میانوالی : وزیراعظم عمران خان کا کہنا ہے کہ بڑے ڈاکوؤں سےڈیل کرنےوالی قوم تباہ ہوجاتی ہے ، کرپشن کرنےوالوں سے نہ بات ہوگی نہ این آراو دیں گے۔
تفصیلات کے مطابق وزیراعظم عمران خان نے میانوالی میں جلسے سے خطاب کرتے ہوئے کہا میراایک گلہ ہے ، کارکنوں کواتنی دوررکھاانہیں سامنے آنے دینا تھا، میانوالی کےکارکنان کاآج خاص طورپرشکریہ اداکرتاہوں، میانوالی کےکارکنان کی وجہ سےآج میں یہاں تک پہنچا ہوں۔
وزیراعظم کا کہنا تھا کہ 5سال مکمل ہونگے تومیانوالی میں تاریخی ترقی ہوچکی ہوگی، میانوالی کےعوام ہمیشہ میرےساتھ چلے ہیں ، وعدہ کیاتھا موقع ملا تو میانوالی کے لوگوں کے احسان کابدلہ اپنی کارکردگی سے چکاؤں گا۔
عمران خان نے کہا کہ کبھی بھی ایسانہیں ہوا کہ کمزورعلاقوں کوساتھ لےکرچلنےکی کوشش ہوئی ہو، غریب اورغریب ہو گیا، پیچھے رہنے والے علاقے اور پیچھے رہ گئے، 5سال مکمل ہوں گے توسب سے زیادہ ترقی پسماندہ علاقوں میں ہوچکی ہوگی، میانوالی کے لیےسڑک بنناشروع ہوگئی ہے،ڈیڑھ سال میں مکمل ہو جائے گی۔
ان کا کہنا تھا کہ نمل یونیورسٹی اقتدارمیں آکرنہیں اپنی محنت سے بناناشروع کی، نمل یونیورسٹی میں دنیابھرسےلوگ آکرتعلیم حاصل کررہےہیں، نمل یونیورسٹی پاکستان کی آکسفورڈیونیورسٹی بنےگی۔
مہنگائی کے حوالے سے وزیراعظم نے کہا کہ اس وقت پاکستان ہی دنیاکابڑمسئلہ مہنگائی ہے، سوچنےکی بات ہےمہنگائی کیوں ہوئی، کوروناکےباعث دنیامیں تجارت کم اورکاروبارختم ہوگئے، تجارت کم ہونے سےچیزیں کم ہونےلگیں اورمہنگائی بڑھ گئی۔
عمران خان نے بتایا کہ 1982کےامریکامیں تاریخ کی سب سےزیادہ مہنگائی ہوئی ، پاکستان اب بھی اللہ کاشکرہےکہ سب سےزیادہ سستاملک ہے، تیل ،کوئلے اورخوردنی تیل کی قیمتیں باہربڑھیں توپاکستان میں بھی بڑھیں۔
ان کا کہنا تھا کہ 3مہینےمیں دنیا میں قیمتیں کم ہونگیں توپاکستان میں بھی کم ہوجائیں گی، کم آمدن والوں کوتیل ،گھی اوردالوں پر30فیصدکی سبسڈی دے رہے ہیں۔
کامیاب پاکستان پروگرام کے حوالے سے وزیراعظم نے کہا کہ کامیاب پاکستان پروگرام میں سب سےکمزورخاندانوں کی مددکی جائےگی، ایک خاندان کو بلاسود 5 لاکھ قرضہ دیا جائے گا، 27 لاکھ روپے کا سود کے بغیر گھر بنانے کے لیے قرض ملے گا۔
ہیلتھ کارڈ سے متعلق عمران خان کا کہنا تھا کہ مارچ تک پنجاب کے تمام خاندانوں کو ہیلتھ کارڈ دیدیں گے، سرکاری اورنجی اسپتالوں میں 10لاکھ روپے تک کا مفت علاج ہوسکے گا، غریب خاندان میں بیماری ہوتوخاندان قرض لےکرعلاج کراتاہے۔
انھوں نے مزید کہا کہ پاکستان میں سب سے زیادہ پیسہ نوجوانوں کی اسکالر شپس پر خرچ کر رہےہیں، وفاقی، پنجاب اور کے پی حکومت 47ارب روپےکی اسکالر شپس دیں گی، 62 لاکھ نوجوانوں کو اسکالر شپس دی جائیں گی۔
وزیراعظم کا کہنا تھا کہ میں نے کہا تھا اللہ نے موقع دیا تو پاکستان کسی کی غلامی نہیں کرے گا، پاکستان وہ ملک بنے گا، جو کسی کے سامنے سر نہیں جھکائے گا، پاکستان اب وہ ملک ہے ، جس میں عوام کے مفاد میں فیصلے ہوں گے۔
عمران خان نے کہا کہ جن کانظریہ مختلف ہےان سےبات کرنےکےلیےتیارہیں، لیفٹ ہو یا رائٹ سب کے ساتھ بیٹھ کر بات کرنے کو تیار ہیں، بلوچستان میں یا کوئی اورسب سےبات چیت کریں گے، ان سے بات نہیں کریں گے جو پاکستان کاپیسہ لوٹ کرباہر لے گئے، لوٹ مارکرنے والوں اورکرپشن کرنے والوں سے بات ہوگی نہ این آراو دیں گے۔
ان کا کہنا تھا کہ بڑےڈاکوؤں سےڈیل کرنےوالی قوم تباہ ہوجاتی ہے، ہرمہذب معاشرہ چوروں کوجیلوں میں ڈالتاہے ان سے ڈیل نہیں کرتا، مدینہ کی ریاست کے اصولوں پربنی مسلمان قوم نےحکمرانی کی، ہم پاکستان کواٹھائیں گےاور ایک عظیم قوم بنائیں گے۔
وزیراعظم نے کہا کہ انشااللہ اس ملک کوادھرلےکرجاؤں جس کے لیے پاکستان بناتھا، کوئی طاقت پاکستانی قوم کوعظیم بننےسےنہیں روک سکتی، دنیامیں مثال دی جاتی ہے پاکستانی قوم نےکوروناکابہترین مقابلہ کیا۔
عمران خان نے مزید بتایا کہ مہنگی بجلی کےمعاہدے ہماری حکومت سے پہلے کےہیں، سولرٹیوب ویل سےمتعلق کام شروع کریں گے، بلدیاتی الیکشن آرہا ہےآپ بھرپورتیاری کریں اور میانوالی کےعوام بلدیاتی انتخابات میں بھرپورشرکت کریں۔
واضح رہے کہ حال ہی میں کراچی گرین لائن بس کیلئے 80 بسیں منگوائی گئی تھی، جس کیلئے 200 ڈرائیوز بھی بھرتی کئے جاچکے، سرجانی ٹاؤن سے نمائش تک بس 22 اسٹیشنز پر رکے گی، ایئرکنڈیشنڈ بسوں میں موبائل چارجنگ کی سہولت بھی موجود ہوگی۔
