Tag: PM nawaz meet afghan president

اسلام آباد: وزیرِاعظم نواز شریف سے افغان صدر اشرف غنی کی اسلام آباد میں اہم ملاقات ہوئی، ملاقات میں دونوں رہنماؤں کے درمیان باہمی تعلقات، خطے کی صورتحال اوردیگر امورپرتبادلہ خیال کیا جا رہا ہے۔

پاکستان کے دورے پر آئے افغان صدر وزیرِاعظم ہاؤس پہنچے تو میاں نوازشریف نے اُن کا پر تپاک استقبال کیا۔ اشرف غنی کو گارڈ آف آنر پیش کیا گیا اور دونوں ملکوں کےترانے بجائے گئے، افغان صدر نے گارڈآف آنر کا معائنہ کیا۔

اُن کا وفاقی کابینہ کے ارکان سے تعارف بھی کرایا گیا، اس سے پہلے آج صبح افغان صدر کی مختلف سیاسی رہنماؤں سے ملاقاتیں ہوئیں، ملاقات کرنے والوں میں اسفندیار ولی، آفتاب شیرپاؤ، محمودخان اچکزئی، اعتزازاحسن، شیری رحمان، فرحت اللہ بابر اور فیصل کریم کنڈی شامل ہیں۔