ARYNews.tv | Urdu – Har Lamha Bakhabar

Tag: PM Imran Khan

  • ناروے کی موبائل کمپنی نے پاکستان میں سرمایہ کاری کے تجربے کو تسلی بخش قرار دے دیا

    ناروے کی موبائل کمپنی نے پاکستان میں سرمایہ کاری کے تجربے کو تسلی بخش قرار دے دیا

    اسلام آباد : وزیراعظم عمران خان سے ملاقات میں ناروے کی موبائل کمپنی کے صدر نے پاکستان میں سرمایہ کاری کے تجربے کو تسلی بخش قرار دے دیا، صدرموبائل کمپنی گروپ نے بتایا ٹیلی نارگروپ نے پاکستان میں3.5ارب ڈالر کی سرمایہ کاری کی ، جس سے 5 ہزارلوگوں کو روزگار ملا۔

    تفصیلات کے مطابق وزیراعظم عمران خان سے ناروے کی موبائل کمپنی کے صدر کی ملاقات ہوئی ، ملاقات میں ٹیلی نارگروپ کے صدر نے پاکستان میں سرمایہ کاری کے تجربے کو تسلی بخش قراردیا اور ٹیلی کام کے شعبے میں تعاون فراہم کرنے پر حکومت کا شکریہ ادا کیا۔

    صدرموبائل کمپنی گروپ نے کہا ٹیلی نار گروپ نے پاکستان میں3.5 ارب ڈالر کی سرمایہ کاری کی اور سرمایہ کاری سے 5 ہزار لوگوں کو روزگار ملا۔

    گروپ صدر نے مستقبل کی منصوبہ بندی پر وزیراعظم کو بریفنگ بھی دی۔

    وزیراعظم عمران خان کا کہنا تھا کہ حکومت پاکستان میں علمی بنیادوں پرمعیشت کوفروغ دیناچاہتی ہے، حکومتی ترقیاتی ایجنڈےمیں ٹیلی نارگروپ کی شرکت کوسراہتی ہے۔

    عمران خان نے کہا حکومت سرمایہ کاری میں شفافیت لاناچاہتی ہے، سرمایہ کاروں کو مکمل سہولتیں فراہم کریں گے، حکومتی تعاون سے سرمایہ کار وسائل کو بروئے کار لاکر معیشت مضبوط بناسکتے ہیں۔

    مزید پڑھیں : دنیا کی سب سے بڑی آئل کمپنی ایگزون نے بھی ستائیس سال بعد پاکستان میں دفتر کھول لیا

    یاد رہے چند روز قبل دنیا کی سب سے بڑی آئل کمپنی ایگزون نے بھی ستائیس سال بعد پاکستان میں دفتر کھول لئے، ایگزون کمپنی کے وفد نے وزیرِ اعظم عمران خان سے ملاقات کی تھی ، جس میں سرمایہ کاروں کےلیےدوستانہ ماحول فراہم کرنے کی یقین دہانی کرائی تھی اور امید ظاہر کی کہ سرمایہ کاری کے ذریعے پاکستان میں روزگار کے مواقع بڑھیں گے۔

    اس سے قبل سوزوکی موٹرزنے پاکستان میں مزید پینتالیس کروڑڈالرسرمایہ کاری کی پیشکش کی ۔

  • وزیراعظم نے عثمان ڈارکومعاون خصوصی برائےیوتھ افیئرزمقررکر دیا

    وزیراعظم نے عثمان ڈارکومعاون خصوصی برائےیوتھ افیئرزمقررکر دیا

    اسلام آباد : وزیراعظم عمران خان  نے عثمان ڈارکومعاون خصوصی برائےیوتھ افیئرزمقررکر دیا جبکہ نوجوانوں کے لئے قومی پالیسی لانے کا فیصلہ بھی کیا ، پالیسی کی تیاری کا ٹاسک عثمان ڈار کو سونپ دیا ہے۔

    تفصیلات کے مطابق وزیراعظم عمران خان سے عثمان ڈار کی ملاقات ہوئی ، ملاقات میں وزیراعظم نے عثمان ڈارکومعاون خصوصی برائےیوتھ افیئرزمقررکر دیا، وزیراعظم کی منظوری کے بعد کابینہ ڈویژن نے نوٹی فکیشن جاری کردیا ہے۔

    وزیراعظم نے نوجوانوں کے لئے قومی پالیسی لانے کا بھی فیصلہ کیا اور پالیسی کی تیاری کا ٹاسک عثمان ڈار کو سونپتے ہوئے کہا عثمان ڈارنوجوانوں سےمتعلق پالیسی کے لئے بہترین انتخاب ہیں۔

    وزیراعظم نے چند روز میں نیا پاکستان یوتھ پروگرام لانچ کرنے کا فیصلہ کیا، عثمان ڈار نیا پاکستان یوتھ پروگرام اور یوتھ پلس پورٹل کی تیاری کریں گے۔

    نوجوان ساتھ نہ دیتے تو حکومت میں نہ ہوتے، وزیراعظم عمران خان

    اس موقع پر وزیراعظم نے کہا نوجوانوں کاحکومت سازی میں کردارنہیں بھول سکتا ، نوجوانوں کوایسی سہولیات دیں گے جوآج سے پہلے نہیں ملیں، نوجوان ساتھ نہ دیتے تو حکومت میں نہ ہوتے۔

    عثمان ڈار کا بطورمعاون خصوصی تنخواہ وصول نہ کرنےکااعلان

    عثمان ڈارنے اےآروائی نیوز سے گفتگو کرتے ہوئے بطورمعاون خصوصی تنخواہ وصول نہ کرنےکااعلان کرتے ہوئے کہا قومی خزانے پر بوجھ نہیں بنوں گا، وزیراعظم کے ساتھ مل کرنوجوانوں کوبااختیاربنائیں گے، لیپ ٹاپ پرنہیں نوجوانوں پرپیسہ خرچ کریں گے۔

    یاد رہے اکتوبر میں وزیراعظم عمران خان نے پاکستان تحریک انصاف کے رہنما عثمان ڈار کو وزیراعظم یوتھ پروگرام کا چیئرمین تعینات کیا تھا، عثمان ڈار کا کہنا ہے کہ وزیراعظم نے جو اعتماد ظاہر کیا اس پر پورا اتروں گا۔

    بعد ازاں نومبر میں وفاقی حکومت نے ملک بھر میں نوجوانوں کے لیے بڑا پروگرام لانچ کرنے کا فیصلہ کیا تھا ، وزیراعظم منصوبے کا باقاعدہ اعلان خود کریں گے، عمران خان کا کہنا تھا کہ موجودہ حکومت کےقیام میں نوجوانوں کاکردارفراموش نہیں کرسکتے۔

  • غربت اورغذائی قلت مٹانے کا مشن ، حکومت نے مرغبانی مہم شروع کردی

    غربت اورغذائی قلت مٹانے کا مشن ، حکومت نے مرغبانی مہم شروع کردی

    اسلام آباد : غربت اورغذائی قلت مٹانے کا مشن، حکومت نے مرغبانی مہم شروع کردی، پانچ مرغیوں اورایک مرغے پر مشتمل ایک یونٹ شناختی کارڈ کی کاپی لے کر بارہ سو روپے کے عوض دیا جارہا ہے۔

    تفصیلات کے مطابق حکومت کی جانب سے پنجاب بھرمیں مرغ بانی مہم کا آغازہو گیا ہے، مرغبانی یونٹ کے لئے شناختی کارڈ کی کاپی لانا ہوگا۔

    مہم کے تحت شہریوں میں گولڈن اور مصری مرغیاں اورمرغے تقسیم کئے گئے، میڈیا سے گفتگو میں اکرم چوہدری کا کہنا تھا کہ شریف خاندان پولٹری میں کوئی بہتری نہیں لائے بلکہ اپنے ذاتی کاروبار میں پولٹری کو تباہ کیا۔پولٹری ریٹس حکومتی یا ایسوسی ایشن نہیں شریف خاندان دیتے رہے۔

    اس موقع پر دیسی مرغیاں حاصل کرنے والی خواتین کا کہنا تھا کہ حکومتی اقدام اچھا ہے مرغیاں اُن کی غزاءقلت اور معاشی مشکلات کو قابو کرنے میں مدد گار ثابت ہوگا۔

    دیسی مرغیاںتقسیم کرنے کامقصد دیہی علاقوں کی خواتین میں گھریلو سطح پر دیسی انڈوں کے استعمال کو فروغ دینا ہے تاکہ پروٹین اور غزائی قلت کا خاتمہ ہو سکے۔

    یاد رہے وزیراعظم نے حکومت کی 100 روزہ کارکردگی سے متعلق تقریب میں خطاب کرتے ہوئے کہا تھا کہ دیہاتی خواتین مرغیوں اور انڈوں کے ذریعے غربت کا خاتمہ کرسکتی ہیں اور تجویز پیش کی تھی کہ حکومت دیہاتی خواتین کو مرغیاں اور انڈے فراہم کرے گی، جس سے وہ اپنا پولٹری کا کاروبار کر سکیں گی۔

    مزید پڑھیں :  وزیراعظم عمران نے مرغیوں اورغربت کی بات کا مذاق بنانے والوں کو آئینہ دکھادیا

    وزیراعظم کا مزید کہنا تھا کہ اس منصوبے کی آزمائش ہوچکی ہے، حکومت دیہاتی خواتین کو مرغیوں کے لیے غذائی انجیکشنز بھی فراہم کرے گی تاکہ مرغیاں جلد صحت مند ہوسکیں۔

    وزیراعظم کے بیان کے بعد انھیں تنقید کا نشانہ بنایا گیا، بعد ازاں مرغی اورغربت میں کمی کے بیان پر تنقید کرنے والوں کو وزیراعظم عمران خان نے کرارا جواب دیتے ہوئے کہا تھا کہ جب کوئی دیسی مرغیوں اور غربت کی بات کرے تو سامراجی ذہینت مذاق اڑاتی ہے لیکن کوئی ولایتی یہی بات کرے توشاندارہوجاتی ہے۔

    واضح رہے دنیا کےامیرترین انسان اور مائیکرو سوفٹ کے بانی بل گیٹس بھی مرغیوں کے ذریعے غربت میں کمی پر بات کرچکے ہیں، 2016 میں بل گیٹس نے اپنے تجربات کی روشنی میں مرغ بانی کوغربت میں کمی کے لئے منافع بخش کام قرار دیا تھا۔

  • طالبان مذاکرات : امریکی صدر نے وزیراعظم عمران خان سے مدد مانگ لی

    طالبان مذاکرات : امریکی صدر نے وزیراعظم عمران خان سے مدد مانگ لی

    اسلام آباد : امریکی صدر ڈونلڈ ٹرمپ نے وزیراعظم عمران خان کو خط ارسال کیا ، خط میں امریکی صدر نے طالبان کو مذاکرات کی میز پر لانے کے لئے پاکستان سے مدد مانگ لی اور نیک خواہشات کا اظہار اور دہشت گردی کیخلاف جنگ میں پاکستان کی تعریف کی۔

    تفصیلات کے مطابق اسلام آباد میں وزیراعظم عمران خان کی سینئرصحافیوں اور اینکرپرسنز سے ملاقات ہوئی ، جس میں وزیراعظم نے بتایا گیا کہ امریکی صدر ڈونلڈ ٹرمپ کا خط وزیراعظم عمران خان کوآج صبح ملا، امریکی صدر ٹرمپ نے خط میں افغان طالبان کو مذاکرات کی میز پر لانے کے لئے تعاون مانگا اور نیک خواہشات کا اظہار کیا جبکہ دہشت گردی کے خلاف پاکستان کے کردارکی تعریف کی۔

    وزیراعظم کا کہنا تھا ماضی میں امریکاکے ساتھ معذرت خواہانہ موقف اختیار کیا گیا، ہم مسئلہ کشمیر کے حل کے لیے پر عزم ہیں، افغانستان میں امن کے لئے ہر ممکن کردار ادا کریں گے۔

    [bs-quote quote=”ہم مسئلہ کشمیرکےحل کے لیے پر عزم ہیں” style=”style-6″ align=”left”][/bs-quote]

    عمران خان نے کہا کرتارپور راہداری گگلی نہیں ایک سیدھا سادہ فیصلہ ہے، ہم نے بھارت کا نفرت پھیلانے کا منصوبہ ناکام بنایا، میں نے کبھی اقربا پروری نہیں کی۔

    ان کا کہنا تھا کہ آرمی چیف لاپتہ افراد کا مسئلہ حل کرنے کے لئے ہمارے ساتھ ہیں ، آج ہم اسٹینڈنگ کمیٹیاں بنارہے ہیں، جنوبی پنجاب صوبے کے معاملے پر ہماری خصوصی دلچپسی ہے۔

    امریکی ڈالر کے حوالے سے وزیراعظم نے کہا ٹی وی پر خبریں دیکھ کر ڈالر اوپر جانے کا پتہ چلا، اسٹیٹ بینک نے ڈی ویلیوشن کی تھی، طریقہ کار بنارہے ہیں کہ حکومت کو بتائے بغیر ڈی ویلیوشن نہ کی جائے، پہلے بھی ڈالر کی قیمت میں اچانک اضافہ ہوا تو میڈیا سے پتہ چلا تھا۔

    مزید پڑھیں: پاکستان نے امریکا کے لیے کچھ نہیں کیا، امریکی صدر ٹرمپ کا الزام

    یاد رہے گذشتہ ماہ امریکی ٹی وی چینل کو انٹرویو دیتے ہوئے امریکی صدر ٹرمپ الزام عائد کیا تھا ہم نے پاکستان کی امداد اس لیے بند کی کیونکہ پاکستان نے ہمارے لیے کچھ نہیں کیا، امریکا نے پاکستان کو سالانہ 1.3 بلین ڈالر کی امداد دی۔

    امریکی صدر ڈونلڈ ٹرمپ کا کہنا تھا کہ اسامہ بن لادن پاکستان میں روپوش رہا، پاکستان کو افغانستان میں دہشت گردی روکنے کے لیے کہا گیا لیکن اس میں بھی کوئی پیش رفت نہ ہوسکی۔

    مزید پڑھیں : اب ہم وہی کریں گے، جو ملک کے لئے بہترہوگا: وزیراعظم کا ڈونلڈ‌ ٹرمپ کو دوٹوک جواب

    بعد ازاں وزیراعظم عمران خان نے امریکی صدر ڈونلڈ ٹرمپ کے الزامات پر ردعمل دیتے ہوئے کہا تھا کہ مہربانی فرما کر مسٹرٹرمپ الزامات لگانے سے پہلے ریکارڈ درست کرلیں، اب ہم وہی کریں گے، جو ملک کے لئے بہترہوگا، نائن الیون کے واقعےمیں کوئی پاکستانی ملوث نہیں تھا، البتہ ملوث نہ ہونے پربھی دہشت گردی کے خلاف جنگ میں پاکستان شامل ہوا۔

    وزیراعظم عمران خان کے جواب کے بعد امریکی صدر نے پاکستان کے خلاف پھر ہرزہ سرائی کرتے ہوئے کہا تھا کہ پاکستان کے کچھ نہ کرنے کی بڑی مثال اسامہ بن لادن ہے، پاکستان کے خلاف دوسری مثال افغانستان ہے۔

  • جنوبی صوبے کا قیام : وزیر اعظم عمران خان نے ایگزیکٹو کونسل کا اجلاس آج طلب کرلیا

    جنوبی صوبے کا قیام : وزیر اعظم عمران خان نے ایگزیکٹو کونسل کا اجلاس آج طلب کرلیا

    اسلام آباد : وزیراعظم عمران خان نے جنوبی پنجاب ایگزیکٹو کونسل کا اجلاس طلب کرلیا، اجلاس آج سہ پہراسلام آباد میں وزیراعظم عمران خان کی زیرصدارت ہوگا۔

    تفصیلات کے مطابق وفاقی حکومت اپنے منشور میں جنوبی صوبہ سے متعلق کیا ہوا ایک اور وعدہ پورا کرنے جارہی ہے اس سلسلے میں بھرپور کوششیں جاری ہیں، وزیر اعظم عمران خان نے جنوبی پنجاب ایگزیکٹو کونسل کا اجلاس آج طلب کرلیا ہے۔

    جنوبی پنجاب کی ایگزیکٹیو کونسل نے وزیراعظم سے اجلاس طلب کرنے کی درخواست کی تھی، اجلاس میں وزیراعلیٰ پنجاب سردارعثمان بزدار جنوبی صوبہ کےمعاملے پر وفاقی کمیٹی کےاراکین شریک ہوں گے۔

    اس حوالے سے ذرائع کا کہنا ہے کہ ایگزیکٹو کونسل جنوبی پنجاب صوبہ اور عارضی سیکرٹریٹ کیلئے سفارشات دے گی، ایگزیکٹو کونسل کی اکثریت عارضی سیکرٹریٹ اور نئے صوبے کا دارالحکومت بہاولپور میں چاہتی ہے۔

    مزید پڑھیں: وزیراعظم جنوبی پنجاب میں ریفارمز کا جلد اعلان کریں گے، سردارعثمان بزدار

    دوسری جانب حکومت پہلے مرحلے پر انتظامی سیکرٹریٹ اور پھر نئے صوبے کا قیام چاہتی ہے، وزیر اعظم ایگزیکٹو کونسل کی سفارشات کا جائزہ لے کرحتمی فیصلہ کریں گے۔

  • معذوروں کو بااختیار بنانے اور رکاوٹیں ہٹانے کا بل تیار ہے، وزیراعظم عمران خان

    معذوروں کو بااختیار بنانے اور رکاوٹیں ہٹانے کا بل تیار ہے، وزیراعظم عمران خان

    اسلام آباد : وزیراعظم عمران خان نے کہا معذروں کے عالمی دن پر اس عزم کو دہراتے ہیں کہ معذور افراد کو تعلیم اور روزگار کے مساوی مواقع فراہم کئے جائیں گے، معذوروں کو با اختیار بنانے کا بل تیار ہے۔

    تفصیلات کے مطابق معذور افراد کے عالمی دن پر وزیراعظم عمران خان نے سماجی رابطے کی وہب سائٹ ٹویٹر پر اپنے بیان میں کہا ہے کہ معذروں کے عالمی دن پراپنی حکومت کے اس عزم کو دہراتے ہیں کہ معذورافراد کو تعلیم اور روزگار کے مساوی مواقع فراہم کئے جائیں گے، معذور افراد کو بااختیار بنانے اور تمام رکاوٹیں ختم کرنے کے لئے بل تیار ہے۔

    خیال رہے پاکستان سمیت دنیا بھر میں آج معذورافراد کا دن منایا جارہا ہے ، اس دن کو عالمی سطح پر منانے کا مقصد معذور افراد کے ساتھ اظہار یکجہتی اور انھیں کسی بھی طرح کے احساس کمتری کا شکار ہونے سے بچا کر ان کو زندگی کے دھارے میں شامل کرنا ہے۔

    معذور افراد کے عالمی دن کو منانے کا آغاز انیس سو بانوے میں معذور افراد کی داد رسی کے لئے اقوام متحدہ میں قرارداد پاس کرکے کیا گیا۔

    ورلڈ ہیلتھ آرگنائزیشن کے مطابق دنیا میں اس وقت چھ سو ملین افراد معذور ہیں یعنی دنیا میں ہر دس میں ایک شخص معذور ہے۔ ترقی پزیر ممالک میں اسی سے نوے فیصد خصوصی افراد کو زندگی میں آگے بڑھنے کے مواقع میسر نہیں، جب کہ ترقی یافتہ ممالک میں اس کا تناسب پچاس سے ستر فیصد ہے جبکہ ان میں سے اسی فیصد کا تعلق ترقی پزیر ممالک سے ہے۔

  • صدر پاکستان عارف علوی بھی پشاوری چپل کے شوقین نکلے، آرڈر دے دیا

    صدر پاکستان عارف علوی بھی پشاوری چپل کے شوقین نکلے، آرڈر دے دیا

    پشاور : صدر پاکستان عارف علوی نے پشاوری چپل کیلئے ناپ دے دیا، پشاوری چیل کے بہترین کاریگر استاد نورالدین صدر پاکستان کی چپل تیار کریں گے۔

    تفصیلات کے مطابق صدر پاکستان عارف علوی بھی پشاوری چپل کے دلدادہ نکلے، صدر عارف علوی نے پشاور دورے کے موقع پر وہاں کی مشہور پشاوری چپل خریدنے کی خواہش کا اظہار کیا۔

    جس پر صدر پاکستان کے ترجمان نے کے پی حکومت کے شوکت یوسفزئی سے پشاوری چپل کی فرمائش کی، بعد ازاں صدر پاکستان نے پشاوری چپل کا ناپ دیا، پشاوری چیل کے کاریگر استاد نورالدین صدر پاکستان کی چپل تیار کریں گے۔

    واضح رہے کہ اس سے قبل وزیر اعظم عمران خان نے بھی عید کے موقع پر پشاوری چپل پہننے کی خواہش کا اظہار کیا تھا، عمران خان کی پشاوری چپل میں دلچسپی اور استعمال کے بعد اس خاص ڈیزائن میں تیار کردہ چپل کو ملک بھر میں ایک الگ شناخت حاصل ہوگئی ہے، سابق صدر پاکستان اور پیپلزپارٹی کے شریک چیئرمین آصف علی زرداری بھی پشاوری چپل آرڈر دے کر بنوائی۔

    مزید پڑھیں : عید پر شاہ رخ خان کے لیے پشاوری چپل کا تحفہ تیار

    پشاوری چپل کا پشتون ثقافت اور روایت میں اہم مقام ہے لیکن ملک بھر میں بھی یہ خاصی مقبول ہے۔ وقت کے ساتھ ساتھ اس کے ساخت اور رنگ میں جہاں جدت آئی ہے، وہیں پشاوری چپل پاکستانی سیاست میں بھی دکھائی دینے لگی ہے۔

  • وزیراعظم عمران نے مرغیوں اورغربت کی بات کا مذاق بنانے والوں کو آئینہ دکھادیا

    وزیراعظم عمران نے مرغیوں اورغربت کی بات کا مذاق بنانے والوں کو آئینہ دکھادیا

    اسلام آباد :وزیراعظم عمران نے مرغیوں اورغربت کی بات کا مذاق بنانے والوں کو آئینہ دکھادیا، وزیراعظم کا کہنا ہے کہ کوئی دیسی مرغیوں اور غربت کے خاتمے کی بات کرے تو مذاق اڑاتے ہیں لیکن کوئی ولایتی یہی بات کرے توشاندار کہتے ہیں۔

    تفصیلات کے مطابق مرغی اورغربت میں کمی کے بیان پر تنقید کرنے والوں کو وزیراعظم عمران خان نے سماجی رابطے کی ویب سائٹ ٹویٹر پر کرارا جواب دیتے ہوئے کہا کہ جب کوئی دیسی مرغیوں اور غربت کی بات کرے تو سامراجی ذہینت مذاق اڑاتی ہے لیکن کوئی ولایتی یہی بات کرے توشاندارہوجاتی ہے۔

    وزیراعظم عمران خان نےٹوئٹ میں بل گیٹس سےمتعلق ایک خبرکالنک بھی شیئرکیا۔

    واضح رہے دنیا کےامیرترین انسان اور مائیکرو سوفٹ کے بانی بل گیٹس بھی مرغیوں کے ذریعے غربت میں کمی پر بات کرچکے ہیں، 2016 میں بل گیٹس نے اپنے تجربات کی روشنی میں مرغ بانی کوغربت میں کمی کے لئے منافع بخش کام قرار دیا تھا۔

    بل گیٹس کا کہنا تھاکہ مرغیاں پالنے میں نفع کی شرح کسی بھی سرمایہ کاری سے زیادہ ہے، یہی نہیں بلکہ بل گیٹس نے عملی قدم اٹھایا اور ایک این جی او کے ساتھ مل کرضرورت مندوں کوابتدائی طور پر ایک لاکھ مرغیوں کاعطیہ بھی دیا تھا۔

    یاد رہے دو روز قبل وزیراعظم نے حکومت کی 100 روزہ کارکردگی سے متعلق تقریب میں خطاب کرتے ہوئے کہا تھا کہ دیہاتی خواتین مرغیوں اور انڈوں کے ذریعے غربت کا خاتمہ کرسکتی ہیں اور تجویز پیش کی تھی کہ حکومت دیہاتی خواتین کو مرغیاں اور انڈے فراہم کرے گی، جس سے وہ اپنا پولٹری کا کاروبار کر سکیں گی۔

    وزیراعظم کا مزید کہنا تھا کہ اس منصوبے کی آزمائش ہوچکی ہے، حکومت دیہاتی خواتین کو مرغیوں کے لیے غذائی انجیکشنز بھی فراہم کرے گی تاکہ مرغیاں جلد صحت مند ہوسکیں۔

  • وزیر اعظم عمران خان آج ایک روزہ دورے پر لاہور پہنچیں گے

    وزیر اعظم عمران خان آج ایک روزہ دورے پر لاہور پہنچیں گے

    اسلام آباد : وزیراعظم عمران خان آج ایک روزہ دورے پر لاہور پہنچیں گے، جہاں عمران خان پنجاب کابینہ کے اجلاس کی صدارت اور ارکان اسمبلی سے ملاقات کریں گے جبکہ پنجاب حکومت وزیراعظم کو 100 روزہ اقدامات کے حوالے سے بریفنگ بھی دے گی۔

    تفصیلات کے مطابق وزیراعظم عمران خان آج ایک روزہ دورے پر لاہور پہنچ رہے ہیں، ایوان وزیراعلٰی میں وزیر اعظم کی زیرصدارت ہونے والے اجلاس میں پنجاب حکومت وزیراعظم کو اپنی 100 روزہ کارکردگی اور آئندہ کے لئے طے پانے والے اہداف کے حوالے سے تفصیلی بریفنگ دے گی۔

    حکومتی ذرائع کے مطابق صوبے کے 17 اضلاع میں صحت کارڈ، مجوزہ بلدیاتی ڈھانچے، ملتان میں منی سیکرٹریٹ کے قیام اور صوبے میں عام آدمی کی معاشی اور سماجی ترقی کے حوالے سے طے کئے جانے والے اہداف وزیراعظم کے سامنے رکھے جائیں گے۔

    وزیر اعظم کو پنجاب کابینہ کے اجلاس میں وزراء کی کارکردگی کے حوالے سے بریفنگ دی جائے گی، کابینہ اجلاس کے بعد وزیر اعظم کی پارٹی رہنماؤں سے بھی ملاقات ہوگی۔

    خیال رہے گذشتہ روز  وزیر اعلیٰ پنجاب عثمان بزدار کا کہنا تھا کہ عمران خان کی قیادت میں نئے پاکستان کی بنیاد رکھ دی گئی ہے، نئے پاکستان کامستقبل روشن اور تابناک ہے، عمران خان کے ہوتے کوئی عوامی مفادکونقصان نہیں پہنچا سکتا۔

    مزید پڑھیں : وزیراعظم عمران خان نے لاہور میں شیلٹر ہوم پروجیکٹ کا سنگ بنیاد رکھ دیا

    یاد رہے 10 نومبر کو  وزیر اعظم عمران خان مختصر دورے پر لاہور پہنچے تھے، جہاں انھوں نے  لاہور ریلوے اسٹیشن کے باہر شیلٹر ہوم پروجیکٹ کا سنگ بنیاد رکھا تھا  اور اس موقع پر وزیراعلیٰ پنجاب عثمان بزدار کی قیادت پر مکمل اعتماد کا اظہار کیا۔

    شیلٹرہومز بے سہارا اور غریب عوام کے لیے بنائے جائیں گے اور اس میں 93 مرد اور 27 خواتین قیام کرسکیں گی۔

    وزیراعظم کا کہنا تھا  جو لوگ سڑکوں پر سوئے ہوتے ہیں، ان کو کس چیزکی ضرورت ہوگی، ہمارے اندر  احساس ختم ہوگیا ہے،سڑکوں پر  رہنے والوں کی کسی کو  فکر ہی نہیں، ہمارے ہاں وسائل کی نہیں احساس کی کمی ہے، احساس اور  رحم کے بغیرکوئی معاشرہ مکمل نہیں ہوسکتا۔

    ان کا کہنا تھا کہ آتےساتھ ہی مشکلات کاسامناکرنا پڑا،ہمیں موقع ہی نہیں مل رہاتھا، قرضوں کا پہاڑ تھا،ملک کو دیوالیہ ہونےسےبچانےکے لیےاقدامات کررہےتھے، اب موقع ملاہے،شیلٹرہومزپہلاقدم ہےاوربھی اقدامات کیےجائیں گے۔

  • منی لانڈرنگ کی روک تھام کے لئے ایک ہفتے میں قانون سازی کی جائے: وزیراعظم

    منی لانڈرنگ کی روک تھام کے لئے ایک ہفتے میں قانون سازی کی جائے: وزیراعظم

    اسلام آباد: وزیر اعظم عمران خان نے منی لانڈرنگ کی روک تھام کے لئے ایک ہفتےمیں قانون سازی مکمل کرنے کی ہدایت کر دی.

    تفصیلات کے مطابق ملک میں منی لانڈرنگ کی روک تھام کے لئے حکومت کی جانب سے اہم فیصلہ کرتے ہوئے قانون سازی کا کام شروع کر دیا گیا. وزیراعظم نے کہا کہ قانون سازی اس قدر مؤثر ہو کہ حوالہ ہنڈی کے کاروبارکو پکڑ سکیں.

     وزیراعظم نے ترسیلات زر بڑھانے کے لئے مراعاتی پیکج کی بھی منظوری دے دی، یہ فیصلہ وزیراعظم عمران خان کی زیر صدارت اعلیٰ سطح کے اجلاس میں کیا گیا.

    اجلاس میں وزیر خزانہ اسدعمر، اٹارنی جنرل انورمنصور، معاون خصوصی، ایف آئی اے، نادرا اور ایف بی آر کے حکام نے شرکت کی.

    اجلاس میں‌ بینکوں میں جعلی اکاؤنٹس کھلوانے اور ٹرانزیکشنز میں ملوث عناصر کے خلاف کارروائی کا حکم جاری کیا گیا، ساتھ ہی اسٹیٹ بینک کو جعلی اکاؤنٹس کے خلاف فوری کارروائی کی ہدایت کی گئی.

    مزید پڑھیں: دنیا میں کچھ ناممکن نہیں، مسئلہ کشمیر بھی حل ہوسکتا ہے، وزیراعظم عمران خان

    وزیراعظم نے پاک افغان ٹرانزٹ ٹریڈمعاہدے کے غلط استعمال کو فوری رکوانے کا فیصلہ کرتے ہوئے سیکریٹری خزانہ کو فوری سفارشات مرتب کرنے کی ہدایت کر دی.

    اجلاس میں‌ منی لانڈرنگ ایکٹ کومزید مضبوط اورمؤثر بنانے کیلئےترامیم کا فیصلہ کیا گیا، وزیراعظم نے ہدایت کی ہے کہ قانونی طریقے سے آنے والی ترسیلات زر کے لئے سہولیات دی جائیں.