ARYNews.tv | Urdu – Har Lamha Bakhabar

Tag: PIB colony

  • کراچی: 15 سال کی میٹرک طالبہ دعا لاپتا، 24 گھنٹے میں بازیاب کرایا جائے، فاروق ستار

    کراچی: 15 سال کی میٹرک طالبہ دعا لاپتا، 24 گھنٹے میں بازیاب کرایا جائے، فاروق ستار

    کراچی: شہرِ قائد کے علاقے پی آئی بی کالونی سے 15 سال کی میٹرک کی طالبہ دعا لاپتا ہو گئی، ڈاکٹر فاروق ستار نے سندھ حکومت سے مطالبہ کیا ہے کہ دعا کو 24 گھنٹے میں بازیاب کرایا جائے۔

    تفصیلات کے مطابق پی آئی بی کالونی کی رہائشی پندرہ سال کی میٹرک طالبہ دعا صبح اسکول کے لیے گئی تھی جس کے بعد وہ لا پتا ہوگئی۔

    [bs-quote quote=”اسکول دیر سے پہنچنے پر انتظامیہ نے دعا کو واپس لوٹا دیا تھا” style=”style-7″ align=”left” color=”#dd3333″][/bs-quote]

    دعا کے گھر والوں کا کہنا ہے کہ صبح سے اس کا کچھ پتا نہیں، اسکول انتظامیہ کے پاس گئے تو وہاں رجسٹر میں غیر حاضر لکھا تھا، اسکول دیر سے پہنچنے پر انتظامیہ نے دعا کو واپس لوٹا دیا تھا۔

    پندرہ سالہ طالبہ دعا کے اہلِ خانہ کا کہنا تھا کہ پولیس کو بچی کے لاپتا ہونے کی اطلاع دے دی گئی ہے، تاہم یہ واضح نہیں ہوا کہ دعا کی گم شدگی اغوا ہے یا کوئی اور معاملہ ہے۔

    دوسری طرف متحدہ قومی موومنٹ کے رہنما فاروق ستار نے کہا ہے کہ سندھ حکومت میٹرک طالبہ دعا کو 24 گھنٹے میں بازیاب کرائے۔

    یہ بھی پڑھیں: کراچی: فائزہ کے اغوا کا ڈراپ سین، ماں نے اپنی مرضی سے بچی رشتے داروں‌ کوسونپی تھی

    فاروق ستار نے کہا کہ بچی صحیح سلامت بازیاب نہ ہوئی تو حکومت کو چلنے نہیں دیں گے، ملزمان کو بچے اغوا کرنے کے لیے کھلی چھٹی دے دی گئی ہے۔

    رہنما ایم کیو ایم فاروق ستار کا کہنا تھا کہ لا پتا ہونے والی طالبہ دعا میرے محلے کی بیٹی ہے، بازیابی تک احتجاج نہیں رکے گا۔

    خیال رہے کہ کراچی میں بچوں کے اغوا اور لاپتا ہونے کی وارداتیں تواتر کے ساتھ سامنے آ رہی ہیں، وزیرِ اعظم عمران خان نے بھی کراچی دورے کے موقع پر اس مسئلے کو خصوصی توجہ دی۔

  • ایم کیوایم پاکستان کی25جولائی کو دیگرجماعتوں سے زیادہ اہمیت ہوگی، فاروق ستار

    ایم کیوایم پاکستان کی25جولائی کو دیگرجماعتوں سے زیادہ اہمیت ہوگی، فاروق ستار

    کراچی : متحدہ قومی موومنٹ کے رہنما ڈاکٹر فاروق ستار نے کہا ہے کہ ایم کیوایم پاکستان کی25جولائی کو دیگرجماعتوں سے زیادہ اہمیت ہوگی، اس دن دل والے دلہنیا لے جائیں گے۔

    یہ بات انہوں نے پی آئی بی کالونی میں کارنر میٹنگ سے خطاب کرتے ہوئے کہی، انہوں نے کہا کہ ہمیں فیصلہ کرنا ہوگا سر اٹھا کر چلنا ہے یا سر جھکا کر، عزت سے جینا ہے یا ذلت کے ساتھ؟ یہ فیصلہ25جولائی کے دن آپ کو کرنا ہے۔

    ایم کیوایم پاکستان کی25جولائی کو دیگرجماعت سے زیادہ اہمیت ہوگی، کل بھی سب کچھ ایم کیو ایم کا تھا آج بھی ایم کیو ایم کا ہے، مخالفین کے اندازوں کا خاتمہ ہماری ریلیوں نے کردیا ہے،25جولائی کو دل والے دلہنیا لے جائیں گے۔

    فاروق ستار کا مزید کہنا تھا کہ ایم کیوایم کو حکومت ملی تو کراچی کو خود مختار بنائیں گے اورعوام کو روزگار ملےگا، کراچی کی ترقی کیلئے شہر کو صوبے سے کم ازکم 50ارب روپے ملنے چاہئیں، سینٹرل جیل میں لگے جیمرز کی وجہ سے اطراف کی آبادیوں کے مکینوں کو موبائل فون استعمال کرنے میں مشکلات کا سامنا ہے۔

    مردم شماری سے متعلق گفتگو کرتے ہوئے ان کا کہنا تھا کہ سب کہتے ہیں کہ کراچی کی آبادی ڈھائی کروڑ ہے، لگتا ہے مردم شماری میں صرف مردوں کو ہی گنا گیا ہے، ایم کیوایم پاکستان کا مطالبہ ہے کہ مردم شماری دوبارہ کی جائے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • عامر لیاقت اور ان ساتھیوں پر مشتعل افراد کا مبینہ حملہ، تھانے پہنچ گئے

    عامر لیاقت اور ان ساتھیوں پر مشتعل افراد کا مبینہ حملہ، تھانے پہنچ گئے

    کراچی : تحریک انصاف کے امیدوار عامر لیاقت اور ان ساتھیوں پر مشتعل افراد نے مبینہ طور پر حملہ کردیا، عامر لیاقت مقدمہ درج کرانے تھانے پہنچ گئے۔

    تفصیلات کے مطابق قومی اسمبلی کے حلقہ این اے245کراچی سے پاکستان تحریک انصاف کے امیدوار عامرلیاقت اپنی انتخابی مہم کے سلسلے میں پی آئی بی کالونی پہنچے۔

    عوام سے گفتگو کے دوران کچھ لوگ مشتعل ہوگئے اور مبینہ طور پر ان کے ساتھیوں پر نامعلوم افراد نے حملہ کردیا، جس کے بعد عامر لیاقت واقعے کی ایف آئی آردرج کرانے پی آئی بی تھانے پہنچ گئے۔

    عامر لیاقت کے مطابق حملے میں سابق وفاقی وزیر زوہیر اکرم ندیم کے صاحبزادے زبیراکرم معمولی زخمی ہوئے ہیں، اس حوالے سے ایس پی گلشن اقبال کا کہنا ہے کہ عامر لیاقت پر باقاعدہ کوئی حملہ نہیں ہوا، البتہ ہاتھا پائی میں عامر لیاقت کے ساتھ موجود شخص معمولی زخمی ہوا ہے۔

    ان کا مزید کہنا تھا کہ عامر لیاقت نے پی آئی بی کالونی میں اپنی انتخابی مہم کیلئے پولیس کسی قسم کی کوئی اجازت نہیں لی تھی۔اطلاع ملتے ہی تحریک انصاف کے کارکنان بڑی تعداد میں سائٹ تھانے پہنچ گئے اور ملزمان کے خلاف نعرے بازی کرتے ہوئے اپنے امیدوار کی حفاظت کا مطالبہ کیا۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • بہادرآباد جانے پرغورصرف ثالثی کمیٹی کے فارمولے پرہوگا، ٕفاروق ستار

    بہادرآباد جانے پرغورصرف ثالثی کمیٹی کے فارمولے پرہوگا، ٕفاروق ستار

    کراچی : ایم کیو ایم کے سابق کنوینر ڈاکٹر فاروق ستار نے کہا ہے کہ الیکشن کمیشن کا ثبوت اور شواہد کو دیکھے بغیر کیس کا فیصلہ دینا سمجھ سے بالاتر ہے، بہادر آباد جانے پرغور صرف ثالثی کمیٹی کے فارمولے پر ہی ہوسکتا ہے۔

    ان خیالات کا اظہار انہوں نے اے آر وائی نیوز سے خصوصی گفتگو کرتے ہوئے کیا،  ڈاکٹر فاروق ستار نے کہا کہ الیکشن کمیشن کا فیصلہ سمجھ سے بالاتر ہے کیونکہ دو تہائی اکثریت والے فیصلےمیں 4اراکین کے دستخط مشکوک ہیں۔

    حیدرعباس رضوی، سینیٹر میاں عتیق، بیرسٹرسیف، اظہار خان اجلاس میں شریک ہی نہیں تھے تو ان کےدستخط کہاں سے آئے؟ الیکشن کمیشن نے ثبوت و شواہد کو دیکھا ہی نہیں، اس کیس کا ٹرائل عدالت میں ہونا تھا, فاروق ستار کا مزید کہنا تھا کہ دستخط کرکے کوریئر سروس سے بھیجے گئے تھے تو ان کی رسیدوں کی جانچ پڑتال ہونی چاہئے۔

    متحدہ قومی موومنٹ بہادرآباد کی جانب سے برطرف کنوینر فاروق ستار کو پارٹی سربراہی کی پیش کش کے حوالے سے سوال پر فاروق ستار کا کہنا تھا کہ بہادرآباد جانے پرغور صرف ثالثی کمیٹی کے فارمولے پر ہوسکتا ہے،

    علاوہ ازیں ایم کیو ایم  پی آئی بی اور بہادرآباد میں کیا فارمولہ طے تھا؟ اے آر وائی نیوز نے اس کا بھی  پتہ لگالیا، اس حوالے سے ذرائع کا کہنا ہے کہ فارمولے میں یہ طےپایا گیا ہے کہ دونوں طرف سے رابطہ کمیٹی تحلیل کی جائے.

    دس، دس رکنی ایڈہاک رابطہ کمیٹی خالد مقبول اور فاروق ستار بنائیں، رابطہ کمیٹی دونوں مل کر چلائیں اور پھرانٹرا پارٹی الیکشن کرائے جائیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

     

  • ارکان اسمبلی نے ضمیر کا سودا کیا، جیت کا جشن منانا افسوسناک ہے، فاروق ستار

    ارکان اسمبلی نے ضمیر کا سودا کیا، جیت کا جشن منانا افسوسناک ہے، فاروق ستار

    کراچی : ایم کیو ایم کے رہنما ڈاکٹر فاروق ستار نے کہا ہے کہ سینیٹ الیکشن میں کارکنوں کوجو توقع تھی وہ نتائج نہ دے سکے، چودہ ارکان اسمبلی نے اپنے ضمیر کا سودا کیا، ایک سیٹ کی فتح کاجشن مناناافسوس کی بات اور بے حسی ہے۔

    ان خیالات کا اظہار انہوں نے پی آئی بی کالونی میں پریس کانفرنس سے خطاب کرتے ہوئے کیا، انہوں نے کہا کہ پانچ خواتین رکن اسمبلی اور سلیم بندھانی نے صبح ہی کہیں اور ووٹ بھگتا دیا تھا، کامران ٹیسوری کو ووٹ دینے والوں نے بھی دھوکا دیا۔

    تین ارکان نے ووٹ مسترد کرایا اور پانچ نے بھی کسی اور کو ووٹ ڈال دیا۔ 6ایم پی ایزکا ہمیں پتہ ہے، باقی کیلئے بہادرآباد والےساتھ دیں، جن کے بارےمیں پتہ ہے ان کےخلاف تادیبی کارروائی کا آغاز کریں، سلیم بندھانی اور5بہنوں کےخلاف کارروائی کاآغازکیاجائے۔

    انہوں نے کاہ کہ کس نے کتنے پیسے دیئےاور کس نے لئے، اس کی بھی تحقیقات ہونی چاہیے، پروپیگنڈے میں پارٹی سربراہ، تنظیمی بحران کو مورد الزام ٹھہرایا جارہا ہے، ایم کیوایم کے12اراکین کی وفاداری تبدیل کرائی گئی، پہلی بارسندھ کو بلوچستان کی طرح ہارس ٹریڈنگ کا حب بنایا گیا۔

    فاروق ستار نے سوال کیا کہ جن جماعتوں کا مینڈیٹ چھینا گیا کیا وہ خاموش رہیں گی؟ کیا سینیٹ الیکشن کےایسے نتائج کومان لیاجائے؟ دھاندلی زدہ الیکشن کوکالعدم قراردینے کیلئےالیکشن کمیشن کردار ادا نہیں کریگا؟ کیا ارباب اختیار اور الیکشن کمیشن کوئی ایکشن نہیں لیں گے؟ کیا چیف جسٹس بھی وفاداری تبدیل کرانےکا نوٹس نہیں لیں گے؟

    بہادر آباد والوں سے متعلق گفتگو کرتے ہوئے انہوں نے کہا کہ بہادرآباد والوں نےایک سیٹ کی کامیابی پرجشن منایا، جشن منانا افسوس کی بات ہے، یہ بےحسی ہے، شرم، رونے اور مرنےکا مقام ہے۔

    کیا یہ میری کوتاہی ہے کہ ہمارےایم پی ایز پرندوں کی طرح پھڑپھڑاتے ہوئے اڑگئے، خریدنے والا منہ بولے دام اور بکنےوالا دھڑلے سےخود کو بیچ رہاہے، وفاداری تبدیل کرنے یاخود کو بیچنےکی ایسی تعلیم دی جارہی ہے۔

    فاروق ستار نے کہا کہ بکنےوالوں کے گھروں کے شہداء کا الزام راؤانوار جیسےافسران پر ہے، ایسا غصہ نکالا گیا کہ مہاجروں کے شہداء کا ہی سودا کرلیا گیا، خود کو ہر قسم کے احتساب کیلئے کارکنوں کی عدالت میں پیش کرونگا۔

    فاروق ستار نے کہا کہ بانی کےپاس22اگست سے پہلے کیاطریقہ تھا کوئی بکنے کاسوچتا بھی نہیں تھا، بہادر آباد والے ساتھی اتفاق کریں تو کیا وہی پالیسی یا طریقہ اختیارکریں؟

  • ووٹ پی پی کو نہ جائے اسی لیے ہم نے آپس میں اتحاد کیا ہے، فیصل سبزواری

    ووٹ پی پی کو نہ جائے اسی لیے ہم نے آپس میں اتحاد کیا ہے، فیصل سبزواری

    کراچی : ایم کیو ایم پاکستان کے رہنما فیصل سبزواری نے کہا ہے کہ ایم کیوایم کا ووٹ پیپلزپارٹی کو نہ جائے اس لیے آپس میں اتحاد کیا ہے، صوبائی اسمبلی میں ن لیگ کو ہماری حمایت کرنی چاہیے۔

    ان خیالات کا اظہار انہوں نے اے آر وائی نیوز سے خصوصی بات چیت کرتے ہوئے کیا، فیصل سبزواری نے کہا کہ ایم کیوایم پاکستان نے سینیٹ الیکشن میں حمایت کیلئے دیگراپوزیشن جماعتوں سے بھی رابطے کا فیصلہ کیا ہے۔

    ہم چاہتے تھے کہ ایم کیو ایم کا ووٹ پیپلز پارٹی کو نہ جائے اسی لئے پی آئی بی والوں سے اتحاد کیا، ایم کیوایم نے اپنے ووٹرز کے دباؤ پریہ فیصلہ کیا ہے، جو لوگ ایم کیوایم کا ووٹ خریدناچاہتے تھے ان کیلئے یہ ان کے لیے بری خبر ہے۔

    ایک سوال کے جواب میں فیصل سبزواری نے کہا کہ طے یہ ہوا ہے کہ جنرل نشست پر بہادرآباد والے فرخ نسیم کو اور پی آئی بی والے کامران ٹیسوری کو ووٹ دینگے جبکہ خواتین، ٹیکنوکریٹ اور اقلیتوں کی نشست پر متفقہ ووٹنگ کرینگے۔

    انہوں نے کہا کہ قومی اسمبلی میں ہم نے ن لیگ کے امیدوارکی حمایت کا فیصلہ کیا ہے، اس لیے صوبائی اسمبلی میں ن لیگ کو ہماری حمایت کرنی چاہیے۔

    یاد رہے کہ ایم کیو ایم کودونوں گروپ اس بات پر متفق ہوگئے ہیں کہ سینیٹ انتخابات میں اتحاد کا مظاہرہ کرتے ہوئے اپنے مشترکہ امیدواروں کو ہی ووٹ دیا جائے گا۔

    مزید پڑھیں: برف پگھلنے لگی، سینیٹ الیکشن کیلئے فاروق ستاراورخالد مقبول ایک ہوگئے

    اس حوالے سے آج اسلام آباد میں ڈاکٹر فاروق ستاراورخالد مقبول صدیقی نے مشترکہ پریس کانفرنس کی جس میں اعلان کیا گیا ہے کہ پی آئی بی گروپ کی جانب سے کامران ٹیسوری اور بہادرآباد سے فروغ نسیم کو سینیٹ کی نشست کیلئے ووٹ دیا جائے گا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • ایم کیو ایم پاکستان کی نئی رابطہ کمیٹی اورسی ای سی ارکان منتخب

    ایم کیو ایم پاکستان کی نئی رابطہ کمیٹی اورسی ای سی ارکان منتخب

    کراچی : ایم کیو ایم پاکستان کے انٹرا پارٹی الیکشن کے بعد نئی رابطہ کمیٹی کے نام سامنے آگئے، سربراہ فاروق ستارنو ہزار500 سے زائد ووٹ لے کر پہلے نمبر پرہیں، انتخابی نتائج آج الیکشن کمیشن کو بھیجے جائیں گے۔

    تفصیلات کے مطابق پی آئی بی کالونی کے کے ایم سی گراؤنڈ میں منعقد ہونے والے انٹرا پارٹی الیکشن کی گنتی مکمل ہوگئی ہے، ذرائع کے مطابق ایم کیو ایم انٹرا پارٹی الیکشن میں12ہزار سے زائد ووٹ کاسٹ ہوئے۔

    نئی ووٹنگ کے بعد ایم کیو ایم رابطہ کمیٹی میں عبدالوسیم، خواجہ سہیل منصور، کامران ٹیسوری منتخب ہوئے ہیں رابطہ کمیٹی کے دیگر ناموں میں قمرمنصور،شیخ صلاح الدین،سہیل مشہدی،علی رضاعابدی شامل ہیں۔

    اس کے علاوہ سینٹرل ایگزیکٹیو کمیٹی (سی ای سی) میں طیب حسین، سلیم بندھانی، نازیہ علی، کامران اختر، فرحت خان، عظیم فاروقی سمیت دیگر ارکان منتخب ہوئے ہیں۔

    ذرائع کا مزید کہنا ہے کہ نئی رابطہ کمیٹی اور سی ای سی کا پہلا اجلاس فاروق ستار کی رہائش گاہ پر طلب کیا گیا ہے، اجلاس میں آج بہادر آباد جانے کے اعلان سمیت کنوینر کےانتخاب پر گفتگو ہوگی۔

    ذرائع کے مطابق سب سے زیادہ ووٹ حاصل کرنے والے ڈاکٹر فاروق ستار کو ایم کیو ایم کا کنوینر منتخب کیا جائے گا، انٹرا پارٹی الیکشن کے نتائج فاروق ستارآج الیکشن کمیشن کو ارسال کریں گے۔

  • کل جذبہ خیرسگالی کے تحت بہادرآباد جاؤں گا، فاروق ستار

    کل جذبہ خیرسگالی کے تحت بہادرآباد جاؤں گا، فاروق ستار

    کراچی: ایم کیو ایم پاکستان کے رہنما فاروق ستار نے کہا ہے کہ سربراہ میں ہوں اور پارٹی دوسرے چلائیں اب یہ ایم کیو ایم پاکستان میں نہیں چلے گا، کل جذبہ خیرسگالی کے تحت بہادرآباد جاؤں گا، میرےلئےیہ 10سے12روزتکلیف دہ تھے۔

    ان خیالات کا اظہار انہوں نے پی آئی بی کالونی میں انٹرا پارٹی الیکشن کے موقع پر میڈیا سے گفتگو کرتے ہوئے کیا، فاروق ستار نے کہا کہ آج ثابت ہوگیا کہ کسی بھی تحریک یاجماعت کو کارکن ہی چلاتے ہیں۔

    انہوں نے کہا کہ اگر کسی رابطہ کمیٹی کا کوئی وجود ہے، آئین ہے تو وہ صرف کارکنوں کی وجہ سے ہے، پارٹی سربراہ میں ہوں، پارٹی کوئی اورچلارہاہو، اب یہ ایم کیوایم پاکستان میں نہیں چلےگا، بہادرآباد میں سربراہ تو بہت سارے ہیں،

    فاروق ستار نے کہا کہ انٹراپارٹی الیکشن میں کارکنان کے ووٹ سے سربراہی کا معاملہ حل ہوگا،5فروری سے آج تک لوگ ذہنی اذیت کاشکار ہیں، میرے لئے یہ10سے12روز تکلیف دہ تھے،خوشی کی بات نہیں۔

    فاروق ستار نے کہا کہ رابطہ کمیٹی، بلدیاتی نمائندگی، میئرکراچی اور چیئرمین ڈی ایم سیز کارکنوں اور عوام کی حمایت اور تائید کی وجہ سے ہیں۔

    انہوں نے کہا کہ ریحان ہاشمی کو مبارکباد پیش کرتا ہوں، وہ ثابت قدم رہے، ہرطرح کے دباؤ کے باوجود اپنی جگہ پر ڈٹے رہنے والوں کو خراج تحسین پیش کرتاہوں، ایم کیوایم پاکستان کی بہنیں، بیٹیاں سیسہ پلائی دیوارکی طرح اپنی جگہ قائم رہیں، نظریے پرثابت قدمی کا مظاہرہ کرنے پرانہیں شاباش دیتا ہوں۔

    فاروق ستار کا مزید کہنا تھا کہ پوراہاتھی نکل کر یہاں آگیا ہے صرف دُم بہادر آباد میں رہ گئی ہے، پوری اے پی ایم ایس او میرے ساتھ کھڑی ہے۔

  • سازش کے تحت ایم کیوایم حقیقی ٹوکے قیام کی بنیاد رکھ دی گئی، فاروق ستار

    سازش کے تحت ایم کیوایم حقیقی ٹوکے قیام کی بنیاد رکھ دی گئی، فاروق ستار

    کراچی : ایم کیو ایم پاکستان کے رہنما ڈاکٹر فاروق ستار نے کہا ہے کہ رابطہ کمیٹی کا فیصلہ اس بات کا ثبوت ہے کہ مسئلہ ایک فرد کا نہیں بلکہ پارٹی پرقبضےکاہے، آج ایم کیوایم حقیقی ٹو کےقیام کی بنیاد رکھی گئی ہے، مجھے نہیں وفادار اور محنتی کارکنان کو ایم کیوایم سے نکالا گیا۔

    ان خیالات کا اظہار انہوں نے پی آئی بی کالونی میں میڈیا سے گفتگو کرتے ہوئے کیا، فاروق ستار کا کہنا تھا کہ سازش بے نقاب ہوگئی، میرے نادان، ناسمجھ ساتھیوں، بھائیوں نے ثابت کردیا کہ مسئلہ ایک فرد کا یا سینیٹ کی سیٹوں کا نہیں ہے پارٹی سربراہی اور پارٹی پر قبضے کا ہے، میرے ساتھیوں نے بردارانِ یوسف کا کردار ادا کرتے ہوئے آج ایم کیوایم حقیقی ٹو کےقیام کی بنیاد رکھی۔

    فاروق ستار نے کہا کہ میں نے اتنی غلطیاں کی تھیں تو سینیٹ الیکشن کا انتظار ہی نہیں کرنا چاہیے تھا، مسئلہ ساری سیٹوں پر اپنے من پسند لوگوں کو نامزد کرنے کا تھا، نیک نیتی تھی تو یہ قرارداد7فروری کو کیوں منظور کی گئی؟

    انہوں نے ازراہ مذاق کہا کہ میں پھر بھی یہ نہیں کہوں گا کہ مجھے کیوں نکالا؟ انہوں نے مجھے نہیں نکالا بلکہ ایک ایک کارکن کو نکالا گیا ہے، میرے اسیروں اور لاپتہ ساتھیوں کےخون کا سودا کیا گیاہے، معاملہ سیٹ پر قبضہ دینے کےاختیار کا تھا۔

    کنورنوید جواب دیں منصوبہ ہوتا ہے تو تیاری کی جاتی ہے، ایک طرف منصوبہ بندی اور دوسری طرف ثالثی کی پیش کش کی جارہی تھی، کل یہ کہاگیا ہم میں سے کسی کو کنوینر نہیں بننا، جوکنوینر ہےاسی کو فارغ کردیا گیا، اب کنوینر کی کرسی پر کوئی نہ کوئی تو بیٹھے گا؟

    انہوں نے کہا کہ میں نے کل بھی کہا تھا کہ پارٹی کو تقسیم سے بچاؤ، سینیٹ نشستوں کو لات مارو، لیکن یہ کہتے ہیں میری ساری باتیں مان لیں گئیں لیکن میری کوئی تجویز نہیں تھی، تمام تجاویز رابطہ کمیٹی کی اپنی تھیں، یہ لوگ اپنے مفادات کو ایک ٹکٹ دینے کی آڑ میں چھپا رہےہیں، قبضہ گروپ بالکل سفیدجھوٹ بول رہاہے۔

    انہوں نے کہا کہ اس بات کرارار جواب کے ایم سی اسٹیڈیم میں دیا جائےگا، اس میں فیصلہ ہوگا کہ کارکن رابطہ کمیٹی کے ساتھ ہیں یا وہ میرا ساتھ دے رہے ہیں؟ کارکنوں کااجلاس اور کارکنوں کی اسمبلی جمع ہوگی پھرجواب دیاجائیگا۔

  • مسئلہ کامران ٹیسوری کا نہیں پارٹی کی سربراہی کا ہے، فاروق ستار

    مسئلہ کامران ٹیسوری کا نہیں پارٹی کی سربراہی کا ہے، فاروق ستار

    کراچی : ایم کیو ایم پاکستان کے سربراہ ڈاکٹر فاروق ستار نے کہا ہے کہ بلی تھیلےسےباہرآگئی ہے، اصل مسئلہ کامران ٹیسوری کا نہیں بلکہ پارٹی کی سربراہی کا ہے، رابطہ کمیٹی کا الیکشن کمیشن کو خط مجھ پرعدم اعتماد کا اظہار ہے، بہادر آباد کیسے جاؤں؟

    یہ بات انہوں نے پی آئی بی کالونی میں اپنی رہائش گاہ کے باہر میڈیا سے گفتگو کرتے ہوئے کہی، فاروق ستار کا کہنا تھا کہ رابطہ کمیٹی اجلاس کیلئے جاتا توحسب منشا بات کرتا، اب کیسےکروں؟

    حلفیہ کہتا ہوں کہ میری نیت میں کوئی فتور نہیں، میرے وہاں جانے میں تین رکاوٹیں آئیں، میری اجازت کے بغیرالیکشن کمیشن کو خط لکھاگیا۔

    رابطہ کمیٹی کاخط مجھ پرعدم اعتمادکااظہارہے، اگر خط نہ لکھاجاتا تو میں شام7بجے بہادرآباد جاتا، میں ناراض نہیں صدمے میں ہوں ،جو مزید بڑھ گیاہے، میرا مسئلہ عزت نفس اور رٹ کا ہے، کارکن کہیں توپارٹی کی سربراہی سے دستبردار ہونے کیلئے تیار ہوں۔

    ان کا مزید کہنا تھا کہ رابطہ کمیٹی کو الیکشن کمیشن کو خط لکھنے کی کیا جلدی تھی؟ خط میں دیگر الیکشن کا اختیارلینے کابھی لکھا گیا ہے، اختیارصرف سینیٹ کے ٹکٹ کا واپس نہیں لیاگیا،خط میں دیگرالیکشن کااختیار لینے کا بھی لکھا گیاہے۔

    بلی تھیلےسےباہرآگئی ہے، اب یہ صرف کامران ٹیسوری کا مسئلہ نہیں پارٹی کی سربراہی کا مسئلہ ہے، خود ہی فیصلہ کرلیا گیا تو مجھے بہادرآباد جانے کی کیاضرورت ہے؟ میری نیت اور خلوص پرشک نہ کیا جائے، مجھے ساتھیوں کے مشورے کا انتظار ہے۔

    مزید پڑھیں: مسئلہ ٹیسوری نہیں، عامرخان پارٹی پرقبضہ کرنا چاہتے ہیں، فاروق ستارگروپ

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔