Tag: PK – 95 by election

لوئردیر: پی کےپچانوے کے ضمنی الیکشن میں پولنگ کے بعد ووٹوں کی گنتی جاری ہے، دس پولنگ اسٹیشنز کے غیر حتمی اور غیر سرکاری نتائج کے مطابق جماعت اسلامی کے اعزازالملک کو برتری حاصل ہے ۔

خیبر پختونخوا کے حلقہ پی کے پچانوے کی نشست پر ضمنی الیکشن کی پولنگ کا وقت ختم ہوگیا جس کے بعد ووٹوں کی گنتی جاری ہے، خیبرپختونخوا کی نشست پی کے پچانوے کے ضمنی الیکشن میں خواتین کےواحد پولنگ اسٹیشن پر ایک بھی ووٹ کاسٹ نہیں کیا گیا۔

خیبرپختونخوا کاضلع لوئردیر پی کے پچانوے میں ضمنی انتخاب ہوا جہاں  پولنگ اسٹیشن پر گہما گہمی بھی عروج پر تھی۔ ایسے میں اے آر وائی نیوز نے ایک ایسا پولنگ اسٹیشن ڈھونڈ نکالاجہاں ایک بھی ووٹ کاسٹ نہیں ہوا۔

حلقے میں رجسٹرڈووٹرزکی تعدادایک لاکھ باسٹھ ہزار ہے، جن کیلئےکُل پچاسی پولنگ اسٹیشن قائم کئے گئے تھے، ہزاروں خواتین ووٹرز بھی ہیں،جن کیلئے صرف ایک پولنگ اسٹیشن بنایا گیا تھا۔

خواتین کےواحد پولنگ اسٹیشن پر ایک بھی ووٹ کاسٹ نہیں کیا جاسکا، ذرائع کےمطابق حلقےمیں خواتین کے ووٹ ڈالنےپر غیر علانیہ پابندی ہے۔

ماضی میں بھی الیکشن دو ہزار تیرہ کے دوران محتلف علاقوں میں مقامی جرگوں کی طرف سے خواتین کی ووٹنگ پر پابندی لگانے کے واقعات سامنے آچکے ہیں۔

پشاور: خیبر پختون خوا کے حلقہ پی کے پچانوے میں ضمنی انتخاب کیلئے پولنگ جاری ہے، جماعت اسلامی اور اے این پی کے امیدواروں میں کانٹے کا مقابلہ ہے۔

خیبرپختون خوا کے حلقہ پی کے پچانوے میں ضمنی انتخاب کیلئے ووٹنگ جاری ہے، حلقے میں پچاسی پولنگ اسٹیشن بنائے گئے ہیں جن میں ایک لاکھ باسٹھ ہزار ووٹر شام پانچ بجے تک حق رائے دہی استعمال کرسکیں گے۔

جماعت اسلامی کے امیر سراج الحق بھی ووٹ ڈالنے ثمرباغ ہائی اسکول پہنچے۔

میڈیا سے گفتگو میں سراج الحق کا کہنا تھا کہ الیکشن جماعت اسلامی ہی جیتے گی، حلقہ میں بیالس پولنگ اسٹیشن کو حساس جبکہ تینتس کو انتہائی حساس قرار دیا گیا ہے۔

دونوں جماعتوں کے جانب سے ووٹرز کیلئے انتخابی کیمپ بھی لگائے گئے ہیں جبکہ پولیس کی جانب سے سیکیورٹی کے بھی سخت انتظامات کئے گئے ہیں ۔

یہ نشست جماعت اسلامی کے سراج الحق کے سینیٹر منتخب ہونے کے بعد خالی ہوئی ہے۔