کینٹکی: امریکی ریاست کینٹکی میں کپتان کا دم گھٹنے کے نتیجے میں طیارے کی ہنگامی لینڈنگ کرنا پڑ گئی۔
امریکی فضائی کمپنی کا طیارہ ایلی جائنٹ ایئر گزشتہ روز ایک اندرونی پرواز میں ریاست کینٹکی سے فلوریڈا جارہا تھا، تاہم کپتان کی صحت کے حوالے سے ہنگامی صورتحال درپیش ہونے کے بعد اس نے اپنا روٹ تبدیل کیا اور اسی ریاست میں گینزول ہوائی اڈے پر ہنگامی لینڈنگ پر مجبور ہوگیا۔
فوکس نیوز کے مطابق طیارہ جمعرات کی صبح مقامی وقت کے مطابق 7 بجے روانہ ہوا تھا اور 8:30 منٹ پر اس کو گنیزول ہوائی اڈے کی جانب موڑ دیا گیا۔
Incident Alert: GFR units on scene to GVN Airport for a reported inbound Airbus 320 with a pilot suffering a seizure. pic.twitter.com/St6VLVNNyh
— Gainesville Fire (@GFR1882) May 31, 2018
گینزول فائر بریگیڈ کی جانب سے جاری کردہ تصاویر میں اے 320 طیارے کے محفوظ طریقے سے لینڈنگ کے بعد اطراف میں کھڑی ایمبولینس کو دیکھا جاسکتا ہے، کپتان کو ہسپتال منتقل کرنے قبل فوری طور پر طبی امداد فراہم کی گئی اب کپتان کی حالت بہتر بتائی جارہی ہے۔
مذکورہ فضائی کمپنی کے مطابق طیارے میں 155 مسافر سوار تھے تاہم طیارے کی باحفاظت لینڈنگ کی وجہ سے کسی قسم کا جانی نقصان پیش نہیں آیا، نئے عملے کے بھیجے جانے کے بعد طیارے کو منزل مقصود پر روانہ کردیا گیا۔
واضح رہے کہ دو ماہ قبل بھی امریکی فضائی کمپنی کے مسافر بردار طیارے کی امریکی شہر فلاڈیلیفیا میں انجن پھٹنے کے باعث ہنگامی لینڈنگ کی گئی تھی جس کے نتیجے میں ایک خاتون ہلاک جبکہ سات مسافر زخمی ہوگئے۔
