ARYNews.tv | Urdu – Har Lamha Bakhabar

Tag: plane

  • ایئرہوسٹس کے طمانچے پر مسافر نے بھی زناٹے دار تھپڑ جڑ دیا، ویڈیو وائرل

    ایئرہوسٹس کے طمانچے پر مسافر نے بھی زناٹے دار تھپڑ جڑ دیا، ویڈیو وائرل

    برسلز: یورپی ملک بیلجیم کی ایئرلائن میں غصیلے مسافر نے خاتون فضائی میزبان کے طمانچے کے جواب میں زور دار تھپڑ رسید کردیا، ویڈیو سوشل میڈیا پر وائرل ہوگئی۔

    غیرملکی خبررساں ادارے کی رپورٹ کے مطابق برسلز ایئرلائن میں دوران پرواز فضائی میزبان اور مسافر کے درمیان تلخ کلامی ہوئی جس پر پہلے خاتون نے تھپڑ مارا جبکہ ردعمل میں مسافر نے بھی طمانچہ جڑ دیا۔

    تلخ کلامی کی وجہ تاحال سامنے نہیں آئی، تاہم ویڈیو میں دیکھا جاسکتا ہے کہ مسافر بھرے طیارے میں خاتون میزبان پر چیخ رہا ہے۔ دریں اثنا شہری نے ایئرہوسٹس کو مغلظات بھی بکیں۔

    رپورٹ میں کہا گیا ہے کہ خاتون نے شہری کو سمجھانے کی کوشش کی لیکن وہ آپے سے باہر ہوگیا اور اپنی سیٹ سے اٹھ کر ایئرہوسٹس سے بدتمیزی شروع کردی جس پر بات مزید بگڑ گئی۔

    سوشل میڈیا پر وائرل ہونی والی مذکورہ ویڈیو پر شہریوں نے شدید غم وغصے کا اظہار کیا۔

    https://www.facebook.com/100001554513990/videos/2939109092817546/

  • طیارے میں مسافر نے جینا حرام کردیا

    طیارے میں مسافر نے جینا حرام کردیا

    طیارے میں سفر کرنے والے مسافر اپنے معیار کا بڑا خیال رکھتے ہیں، فضائی سروس فراہم کرنے والی کمپنی بھی اپنے صارفین کے معیار کو مدنظر رکھتے ہوئے اُن کے لیے مختلف سہولیات متعارف کراتی ہے۔

    کبھی کبھار طیارے میں ایسی عجیب وغریب حرکات سامنے آتی ہیں جو سوشل میڈیا کی غذا بن جاتی ہیں۔

    سماجی رابطے کی ویب سائٹ ٹوئٹر پر ایسی ویڈیو وائرل ہوئی جس میں جہاز کا مسافر اپنے پیچھے بیٹھے شخص کو چھیڑتا ہوا نظر آیا ہے۔ مذکورہ ویڈیو نے سوشل میڈیا پر ایک نئی بحث چھیڑ دی۔

    ویڈیو میں دیکھا جاسکتا ہے کہ شہری پچھلی سیٹ پر بیٹھے شخص کے ٹانگ کے بال کھینچ رہا ہے۔

    اسی نوعیت کی منفرد اور مزاحیہ ویڈیوز کئی بار سوشل میڈیا کی زینت بن چکی ہیں۔ کئی مرتبہ مسافر طیارے میں کسی غیر آدمی کا کھانا کھا جاتے ہیں تو کبھی متعدد بار ایک دوسرے سے لڑتے ہوئے بھی نظرآتے ہیں۔

  • جہاز میں مسافر کی عجیب وغریب حرکت، ویڈیو وائرل

    جہاز میں مسافر کی عجیب وغریب حرکت، ویڈیو وائرل

    طیارے میں سفر کرنے والے مسافر اپنے معیار کا بڑا خیال رکھتے ہیں، فضائی سروس فراہم کرنے والی کمپنی بھی اپنے صارفین کے معیار کو مدنظر رکھتے ہوئے اُن کے لیے مختلف سہولیات متعارف کراتی ہے۔

    سوشل میڈیا پر ان دنوں ایسی ویڈیو وائرل ہے جس میں ایک نوجوان اپنے خیالوں میں گم پیروں کی انگلیوں کو کھرچ رہا ہے۔ کئی صارفین نے ویڈیو پر تبصرہ کرتے ہوئے اسے مزاحیہ قرار دیا۔

    صارفین کا کہنا ہے کہ مسافر کے پیر کی انگلیوں میں خارش ہورہی ہے جس کے باعث وہ مسلسل کھرچ رہا ہے۔ جبکہ دائیں سیٹ پر بیٹھے مسافر نے خفیہ طور پر ان مناظر کو کیمرے کی آنکھ سے قید کیے اور ویڈیو سوشل میڈیا پر وائرل ہوگئی۔

    مسافر نے ویڈیو سماجی رابطے کی ویب سائٹ انسٹاگرام پر شیئر کی جو دیکھتے ہی دیکھتے وائرل ہوگئی اور اسے لاکھوں صارفین نے دیکھ کر مذکورہ شخص کا مذاق اڑایا جبکہ کچھ نے کمنٹس بھی کیے۔

  • طیارہ بھیانک حادثے کا شکار ہوگیا

    طیارہ بھیانک حادثے کا شکار ہوگیا

    واشنگٹن: امریکا میں چھوٹے طیارے کو خطرناک حادثہ پیش آیا تاہم خوش قسمتی سے کوئی جانی نقصان نہیں ہوا۔

    غیرملکی خبررساں ادارے کی رپورٹ کے مطابق مذکورہ طیارے میں صرف دو افراد سوار تھے جبکہ ان کے ساتھ پالتو کتا بھی تھا۔ خوش قسمی سے کسی کو خراچ تک نہیں آئی۔

    رپورٹ میں کہا گیا کہ یہ حادثہ فلوریڈا کے شہر ڈسٹن میں پیش آیا، ابتدائی تحقیقات کے مطابق حادثہ طیارہ انجن ناکارہ ہونے کی صورت ہوا، واقعے میں 47 سالہ باپ اور 22 سالہ بیٹا محفوظ رہے۔

    ریسکیو عملے کا کہنا ہے کہ باپ بیٹے ڈسٹن کی فضائی حدود میں سیر کررہے تھے کہ اچانک لینڈنگ کے دوران انجن فیل ہوگیا اور طیارہ درخت سے جا اٹکا، زمین پر گرنے کی صورت میں جہاز تباہ بھی ہوسکتا تھا جس میں دونوں مسافروں کی اموات بھی یقینی تھی لیکن خوش قسمتی سے ایسا نہیں ہوا۔

    واقعہ صبح سویرے پیش آیا جبکہ حادثے کے فوراً بعد جائے وقوعہ پر موجود شہریوں نے متاثرین کی مدد کی۔

  • موت کوسامنے دیکھ کر چیخیں نکل گئیں

    موت کوسامنے دیکھ کر چیخیں نکل گئیں

    لیورپول: دنیا میں بسنے والے ہر شخص کو اپنی جان بہت عزیز ہوتی ہے ایسے میں اگر جان جانے کا خطرہ سر پر آجائے تو اچھے اچھوں کی چیخیں نکل جاتی ہیں۔

    ایسا ہی کچھ ہوا برطانیہ سے آئرلینڈ جانے والی پرواز میں جہاں طوفان کی تیز ہواؤں نے جہاز کو ہلایا تو مسافروں نے دعائیں شروع کردیں اور زور زور سے چیخنے چلانے لگے۔

    غیرملکی خبررساں ادارے کے مطابق ریان نامی غیرملکی ایئرلائن کا طیارہ دوران پرواز تیز ہواؤں کی زد میں آگیا جس پر مسافروں نے ہنگامہ برپا کردیا اور ہر طرف چیخ وپکار کی صدائیں بلند ہونا شروع ہوگئیں تاہم جہاز کے عملے نے شہروں کو تسلی دی او خاموش رہنے کی تلقین کی۔

    مذکورہ ایئرلائن کی پرواز برطانوی شہر لیور پول سے آئرلینڈ کے شہر ڈیری جارہی تھی۔

    پرواز کے اڑان بھرنے سے قبل محکمہ موسمیات نے موسم کی خرابی اور طوفانی ہواؤں سے متعلق وارننگ بھی دی تھی۔ طیارے نے ہچکولے کھائے لیکن خوش قسمتی سے کوئی جانی یا مالی نقصان نہیں ہوا اور پائلیٹ نے بحفاظت لینڈنگ کرائی۔ ایک مسافر کا کہنا تھا کہ جہاز کے ہلنے پر ہمیں اپنی موت سامنے نظر آنے لگی تھی۔

  • یوکرینی طیارے پر مبینہ میزائل حملے کی ویڈیو منظر عام پر آگئی

    یوکرینی طیارے پر مبینہ میزائل حملے کی ویڈیو منظر عام پر آگئی

    تہران: یوکرین کے طیارے حادثے سے متعلق ایک نئی ویڈیو سامنے آئی ہے جس میں دیکھا جاسکتا ہے کہ جہاز کو مبینہ طور پر میزائل حملے سے نشانہ بنایا گیا۔

    تفصیلات کے مطابق یوکرین کا طیارہ حادثے کا شکار ہوا یا پھر اسے تباہ کیا گیا، ابھی تک معمہ حل نہ ہوا البتہ ایک ایسی ویڈیو سامنے آئی ہے جس سے متعق دعویٰ کیا جارہا ہے کہ یہ جہاز پر حملے کی ویڈیو ہے۔

    غیرملکی خبررساں ادارے کے مطابق منظرعام پر آنے والی ویڈیو میں دیکھا جاسکتا ہے ایک میزائل نماہتھیار رات کی تاریکی میں فضا میں نمادار ہوا اور کسی چیز سے ٹکرایا جس کے باعث آگ کے شعلے بلند ہوئے اور زور دار دھماکے کی آواز آئی۔

    امریکی میڈیا نے دعویٰ کیا ہے کہ یہ وہی ویڈیو اور مقام ہے جہاں ایران نے اپنے میزائل سے یوکرین کے طیارے کو نشانہ بنایا جس کے باعث جہاز کا ٹرانسمیشن سگلنل بھی معطل ہوا۔ البتہ اب تک یہ گتھی سلجھ نہ سکی۔

    یوکرین طیارہ ایرانی میزائل سے تباہ ہوا، بورس جانسن اور جسٹن ٹروڈو کا بھی دعویٰ

    خیال رہے کہ ایران میں یوکرین کا طیارہ گر کر تباہ ہونے کے واقعے سے متعلق گزشتہ روز امریکی ہفتہ روزہ میگزین نیوز ویک نے دعویٰ کیا کہ طیارے کو ایران نے غلطی سے تباہ کیا تھا، طیارے کو اینٹی ایئر کرافٹ میزائل لگا تھا، پینٹاگون اور عراقی انٹیلی جنس کے اعلیٰ حکام نے اس حادثے سے متعلق آگاہ کیا، طیارے کو جو میزائل لگا وہ روسی ساختہ زمین سے فضا میں مار کرنے والا میزائل ٹی او آر ایم ون تھا۔

    ادھر برطانوی اور کینیڈین وزرائے اعظم نے بھی دعویٰ کر دیا ہے کہ یوکرین طیارہ ایرانی میزائل لگنے سے تباہ ہوا ہے۔

  • جہاز میں سوار عجیب وغریب مسافر کی احمقانہ حرکت، ویڈیو وائرل

    جہاز میں سوار عجیب وغریب مسافر کی احمقانہ حرکت، ویڈیو وائرل

    طیارے میں سفر کرنے والے مسافر اپنے معیار کا بڑا خیال رکھتے ہیں، فضائی سروس فراہم کرنے والی کمپنی بھی اپنے صارفین کے معیار کو مدنظر رکھتے ہوئے اُن کے لیے مختلف سہولیات متعارف کراتی ہے۔

    انٹرنیٹ پر ان دنوں ایک ویڈیو وائرل ہوئی جس میں دیکھا جاسکتا ہے جہاز میں سوار مسافر نے اپنی اگلی سیٹ پر بیٹھے نوجوان کو پریشان کردیا۔ اپنے بیٹھنے کے حدود کی خلاف ورزی کرتے ہوئے احمق مسافر نے کھڑکی کی طرف سے پیر آگے بڑھایا جو قریب بیٹھے نوجوان کے لیے الجھن کا باعث بن گیا۔

    ویڈیو میں بظاہر ایسا لگ رہا ہے کہ شہری گہری نیند میں سورہا ہے۔

    مذکورہ شخص کے قریب بیٹھے مسافر نے یہ ویڈیو بنائی جس کا مقصد دیگر مسافروں کو صرف یہ بتانا تھا کہ وہ سفر کے دوران معیار کو برقرار رکھیں۔

    مسافر نے ویڈیو سماجی رابطے کی ویب سائٹ انسٹاگرام پر شیئر کی جو دیکھتے ہی دیکھتے وائرل ہوگئی اور اسے لاکھوں صارفین نے دیکھ کر مذکورہ شخص کا مذاق اڑایا جبکہ کچھ نے کمنٹس بھی کیے۔

    ایک صارف نے لکھا کتنا بدتمیز آدمی ہے۔ جبکہ دوسرے نے دلچسپ تبصرہ کرتے ہوئے کہا ’’ نوجوان سوچ رہا ہوگا کہ کاش ہاتھ میں موجود یہ مشروب اس کے پیر پر پھینک پاتا‘‘۔

  • پی آئی اے کا طیارہ حادثے سے بال بال بچ گیا

    پی آئی اے کا طیارہ حادثے سے بال بال بچ گیا

    کراچی: نئے سال کے پہلے ہفتے ہی پاکستان انٹرنیشنل ایئرلائن (پی آئی اے) کا طیارہ حادثے سے بال بال بچ گیا۔

    تفصیلات کے مطابق طیارے سے پرندہ ٹکرانے کا واقعہ پیش آیا۔ کوئٹہ سے کراچی آنے والی پی آئی اے کی پرواز پی کے 311 سے پرندہ ٹکرا گیا۔ تاہم طیارہ کسی حادثے سے بچ گیا۔

    سال 2019 میں کراچی ائیرپورٹ پر پرندہ ٹکرانے کے 19 واقعات رپورٹ ہوئے تھے۔

    ذرائع کے مطابق کوئٹہ سے کراچی آنے والی پی آئی اے کی پرواز پی کے 311 سے پرندہ ٹکراگیا جس کے باعث طیارے کے پر کو نقصان پہنچا۔ طیارے کی مرمت کا کام جاری ہے تاہم کراچی سے پشاور جانے والی پرواز تاخیر کا شکار ہوگئی۔

    پی آئی اے کا ایک اور طیارہ حادثے سے بال بال بچ گیا

    جہاز میں سوار 150 مسافر رل گئے۔ ترجمان پی آئی اے نے مسافروں سے تعاون کی اپیل کرتے ہوئے کہا کہ مسافروں کی سہولیات کا خیال رکھ رہے ہیں تاہم سی اے اے کے طرف سے پرندوں کو بھگانے کے اقدامات نہیں کیے گئے۔

    واضح رہے کہ گزشتہ سال دسمبر میں پی آئی اے کا طیارہ حادثے سے بچا تھا۔ طیارے کے لاہور ایئر پورٹ پر اترتے ہی انجن سے کوئی چیز ٹکرائی جس سے اس کا توازن بگڑا۔ خوش قسمتی سے کوئی جانی نقصان نہیں ہوا۔

  • پی آئی اے کے جہاز میں ہلڑبازی، دو نشے میں دھت مسافر گتھم گتھا ہوگئے

    پی آئی اے کے جہاز میں ہلڑبازی، دو نشے میں دھت مسافر گتھم گتھا ہوگئے

    کراچی: لندن سے اسلام آباد جانے والی پی آئی اے کی پرواز میں دو مسافر لڑپڑے، نشے میں دھت دونوں مسافروں نے طیارے میں ہلڑبازی مچادی اور گتھم گتھا ہوگئے۔

    تفصیلات کے مطابق یہ واقعہ لندن سے اسلام آباد کی پرواز پی کے 786 میں ہوا، نشے میں دھت دونوں مسافر آپس میں لڑ پڑے اور ہاتھا پائی کی، پرواز کے دیگر مسافروں نے فضائی میزبان سے شکایت کی جس پر ایکشن لیا گیا۔

    ذرائع ایئرپورٹ کا کہنا ہے کہ لندن سے روانگی کے لیے پی آئی اے کا طیارہ ٹیکسی وے پر تھا، کپتان نے ہیتھرو ایئرپورٹ پر کنٹرول ٹاور سے رابطہ کرکے پولیس طلب کرلی، واقعے کے بعد طیارے کو ٹیکسی وے سے واپس بلایا گیا۔

    لندن پولیس نے طیارے میں ہاتھا پائی پر دونوں مسافرو ں کو گرفتار کرلیا۔

    پی آئی اے کی انٹرنیشنل فلائٹ میں خاتون کو ہارٹ اٹیک

    ترجمان کا کہنا ہے کہ اس واقعے کے بعد لندن سے اسلام آباد کی پر واز ایک گھنٹہ تاخیر سے روانہ ہوئی، پی آئی اے نے دونوں مسافروں کو بلیک لسٹ کر دیا ہے۔

    خیال رہے کہ گزشتہ ہفتے پاکستان انٹرنیشنل ایئر لائن کی بین الاقوامی پرواز میں خاتون مسافر کو دل کا دورہ پڑنے کے باعث طیارے کو ہنگامی لینڈنگ کرنا پڑی تھی۔

    پی آئی اے کی سیالکوٹ سے ریاض جانے والی پرواز پی کے 755 میں مسافر خاتون کو دل کا دورہ پڑا جس پر عملے نے پائلٹ کو فوری طور پر آگاہ کیا، کپتان نے اطلاع ملنے پر طیارے کو فوری طور پر قریب ترین دوحا ایئرپورٹ پر ہنگامی لینڈنگ کرائی اور طبی امداد فرائم کی گئی تھی۔

  • ایئرٹریفک کنٹرولر کی مہارت، غیر ملکی طیارہ بڑے حادثے سے بچ گیا

    ایئرٹریفک کنٹرولر کی مہارت، غیر ملکی طیارہ بڑے حادثے سے بچ گیا

    کراچی: کراچی میں ایئرٹریفک کنٹرولر نے کمال مہارت کا مظاہرہ کرتے ہوئے غیرملکی طیارے کو بڑے حادثے سے بچا لیا، جہاز میں 150 سے زائد مسافر سوار تھے۔

    تفصیلات کے مطابق بھارتی شہر جےپور سے مسقط جانے والی غیرملکی پرواز(عمان ایئر) ڈبلیووائی276آسمانی بجلی کی زد میں آئی تاہم ایئرٹریفک کنٹرولر نے کمال مہارت کے ساتھ طیارے کے عملے سے رابطہ بحال رکھا اور کئی زندگیاں بچا لیں۔

    ذرائع کا کہنا تھا کہ طیارہ بھارتی فضائی حدود سے ہوتا ہوا کراچی ریجن میں داخل ہوا اور سندھ کے علاقے چھور کے مقام پر طیارہ آسمانی بجلی کی زد میں آیا، ایئرٹریفک کنٹرولر نے مکمل رہنمائی کرتے ہوئے طیارے کو حادثے سے بچایا۔

    طیارہ 38ہزار فٹ بلندی پر کپتان سے بےقابو ہوگیا تھا، طیارہ کپتان سے بےقابو ہوکر 38ہزار بلندی سے 36ہزار بلندی پر آگیا تھا، کپتان نے ہنگامی بنیادوں پر اے ٹی سی کو میڈے میڈے کی کال دی، بعد ازاں ایئرٹریفک کنٹرولر نے کپتان کی رہنمائی کرکے طیارے کو دیگر طیاروں کے درمیان تصادم سے بچایا۔

    سول ایوی ایشن اتھارٹی کے ترجمان کے مطابق غیر ملکی ایئرلائن کے کپتان نے ایئر ٹریفک کنٹرولر سے رابطہ کیا تھا اور میڈے کی کال دی تھی جس پر ایئر ٹریفک کنٹرولر نے کپتان کو خراب موسم سے نکلنے میں مکمل طور پر رہنمائی کی تھی اور دوسرے طیاروں سے بھی بچایا تھا۔

    خیال رہے کہ گزشتہ سال نومبر میں اسلام آباد ایئرپورٹ پر غیر ملکی ایئر لائن کا طیارہ حادثے سے بال بال بچا تھا، ایئر پورٹ حکام کے مطابق سعودی ایئر لائن کے طیارے کا لینڈنگ کے دوران ٹائر پھٹ گیا تھا۔