

  • پاکستان کپ میں دو میچز کا فیصلہ، پی آئی اے اور پی ڈی ایس کلر کامیاب

    پاکستان کپ میں دو میچز کا فیصلہ، پی آئی اے اور پی ڈی ایس کلر کامیاب

    کراچی : اے آر وائی کی شکریہ پاکستان مہم کے تحت پاکستان کپ کےمیچز جاری ہیں۔ ایونٹ کے تیسرے روزپی آئی اے اورپی ڈی ایس کلرکی ٹیمیں کامیاب رہیں۔

    تفصیلات کے مطابق اے آروائی نیٹ ورک قومی کھیل ہاکی کےفروغ میں پیش پیش ہے۔ شکریہ پاکستان مہم کے تحت پاکستان کپ کے میچز عبدالستارایدھی اسٹیڈیم میں جاری ہیں۔

    نائن اے سائیڈ ہاکی ٹورنامنٹ کے تیسرے روز مزید دو میچز کا فیصلہ ہوگیا۔ پہلے میچ میں پاکستان ائیر فورس اورسوئی گیس کےدرمیان سنسنی خیز مقابلہ ہوا۔

    دونوں ٹیموں نےایک دوسرے کے گول پوسٹ پرحملے کیے۔ پی آئی اے نے پاکستان ائیرفورس کے خلاف دو کے مقابلے میں تین گول سے کامیابی حاصل کی۔

    دوسرے میچ میں ٹائٹل فیورٹ سوئی گیس اورپی ڈی ایس کلرکی ٹیمیں مد مقابل آئیں۔ پی ڈی ایس کلرنے ایونٹ کا پہلا اپ سیٹ کرتے ہوئے سوئی گیس کو دو ایک گول سے ہرادیا۔

    ایونٹ کے تمام میچز اے آروائی میوزک براہ راشت نشر کررہاہے۔ پاکستان کپ میں آج بھی دو میچز کھیلےجائیں گے۔

     

  • پی آئی اے نے مہنگے کرائے پر طیارے حاصل کرلیے، کروڑوں کا نقصان

    پی آئی اے نے مہنگے کرائے پر طیارے حاصل کرلیے، کروڑوں کا نقصان

    کراچی :اربوں روپے خسارے سے دو چار قومی ایئر لائن کا ایک اور کارنامہ سامنے آگیا، عجلت میں ویٹ لیز پر تین ایئر بس 330 طیارے مہنگے داموں کرائے پر حاصل کرلیے جب کہ ایئربس اے 330 طیارہ کرائے پر حاصل کرنے پر بورڈ آف ڈائریکٹرز کے اجلاس میں برہمی کا اظہار کیا گیا تھا۔

    PIA-post-03

    ذرائع کے مطابق 14 اگست سے اسلام آباد تا برطانیہ پرواز پریمیئر سروس کے لیے پی آئی اے نے انتہائی مہنگے داموں کرائے پر تین ایئر بس 330 طیارے حاصل کرلیے ہیں۔

    پی آئی اے  ویٹ لیز پرحاصل کیے گئے ائیر بس 330 طیارے کا آٹھ ہزار ڈالر فی گھنٹہ ایک طیارے کا ادا کرے گی جب کہ پی آئی اے فی طیارے پر 4.07 ملین ڈالر کا نقصان اٹھائے گی۔

    PIA-post-02

    مذکورہ معاہدے سے پی آئی اے کو مجموعی طور پر ساڑھے بارہ ملین ڈالرکا یومیہ نقصان ہوگا۔ ذرائع کے مطابق ایئر بس 330 طیارہ ایک دن میں گیارہ گھنٹے فلائنگ کرے گا جب کہ یومیہ فلائنگ پر 88 ہزار ڈالر پی آئی اے کو ایک طیارے کی مد میں ادا کرنے پڑیں گے۔

    PIA-post-01

    اس طرح پاکستان انٹرنیشنل ایئرلائن کو یومیہ کرائے کی مد میں 2 لاکھ 64 ہزار ڈالر ادا کرنے پڑیں گے۔

    واضح رہے کہ پی آئی اے چودہ اگست سے اسلام آباد سے لندن کے لیے پریمیئر سروس کا آغاز کر رہی ہے جس کے لیے طیارے کرائے پر حاصل کیے گئے ہیں،بورڈ آف ڈائریکٹرز کے اجلاس میں بھی طیاروں کے اضافی اخراجات پر تنقید کی گئی تھی۔

  • پی آئی اے و دیگر نجی ائیرلائنز کا حج آپریشن آج سے شروع

    پی آئی اے و دیگر نجی ائیرلائنز کا حج آپریشن آج سے شروع

    کراچی : پی آئی اے سمیت نجی ائیرلائن آج سے قبل از حج آپریشن شروع کر رہی ہیں، سول ایوی ایشن اتھارٹی نے بھی ملک بھر کے ائیرپورٹس پر عازمین حج کی روانگی کے حوالے سے انتظامات مکمل کرلیے ہیں۔

    تفصیلات کے مطابق پی آئی اے کے قبل از حج آپریشن کا آغاز 4 اگست سے ہور ہا ہے اور اس کے تمام انتظامات مکمل کر لئے گئے ہیں۔

    چیئرمین پی آئی اے اعظم سہگل نے ائیر لائن کے متعلقہ شعبوں کے سربراہان کے ساتھ اجلاس سے خطاب کرتے ہوئے انہیں عازمین حج کو ہر ممکن سہولیات کی فراہمی کی ہدایات جاری کی ہیں۔

    پی آئی اے اس سال ملک کے 10 شہروں سے عازمین کو حجاز مقدس پہنچائے گی، جن میں اسلام آباد، کراچی، لاہور، پشاور، کوئٹہ، سیالکوٹ، فیصل آباد، ملتان ، سکھر اور رحیم یار خان شامل ہیں۔

    قبل از حج آپریشن کے دوران پی آئی اے265 خصوصی بشمول شیڈول پروازوں کے ذریعے تقریباً51 ہزار عازمین کو جدہ اور مدینہ منورہ پہنچائے گی۔ قبل از حج آپریشن 4 اگست سے شروع ہو گا اور اس کا اختتام5 ستمبر کو ہوگا۔

    قبل از حج آپریشن کی پہلی پرواز PK-2503 ،04 اگست کو صبح 4.25 پر اسلام آباد سے 328 عازمین کو لے کر روانہ ہو گی۔

     

  • وزیر اعظم کی واپسی ، پی آئی اے کو تیس کروڑ سے زائد کا نقصان

    وزیر اعظم کی واپسی ، پی آئی اے کو تیس کروڑ سے زائد کا نقصان

    کراچی : وزیراعظم کی واپسی سے پی آئی اے کو تیس کروڑ سے زائد کا جھٹکا لگے گا۔

    وزیراعظم کی شاہانہ سواری خزانے پر بھاری پڑے گی، پی آئی اے کے وی آئی پی طیارے میں صوفے اور بیڈ سجا دیے گئے ہیں، نان اسٹاپ چلنے والے بوئنگ ٹرپل سیون میں چار سو اکاون مسافروں کے بیٹھنے کی گنجائش ہے مگرخصوصی مہمانوں کو لانے کے لئے طیارہ خالی ہی لندن اڑان بھرے گا۔

    وزیراعظم کے لئے خصوصی انتطامات کرنے پر قومی ادارے کو تیس کروڑ سے زائد کا جھٹکا لگے گا، خصوصی طیارے کو فلائٹ آپریشن سے ہٹانے پر بین الاقوامی پروازیں بھی متاثر ہوں گی، طیارہ لندن کی یک طرفہ پرواز پر پچاس ٹن سے زائد ایندھن پھونکے گا۔ وی آئی پی مہمانوں کے لئے کھانا بھی خاص ہوگا، طیارے میں جراثیم کش ادویات کا اسپرے کر دیا گیا ہے۔

    ترجمان قومی ائیر لائن کا کہنا ہے کہ پی آئی اے کی معمول کی پروازوں میں مقررہ نشستیں دستیاب نہیں تھیں، اس لیے علیحدہ سے طیارہ مختص کیا۔

  • کراچی ائیر پورٹ پر کھڑے پی آئی اے کے طیارے سے 27 کلو ہیروئن برآمد

    کراچی ائیر پورٹ پر کھڑے پی آئی اے کے طیارے سے 27 کلو ہیروئن برآمد

    کراچی: کسٹم حکام نے پی آئی اے کے طیارے پی کے 305 میں چھاپہ مار کر کے ٹوائیلٹ کے خفیہ خانوں سے 27 کلو گرام ہیروئن برآمد کر لی۔

    تفصیلات کے مطابق کراچی ائیر پورٹ کے ’’اصفہانی ہینگر‘‘ پر کھڑے پی آئی اے کے طیارے پی کے 305 پر کسٹم حکام نے چھاپہ مارا ہے،چھاپے کے دوران طیارے کے ٹوائیلٹ کے خفیہ خانوں سے 27 کلو گرام ہیروئن برآمد کر لی،کسٹم حکام کے مطابق ہیروئن کو 9 پیکٹوں میں چھپایا گیاتھا۔

    PIA-post

    کسٹم حاکم کے مطابق طیارے کو آج صبح بیرون ملک کے لیے روانہ ہونا تھا، تاہم طیارے کی پرواز کو روکتے ہوئے جہاز کے دروازے کو سیل کردیا گیا ہے اوررات کی شفٹ میں کام کرنے والے ملازمین سے پوچھ گچھ کا عمل جاری ہے۔


    27-kg heroine seized from PIA aircraft in Karachi by arynews

    کسٹم ترجمان اس واقے پر افسوس کا اظہار کرتے ہوئے کہا کہ پتہ لگا رہے ہیں کہ طیارے اندر ہیروئن کس طرح پہنچی؟ انہوں نے اس عزم کا اظہار کیا کہ ادارے کی ساکھ کو نقصان پہنچانے والے ملازمین کو موثر تحقیقات کے بعد سخت سے سخت سزا دلوائی جائے گی۔