ARYNews.tv | Urdu – Har Lamha Bakhabar

Tag: PM nawaz disqualification

  • خواجہ آصف کو وزیراعظم تسلیم نہیں کرسکتا، چوہدری نثار

    خواجہ آصف کو وزیراعظم تسلیم نہیں کرسکتا، چوہدری نثار

    اسلام آباد : وفاقی وزیر داخلہ چوہدری نثار کا کہنا ہے کہ خواجہ آصف کو وزیراعظم تسلیم نہیں کرسکتا، فوج اورعدلیہ مخالف سازش میں شریک نہیں ہوں گا۔

    تفصیلات کے مطابق وفاقی وزیرداخلہ چوہدری نثار نے پارٹی قیادت کو تحفظات سے آگاہ کردیا ہے اور کہا کہ جونیئر کے ماتحت کام نہیں کرسکتا، عدلیہ اور فوج کے خلاف کسی سازش کا حصہ نہیں بنوں گا۔

    ذرائع کےمطابق نوازشریف کی ممکنہ نااہلی پر خواجہ آصف کو وزارت عظمی دیئے جانے پر چوہدری نثار کو شدید تحفظات ہیں۔

    دوسری جانب وزیر داخلہ کی ناراضی ختم کرانے کیلئے شہباز شریف اور شاہد خاقان عباسی نے ان سے ملاقات کی، چوہدری نثار نے رہنماؤں کو پارٹی نہ چھوڑنے کی یقین دہانی کراتے ہوئے کہا وہ عدلیہ اور فوج سے ٹکراؤ کی پالیسی میں شامل نہیں ہوں گے۔

    ذرائع کے مطابق چوہدری نثار ایازصادق اور شاہد خاقان عباسی کو بحثیت وزیراعظم تسلیم کرنے کو تیار ہیں اور انھیں ان دونوں رہنماؤں کیساتھ کام کرنے پرمسئلہ نہیں جبکہ اتوار کو پریس کانفرنس میں لیگی رہنما پارٹی حالات کے ذمہ داروں کا نام بتاتے ہوئے اپنے سیاسی مستقبل سے آگاہ کریں گے۔

    مزید پڑھیں : متبادل وزیراعظم کیلئے خواجہ آصف کا نام سرفہرست

    اطلاعات ہیں کہ چوہدری نثار جلد وزیر داخلہ کے عہدے دے مستعفی ہونے کا اعلان کرسکتے ہیں۔

    خیال رہے کہ پاناما کیس کا فیصلہ محفوظ ہوتے ہی وزیر اعظم نواز شریف کی زیرصدارت اہم اجلاس میں نئے وزیراعظم کے ناموں پر غورکیا گیا ۔۔
    ذرائع کا کہنا ہے نئے وزیراعظم کے لیے خواجہ آصف کا نام سر فہرست ہے  جبکہ متبادل وزیراعظم کے طورپر اسپیکرقومی اسمبلی سردارایاز صادق کا نام  بھی زیرِغور ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • الیکشن کمیشن وزیراعظم کیخلاف نااہلی کی درخواستوں کی سماعت آج کرےگا

    الیکشن کمیشن وزیراعظم کیخلاف نااہلی کی درخواستوں کی سماعت آج کرےگا

    اسلام آباد : الیکشن کمیشن وزیراعظم کیخلاف نااہلی کی درخواستوں کی سماعت آج سے کرے گا، درخواستیں پیپلزپارٹی، تحریک انصاف، عوامی مسلم لیگ اور پاکستان عوامی تحریک کی جانب سے دائر کی گئی ہیں۔

    تفصیلات کے مطابق وزیراعظم کیخلاف نااہلی کی درخواستوں کی سماعت الیکشن کمیشن آج سے شروع کرے گا، رواں سال چوبیس جون کو تحریک انصاف کی رہنما ڈاکٹر یاسمین کی جانب سے دائر کردہ درخواست میں مؤقف اپنایا گیا کہ وزیراعظم نواز شریف نے دوہزار تیرہ انتخابات میں کاغذات نامزدگی میں حقائق چھپائے۔

    مزید پڑھیں : تحریک انصاف کا الیکشن کمیشن میں وزیراعظم کی نااہلی کیلئے ریفرنس دائر

    ستائیس جون کو پاکستان پیپلزپارٹی نے وزیراعظم نواز شریف، وزیراعلیٰ پنجاب،حمزہ شہباز،اسحاق ڈار اور کیپٹن ریٹائرڈ صفدر کے خلاف درخواست دائر کی، پیپلزپارٹی کا مؤقف ہے کہ انکم ٹیکس گوشواروں میں وزیراعظم اور انکے اہل خانہ نے حقائق چھپائے، وزیراعظم نے اپنی اہلیہ کلثوم نواز اور بچوں کے اثاثے ظاہر نہیں کئے جبکہ کیپٹن ریٹائرڈ صفدر نے اہلیہ مریم نواز کے اثاثر الیکشن کمیشن کو درست نہیں بتائے۔

     مزید پڑھیں : پیپلزپارٹی کا وزیر اعظم کی نااہلی کیلئےریفرنس تیار

    پاکستان عوامی تحریک کی جانب سے دائر کردہ درخواست میں مؤقف اختیار کیا گیا کہ وزیراعظم نے جان بوجھ کر بچوں کے اثاثوں کا ذکر نہیں کیا، عوامی مسلم لیگ کا مؤقف ہے کہ وزیراعظم نے قوم سے چودہ آف شور کمپنیاں چھپائی۔

     مزید پڑھیں :  پاکستان عوامی تحریک نے وزیراعظم کی نااہلی کیلئے ریفرنس جمع کرادیا

    الیکشن کمیشن کی غیرفعالی کے دوران حزب اختلاف نے چار الگ الگ درخواستیں جمع کرائیں تھیں، جس پر الیکشن کمیشن آج سے درخواستوں کی ابتدائی سماعت ایک ساتھ شروع کرے گا۔

  • پاکستان عوامی تحریک نے وزیراعظم کی نااہلی کیلئے ریفرنس جمع کرادیا

    پاکستان عوامی تحریک نے وزیراعظم کی نااہلی کیلئے ریفرنس جمع کرادیا

    اسلام آباد:‌ تحریک انصاف اور پیپلز پا رٹی کے بعد عوامی تحریک نے بھی وزیراعظم کیخلاف نااہلی کا ریفرنس الیکشن کمیشن میں دائر کردیا۔

    تفصیلات کے مطابق پاکستان عوامی تحریک نے وزیراعظم کی نااہلی کیلئے ریفرنس جمع کرادیا، ریفرنس میں مؤقف اختیار کیا گیا ہے وزیراعظم پانامالیکس میں ناصرف ملوث ہیں بلکہ آرٹیکل بانسٹھ تریسٹھ پر پورا نہیں اترتے ساتھ ہی وزیر اعظم نے اپنے اثاثوں کی درست تفصیلات بھی جمع نہیں کرائیں اس لئے انہیں نا اہل قرار دیا جائے۔

    ۔ریفرنس میں کہا گیا ہے کہ وزیراعظم کی آئین کے آرٹیکل 5کے تحت ریاست سے وفاداری مشکوک ہوگئی ہے، اثاثہ جات بیرون واندرون ملک چھپانا ریاست سے غداری ہے اور ریاست سے غداری آرٹیکل 6کے زمرے میں آتا ہے جبکہ وزیراعظم کا نام پانامالیکس میں بھی ملوث ہیں۔

    عوامی تحریک نے یہ بھی مؤقف اختیار کیا ہے کہ وزیر اعظم نے عوام نمائندگی ایکٹ کی شقوں کی خلاف ورزی کی ریفرنس کیساتھ سانحہ ماڈل ٹاؤن کی ایف آئی آربھی منسلک کی گئی ہے، پٹیشن عوامی تحریک لائرز ونگ کے رہنما اشتیاق احمد چوہدری نے خرم نواز گنڈاپور کی جانب سے دائر کی گئی۔

     مزید پڑھیں : پیپلزپارٹی کا وزیر اعظم کی نااہلی کیلئےریفرنس تیار

    یاد رہے کہ اس سے قبل پی ٹی آئی اور پیپلزپارٹی نے بھی وزیر اعظم اور ان کے چار رشتے داروں کیخلاف ریفرنس دائر کیا ہے۔

    مزید پڑھیں : تحریک انصاف کا الیکشن کمیشن میں وزیراعظم کی نااہلی کیلئے ریفرنس دائر

    تحریک انصاف نے وزیراعظم نواز شریف کی نااہلی کےلئے الیکشن کمشن میں ریفرنس دائر کر دیا،جس میں کہا گیا کہ وزیراعظم نے اثاثوں کی تفصیلات میں غلط بیانی سے کام لیا، اربوں روپے کی بیرون ملک جائیداد ظاہر نہیں کی گئی،وزیراعظم صادق اور امین نہیں رہے، نااہل قرار دیا جائے۔

  • تحریک انصاف کا الیکشن کمیشن میں وزیراعظم کی نااہلی کیلئے ریفرنس دائر

    تحریک انصاف کا الیکشن کمیشن میں وزیراعظم کی نااہلی کیلئے ریفرنس دائر

    اسلام آباد: تحریک انصاف نے الیکشن کمیشن میں وزیراعظم کی نااہلی کے لئے ریفرنس دائر کردیا۔

    تفصیلات کے مطابق تحریک انصاف نے الیکشن کمیشن میں وزیراعظم کی نااہلی کے لئے ریفرنس دائر کردیا، الیکشن کمیشن میں ریفرنس تحریک انصاف کی رہنما یاسمین راشد نے دائر کیا، ان کے ساتھ نعیم الحق اور دیگر پی ٹی آئی رہنماء وکلاء بھی موجود تھے، بَہتر صفحات پر مشتمل ریفرنس دائر کیا گیا ہے۔

    ریفرنس میں کہا گیا کہ وزیراعظم نے اثاثوں کی تفصیلات میں غلط بیانی سے کام لیا، اربوں روپے کی بیرون ملک جائیداد ظاہر نہیں کی گئی، وزیراعظم نوازشریف صادق اورامین نہیں رہے۔

    ریفرنس کے مطابق وزیراعظم نے آرٹیکل باسٹھ اور تریسٹھ کی خلاف ورزی کی ۔ الیکشن کمیشن وزیراعظم نوازشریف کےخلاف کارروائی کرے۔

    نعیم الحق کا کہنا ہے کہ ٹی او آرمزاکرات ناکام ہوچکے ہیں وقت آگیا ہے، عدالتوں کا دروازہ کھٹکھٹایا جائے، یاسمین رشید کا کہنا تھا کہ ثبوت کی بنیاد پر نوازشریف ضرور نااہل قرار دیئے جائیں گے، امید ہےالیکشن کمیشن انصاف کرے گا۔

    ذرائع الیکشن کمیشن کے مطابق نئے ممبران کی تقرری تک پی ٹی آئی کا ریفرنس التوا کا شکار رہے گا۔

    یاد رہے کہ پاناما پیپرز کے منظر عام پر آنے کے بعد یہ انکشاف ہوا تھا کہ وزیراعظم کے بچوں کی آف شور کمپنیاں ہیں۔ اس کے وزیراعظم نے عدالتی کمیشن کے ذریعے پاناما لیکس کی تحقیقات کا اعلان کیا تھا لیکن حکومت اور اپوزیشن جماعتیں عدالتی کمشین کے ضوابط کار پر تاحال متفق نہیں ہو سکی ہیں۔

  • سپریم کورٹ میں وزیرِاعظم کی نااہلی پر درخواستوں کی سماعت

    سپریم کورٹ میں وزیرِاعظم کی نااہلی پر درخواستوں کی سماعت

    اسلام آباد: سپریم کورٹ نے وزیرِاعظم نااہلی کیس میں پی ٹی آئی کے وکلاء سے سوال کرلیا کہ کیا کوئی ایسا طریقہ ہے کہ آپ آرمی چیف کا بیان حلفی لے آئیں؟

    وزیرِاعظم کی نااہلی سے متعلق درخواستوں کی سماعت جسٹس جواد ایس خواجہ کی سربراہی میں تین رکنی بینچ نےکی، پی ٹی آئی کے وکیل گوہر نواز سندھو نے دلائل میں کہا کہ وزیرِاعظم نے بیان دیا کہ انھوں نے آرمی کو کردار ادا کرنے کا نہیں کہا تھا لیکن آئی ایس پی آر نے بیان جاری کیا کہ وزیرِاعظم کے کہنے پر کردار ادا کیا۔

    جسٹس دوست محمد نےاستفسار کیا کہ کوئی ایسا طریقہ ہے کہ آپ آرمی چیف کا بیان حلفی لے آئیں؟ جسٹس جواد نے مؤقف کی سماعت کے بعد وکلاء کو کہا کہ ہم مشکور ہیں کہ یہ کیس لائے، آپ درخواست میں ترمیم کرنا چاہیں تو کرلیں، درخواست واپس نہیں ہوگی۔

    جسٹس جواد کا کہنا تھا کہ کوئی مائی کا لعل ایسا نہیں جس کے ہاتھ میں جان ہو، اگرکوئی طالع آزما یہ سمجھتا ہے تو وہ یہاں بیٹھے ہیں آجائے۔

    عدالت نے درخواست میں ترمیم سے متعلق وقت دیتے ہوئے سماعت پندرہ اکتوبر تک ملتوی کردی۔