ARYNews.tv | Urdu – Har Lamha Bakhabar

Tag: Pillion riding

  • دفعہ 144 نافذ، ڈبل سواری پر پابندی عائد

    کراچی: صوبہ سندھ کے دارالحکومت کراچی میں ڈبل سواری پر پابندی عائد کردی گئی، فیصلے کا اطلاق آج شام سے یکم جنوری 2023 تک ہوگا۔

    تفصیلات کے مطابق محکمہ داخلہ نے شہر قائد میں دفعہ 144 نافذ اور ڈبل سواری پر پابندی عائد کردی گئی۔

    محکمہ داخلہ نے پابندی کا نوٹیفکیشن جاری کردیا۔ نوٹیفکیشن کے مطابق فیصلے کا اطلاق آج شام سے یکم جنوری 2023 تک ہوگا، اس دوران اسلحے کی نمائش اور آتش بازی پر پابندی ہوگی۔

    ڈی آئی جی ساؤتھ کا کہنا ہے کہ نئے سال کی آمد پر کچھ لوگ ہوائی فائرنگ اور آتش بازی کرتے ہیں۔

    محکمہ داخلہ کا کہنا ہے کہ ڈبل سواری پر پابندی پولیس اور سیکیورٹی اداروں کی درخواست پر عائد کی گئی ہے۔

  • کراچی سمیت اندرون سندھ بھی ڈبل سواری پر پابندی عائد، نوٹی فکیشن جاری

    کراچی سمیت اندرون سندھ بھی ڈبل سواری پر پابندی عائد، نوٹی فکیشن جاری

    کراچی : حکومت سندھ نے ماہ ربیع الاول میں حفاظتی اقدامات کے تحت کراچی میں موٹر سائیکل کی ڈبل سواری پر پابندی عائد کر دی ہے جس کا اطلاق چار اضلاع میں ہوگا۔

    محکمہ داخلہ سندھ کی جانب سے جاری کئے گئے نوٹیفکیشن کے مطابق ماہ ربیع الاول کے موقع پر کراچی کے چار اضلاع میں ڈبل سواری پر پابندی عائد کی گئی ہے۔

    حکم نامے میں کہا گیا ہے کہ ضلع وسطی میں 11 اور 12 ربیع الاول، ضلع غربی میں صرف12 ربیع الاول ضلع شرقی میں 8،11 اور 12 ربیع الاول جبکہ ساؤتھ زون میں 8 اور 12 ربیع الاول کو ڈبل سواری پر پابندی ہوگی۔

    جاری کئے گئے نوٹیفکیشن کے مطابق ضلع حیدرآباد میں 8 اور 12 ربیع الاول، ضلع سکھر میں 11 اور 12 ربیع الاول، ضلع خیرپور میں 8 سے 12 ربیع الاول تک ڈبل سواری بند ہوگی۔

    اس کے علاوہ ضلع گھوٹکی میں 12 ربیع الاول، لاڑکانہ، رتو ڈیرو، نوڈیور، بکرانی، ڈوکری اور بدیھ شہروں میں 12ربیع الاول تک ڈبل سواری بند ہوگی۔

    محکمہ داخلہ سندھ کے حکام نامے کے مطابق شہر قمبر، شہداد کوٹ، جیکب آباد، تھل، گڑھی خیرو، کندھ کوٹ نوابشاہ اور ضلع سانگھڑ میں بھی 12ربیع الاول کو موٹر سائیکل کی ڈبل سواری پر پابندی عائد ہوگی۔

    نوٹیفکیشن کے مطابق ڈبل سواری پر پابندی کا اطلاق چھوٹے بچوں، خواتین اور بزرگ شہریوں پرنہیں ہوگا جبکہ صحافی اور قانون نافذ کرنے والے اداروں کے اہلکار بھی اس پابندی سے مستشنیٰ ہوں گے۔

  • سندھ بھر میں ڈبل سواری پر پابندی لگ گئی

    سندھ بھر میں ڈبل سواری پر پابندی لگ گئی

    کراچی: محکمہ داخلہ سندھ نے صوبے بھر میں ڈبل سواری پر پابندی لگا دی۔

    تفصیلات کے مطابق کراچی سمیت سندھ بھر کے تمام اضلاع میں ڈبل سواری پر پابندی عائد کر دی گئی، 6 محرم سے 12 محرم تک ڈبل سواری پر پابندی ہوگی۔

    محکمہ داخلہ سندھ کی جانب سے نوٹیفکیشن جاری کر دیا گیا، ڈبل سواری پر پابندی کے لیے آئی جی سندھ نے درخواست کی تھی۔

    حکومت سندھ نے لا اینڈ آرڈر کی صورت حال کنٹرول کرنے کے لیے دفعہ 144 کے تحت پابندی لگائی ہے، معمر حضرات، صحافی، خواتین اور بچے اس پابندی سے مستثنیٰ ہوں گے۔

    قانون نافذ کرنے والے اداروں کے افسران اور اہل کاروں کو بھی استثنیٰ حاصل ہوگا، پابندی کی خلاف ورزی کرنے والوں کے خلاف قانونی کارروائی کی جائے گی۔

  • کمشنر کراچی نے موٹر سائیکل کی ڈبل سواری پر عائد پابندی ختم کردی

    کمشنر کراچی نے موٹر سائیکل کی ڈبل سواری پر عائد پابندی ختم کردی

    کراچی: سندھ حکومت کی جانب سے نئے سال کے موقع پر موٹر سائیکل کی ڈبل سواری پر پابندی کے اگلے روز ہی کمشنر کراچی نے پابندی ختم کرنے کا اعلان کردیا۔

    تفصیلات کے مطابق کمشنر کراچی افتخار شالوانی نے شہر میں موٹر سائیکل کی ڈبل سواری پر عائد پابندی ختم کرنے کا اعلان کردیا۔ کمشنر کراچی کا کہنا ہے کہ وزیر اعلیٰ سندھ سید مراد علی شاہ کی ہدایت پر ڈبل سواری پر پابندی ختم کی جارہی ہے۔

    کمشنر کا کہنا ہے کہ شہری ذمہ داری کا مظاہرہ کریں اور نئے سال کا جشن مہذب انداز میں منائیں۔

    انہوں نے کہا کہ اسلحہ کی نمائش، آتش گیر مادہ رکھنے اور ون ویلنگ پر پابندی برقرار رہے گی۔ صرف موٹر سائیکل کی ڈبل سواری پر پابندی کا نوٹی فیکیشن واپس لیا جائے گا۔

    خیال رہے کہ سندھ حکومت نے گزشتہ روز سیکیورٹی اقدامات کے تحت کراچی سمیت صوبے بھر میں موٹر سائیکل کی ڈبل سواری پر پابندی عائد کی تھی۔

    ڈبل سواری کے ساتھ نئے سال کی آمد پر ہوائی فائرنگ اور آتش بازی پر بھی پابندی لگائی گئی ہے۔

    صوبائی حکومت نے پابندیوں سے متعلق نوٹیفکیشن جاری کردیا جس کے تحت خلاف ورزی کرنے والوں کے خلاف سختی سے نمٹنے کی ہدایات دی گئی ہیں۔

  • کراچی میں ڈبل سواری پر پابندی عائد

    کراچی میں ڈبل سواری پر پابندی عائد

    کراچی : یومِ عاشور کے موقع پرسیکورٹی کو مدنظر رکھتے ہوئے کراچی میں موٹرسائیکل کی ڈبل سواری پرپابندی لگا دی گئی ہے۔

    تفصیلات کے مطابق محکمہ داخلہ سندھ نے کراچی میں آٹھ، نو اور دس محرم الحرام کو موٹرسائیکل کی ڈبل سواری پر پابندی عائد کردی ہے۔ حکام کا کہنا ہے پابندی لگائے جانے کی وجہ یومِ عاشور پر کیے جانے والے سیکورٹی انتظامات کو موثر بناناہے۔

    محکمہ داخلہ سندھ کی جانب سے صوبے بھر میں 60 روز کے لیے اسلحے کی نمائش پرپابندی عائد کی گئی ہے اور سادہ لباس سیکورٹی گارڈ کے اسلحہ لے کرچلنے پربھی پابندی ہے۔

    دس محرم الحرام تک پولیس موبائل سے مماثلت رکھنے والی گاڑیوں کے استعمال پربھی پابندی ہوگی۔

    محرم الحرام جلوس، متبادل ٹریفک پلان جاری

    واضح رہے کہ گزشتہ روز محرم الحرام میں ٹریفک کی آمد و رفت کو بحال رکھنے اور عوام کو مشکلات سے بچانے کے لیے ٹریفک پولیس نے 8 تا 10 محرم کا متبادل ٹریفک پلان جاری کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

     

  • سندھ بھر میں ڈبل سواری پرعائد پابندی ختم

    سندھ بھر میں ڈبل سواری پرعائد پابندی ختم

    کراچی : چہلم امام حسینؓ کے موقع پر سندھ بھر میں عائد کردہ موٹر سائیکل کی ڈبل سواری پرعائد پابندی ختم کردی گئی۔

     سیکیورٹی خدشات کے پیش نظر سندھ حکومت نے 20 اور 21 نومبر کو صوبے بھر میں موٹر سائیکل کی ڈبل سواری پر پابندی عائد کی تھی جو پیر کی رات 12 بجے ختم ہوگئی۔

    سندھ حکومت کی جانب سے حضرت امام حسینؓ کے چہلم کے موقع پر امن و امان برقرار رکھنے اور کسی ناخوشگوار واقعے سے نمٹنے کے لیے ڈبل سواری پر پابندی لگانے کا فیصلہ کیا تھا۔

    چہلم امام حسین رضی اللہ عنہ کے موقع پر سندھ بھر میں ڈبل سواری پر پابندی عائد کرنے کا نوٹی فکیشن 17 نومبر کو جاری کیا گیا تھا جس کے مطابق 12 سال سے کم عمر بچے، بزرگ ، صحافی اور قانون نافذ کرنے والے اداروں کے اہلکار اس پابندی سے مستثنیٰ قرار دیے گئے تھے۔

    قبل ازیں ڈبل سواری پر پابندی 8 محرم الحرام سے 10 محرام الحرام کی شب تک لگائی گئی تھی اور خلاف ورزی کرنے والوں کو ایک رات تھانے میں گزارنے کے ساتھ ساتھ 5ہزار روپے کی زر ضمانت کے عوض عدالت سے رہا کیا گیا ۔

  • سندھ حکومت کا 10،9 محرم کو ڈبل سواری پرپابندی کا فیصلہ

    سندھ حکومت کا 10،9 محرم کو ڈبل سواری پرپابندی کا فیصلہ

    کراچی: حکومتَ سندھ نے محرم الحرام میں امن و امان کی صورت حال کے پیش نظر 8، 9، 10 محرم کو ڈبل سواری پر پابندی کا فیصلہ کیا ہے۔

    تفصیلات کے مطابق وزیراعلیٰ سندھ سید قائم علی شاہ کی سربراہی میں آج اہم اجلاس ہوا جس میں محرم الحرام کے دوران امن و امان کی فضا کو یقینی بنانے کے لئے ممکنہ اقدامات پرغور کیا گیا۔

    اجلاس کے دوران پولیس حکام کی جانب سے دی جانے والی بریفنگ میں وزیر اعلیٰ سندھ کو بتایا کہ محرم الحرام کے دوران دہشت گردی کے خدشات موجود ہیں، کالعدم تنظیموں کے دہشت گرد ملک اسحاق اور عثمان کرد کے قتل کا بدلہ لینے کے لئے محرم الحرام میں شرپسند کارروائیاں کرسکتے ہیں۔

    پولیس حکام نے یہ بھی بتایا کہ ماتمی جلوسوں کی نگرانی سپارکو کے سرویلنس نظام کے ذریعے کی جائے گی اور اس کے علاوہ رینجرز اور پولیس مشترکہ کنٹرول روم بھی قائم کررہے ہیں۔

    وزیراعلیٰ سندھ نے رینجرز اور پولیس کو محرم الحرام میں آپریشن جاری رکھنے اور سیکیورٹی انتظامات مزید سخت کرنے کی ہدایت کی ہے۔

    اجلاس کے دوران 8، 9، 10 محرم الحرام کو کراچی موٹر سائیکل کی ڈبل سواری پر پابندی عائد کرنے کا فیصلہ کیا گیا ہے۔

    اجلاس میں یہ بھی طے پایا ہے کہ 10محرم الحرام کو موبائل فون سروس بند کرنے کی سفارش وفاق کو بھیجی جائے۔

  • کراچی میں ڈبل سواری پرپابندی عائد

    کراچی میں ڈبل سواری پرپابندی عائد

    کراچی: یوم دفاع کے موقع پرسیکیورٹی کو مدنظررکھتے ہوئے کراچی میں دو روزکے لئے ڈبل سواری پرپابندی عائد کردی گئی ہے۔

    تفصیلات کے مطابق ڈبل سواری پرپابندی سندھ حکومت نے عائد کی ہے اور اس کا اطلاق کراچی میں ہوگا۔

    محکمہ داخلہ کی جانب سے 5 اورچھ ستمبر کے لئے ڈبل سواری پر پابندی کا نوٹیفیکیشن جاری کردیا گیا ہے۔

    نوٹیفیکشن کے مطابق پابندی کا اطلاق آج رات 12 بجے سے ہوگا۔

    اس سے قبل بھی کئی اہم مواقع پر کراچی میں ڈبل سواری پر پابندی عائد کی جاتی رہی ہے۔

  • کراچی، حیدرآباد، سکھر میں بدھ، جمعرات کو ڈبل سواری پر پابندی

    کراچی، حیدرآباد، سکھر میں بدھ، جمعرات کو ڈبل سواری پر پابندی

     کراچی: اکیس رمضان المبارک کو یوم شہادت حضرت امام علی رضہ کے موقع پر کراچی سمیت سندھ کے تین اضلاع میں ڈبل سواری پر دو روز کیلئے پابندی عائد کردی گئی ہے۔

     جس کا اطلاق آج رات بارہ بجے سے ہوگا، اور نو جولائی کی رات بارہ بجے تک رہے گا،کراچی کے علاوہ جن اضلاع میں ڈبل سواری پر پابندی ہوگی ان میں حیدرآباد او سکھر شامل ہیں۔

     محکمہ داخلہ سندھ کی جانب سے ڈبل سواری پر پابندی کا نوٹی فکیشن باضابطہ طور پر جاری کردیا گیا ہے ، جس میں کہا گیا ہے کہ ڈبل سواری کی پابندی کے دوران بزرگ، خواتین، بچوں،آرمڈ فورسز کے اہلکاراورصحافی اس پابندی سے مسثتنیٰ ہوں گے۔

    محکمہ داخلہ کے مطابق ڈی آئی جی سکھر، ڈی آئی جی حیدرآباد، اور ایڈیشنل آئی جی کراچی نے سیکیورٹی پلان کے تحت یوم علی کے موقع پر آٹھ اور نو جولائی یعنی بیس اور اکیس رمضان کو ڈبل سواری پر پابندی کی سفارش کی تھی جس کو مدنظر رکھتے ہوئے کراچی ، حیدرآباد اور سکھر میں دو روز کیلئے ڈبل سواری پر پابندی عائد کردی گئی ہے ۔

  • کراچی میں ڈبل سواری پرتین دن کے لئے پابندی

    کراچی میں ڈبل سواری پرتین دن کے لئے پابندی

    کراچی: شہر قائد میں امن و امان کی بدترین صورتحال کے باعث کراچی میں تین روزکےلیےموٹرسائیکل کی ڈبل سواری پرپابندی عائد کردی گئی۔

    محکمہ داخلہ سندھ نے اورنگی ٹاؤن کے علاقے بنارس کالونی میں پولیو ٹیم پر ہونے والے حملے کے بعد شہر میں ڈبل سواری پر تین روز کیلئے پابندی عائد کردی ہے ، پابندی کا اطلاق آج رات بارہ بجے سے بائیس جنوری رات بارہ بجے تک ہوگا، جس کا باضابطہ نوٹی فکیشن جاری کردیا گیا ہے ۔

    ذرائع کے مطابق آئی جی سندھ نے چار روزہ پولیو مہم کی سیکیورٹی بہتر کرنے کیلئے محکمہ داخلہ کو ڈبل سواری پر پابندی کی سفارش کی تھی جس کی روشنی میں پابندی عائد کی گئی ہے ۔ واضح رہے کہ کراچی میں آج سے پولیو مہم کا آغاز ہوچکا ہے ،اس دوران پولیو ٹیم پر حملے میں پولیس اہلکار جاں بحق ہوا، یہ پولیو مہم بائیس جنوری تک جاری رہے گی ۔

    محکمہ داخلہ کی جانب سے جاری نوٹی فکیشن میں کہا گیا ہے کہ پابندی کا اطلاق بزرگ، خواتین ، بچوں ، قانون نافذ کرنے والے اداروں کے اہلکاروں اور صحافیوں پرنہیں ہوگا۔