برازیل کی ریاست میناس گیریس میں چھوٹا طیارہ اڑان بھرنے کے تھوڑی ہی دیر بعد پہاڑی علاقے میں گر کر تباہ ہوگیا۔
غیر ملکی ذرائع ابلاغ کے مطابق برازیل کی ریاست ساؤ پالو کے شہر کیمپیناس سے مسافر بردار طیارے نے پڑوسی ریاست میناس گیریس کے لیے اڑان بھری تھی تاہم بد قسمت طیارہ کنٹرول ٹاور سے اپنا رابطہ بحال نہیں رکھ پایا۔
جہاز ملبہ کان کنی کے لیے مشہور ایک پہاڑی علاقے میں آبشار کے نزدیک سرچ آپریشن کے دوران مل گیا۔ یہ علاقہ درختوں اور جھاڑیوں سے بھرا ہوا تھا۔ طیارے سے 7افراد کی لاشیں برآمد کرلی گئی ہیں۔
برازیل میں سیاحت کے لیے ایمازون کے جنگلات جانے والے طیاروں کے حادثات عام ہیں۔ بتایا جارہا ہے کہ ہلاک ہونے والے ایک ہی خاندان سے تعلق رکھتے تھے اور سیاحت کے لیے نکلے تھے۔
سعودی عرب: بغیر پرمٹ ہوٹل کھولنے پر بڑی سزا دینے کا فیصلہ
واضح رہے کہ گزشتہ برس ستمبر میں بھی ایسے ہی ایک حادثے میں 14 افراد لقمہ اجل بن گئے تھے، جب کہ رواں برس کے آغاز پر ہی ایک اور مسافر بردار سیاحتی طیارے کے حادثے میں 3 افراد اپنی زندگی سے ہاتھ دھو بیٹھے تھے۔
