اسلام آباد: وزیراعظم نواز شریف نے کہا ہے کہ آپریشن ضرب عضب سے دہشت گردوں کی کمر ٹوٹ چکی , دہشت گردوں کو معصوم شہریوں کی زندگی سے نہیں کھیلنے دیں گے۔
وزیراعظم نے ان خیالات کااظہار وزیراعظم ہاوس میں اعلی سطحی اجلاس سے خطاب کرتے ہوئے کیا، اجلاس میں وفاقی وزراء اور مشیروں نے شر کت کی اجلاس کو ملکی سلامتی اور معاشی صورتحال پر بریفنگ دی گئی۔
وزیراعظم نے شرکاء کو دورہ سعودی عرب ،ایران اور ڈیووس پر اعتماد میں لیا اجلاس کو سانحہ چارسدہ کی تحقیقات سے آگاہ کیا گیا وزیراعظم نے کہا کہ نیشنل ایکشن پلان کی راہ میں کوئی رکاوٹ بر داشت نہیں کی جائے گی دہشت گردی کا خاتمہ حکومت اور عوام کا مشترکہ عزم ہے۔
انہوں نے کہا کہ آخری دہشت گرد کے خاتمے تک جنگ جاری رہے گی دہشت گرد گھبراہٹ میں معصوم بچوں کو نشانہ بنا رہے ہیں ان کا ا یجنڈا کامیاب نہیں ہو نے دیں گے معصوم بچوں کے قاتلوں کے سرپرستوں اور ان کے سہولت کاروں کو قانون کے کٹہرے میں لایا جائے گا۔
اجلاس میں کراچی اپریشن کے مثبت نتائج پر اطمیان کا اظہار کیا گیااور اس عزم کا اظہار کیا گیا کہ کراچی اپریشن کو منطقی انجام تک پہنچایا جائے گا اجلاس میں ضرب عضب اور کراچی آپریشن میں قانون نافذ کر نے والے اداروں کی قربانیوں کو سراہا گیا۔
وزیراعظم نے کہا کہ ملک کی معاشی ترقی اور استحکام کے لیئے حکومت درست سمت گامزن ہے ملک کی معاشی ترقی کا عالمی سطح پر اعتراف کیا جا رہا ہے عالمی سطح پر پاکستان کے تشخص میں بہتری آئی ہے وزیراعظم نے کہا کہ ملک کی ترقی اور خوشحالی کا عمل مزید تیزی سے جاری رہے گا ۔
