ARYNews.tv | Urdu – Har Lamha Bakhabar

Tag: Picture Viral

  • ایمن سلیم کے ہاں پہلے بچے کی پیدائش، نام بھی بتادیا

    ایمن سلیم کے ہاں پہلے بچے کی پیدائش، نام بھی بتادیا

    پاکستان شوبز انڈسٹری کی معروف اداکارہ ایمن سلیم کے ہاں پہلے بچے کی پیدائش ہوئی ہے۔

    پاکستان شوبز انڈسٹری کی معروف اداکارہ ایمن سلیم نے فوٹو اینڈ شیئرنگ ایپ انسٹاگرام کے ذریعے اپنے مداحوں کو خوشی کی خبر شیئر کی ہے۔

    ایمن سلیم نے انسٹاگرام کے ذریعے بتایا کہ ان کے ہاں بیٹے کی پیدائش ہوئی ہے ساتھ ہی انہوں نے اپنے نومولود کے پیروں کی تصویر کے ساتھ ایک خوبصورت پوسٹ شیئر کی ہے۔

     

    View this post on Instagram

     

    A post shared by Aymen Saleem (@aymen.saleem)

     اداکارہ نے پوسٹ میں لکھا دو لوگوں سے تین افراد کے خاندان تک کا سفر، ہمارے بچے کے ساتھ گزشتہ چھ ہفتے ایک معجزہ رہے ہیں، دنیا میں خوش آمدید ’ کیحان ملک‘۔

    واضح رہے کہ اداکارہ نے رمضان ٹرانسمیشن میں نشر ہونے والے ڈراموں سے شہرت حاصل کی اور مداحوں کی جانب سے ان کی اداکاری کو سراہا گیا تھا۔

     

    View this post on Instagram

     

    A post shared by Aymen Saleem (@aymen.saleem)

    ایمن سلیم دسمبر 2023 میں کامران ملک کے ساتھ رشتہ ازدواج میں منسلک ہوئیں جس کی تصاویر بھی انہوں نے سوشل میڈیا شیئر کی تھی۔

    اداکارہ کے انسٹاگرام پر فالوورز کی تعداد 1.4 ملین ہے اور وہ اکثر شوہر کے ساتھ تصاویر شیئر کرتی رہتی ہیں، یاد رہے کہ ایمن سلیم سابق قومی ٹیسٹ کرکٹر سلیم یوسف کی صاحبزادی ہیں۔

  • بھارتی گلوکار ارمان ملک شادی کے بندھن میں بندھ گئے، تصاویر وائرل

    بھارتی گلوکار ارمان ملک شادی کے بندھن میں بندھ گئے، تصاویر وائرل

    بھارت کے معروف گلوکار ارمان ملک اپنی دیرینہ دوست اور فیشن بلاگر آشنا شروف کے ساتھ شادی کے بندھن میں بندھ گئے۔

    بالی ووڈ کے معروف 29 سالہ گلوکار ارمان ملک نے اچانک اپنی اہلیہ کے ساتھ اپنی شادی کی تصاویر شیئر کر کے مداحوں کو حیران کردیا جس کی تصاویر سوشل میڈیا پر وائرل ہورہی ہے۔

     

    View this post on Instagram

     

    A post shared by ARMAAN MALIK (@armaanmalik)

    ارمان ملک اور ان کی اہلیہ آشنا شروف نے فوٹو اینڈ شیئرنگ ایپ انسٹاگرام پر اپنی شادی کا اعلان کرنے کے لیے ایک مشترکہ پوسٹ شیئر کی، جو سوشل میڈیا پر وائرل ہوگئی۔

    تصاویر میں جوڑے کو ایک رنگ کے ملبوسات پہنے ہوئے دیکھا جا سکتا ہے، آشنا نارنجی رنگ کے لہنگے میں ایک خوبصورت دلہن لگ رہی ہے جبکہ ارمان نے بھی اسی شیڈ کے شیروانی سوٹ میں نظر آرہے ہیں۔

    سوشل میڈیا پر جاری کردہ شادی کی تصاویر میں دونوں کو شادی کی رسومات ادا کرتے ہوئے خوشی کے لمحات بانٹتے ہوئے دیکھا جا سکتا ہے۔

     

    View this post on Instagram

     

    A post shared by ARMAAN MALIK (@armaanmalik)

    ارمان ملک نے تصاویر کے ساتھ کیپشن میں لکھا ہے کہ ’تو ہی میرا گھر‘، تصاویر سامنے آنے کے بعد ان دونوں کو مبارک باد دینے کا سلسلہ بھی جاری ہے۔

    بھارتی میڈیا کے مطابق گلوکار ارمان ملک وجہ تم ہو اور بول دو نا ذرا جیسے مشہور بھارتی گانوں کی وجہ سے مشہور ہیں۔

    دریں اثنا، آشنا شروف ایک ہندوستانی فیشن اور بیوٹی بلاگر اور یوٹیوبر ہیں، انہیں کاسموپولیٹن لگژری فیشن انفلوئنسر آف دی ایئر 2023 قرار دیا گیا۔

  • ابھیشیک اور ایشوریا رائے کی طلاق کی افواہیں دم توڑ گئیں، تصاویر وائرل

    ابھیشیک اور ایشوریا رائے کی طلاق کی افواہیں دم توڑ گئیں، تصاویر وائرل

    بالی ووڈ کی مقبول جوڑی ایشوریا اور ابھیشیک کے درمیان طلاق  افواہیں دم توڑ گئیں، اداکاروں کی ایک ساتھ تصاویر سامنے آگئی۔

    بھارت سمیت سوشل میڈیا پر بالی ووڈ اداکار ابھیشیک بچن اور سابقہ مس ورلڈ ایشوریا رائے کے درمیان علیحدگی کی خبریں کئی ماہ سے زیرِ گردش رہیں، اس حوالے سے بھارتی میڈیا نے متعدد دعوے کرتے نظر آئے۔

     

    View this post on Instagram

     

    A post shared by Manish Goswami (@manishgoswami391)

    لیکن اب سوشل میڈیا پر وائرل ہونے والی تصاویر نے ان تمام تر افواہوں کو بے بنیاد قرار دیدیا، بھارتی میڈیا کا کہنا ہے کہ ان افواہوں کے درمیان دونوں اداکاروں نے کافی وقت کے بعد ایک ساتھ ایک تقریب میں شرکت کی ہے۔

    ابھیشیک بچن اور ایشوریا رائے کی تقریب میں شرکت کی کئی تصاویر سوشل میڈیا پر سامنے آئی ہیں جس میں انہیں ایک ہی رنگ کے لباس میں خوشگوار موڈ میں دیکھا جاسکتا ہے۔

     

    View this post on Instagram

     

    A post shared by Anu Ranjan (@anuranjan1010)

    واضح رہے کہ ایشوریا رائے اور ابھیشیک بچن 2007 میں شادی کے بندھن میں بندھے تھے تاہم مکیش امبانی کے بیٹے اننت امبانی کی شادی میں دونوں شخصیات کی علیحدہ علیحدہ شرکت کے بعد سے دونوں میں طلاق کی افواہیں نے زور پکڑا تھا۔

  • اداکارہ وینا ملک ازدواجی بندھن میں بندھ گئیں، تصاویر وائرل

    اداکارہ وینا ملک ازدواجی بندھن میں بندھ گئیں، تصاویر وائرل

    ماڈل، اداکارہ و ٹی وی میزبان وینا ملک ایک بار پھر ازدواجی بندھن میں بندھ گئی ہیں۔

    اداکارہ وینا ملک نے اسلام آباد سے تعلق رکھنے والے کاروباری شخصیت شہریار چوہدری سے شادی کی جس کی تصدیق انہوں نے خود انسٹاگرام پر کی ہے۔

    وینا ملک نے انسٹاگرام پر اسٹوری میں دلہن کے کپڑوں میں ملبوس اپنی چہرہ چھپی تصویر شیئر کی جس کے ساتھ انہوں نے ’ہاں، آخرکار‘ لکھا۔

    اس کے علاوہ اداکارہ وینا ملک نے ایک اور اسٹوری شیئر کی ہے جس میں شہریار نامی آئی ڈی کو ٹیگ بھی کیا۔

    اُدھر شہریار نے بھی انسٹاگرام پر سفید شرٹ اور سیاہ پینٹ میں چہرہ چھپا کر بنائی گئی اپنی تصویر شیئر کرتے ہوئے وینا ملک کو ٹیگ کیا ہے۔

    اس کے علاوہ فوٹو اینڈ شیئرنگ ایپ انسٹاگرام پر ایک ویڈیو بھی شیئر کی ہے جس میں انہیں ویڈنگ ڈریس اسٹوڈیو میں دیکھا جاسکتا ہے۔

    اداکارہ نے ویڈیو شیئر کرتے ہوئے کیپشن میں لکھا کہ لوگوں کے ہاتھوں میں آپ کا نصیب نہیں ہوتا، وہ آپ کے مالک اور رازق نہیں ہیں، انہوں نے آپ کو تخلیق” نہیں کِیا ہے، سو انہیں اس بات کی اجازت ہی کیوں دی جائے کہ وہ آپ کے اندر مایوسی کا زہر بھر دیں، آپ سے آپ کے خواب چھین لیں، آپ کو آپ کی نظروں میں بے وقعت کر دیں۔

     

    View this post on Instagram

     

    A post shared by Shehryar Ch (@shehryar.c)

  • حریم فاروق نے مداحوں کے دل موہ لیے‎

    حریم فاروق نے مداحوں کے دل موہ لیے‎

    شوبز انڈسٹری کی معروف اداکارہ حریم فاروق کی نئی تصاویر سوشل میڈیا پر وائرل ہوگئیں۔

    فوٹو اور ویڈیو شیئرنگ ایپ انسٹاگرام پر حریم فاروق نے نئی تصاویر شیئر کیں جس میں انہیں سفید کرتی اور لال لپسٹک میں خصوصی پوز دے رہی ہیں۔

     

    View this post on Instagram

     

    A post shared by Hareem Farooq (@hareemfarooq)

    اداکارہ نے کیپشن میں لکھا’ پھول، وائٹ ڈریس، لال لپسٹک، جھمکے اور میں تیار، انہوں نے چند گھنٹوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اداکارہ کی تصاویر کی تعریف کررہے ہیں۔

    حریم فاروق سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔

    واضح رہے کہ اے آر وائی ڈیجیٹل کے ڈرامہ سیریل’بسمل‘ میں نعمان اعجاز، حریم فاروق، سویرا ندیم، بہروز سبزواری ودیگر نے اداکاری کے جوہر دکھائے ہیں، ’بسمل‘ میں حریم فاروق نے شاطر لڑکی کا کردار ادا کیا ہے جو کہ اپنے باس سے دولت کی خاطر شادی کرلیتی ہیں۔

    ڈرامے میں حریم فاروق نے غریب گھرانے کی لڑکی کا کردار ادا کیا ہے جو کہ امیر بننے کے خواب دیکھتی ہیں اور پھر ملازمت کے دوران خود سے زائد العمر امیر باس سے عشق لڑا کر ان سے شادی کرلیتی ہیں۔

    اس سے قبل حریم فاروق اے آر وائی ڈیجیٹل کے ڈرامہ سیریل ’سرراہ‘ میں مرکزی کردار نبھایا تھا، ڈرامے کی دیگرکاسٹ میں صبا قمر، صبور علی، سنیتا مارشل ودیگر بھی شامل تھیں۔

  • ’کبھی میں کبھی تم‘ کی اداکارہ کی تصاویر وائرل

    ’کبھی میں کبھی تم‘ کی اداکارہ کی تصاویر وائرل

    پاکستان انڈسٹری کے مقبول ترین ڈرامہ ’کبھی میں کبھی تم‘ کی اداکارہ اریج چوہدری کی تصاویر سوشل میڈیا پر وائرل ہوگئی۔

    فوٹو اینڈ شیئرنگ ایپ انسٹاگرام پر اداکارہ اریچ چوہدری عرف نتاشہ نے اپنی چند ویسٹرن اسٹائل میں تصاویر شیئر کی ہے جس میں انہیں فوٹو شوٹ کرواتے ہوئے دیکھا جاسکتا ہے۔

    اداکارہ نے پنگ کلر کے گاؤن میں تصاویر شیئر کی ہے جس میں انہوں نے کیپشن میں لکھا کہ ’میں اپنے خوبصورت اور خالص دل کے ساتھ‘۔

    اداکارہ نے چند گھنٹوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔

    اداکارہ اریج چوہدری سوشل میڈیا پر کافی متحرک رہتی ہیں اور اکثر اپنے پروجیکٹس اور سیرو تفریح کی تصاویر شیئر کرتی رہتی ہیں جسے ان کے مداح بھی پسند کرتے ہیں۔

    واضح رہے کہ اے آر وائی ڈیجیٹل کے مقبول ڈرامہ سیریل ’کبھی میں کبھی تم‘ میں اداکارہ اریج چوہدری نے نتاشہ کا منفی کردار نبھایا جو اپنی بچپن کی دوست کو دھوکہ دینے کے بعد خودکشی کرنے کی کوشش کرتی ہے۔

    ڈرامہ سیریل ’کبھی میں کبھی تم‘ میں فہد مصطفیٰ (مصطفیٰ)، ہانیہ عامر (شرجینا)، عماد عرفانی (عدیل)، جاوید شیخ (افتخار)، بشریٰ انصاری، نعیمہ بٹ (رباب)، اریج چوہدری، (نتاشا)،  مایا خان ودیگر اداکاری کے جوہر دکھا رہے ہیں۔

    ڈرامے کی کہانی فرحت اشتیاق نے لکھی ہے جبکہ اس کی ہدایت کاری کے فرائض بدر محمود نے انجام دیے ہیں۔

  • عاطف اسلم کی ایڈ شیران سے ملاقات کی تصاویر وائرل

    عاطف اسلم کی ایڈ شیران سے ملاقات کی تصاویر وائرل

    عالمی شہرت یافتہ پاکستانی سُپر اسٹار عاطف اسلم اور برطانوی گلوکار ایڈ شیرن کی ملاقات توجہ کا مرکز بن گئی۔

    عالمی شہرت یافتہ پاکستانی سُپر اسٹار گلوکار عاطف اسلم نے فوٹو اینڈ شیئرنگ ایپ انسٹاگرام پر ایڈ شیرن کے ہمراہ تصویر شیئر کی ہے، پوسٹ کے کیپشن میں عاطف اسلم نے لکھا ’کیا رات تھی‘۔

    برطانوی شہر برمنگھم میں ہونے والے بھارتی پنجابی گلوکار دلجیت دوسانجھ کے الیکٹریفائینگ ’دل لومیناتی ٹور‘ نامی کنسرٹ میں ایڈ شیرن نے سرپرائز انٹری دی جس کی ویڈیو بھی سوشل میڈیا پر وائرل ہے۔

     

    View this post on Instagram

     

    A post shared by Atif Aslam (@atifaslam)

    اور یہ تصاویر بھی ممکنہ طور پر بھارتی پنجابی گلوکار دلجیت دوسانجھ کے کنسرٹ میں لی گئی جس نے سب کی توجہ حاصل کر رکھی ہے، اس تصاویر میں دلجیت دوسانجھ کی بزنس منیجر سونالی سنگھ کو بھی دیکھا جاسکتا ہے۔

    بیک اسٹیج پر ہونے والی اس ملاقات کی تصاویر جوں ہی یہ ر سوشل میڈیا پر گردش کرنے لگیں تو مداحوں نے انہیں ایک ساتھ کنسرٹ کرنے کا مشورہ دیدیا۔

    نامور گلوکار ایڈ شیران پہلے کیا بننا چاہتے تھے؟ (arynews.tv)

    واضح رہے کہ 1991 میں انگلینڈ میں پیدا ہونے والے ایڈ شیران آج دنیا کے سب سے بڑے پاپ آئیکونز میں سے ایک ہیں جن کے 15 کروڑ سے زیادہ ریکارڈز فروخت ہوچکے ہیں۔

  • ثنا جاوید کی انسٹاگرام تصاویر کے چرچے

    ثنا جاوید کی انسٹاگرام تصاویر کے چرچے

    شوبز انڈسٹری کی معروف اداکارہ اور شعیب ملک کی اہلیہ ثنا جاوید کی نئی تصاویر سوشل میڈیا پر وائرل ہوگئیں۔

    پاکستانی ڈرامہ انڈسٹری کی خوبرو اداکارہ ثنا جاوید آج کل بیرونِ ملک اپنے دوسرے شوہر کرکٹر شعیب ملک کے ساتھ سیر سپاٹوں میں مصروف ہیں۔

    پاکستانی فلم اور ڈرامہ انڈسٹری کی معروف اداکارہ ثنا جاوید نے فوٹو اور ویڈیو شیئرنگ ایپ انسٹاگرام پر نئی تصاویر شیئر کیں، جس میں انہیں سوئٹزرلینڈ کے حسین نظاروں سے محظوظ ہوتے ہوئے دیکھا جاسکتا ہے۔

    اداکارہ ثنا جاوید نے اپنی نئی تصویروں کے پوسٹ کو مختلف ایموجیز کا کیپشن دیا ہے جن میں بادل، پہاڑ، سفید دل اور لائٹ شامل ہے۔

    ثنا جاوید نے چند گھنٹوں قبل یہ تصاویر شیئر کیں جسے اب تک ہزاروں کی تعداد میں مداح دیکھ چکے ہیں اور ان کی تصاویر کی تعریف بھی کررہے ہیں۔

    واضح رہے کہ ثنا جاوید سوشل میڈیا پر کافی متحرک رہتی ہیں اور اکثر اپنی تصاویر اور ویڈیوز شیئر کرتی رہتی ہیں جسے ان کے مداحوں کی جانب سے پسند کیا جاتا ہے۔

    یاد رہے کہ رواں سال کے آغاز میں اپنی شادی کا اعلان کرنے والی یہ جوڑی لائم لائٹ میں آ گئی ہے اور ان شخصیات کی شہرت میں بھی پہلے سے اضافہ ہوا ہے۔

    سوشل میڈیا پلیٹ فارمز پر جہاں اس جوڑے پر اپنے اپنے پہلے ہمسفر کو چھوڑنے پر تنقید کی جاتی ہے وہیں اِن کے کروڑوں کی تعداد میں مداح اور خیرخواہ بھی موجود ہیں۔

  • علیزے شاہ انسٹاگرام پر چھا گئیں

    علیزے شاہ انسٹاگرام پر چھا گئیں

    شوبز انڈسٹری کی خوبرو اداکارہ علیزے شاہ کی تصاویر و ویڈیو سوشل میڈیا پر وائرل ہوگئی۔

    فوٹو اور ویڈیو شیئرنگ ایپ انسٹاگرام پر اداکارہ علیزے شاہ نے ویڈیو اور چند تصاویر شیئر کی جس میں انہیں سیاہ انار کلی فراک میں ملبوس سجیدگی کا تاثر دیتے دیکھا جاسکتا ہے۔

    انہوں نے چند گھنٹوں قبل یہ پوسٹ شیئر کی جسے ہزاروں کی تعداد میں مداح دیکھ چکے ہیں، ان کی تصاویر و ویڈیوز پر تعریفی کمنٹس بھی کررہے ہیں۔

     

    View this post on Instagram

     

    A post shared by Aliza shah (@alizehshahofficial)

    لیکن علیزے شاہ کے انسٹاگرام اکاؤنٹ پر نظر دوڑائی جائے تو سوشل میڈیا صارفین اور لاکھوں مداحوں کی جانب سے اداکارہ پر تنقید ہوتی نظر آتی ہے جسکی بڑی وجہ انکا اپنے چہرے کی بناوٹ کو تبدیل کرنا ہے۔

    تاہم اداکارہ سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جس پر مداحوں کی جانب سے کھل کر تعریف و تنقید کی جاتی ہے۔

     

    View this post on Instagram

     

    A post shared by Aliza shah (@alizehshahofficial)

    اداکارہ متعدد ڈراموں میں اداکاری کے جوہر دکھا چکی ہیں جن میں دل موم کا دیا، میرا دل میرا دشمن، ٹیلی فلم چاند رات اور چاندنی شامل ہیں۔

    علیزے شاہ نے اے آر وائی ڈیجیٹل کے ڈرامہ سیریل ’تقدیر‘ میں بھی اداکاری کے جوہر دکھائے تھے جس میں ان کے ساتھ سمیع خان شامل تھے۔

  • اس تصویر میں ایسا کیا ہے کہ لوگ رو پڑے، سوشل میڈیا پر کہرام برپا

    اس تصویر میں ایسا کیا ہے کہ لوگ رو پڑے، سوشل میڈیا پر کہرام برپا

    اتر پردیش : بھارت میں فٹ پاتھ پر اپنے کتے کے ساتھ سونے والے بچے کی تصویر نے دیکھنے والوں کو افسردہ کردیا، سوشل میڈیا پر وائرل ہونے کے بعد پولیس نے لڑکے کو تلاش کرلیا۔

    بھارتی ریاست یو پی میں فٹ پاتھ پر زندگی گزارنے والے نو سالہ بچے انکت اور اس کے پالتو کتے کی ایک ہی کمبل میں فٹ پاتھ پر سونے والی تصویر دیکھ کئی لوگوں کی آنکھیں نم ہوگئیں۔

    لاوارث بچے انکت اور اس کے پالتو کتے کی تصویر سوشل میڈیا پر وائرل ہونے کے بعد مظفر نگر کے ایس ایس پی نے لڑکے کو تلاش کیا اور پھر محکمہ اطفال و خواتین فلاح نے اسے اپنی نگرانی میں لے لیا۔

    انکت اور اس کے کتے کی کہانی سامنے آنے کے بعد کئی لوگ اس بچے کی پرورش کی غرض اس کو لینے کے لیے بھی پہنچے۔ انکت اور اس کا کتّا اس وقت موضوعِ بحث بنا جب کسی نے اس کی تصویر کھینچ کر سوشل میڈیا پر پوسٹ کردی جب وہ اپنے کتے کے ساتھ کمبل اوڑھ کر فٹ پاتھ پر سو رہا تھا۔

    بعد ازاں مظفر نگر ایس ایس پی نے لڑکے کو تلاش کیا اور اسے اپنے ہمراہ لے آئے، محکمہ اطفال و خواتین فلاح کو جب اس بات کا علم ہوا تو انہوں نے بچے کو اپنی نگرانی میں لے لیا۔

    اس حوالے سے محکمہ اطفال و خواتین فلاح کے چیف افسر محمد مشفقین نے میڈیا کو بتایا کہ بچے کو ضلع پولیس کے بعد ہم اسے اپنی نگرانی میں لے آئے ہیں وہ اب ایک شیلٹر ہوم میں رہ رہا ہے اور اس کی کاؤنسلنگ کی جا رہی ہے تاہم کچھ لوگ بچے کو گود لینے کے خواہشمند ہیں جن کی جانچ پڑتال کی جارہی ہے۔

    بھارتی میڈیا کے مطابق بتایا جاتا ہے کہ انکت کو اپنے بارے میں کچھ بھی یاد نہیں کہ وہ کہاں سے تعلق رکھتا ہے، سوائے اس بات کے کہ اس کے والد جیل میں ہیں اور اس کی ماں نے اسے چھوڑ دیا ہے۔

    نو سالہ بچہ چائے کے مختلف اسٹالوں پر محنت مزدوری اور غبارے بیچ کر اپنا اور اپنے دوست کا پیٹ بھرتا ہے، وہ اپنے دوست ڈینی (کتے) کے ساتھ فٹ پاتھ پر سوتا ہے، ڈینی بھی ہمیشہ انکت کے ساتھ ہی رہتا ہے۔