Tag: pm abbasi

  • اسلام آباد:وزیراعظم شاہدخاقان عباسی ترکی کےدورے پر روانہ

    اسلام آباد:وزیراعظم شاہدخاقان عباسی ترکی کےدورے پر روانہ

    اسلام آباد: وزیراعظم شاہدخاقان ڈی ایٹ کانفرنس میں شرکت کیلئے ترکی روانہ ہوگئے۔

    تفصیلات کے مطابق وزیراعظم شاہد خاقان عباسی ترکی کے دورے پر روانہ ہوگئے، وزیرخارجہ خواجہ آصف بھی انکے ہمراہ ہیں  وزیراعظم استنبول میں ڈی ایٹ کانفرنس میں پاکستان کی نمائندگی کرینگے۔

    وزیراعظم شاہدخاقان ڈی ایٹ کانفرنس کی سربراہی ترکی کے حوالے کرینگے جبکہ کانفرنس کےدوران وزیراعظم کی رکن ممالک کےسربراہان سے ملاقاتیں متوقع ہیں۔

    خواجہ آصف وزراء کی کونسل میٹنگ میں پاکستان کی نمائندگی کریں گے۔۔

    خیال رہے کہ سال 2012 میں  اسلام آ باد میں ہونے والی ڈی ایٹ کانفرنس میں پاکستان کو صدر چنا گیا تھا اس وقت صدارتی نشست پاکستان کے پاس ہے۔

    ڈی ایٹ کانفرنس 20 اکتوبر کو استنبول میں ہوگی۔

    واضح رہے کہ ڈی ایٹ مسلم دنیا کی ابھرتی ہوئی آٹھ معاشی طاقتوں پر مشتمل ایک تنظیم ہے، جس کا قیام 1997 میں عمل میں آیا، تنظیم کا مقصد رکن ملکوں کے درمیان معاشی اور تجارتی تعاون کو فروغ دینا ہے۔

    اس میں بنگلادیش، ترکی، مصر، انڈونیشیا ، پاکستان، نائجیریا، ایران اور ملائیشیا رکن ممالک ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • وزیر اعظم شاہد خاقان عباسی آج انٹرنیشنل بلک ٹرمینل پورٹ قاسم کا افتتاح کریں گے

    وزیر اعظم شاہد خاقان عباسی آج انٹرنیشنل بلک ٹرمینل پورٹ قاسم کا افتتاح کریں گے

    کراچی : وزیر اعظم شاہد خاقان عباسی آج انٹرنیشنل بلک ٹرمینل پورٹ قاسم کا افتتاح کریں گے۔

    تفصیلات کے مطابق زیر اعظم شاہد خاقان عباسی آج ایک روزہ دورے پرکراچی پہنچیں گے، جہاں انٹرنیشنل بلک ٹرمینل پورٹ قاسم کا افتتاح کریں گے جبکہ پاکستان اسٹاک ایکسچینج کے عہدیداروں سے بھی ملاقات کریں گے۔

    دورے کے دوران وزیراعظم کو وفاق کے تعاون سے چلنے والے منصوبوں پربریفنگ بھی دی جائے گی۔

    گذشتہ روز وزیراعظم شاہدخاقان نے جھنڈیال ون منصوبے کا افتتاح کیا تھا اور افتتاحی تقریب سے خطاب کرتے ہوئے کہا تھا کہ منصوبےسےتیل وگیس علاوہ50ٹن ایل پی جی بھی ملےگی، منصوبےکی دریافت .بہترمستقبل کی نوید ہے، گزشتہ4سال میں ساڑھے300دریافت کی گئیں، نواز شریف کی پالیسیوں کوآگےبڑھارہےہیں، ملک میں آج ہرشعبےکوگیس فراہم کی جارہی ہے۔


    مزید پڑھیں : وزیراعظم شاہد خاقان عباسی نے پورٹ قاسم پرایل این جی ٹرمینل کاافتتاح کردیا


    شاہدخاقان کا کہنا تھا کہ  جمہوریت پروان چڑھےگی تومعیشت بھی ترقی کرےگی ، فیصلہ کرلیں ہم نے جمہوریت کومضبوط کرناہے، فیصلہ عوام کے پاس ہے، اگست2018میں فیصلہ کریں گے۔

    یاد رہے اس سے قبل دورے میں وزیراعظم شاہد خاقان عباسی نے پورٹ قاسم پر ایل این جی ٹرمینل کا افتتاح کیا تھا اور کہا تھا کہ یراعظم شاہد خاقان عباسی کا کہنا تھا کہ ایل این جی ٹرمینل پاکستان کا گیس سپلائی کا بڑاذریعہ ہے۔


    مزید پڑھیں : وزیراعظم کا کراچی کے لیے 25 ارب کے ترقیاتی پیکیج کا اعلان


    وزیراعظم شاہد خاقان عباسی نے کراچی کے لیے 25 ارب روپے اورحیدرآباد کے لیے 5 ارب روپے جب کہ کراچی یونیورسٹی میں میڈیکل کالج اور اسپتال کے قیام کا بھی اعلان کرتے ہوئے کراچی میں رینجرز آپریشن برقرار رکھنے اور وفاق کی جانب سے ہرقسم کے تعاون کی فراہمی کا یقین دلایا تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • وزیراعظم نے مفتی محمود کے اعزاز میں یادگاری ٹکٹ جاری کردیا

    وزیراعظم نے مفتی محمود کے اعزاز میں یادگاری ٹکٹ جاری کردیا

    اسلام آباد : وزیراعظم شاہد خاقان عباسی نے مفتی محمودکےاعزازمیں یادگاری ٹکٹ جاری کردیا، وزیراعظم کا کہنا تھا کہ مفتی محمود نے سیاست کو ایک نیا طرز دیا، اس طرزسیاست کی آج بھی ضرورت ہے۔

    تفصیلات کے مطابق وزیراعظم نےمفتی محمودکےاعزازمیں یادگاری ٹکٹ جاری کردیا، وزیراعظم آفس میں مفتی محمود کے اعزاز میں ٹکٹ جاری کرنے کی تقریب ہوئی ، جس میں مفتی محمودکےاعزازمیں یادگاری ٹکٹ جاری کردیا ، یادگاری ٹکٹ مفتی محمود کی خدمات پرخراج تحسین پیش کرنے کیلئے جاری کیا گیا۔

    تقریب میں فضل الرحمان،عبدالغفورحیدری،اکرم درانی اور دیگر شریک ہوئے۔

    وزیراعظم شاہدخاقان عباسی نے تقریب سے خطاب کرتے ہوئے کہا کہ مفتی محمود نے سیاست کو ایک نیا طرز دیا، مفتی محمود کے طرز سیاست کی آج بھی ضرورت ہے، 1977کی تحریک میں مفتی محمودسب سےنمایاں تھے، مفتی محمود نے جو سیاستی طرز چھوڑا ہے، وہ ورثا ہے، جمہوریت کے بغیر ملک ترقی نہیں کرسکتا۔

    وزیراعظم نے پوسٹل سروسز کی وزارت سے مطالبہ کیا کہ دیگر اہم شخصیات کی یاد میں بھی یادگار ڈاک ٹکٹ جاری کئے جائیں۔

    اس موقع  پر جے یو آئی (ف) کے سربراہ مولانا فضل الرحمان نے خطاب کرتے ہوئے وزیر اعظم اور ڈاک ٹکٹ کی وزارت کا مفتی محمود کی قومی خدمات کو تسلیم کرنے کے لئے شکریہ ادا کیا۔

    خیال رہے کہ مفتی محمود صاحب ایک با اثر مذہبی رہنما اور سیاست دان تھے۔ کانگریس پارٹی کے سابقہ رکن اور جمیعت علمائے اسلام کے بانی رکن تھے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • حکومت کا غیرملکی تجارتی مالیاتی اداروں سے40سے50 کروڑ ڈالر قرض لینے کا فیصلہ

    حکومت کا غیرملکی تجارتی مالیاتی اداروں سے40سے50 کروڑ ڈالر قرض لینے کا فیصلہ

    اسلام آباد : حکومت نے مالی مشکلات میں اضافہ کے بعد غیرملکی تجارتی مالیاتی اداروں سے40 سے50کروڑڈالر قرض لینے کا فیصلہ کرلیا ہے جبکہ وزیراعظم نے اسحاق ڈار سے ایک اور ذمہ داری واپس لے لی، وزیر خزانہ اب قرضوں کیلئے مذاکرات نہیں کریں گے۔

    تفصیلات کے مطابق ن لیگ کی خراب مالیاتی پالیسیز کے باعث حکومت شدید مالی بحران کا شکار ہے، حکومت نے فوری طور پر مزید قرضے لینے کا فیصلہ کرلیا ہے ، آج وفاقی کابینہ کےاجلاس میں بیرونی قرضوں کا حصول ایجنڈے پر سرفہرست ہے۔

    زرائع کے مطابق 40سے 50 کروڑ ڈالر کے فوری قرضوں کے حصول کیلئے غیر ملکی کمرشل اداروں سے رجوع کیا جائے گا۔

    دوسری جانب وزیراعظم نے اسحاق ڈار سے ایک اور ذمہ داری واپس لے لی گئی ہے، وزیرخزانہ اسحاق ڈارقرضوں کیلئے مزاکرات نہیں کریں گے۔ قرضوں کےحصول کیلئے مذاکرات کی نگرانی وزیر اعظم خود کریں گے۔

    خیال رہے کہ نواز لیگ کے ساڑھے چار سال دورمیں غیر ملکی قرضوں کے بوجھ میں پینتس ارب ڈالر کااضافہ ہواہے۔

    عالمی بینک نے بھی خبردار کیا ہے کہ پاکستان کو مالی خسارہ دور کرنے کیلئے اکتیس ارب ڈالر درکارہونگے جبکہ تجزیہ کاروں کا کہنا ہے کہ تجارتی اورجاری خسارہ پوراکرنے کیلئے 20سے21 ارب ڈالر درکار ہیں۔


    مزید پڑھیں : نواز لیگ کی حکومت میں ملک پر قرضوں کے بوجھ میں 35 فیصد کا ہوش ربا اضافہ


    یاد رہے کہ نواز لیگ کے موجودہ دورے حکومت میں ملک پر قرضوں کے بوجھ میں پینتیس فیصد کا ہوش ربا اضافہ ریکارڈ کیا گیا، جس کے بعد ملک کا مجموعی قرضہ 18 کھرب روپے سے تجاوز کر چکا ہے۔

    وزارت خزانہ کی جانب سے دیئے گئے اعداد وشمار کے مطابق قرضوں میں اضافہ کی وجہ حکومتی کی جانب سے مقامی زرائع سے بڑھتی ہوئی قرض گیری ہے، تین سال قبل یعنی مالی سال 2013-2012 کے اختتام تک ملکی قرضوں کا حجم 13 کھرب 48 ارب روپے تھا، مقامی قرضوں میں چالیس فیصد کا اضافہ ہوا ۔

    غیر ملکی قرضوں میں اٹھائیس فیصد کا اضافہ ہوا،  یہ قرضے مالی سال 2013 میں 4 کھرب،7 ارب 69 کروڑ تھے، جو 30 ستمبر 2016 تک بڑھ کر 6 کھرب 14 ارب تک پہنچ گئے۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • وزیراعظم شاہدخاقان کی نیول چیف ایڈمرل ظفر محمود عباسی سے ملاقات

    وزیراعظم شاہدخاقان کی نیول چیف ایڈمرل ظفر محمود عباسی سے ملاقات

    اسلام آباد : وزیراعظم شاہدخاقان سے نیول چیف ایڈمرل ظفرمحمودعباسی نے ملاقات کی، وزیراعظم کا کہنا ہے امید ہے آپ کی قیادت میں پاک بحریہ ترقی کی نئی منازل طے کرے گی۔

    تفصیلات کے مطابق وزیراعظم شاہدخاقان کی نیول چیف ایڈمرل ظفرمحمودعباسی سے ملاقات ہوئی، وزیراعظم نے ایڈمرل ظفرمحمودعباسی کو عہدہ سنبھالنے پر مبارکباد دی، ملاقات میں پیشہ وارانہ امورپرتبادلہ خیال کیا گیا۔

    وزیراعظم شاہد خاقان عباسی نے کہا کہ امید ہے آپ کی قیادت میں پاک بحریہ ترقی کی نئی منازل طے کرے گی۔


    مزید پڑھیں : ایڈمرل ظفرمحمودعباسی نے پاک بحریہ کی کمان سنبھال لی


    یاد رہے کہ چند روز قبل سربراہ پاک بحریہ ایڈمرل ظفرمحمودعباسی نے پاک بحریہ کی کمان سنبھال لی تھی، پاک بحریہ کے سربراہ کے عہدے سے سبکدوش ہونے والے ایڈمرل محمد ایڈمرل ذکا اللہ کو نئے سربراہ ایڈمرل ظفر محمود عباسی کو کمان سونپی۔

    پاک بحریہ کے سربراہ ایڈمرل ظفرمحمودعباسی نے1981 میں نیول آپریشن برانچ میں کمیشن حاصل کیا،انہیں کمانڈ اینڈ اسٹاف کے مختلف عہدوں کا وسیع تجربہ ہے۔

    ایڈمرل ظفر محمود عباسی کثیرالملکی ٹاسک فورس 150 کی کمانڈ بھی کرچکے ہیں اورانہیں خدمات کے اعتراف میں ہلال امتیاز ملٹری سے نوازا گیا تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نوازشریف واحد لیڈر ہیں جوترقی کی بات کرتے ہیں، وزیراعظم خاقان عباسی

    نوازشریف واحد لیڈر ہیں جوترقی کی بات کرتے ہیں، وزیراعظم خاقان عباسی

    نوشہرو فیروز : وزیراعظم شاہد خاقان عباسی نے نااہل نوازشریف کی تعریفوں کے پل باندھ دیئے اور کہا نوازشریف واحد لیڈر ہیں جوترقی کی بات کرتے ہیں، ہم نےصرف باتیں نہیں کیں ،کام کرکےدکھائے، سی پیک کے منصوبوں سےملک ترقی کرے گا،روزگار کے مواقع ملیں گے۔

    تفصیلات کے مطابق نوشہرو فیروز کے علاقے نیو جتوئی میں جلسے سے خطاب کرتے ہوئے وزیراعظم شاہدخاقان عباسی نے کہا کہ نوازشریف واحد رہنما ہیں جوترقی کی بات کرتےہیں، ہم نےصرف باتیں نہیں کیں ،کام کرکے دکھائے، پاکستان جمہوریت کے بغیر آگے نہیں بڑھ سکتا، 28 جولائی کےعدالتی فیصلے کو تسلیم کیا، نوازشریف نے ہمیشہ ملک کو اکٹھا کرنے کی بات کی۔

    وزیراعظم کا کہنا ہے کہ میثاق جمہوریت میں انتقامی سیاست کا خاتمہ کیا گیا تھا، 2006 میں بینظیر اور نوازشریف نے میثاق جمہوریت پردستخط کیے، ہمیں اسی میثاق جمہوریت کو لے کر آگے چلنا ہے، انصاف تب ہی ہوگا جب ملک میں جمہوریت ہوگی۔

    شاہد خاقان عباسی نے پیپلزپارٹی پر تنقید کرتے ہوئے کہا کہ وسائل کرپشن کی نظر ہونا افسوسناک ہے، وسائل عوام کی فلاح پرخرچ نہ ہوں تو حکومت ناکام ہوجاتی ہے، حکومت سنبھالی تو ملکی ترقی کی شرح 3فیصدتھی،آج 6فیصد ہے، سی پیک کے منصوبوں سےملک ترقی کرے گا،روزگار کے مواقع ملیں گے۔

    انکا کہنا تھا کہ موجودہ حکومت میں سڑکوں کاجال بچھایا گیا، حکومت نے سندھ میں 15سال سے زیرالتوا منصوبے مکمل کیے، حکومت نے28ارب کی لاگت سے کچھی کینال منصوبہ مکمل کیا گیا، گزشتہ 4سال میں 10ہزارمیگاواٹ کااضافہ کیا گیا، ملک ترقی کرےگا تو ملازمتیں پیدا ہوں گی،روزگاملےگا، ترقیاتی منصوبے ن لیگ کے دورحکومت میں شروع کیےگئے۔

    خاقان عباسی نے کہا کہ سیاسی مفاد اور ملکی مفاد رکھنے والی سیاسی جماعت میں فرق ہوتا ہے، سندھ ملک میں سب سے زیادہ گیس فراہم کرنے والا صوبہ ہے، موجودہ حکومت نےصوبوں کے دیرینہ مسائل حل کیےہیں، 2013 میں دنیا کہہ رہی تھی کہ پاکستان دیوالیہ ہونے کے قریب ہے، پورے ملک میں امن نوازشریف اور مسلم لیگ ن کا تحفہ ہے۔

    وزیراعظم کا کہنا تھا کہ ہم سب نے ملک کردہشت گردی کوشکست دینی ہے، پاک فوج اب بھی دہشت گردی کےخلاف جنگ کررہی ہے، جھل مگسی میں دہشت گردی کاالمناک واقعہ ہوا۔

    انھوں نے مزید بتایا کہ بجلی کی ترسیل میں کوئی کمی نہیں ہوگی،بجلی کامسئلہ حل کردیا گیا ہے، تیل کی فروخت کی قیمت زیادہ تھی،سندھ کو30ارب روپے دیے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • وزیراعظم شاہد خاقان عباسی کا  گریڈ بائیس میں ترقیوں کے لئے دباؤ قبول کرنے سےانکار

    وزیراعظم شاہد خاقان عباسی کا گریڈ بائیس میں ترقیوں کے لئے دباؤ قبول کرنے سےانکار

    اسلام آباد : وزیراعظم شاہد خاقان عباسی نے گریڈ بائیس میں ترقیوں کے لئے دبإؤ قبول کرنے سےانکار کر دیا جبکہ میرٹ پر آنے والے افسران کو گریڈ 22میں ترقی دیدی۔

    تفصیلات کے مطابق سرکاری افسران کی من پسند ترقیاں کھٹائی میں پڑگئیں، وزیراعظم شاہد خاقان عباسی نےخلاف ضابطہ ترقیوں کیلئے دباؤ قبول کرنے سے صاف انکار کردیا اور اعلیٰ اختیاراتی بورڈ کے اجلاس میں خودفائلزکاجائزہ لیتےرہے

    وزیراعظم شاہد خاقان عباسی کے زیر صدارت اجلاس میں میرٹ پر آنے والے افسران کو گریڈ 22میں ترقی دی، مختلف سروسز گروپ کے تیس افسران کو گریڈ بائیس میں ترقی کی منظوری دی گئی، جن میں ایڈمنسٹریٹو گروپ کے 11، پولیس گروپ کے 4 جبکہ سیکریٹریٹ گروپ کے4 افسران کو گریڈ 22 میں ترقی دی گئی۔

    ترقی پانے والوں میں ایڈمنسٹریٹو ایڈمنسٹریٹوگروپ  معروف افضل، میاں مشتاق، شعیب میر، جہانذیب خان، جلال سکندر سلطان، شائستہ سہیل اور رضوان میمن ، سیکرٹریٹ گروپ کے عمر حامد، پرویز جونیجو، ہاشم پوپلزء، اصغر چوہدری  جبکہ پولیس سروسز کے بشیر میمن، خالق دار لک، عارف نواز، امجد سلیمی شامل ہیں۔

    آڈٹ اینڈ اکاؤنٹس کے کرامت حسین بخاری کی گریڈ 22 میں ترقی کی منظوری دی گئی ہے۔

    انفارمیشن گروپ کے افسران کی ترقیاں مسترد کرتے ہوئے وزیر اعظم کے پرنسپل سیکرٹری فواد حسن فواد کا ترقی کا خواب چکنا چور کردیا ، وزیر اعظم سیکریٹری فواد حسن فواد کی ترقی کر زیر غور ہی نہیں لائے جبکہ نئی فہرست بھیجنے کی ہدایت کی گئی ہے۔

    زرائع کے مطابق فواد حسن فواد اور ان کے منظورنظرافسران کا ترقی کا منصوبہ ناکام ہوا،فواد حسن فود کے منظور نظر جونیئر افسران پہلے ہی گریڈ بائیس کے عہدوں پر تعینات ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • وزیراعظم شاہدخاقان عباسی سے بل گیٹس کی ملاقات،  پولیو کے خاتمے کیلئے تعاون جاری رکھنے کا عزم

    وزیراعظم شاہدخاقان عباسی سے بل گیٹس کی ملاقات، پولیو کے خاتمے کیلئے تعاون جاری رکھنے کا عزم

    نیویارک: وزیراعظم شاہدخاقان عباسی سے بل گیٹس نے ملاقات کی، ملاقات میں بل گیٹس نے پاکستان میں پولیو کے خاتمے کیلئے تعاون جاری رکھنے کےعزم کا اعادہ کیا اور پولیوفری پاکستان کیلئے وزیراعظم کےعزم کی بھی تعریف کی۔

    تفصیلات کے مطابق نیویارک میں وزیراعظم شاہدخاقان عباسی سے مائیکروسوفٹ کمپنی کے سربراہ بل گیٹس کی ملاقات ہوئی، ملاقات میں بل گیٹس نے پاکستان میں پولیوکے خاتمے کیلئے تعاون جاری رکھنے کے عزم کا اعادہ کیا اور پولیو سے پاک پاکستان کیلئے پاکستان کی کوششوں کو سراہا۔

    بل گیٹس نے حفاظتی ٹیکوں و دیگرشعبوں میں کام کرنے اور عام آدمی کیلئےمالیاتی خدمات کےنظام میں بھی دلچسپی کااظہار کیا، بل گیٹس پولیوفری پاکستان کیلئے وزیراعظم کےعزم کی بھی تعریف کی۔

    اس موقع پر وزیراعظم نے پولیو کے خاتمے کیلئے بل گیٹس فاؤنڈیشن کی کاوشوں کا شکریہ ادا کیا اور بل گیٹس کو پولیو کے خاتمے کے لئے اقدامات پربریف کیا اور بتایا کہ وفاقی اور صوبائی سطح پر تمام وسائل کو مکمل طور پر ایک پولیو سے پاک پاکستان کے حصول اور صحت مند مستقبل کی نسلوں کو یقینی بنانے کے لئے استعمال کر رہے ہیں

    خیال رہے کہ بل گیٹس بل اینڈ ملینڈا گیٹس کے شریک چیئرمین ہیں۔


    مزید پڑھیں : بھارت نےمحدود جنگ کی پالیسی نہ بدلی تومنہ توڑ جواب ملےگا‘ وزیراعظم


    یاد رہے کہ وزیراعظم شاہد خاقان عباسی ان دنوں امریکہ میں موجود ہیں ،  جنرل اسمبلی میں خطاب کرتے ہوئے انکا کہنا کہ اگر بھارت نے ایل او سی کو پارکرنے کی کوشش کی یا پاکستان کے خلاف محدود جنگ کی پالیسی پرعمل درآمد کیا تو اس کا بھرپور جواب دیا جائے گا۔

    زیراعظم پاکستان نے کہا کہ دہشت گردی کے خلاف جنگ میں فوجی جوانوں سمیت 70 ہزار پاکستانیوں نے قربانیاں دیں اور 120 ارب ڈالرکا نقصان اٹھایا،دہشت گردی کے خلاف جنگ میں پاکستان کی قربانیوں پر کوئی سوال ہی پیدا نہیں ہوتا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اوآئی سی برمی مسلمانوں کی مدد کے لیے کردار ادا کرے: وزیراعظم خاقان عباسی

    اوآئی سی برمی مسلمانوں کی مدد کے لیے کردار ادا کرے: وزیراعظم خاقان عباسی

    نیویارک: وزیراعظم شاہد خاقان عباسی نے برما کی صورتحال پرتشویش کا اظہارکرتے ہوئے کہا ہے کہ عالمی برادری برما کی حکومت کومظالم سے روکنے کے لیے دباؤڈالے۔

    تفصیلات کے مطابق اقوام متحدہ کی جنر اسمبلی ک میں شرکت کے لیے امریکہ میں موجود ہیں‘ اس موقع پر اسلامی معاشی تعاون کی تنظیم اوآئی سی کے روہنگیامسلمانوں کےلیے قائم کردہ رابطہ گروپ سےخطاب میں وزیراعظم شاہد خاقان عباسی نے کہاکہ برمامیں مسلمانوں کی نسل کشی کی جارہی ہے‘ لاکھوں روہنگیامسلمانوں کوگھربارچھوڑنے پرمجبورکیاگیا۔

    برمی حکومت ایکشنلے ورنہ بدھا روہنگیا کی مدد کریں گے، دلائی لامہ*

    وزیراعظم نےکہا کہ برما میں متاثرین کےلئےامداد بھیجنے اوراقوام متحدہ کے فیکٹ فائنڈنگ مشن کو متاثرہ علاقوں میں جانے کی اجازت دی جائے‘ دریں اثناء عالمی برادری برمی حکومت پرمظالم روکنے کے لیے دباؤ ڈالے۔

    اس موقع پر وزیر اعظم کا کہنا تھا کہ روہنگیامسلمانوں کےلئےاوآئی سی کومرکزی کرداراداکرناچاہئے۔ انہوں پاکستان کی جانب سے اس سلسلے میں اوآئی سی سے بھرپورتعاون کی یقین دہانی بھی کرائی۔

    برما میں فسادات


    یاد رہے کہ برما کے صوبے ارکان میں گزشتہ ماہ کی پچیس تاریخ کو نسلی فسادات پھوٹ پڑے تھے جس کے نتیجے میں اب تک برما کے سرکاری اعداد وشمار کےمطابق چار سو جبکہ انسانی حقوق کے مبصر اداروں کے مطابق 1000 سے زائد روہنگیا مسلمان قتل ہوچکے ہیں جبکہ3 لاکھ سے زائد بنگلہ دیش ہجرت کرگئے ہیں۔

    انسانی حقوق کے بین الاقوامی اداروں کا کہنا ہے کہ صورتحال تب مزید اندوہنا ک ہوئی ہے جب میانمار کی حکومت نے فسادات سے متاثرہ صوبےرخائن میں امدادی سرگرمیوں پر پابندی لگادی اور متاثرین تک کسی بھی قسم کی غذا اور ادویات کی ترسیل کو روک دیا گیا‘ جس کے سبب اموات میں اضافہ ہوا۔

    برما میں کوئی مسلمان ’اسلامی نام ‘ نہیں رکھ سکتا*

    اقوام متحدہ کے ذیلی ادارے یونائیٹڈ نیشن ہائی کمشنر فار رفیوجیز (یو این ایچ سی آر) کے مطابق میانمار سے بنگلا دیش کی طرف ہجرت کرنے والے افراد کی تعداد 2 لاکھ 70 ہزار سے زائد ہوگئی ہے تاہم غیر سرکاری اعداد وشمار کے مطابق یہ تعداد 3 لاکھ سے تجاوز کرگئی ہے۔

    اس ضمن میں اقوام متحدہ نے کمیپوں میں مقیم 3 لاکھ روہنگیا مہاجرین کے لیے دنیا بھر سے 77 ملین ڈالر(7 کروڑ 70 لاکھ ڈالر) امداد کی اپیل کردی۔

    اقوام متحدہ نے اپنے جاری کردہ بیان میں کہا ہے کہ امدادی اداروں کو روہنگیا مہاجرین کی مدد کے لیے ہنگامی بنیادوں پر 77 ملین ڈالر (58 پاؤنڈ) امدادی رقم کی ضرورت ہے جو کہ دو ہفتے کے دوران میانمار (برما) سے ہجرت کرکے بنگلہ دیشی سرحد پر کیمپوں میں مقیم ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • وزیراعظم شاہدخاقان عباسی جنرل اسمبلی میں شرکت کیلئے نیویارک پہنچ گئے

    وزیراعظم شاہدخاقان عباسی جنرل اسمبلی میں شرکت کیلئے نیویارک پہنچ گئے

    نیویارک : وزیراعظم شاہدخاقان عباسی جنرل اسمبلی میں شرکت کیلئے نیویارک پہنچ گئے، پاکستانی سفیر اعزازچوہدری اورملیحہ لودھی نے وزیراعظم کا استقبال کیا، وزیراعظم اکیس ستمبر کو جنرل اسمبلی سے خطاب کرینگے۔

    تفصیلات کے مطابق نیویارک میں اقوام متحدہ جنرل اسمبلی کے اجلاس میں شرکت کیلئے مختلف ممالک کے رہنماؤں کی آمد جاری ہے، اس موقع پر سیکیورٹی کے سخت اقدامات کئے گئے ہیں، وزیر اعظم شاہد خاقان عباسی کی نیویارک پہنچ گئے، پاکستانی سفیر اعزاز چوہدری اور ملیحہ لودھی نے وزیر اعظم کا استقبال کیا۔

    وزیراعظم اکیس ستمبرکواقوام متحدہ کی جنرل اسمبلی سےخطاب میں کشمیر،برما اور پاک امریکا تعلقات سمیت اہم امورپراظہارخیال کریں گے جبکہ امریکی ڈومور کی پالیسی پر بھی اپنے تحفظات کا اظہار کرینگے۔

    اس دوران وزیراعظم شاہد خاقان عباسی ترکی، ایران، افغانستان اور سری لنکا کے صدرو سمیت دیگر عالمی رہنماؤں سے ملاقاتیں کریں گے جبکہ وزیر اعظم اقوام متحدہ کے سیکریٹری جنرل اور امریکی نائب صدر مائیک پنس سے بھی ملیں گے۔

    نیویارک میں قیام کے دوران شاہد خاقان عباسی کونسل آف فارن ریلیشنز اور پاکستان امریکابزنس کونسل سے خطاب کریں گے جبکہ بین الاقوامی میڈیاکےنمائندوں سےبھی ملاقات کریں گے۔


    مزید پڑھیں : وزیراعظم شاہد خاقان عباسی آج نیویارک پہنچیں گے


    نیویارک پہنچنے پر وزیراعظم شاہد خاقان عباسی سے نائب صدر جنرل الیکٹرک جان رائس نے ملاقات کی اور پاکستان میں کاروبار وسیع کرنے کے عزم کا اظہار کیا، ملاقات میں وزیراعظم شاہدخاقان کا کہنا تھا کہ  جنرل الیکٹرک کی مہارت سےبہت فوائدحاصل کررہےہیں ، غیرملکی کمپنیوں کی سرمایہ کاری کیلئے ہمارےدروازے کھلےہیں، امریکی کمپنیوں کوسرمایہ کاری کیلئےخوش آمدید کہیں گے، پاکستانی مارکیٹ جنرل الیکٹرک کیلئے انتہائی اہم ہے۔

    وائس پریزیڈنٹ جان رائس نے کہا کہ پاکستان میں کاروباروسیع کرنےکیلئےپرعزم ہیں، پاکستان میں لوکوموٹیو،شعبہ صحت میں سرمایہ کاری کےخواہاں ہیں۔

    یاد رہے گذشتہ روز امریکا روانگی سے قبل وزیراعظم شاہدخاقان عباسی نے نوازشریف سے ملاقات بھی کی تھی، لندن میں نوازشریف سے ملاقات کے بعد میڈیا سے گفتگو کرتے ہوئے کہا تھا کہ سازشیں ہوتی رہتی ہیں ان سے گھبرایا نہیں جاتا بلکہ ان شازشوں کا مقابلہ کیا جاتا ہے۔

    واضح رہے کہ امریکی دورے پر بات کرتے ہوئے وزیراعظم پاکستان کا کہنا تھا کہ ٹرمپ کے بیان کا قومی سلامتی کمیٹی نےجواب دیا وہی ہماری پالیسی ہے اور ہم نے دہشت گردی کے خلاف مشترکہ کوششیں کی ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔