ARYNews.tv | Urdu – Har Lamha Bakhabar

Tag: PM nawaz sharif

  • پاناما کیس: وزیراعظم نوازشریف نا اہل قرار

    پاناما کیس: وزیراعظم نوازشریف نا اہل قرار

    اسلام آباد: سپریم کورٹ آف پاکستان کے پانچ رکنی بنچ نے پاناما لیکس کے تاریخ ساز مقدمے کا فیصلہ سناتے ہوئے وزیراعظم نواز شریف کو نا اہل قرار دے دیا ہے‘ فیصلہ جسٹس اعجاز افضل نے پڑھ کرسنایا۔

    تفصیلات کے مطابق لارجر بنچ  نے جسٹس آصف سعید کھوسہ کی سربراہی میں وزیراعظم اوران کے خاندان کے خلاف دائر کردہ مقدمے کا فیصلہ کمرۂ عدالت نمبر1 میں سنایا ‘ فیصلے میں متفقہ طور پروزیراعظم نواز شریف کو نااہل قراردے دیا گیا ہے۔ یاد رہے کہ جسٹس آصف سعید کھوسہ اورجسٹس اعجاز افضل پہلے ہی وزیراعظم کو صادق اور امین کی صف سے باہر کرتے ہوئے نا اہل قرار دے چکے تھے۔

    جسٹس اعجاز افضل نے فیصلہ سناتے ہوئےکہا کہ ہے دوججز نے 20 اپریل کو نواز شریف کو نااہل قراردے دیا تھا‘ حکم نامے میں وزیراعظم نواز شریف‘ کیپٹن صفدر اوراسحاق ڈار کو بھی نااہل قراردیا گیا ہے۔

    اے آروائی نیوز اسلام آباد کے بیورو چیف صابر شاکر کے مطابق عدالت نے نیب کو حکم دیا ہے کہ چھ ہفتوں کے اندروزیراعظم‘ کیپٹن صفدر‘ اسحاق ڈار اور مریم صفدرکے خلاف ریفرنس دائر کیا جائےاور احتساب عدالت چھ ماہ میں فیصلہ کرے۔

    عدالت نے  الیکشن کمیشن کو نا اہلی کا نوٹیفیکیشن جاری کرنے کا حکم دیا اور صدرِ پاکستان ممنون حسینکو کہا ہے کہ وہ آئین کے تحت جمہوری عمل کو آگے بڑھائیں۔

     بنچ میں جسٹس آصف سعیدکھوسہ‘ جسٹس گلزاراحمد‘ جسٹس اعجازالاحسن‘ جسٹس اعجازافضل اور جسٹس شیخ عظمت سعید شامل ہیں۔

    سپریم کورٹ بنچ نے جے آئی ٹی کی رپورٹ پر سماعت مکمل کرتے ہوئے گزشتہ جمعے یعنی 21 جولائی کو پاناما کیس کی سماعت مکمل کرکے فیصلہ محفوظ کرلیا تھا۔

    پاناما کیس کا پسِ منظر

    پانامہ لیکس کے تہلکہ خیز انکشافات کو ایک سال اور کچھ دن کا عرصہ گزر چکا ہے،4 اپریل 2016ء کو پانامہ لیکس میں دنیا کے 12 سربراہان مملکت کے ساتھ ساتھ 143 سیاست دانوں اور نامور شخصیات کا نام سامنے آئے جنہوں نے ٹیکسوں سے بچنے اور کالے دھن کو بیرونِ ملک قائم بے نام کمپنیوں میں منتقل کیا۔

    انکشافات میں پاکستانی سیاست دانوں کی بھی بیرونی ملک آف شور کمپنیوں اور فلیٹس کا انکشاف ہوا تھا جن میں وزیر اعظم پاکستان میاں نواز شریف کا خاندان بھی شامل ہے۔

    وزیر اعظم میاں نواز شریف کے بیٹوں حسین نواز اور حسن نواز کے علاوہ بیٹی مریم صفدرکا نام بھی پاناما لیکس کے متاثرین شامل تھا۔

    وزیراعظم کا قوم سے خطاب

    قوم سے خطاب اور قومی اسمبلی میں وزیر اعظم نے اپنی جائیدادوں کی وضاحت پیش کی تاہم معاملہ ختم نہ ہوا اور پاکستان تحریک انصاف کے سربراہ عمران خان، جماعت اسلامی کے امیر سراج الحق اور عوامی مسلم لیگ کے سربراہ شیخ رشید کی جانب سے وزیراعظم کو نااہل قرار دینے کے لیے علیحدہ علیحدہ تین درخواستیں دائر کی گئیں جنہیں سماعت کے لیے منظور کرلیا گیا۔

    کیس کی سماعت کے لیے چیف جسٹس کی سربراہی میں بینچ تشکیل دیا گیا تاہم سابق چیف جسٹس ثاقب نثار کی ریٹائرمنٹ کی وجہ سے بینچ ختم ہوگیا اور چیف جسٹس نے تمام سماعتوں کی کارروائی بند کرتے ہوئے نئے چیف جسٹس کے لیے مقدمہ چھوڑ دیا۔

    نئے چیف جسٹس آصف سعید کھوسہ بنے جنہوں نے کیس کی از سر نو سماعت کی اور رواں سال 20 اپریل کو جے آئی ٹی کی تشکیل کا حکم دیا جس نے ساٹھ روز میں اپنی تحقیقات مکمل کرکے اپنی رپورٹ جمع کرائی جس کی بنیاد پر آج پاناما کے تاریخ ساز کیس کا فیصلہ سنایا ہے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • یہ احتساب نہیں انتقام ہے‘ سعد رفیق کا ٹویٹ

    یہ احتساب نہیں انتقام ہے‘ سعد رفیق کا ٹویٹ

    اسلام آباد: مسلم لیگ ن کے رہنما خواجہ سعد رفیق کا کہنا ہے کہ پاناما پیپرز عالمی طاقتوں کی سازش ہے جس میں دیگر عالمی رہنماؤں سمیت نواز شریف کو نشانہ بنایا گیا۔

    تفصیلات کے مطابق وفاقی وزیرِ ریلوے سعد رفیق نے اپنے ٹویٹر پیغام میں پاناما پیپرز کو عالمی سازش قرار دیتے ہوئے کہا ہے کہ برطانوی وزیراعظم ڈیوڈ کیمرون‘ روسی صدر پیوٹن اور پاکستان کے وزیراعظم کو نشانہ بنایا گیا ہے۔

    انہوں نے یہ بھی کہا کہ پاکستان کا کوئی ادارہ اس سازش کا حصہ نہیں لیکن عمران خان ذاتی اقتدار کے لیے سازش کا حصہ بنے۔ بہت سے سیاسی اور غیر سیاسی طاقتور لوگ نفرت انتقام اور تعصب میں اس سازش کا ایندھن بنے۔

    انہوں نے یہ بھی کہا کہ پانامہ کیس کے دوران انصاف ہوتا نظربھی آنا چاہیے۔ جے آئی ٹی کا رویہ جانبدارانہ اور یکطرفہ رہا۔ ہمارے اعتراضات اور تحفظات کو اہمیت نہیں دی گئی۔

    خواجہ سعد رفیق نے یہ بھی کہا کہ آئین میں دفعہ62/63 کی حیثیت مرحومہ58-2- بی کےمساوی ہے-63/62  کی دفعات باقی رہیں تو آئندہ پارلیمینٹیرینز کےعلاوہ باقی طبقات کو بھی اس کاحصہ بننا ہوگا۔

    پاناما کا فیصلہ کچھ دیر میں

    خیال رہے کہ سپریم کورٹ کا پانچ رکنی بنچ آج پاناما کیس میں وزیراعظم اور ان کے اہلِ خانہ کے خلاف دائرہ کردہ مقدمے کا فیصلہ سنائے گا۔

    سپریم کورٹ کے بنچ نے 21 جولائی کو پاناما کیس کی سماعت مکمل کرتے ہوئے اپنا فیصلہ محفوظ کیا تھا۔

    گزشتہ روز مسلم لیگ ن کے سینئر رہنماء اور وفاقی وزیرِ داخلہ چودھری نثار علی خاں نے اسلام آباد میں اہم پریس کانفرنس کرتے ہوئے اعلان کیا کہ وہ پاناما کے فیصلے کےبعد استعفیٰ دے دیں گے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • نواز شریف کواستعفی دینا ہوگا،ورنہ عدالت کالر سے پکڑ کر نکال دیگی،قمر زمان کائرہ

    نواز شریف کواستعفی دینا ہوگا،ورنہ عدالت کالر سے پکڑ کر نکال دیگی،قمر زمان کائرہ

    لاہور : پیپلز پارٹی کے رہنما قمر زمان کائرہ نے خبردار کیا ہے کہ نواز شریف کو استعفی دینا ہوگا، ورنہ عدالت کالر سے پکڑ کر نکال دیگی،میاں صاحب عدالت میں مقدمے کو احتساب نہیں کہتے، آپ کی ڈکیتیاں اور بینک اکاؤنٹس پکڑے گئے ہیں۔

    تفصیلات کے مطابق لاہور میں میڈیا سے گفتگو کرتے ہوئے قمر زمان کائرہ نے کہا وزیراعظم استعفیٰ دو، گونوازگو لوگوں کے دلوں کی آواز ہے، جےآئی ٹی رپورٹ کے بعد سے گونوازگو کہہ رہے ہیں، وزیراعظم کے بچنے کا کوئی امکان نہیں،حکمرانوں کی عالمی طور پر ڈکیتیاں اور بینک اکاؤنٹس پکڑے گئے ہیں۔

    قمر زمان کائرہ کا کہنا تھا کہ حکومت فورسز کو آزادانہ کام کرنے کی اجازت دے، فورسز کے آزادانہ کام کرنے سے سلیپر سیلز کا خاتمہ ہوجائے گا، سیاسی مخالفین کو روکنے کیلئے آرڈیننس کے ذریعے16ایم پی او کا نفاذ کیا گیا، حکومت پیپلزپارٹی کو کیا ڈرائے گی ہم تو آمر سے بھی نہیں ڈرے۔

    پی پی رہنما نے کہا کہ ریلیوں اور احتجاج کیلئے ضلعی حکومتوں کو باقاعدہ آگاہ کیا گیا، حکومت کے لوگ جلسے کر رہےہیں انہیں اجازت مل جاتی ہے، پیپلزپارٹی احتجاج کرے تو روکنے کی بھرپور کوشش ہوتی ہے، حکومت کے حق میں تقریر ہوتی ہے تو ٹھیک ہم کریں تو روکا جاتا ہے، احتجاج یاریلی سے کسی کو نہیں روکا جاسکتا۔

    انکا مزید کہنا تھا کہ گو نواز گو کی تحریک کو آگے بڑھاتے جائیں گے بلاول بھی آئیں گے، اپوزیشن کی دیگر جماعتیں بھی احتجاج کرتی رہیں گی یہ ان کاحق ہے، حکومت کو اسٹیپ ڈاؤن کرناہوگا ورنہ کوئی کالر سے پکڑ کر نکال دے گا، آپ کی کرپشن ساری دنیامیں پھیل چکی ہر کوئی اسی پر بات کررہاہے، انتظامی مشینری وفاداری حکومت کےساتھ رکھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • وزیراعظم استعفیٰ دیں اور گھر جائیں، گیلپ سروے میں عوام کی اکثریت کا فیصلہ

    وزیراعظم استعفیٰ دیں اور گھر جائیں، گیلپ سروے میں عوام کی اکثریت کا فیصلہ

    لاہور : گیلپ پاکستان کی جانب سے تازہ ترین سروے نتائج جاری کر دیے ہیں ، جس میں عوام کی اکثریت نے فیصلہ سنایا کہ وزیراعظم استعفیٰ دیں اور گھر جائیں جبکہ عدلیہ اور فوج کو معتبر ادارے قرار دیا گیا ہے۔

    تفصیلات کے مطابق جے آئی ٹی رپورٹ منظر عام پر آنے کے بعد گیلپ پاکستان کے تازہ ترین سروے میں کئی دلچسپ نتائج سامنے آئے ہیں، عوام نے عدلیہ اور فوج کوسب سے زیادہ معتبر ادارے قرار دیا، جبکہ جے آئی ٹی کی تحقیقات کے حوالے سے پوچھے گئے سوال کے جواب میں اکثریت کا خیال ہے کہ وزیر اعظم کو اب گھر جاناچا ہیے۔

    سروے کے مطابق 79 فیصد عوام نے عدلیہ اور فوج کو مشترکہ طور پر سب سے معتبر ادارہ قرار دیا جبکہ سب سے کم یعنی 38 فیصد پولیس ڈپارٹمنٹ پر یقین رکھتے ہیں۔

    ایک اور سوال کے جواب میں اکثریت یعنی 51 فیصد عوام نے نواز شریف کو سیاست سے کنارہ کش ہو کر گھر بیٹھنے کا مشورہ دیا۔

    سروے میں سوال کیا گیا کہ کیا مسلم لیگ ن کی جانب سے شہباز شریف کی بطور وزیر اعظم کی نامزدگی قبول ہے؟ تو جواب میں 59 فیصد عوام نے اس تبدیلی کے حق میں جبکہ 41 فیصد لوگوں نے شہباز شریف کو نیا وزیراعظم بنانے کی مخالفت کی ہے۔

    ایک اور سوال کے جواب میں 73 فیصد عوام نے بتایا کہ وہ جے آئی ٹی رپورٹ کے بارے میں جانتے ہیں یا اس کے بارے میں سنا ہے۔

    واضح رہے کہ گیلپ پاکستان کی جانب سے یہ سروے ملک کے مختلف شہروں میں کیا گیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • اسلام آباد:وزیرا عظم نوازشریف مری پہنچ گئے

    اسلام آباد:وزیرا عظم نوازشریف مری پہنچ گئے

    اسلام آباد : پاناما کیس سے پریشان وزیراعظم نوازشریف مری پہنچ گئے، وزیر اعظم کی صاحبزادی مریم نواز بھی ان کے ہمراہ ہیں۔

    تفصیلات کے مطابق وزیراعظم نواز شریف مریم نواز اور اپنے خاندان کے دیگر افراد کے ہمراہ ملکہ کوہسار مری پہنچ گئے، وزیراعظم مری میں پاناما لیکس سمیت چوہدری نثار کو منانے کے سلسلے میں اپنی فیملی اور دیگر سیاسی شخصیات سے بات چیت کرینگے۔

    یاد رہے کہ وزیرداخلہ چوہدری نثار نے پارٹی قیادت کو تحفظات سے آگاہ کردیا ہے اور کہا کہ خواجہ آصف کو وزیراعظم تسلیم نہیں کرسکتا، جونیئر کے ماتحت کام نہیں کروں گا اور نہ ہی عدلیہ اور فوج کے خلاف کسی سازش کا حصہ بنوں گا۔

    واضح رہے کہ گذشتہ روز سپریم کورٹ نے پاناما کیس پر فیصلہ محفوظ کیا، جس کے بعد کہا جارہا ہے کہ وزیراعظم نواز شریف پاناما کیس میں ممکنہ طور پر نا اہل ہو سکتے ہیں ۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • وزیر اعظم نے سی ای اوپی آئی اے کیلئے مشرف رسول کے نام کی منظوری دیدی

    وزیر اعظم نے سی ای اوپی آئی اے کیلئے مشرف رسول کے نام کی منظوری دیدی

    اسلام آباد : پانامہ کیس سے پریشان وزیراعظم نے نا تجربہ کار شخص کو پی آئی اے سی ای او لگا دیا۔

    تفصیلات کے مطابق وزیراعظم نواز شریف نے سی ای اوپی آئی اے کیلئے مشرف رسول کے نام کی منظوری دیدی، پی آئی اے سی ای اوکیلئے وزیراعظم کو تین نام بھیجے گئے تھے، جن میں سے وزیر اعظم نے مشرف رسول کو چن لیا اور ایوی ایشن ڈویژن کی سمری پردستخط کردیے۔

    ذرائع کا کہنا ہے کہ مشرف رسول کے پاس ہوا بازی کی صنعت کا کوئی تجربہ نہیں وہ ایم ایم بی ایس ڈاکٹر ہیں اور امریکی شہریت رکھتے ہیں، انہوں نے مختلف مشاورتی کمپنیوں میں ملازمت بھی کی ہے۔

    خیال رہے کہ مشرف رسول سے پہلے ہی پی آئی اے میں دو نا تجربے کار افسران چیف کمرشل آفیسر بلال منیر اور ضیا قادر کو بھاری معاوضے پر بھرتی کیا گیا ہے۔

    واضح رہے کہ  اس سے قبل قومی ایئر لائن سی ای او جرمن تھے اور انہیں کرپشن کے الزامات کے بعد عہدے سے ہٹا دیا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کیس اختتام کو پہنچا، انشااللہ نوازشریف نااہل ہوں گے اور جیل بھی جائیں گے، فوادچوہدری

    کیس اختتام کو پہنچا، انشااللہ نوازشریف نااہل ہوں گے اور جیل بھی جائیں گے، فوادچوہدری

    اسلام آباد : تحریک انصاف کے رہنما فوادچوہدری کا کہنا ہے کہ آج پاکستان کی تاریخ کا بہت ہی اہم دن تھا، کیس اختتام کو پہنچا
    انشا اللہ نوازشریف نااہل ہوں گے اور جیل بھی جائیں گے۔

    تفصیلات کے مطابق پی ٹی آئی کے ترجمان فواد چوہدری نے پاناما کیس کا فیصلہ محفوظ ہونے کے بعد میڈیا سے گفتگو میں کرتے ہوئے کہا کہ آج پاکستان کی تاریخ کابہت ہی اہم دن تھا،کیس اختتام کو پہنچا، واضح نہیں کہ 3رکنی بینچ فیصلہ سنائے گا یا5رکنی ، فیصلہ سنانے میں کتنا وقت لگے گا اندازہ ہی لگایا جاسکتا ہے، میرے خیال میں فیصلہ آئندہ ہفتے یا 10دن میں سنایا جائے گا۔

    فوادچوہدری کا کہنا تھا کہ وزیراعظم نے قوم سے،ایوان سے اور عدالت سےجھوٹ بولا، عدالت میں ثابت ہواپاپابھی پاپی،پپوبھی پاپی اور سب پاپی ہیں، پاپ کرنے والے پاکستان کو لیڈ نہیں کرسکتے۔

    پی ٹی آئی رہنما نے کہا کہ نوازشریف نے ایف زیڈای کے ذرائع ظاہرنہیں کیے، نواز شریف کے بچے کیسے ارب پتی ہوئےنہیں بتایاگیا، انشااللہ نوازشریف نااہل ہوں گےاورجیل بھی جائیں گے۔

    اس سے قبل فواد چوہدری نے خبردار کیا کہ نوازشریف سے احتساب کا آغاز ہوا ہے، انجام بہت دور تک جائے گا، ہوسکتا ہے آج کیس کا آخری دن ہو، وزیراعظم کےپاس اب بھی وقت ہےاستعفیٰ دےدیں۔

    رہنماپاکستان تحریک انصاف کا کہنا تھا کہ پاپابھی پاپی ہیں اورپپو بھی پاپی ہے، اصل کاروبار ان کا کرپشن تھا، موٹر وے کا کمیشن پاکستان سے باہر منتقل کیا گیا، ہم سیاسی طور پر پسماندہ نہیں ہیں، فوج عدلیہ کو ملوث کرنے کے بجائے وزیراعظم سیاسی طور پر سوچتے۔

    مزید پڑھیں : حکومت کی طرف سےجمع کرائےگئےتمام دستاویزات جعلی ہیں‘ فواد چودھری

    فواد چوہدری نے پیپلز پارٹی پر تنقید کرتے ہوئے کہا کہ جو لوگ کیس کو عدالت لے جانے کے مخالف تھے وہ آج کریڈٹ لے رہے ہیں ، پیپلزپارٹی والے وہ ہیں، جو ٹورنامنٹ بھی نہیں کھیلا اور کپ لینے آگئے۔

    یاد رہے گذشتہ روز بھی فواد چودھری کا کہنا تھا کہ عدالت نے خود کہا ہے کہ شریف فیملی کی جانب سے جعلی دستاویزات پیش کئے گئے ہیں اب ان پر476 اے کا مقدمہ بنتا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نوازشریف کو بچانے کیلئے اساتذہ و طلبہ سے مدد لینے کا فیصلہ

    نوازشریف کو بچانے کیلئے اساتذہ و طلبہ سے مدد لینے کا فیصلہ

    لاہور : شریف خاندان کے گرد گھیرا تنگ ہونے پر پنجاب حکومت نے اساتذہ اور طلبا کے ذریعے پروپیگنڈا منصوبہ تیار کرلیا ہے۔

    تفصیلات کے مطابق پنجاب حکومت نے نوازشریف کو بچانے کیلئے اساتذہ اور طلبہ سے مدد لینے کا فیصلہ کیا ہے، گورنمنٹ کالج لاہور میں ساڑھے چودہ سو کے قریب پرنسپل کو مدعو کیا اوردو روزہ کانفرنس کا انعقاد کیا گیا، کانفرنس میں شرکت کرنے والے اساتذہ کے دو روزہ سیشن پر ٹی اے ڈی اے اور کھانے کی مد میں پانچ کروڑ روپے خرچ ہوئے۔

    صوبائی وزیررضا گیلانی نے پرنسپلز کو ہدایت کی کہ اساتذہ اور طلبا کو لیکچر دیئے جائیں کہ نواز شریف کے خلاف سی پیک کی وجہ سےسازش کی جارہی ہے۔

    رضا گیلانی کا کہنا تھا کہ سب کو مل کر اس سازش کو ناکام بنانا ہے ، نواز حکومت بچ گئی تو تنخواہیں دگنی کر دی جائیں گی۔

    دوسری جانب گورنمنٹ کالج انتظامیہ کا کہنا ہے محکمہ تعلیم نے دو روزہ تقریب کیلئے بخاری ایڈیٹوریم مانگا تھا، اس تقریب سے گورنمنٹ کالج کا کوئی تعلق نہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • وزیراعظم نے جے آئی ٹی میں شامل آئی ایس آئی نمائندے پر اعتراض اٹھا دیا

    وزیراعظم نے جے آئی ٹی میں شامل آئی ایس آئی نمائندے پر اعتراض اٹھا دیا

    اسلام آباد : شریف خاندان کے پاناما جے آئی ٹی کی تحقیقات پر قانونی وار، وزیراعظم نے جے آئی ٹی میں شامل آئی ایس آئی نمائندے پر اعتراض اٹھادیا، ٹیم کی تشکیل کے وقت آئی ایس آئی کا نمائندہ اپنےادارے میں افسر نہیں تھا۔

    تفصیلات کے مطابق وزیراعظم نواز شریف نے مشترکہ تحقیقاتی ٹیم کی تفتیش پراعتراضات سے بھری درخواست سپریم کورٹ میں جمع کرادی، پاناما جے آئی ٹی کے خلاف اعتراضات کی درخواست میں آئی ایس آئی نمائندے کی شمولیت پر بھی شکوک کا اظہار کردیا ہے۔

    سپریم کورٹ میں جمع کرائی گئی درخواست میں موقف اختیار کیا گیا ہے ٹیم تشکیل کے وقت آئی ایس آئی کا نمائندہ اپنے ادارے میں افسر نہیں تھا، تعیناتی کا انکشاف بطور سروس کیا گیا۔

    وزیراعظم کی اعتراضی درخواست میں کہا گیا ہے کہ سروس ایمپلائی کی قانونی حیثیت نہیں ہوتی، سرکاری دستاویزات میں نمائندے کی تنخواہ کا بھی ذکر نہیں، بلال رسول کے پی ٹی آئی اورق لیگ سےقریبی تعلقات ہیں، عامر عزیز مشرف دور میں حدیبہ پیپرز ملز کی تحقیقات کرتے رہے، جبکہ نیب کے نعیم منگی کی تعیناتی پر بھی سوالیہ نشانات ہیں۔

    وزیراعظم کی جانب سے دائر درخواست میں کہا گیا ہے کہ تفتیش کے دوران جے آئی ٹی کا رویہ جانبدارانہ اور غیر منصفانہ رہا، مشترکہ تحقیقاتی ٹیم نے اختیارات کا غلط استعمال کرتے ہوئے اپنے کزن کی قانونی فرمز کی خدمات حاصل کیں، فرم کی خدمات لیتے وقت متعلقہ حکومتوں کی اجازت نہیں لی گئی گواہان پر مرضی کے بیان کیلئے دباؤ ڈالا گیا، نتائج غیر تصدیق شدہ دستاویز اور زبانی معلومات سے اخذ کیے گئے۔

    درخواست میں کہا گیا ہے کہ حدیبیہ پیپرز ملز کا کیس لاہور ہائیکورٹ ختم کر چکی، حدیبیہ پیپر ملز کیس دوبارہ کھولنے یا تحقیقات کا حکم نہیں دیا گیا، جے آئی ٹی کا زیرِ التوا مقدمات پر آبزرویشن دینے کا مینڈیٹ نہیں تھا، شفاف تحقیقات کے بغیر فیئر ٹرائل نہیں ہوسکتا، جےآئی ٹی کی تحقیقات میں قانونی تقاضوں کو نظرانداز کیا گیا، جےآئی ٹی نے دستیاب ریکارڈ پر جرح نہیں کی۔

    پاناما جے آئی ٹی کے خلاف اعتراضات کی درخواست میں کہا گیا کہ جے آئی ٹی کی رپورٹ نامکمل ہے، جے آئی ٹی نے تحقیقات کیلئے6 دن زیادہ لیے، جےآئی ٹی کو مزید دستاویز پیش کرنے کی اجازت نہیں دی جا سکتی، جے آئی ٹی نے دستاویزات پر فریقین سے وضاحت نہیں مانگی، جے آئی ٹی وزیراعظم کیخلاف ٹھوس ثبوت حاصل نہیں کرسکی۔

    درخواست میں حکومت نے جلد نمبر دس کی دستیابی کا مطالبہ کرتے ہوئے کہا ہے کہ جےآئی ٹی رپورٹ کی جلدنمبر10پبلک نہ کرنا بدنیتی ظاہرکرتا ہے، کیس چلانے سے پہلے جے آئی ٹی رپورٹ کی جلد نمبر 10دی جائے تاکہ جلد نمبر10کی فراہمی کے بعد وزیراعظم مؤقف پیش کرسکیں گے، جلدنمبر10فراہم نہ کرنا بنیادی حقوق کی خلاف ورزی ہے۔

    درخواست میں استدعا کی گئی کہ عدالت اعتراضات کی روشنی میں جے آئی ٹی رپورٹ کاجائزہ لے، جے آئی ٹی رپورٹ پر کوئی حکم جاری نہیں کیا جا سکتا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • وزیراعظم صاحب کوئی معجزہ ہی آپ کو بچاسکتا ہے، چوہدری نثار

    وزیراعظم صاحب کوئی معجزہ ہی آپ کو بچاسکتا ہے، چوہدری نثار

    اسلام آباد : وفاقی وزیر داخلہ چوہدری نثار نے وزیراعظم نوازشریف کو خبردار کردیا ہے کہ خوشامدیوں نے آپ کو یہاں تک پہنچادیا اب کوئی معجزہ ہی آپ کو بچا سکتا ہے۔

    تفصیلات کے مطابق وزیراعظم نوازشریف کے بتیس سالہ سیاسی رفیق چوہدری نثار نے بھی نوازشریف کو خبردارکردیا اور کہا کہ وزیراعظم صاحب کوئی معجزہ ہی آپ کو بچاسکتا ہے، جو کچھ ہوگیا اور جو ہونے جارہا ہے اچھا نہیں۔

    چوہدری نثار کی لیگی قیادت سے ناراضی کی وجہ منظر عام پر آگئی، ذرائع کے مطابق وفاقی وزیر داخلہ خوشامدیوں کو آگے لانے اور اشتعال انگیز تقاریر پر سینئرقیادت سے خفا ہیں۔

    مشاورتی اجلاسوں سے مسلسل غائب چوہدری نثار نے کابینہ اجلاس میں وزیراعظم سے تحفظات کا اظہار کیا اور کہا کہ صورتحال کو مس ہینڈل کیا گیا سیاسی اور لیگل ٹیم نے معامالات کو صحیح سے نہیں سنبھالا، خوشامدیوں نے آپ کو یہاں تک پہنچایا۔

    ذرائع کے مطابق وزیر داخلہ کی شکایات پر وزیراعظم نے خفگی کا اظہار کیا اور کہا یہ باتیں سب کے سامنے کرنے کے بجائے تنہائی میں کرتے تو بہتر ہوتا۔

    مزید پڑھیں : پاناما ہنگامہ، وزیرداخلہ چند روز میں اپنا مؤقف پیش کریں گے، ترجمان

    یاد رہے کہ گذشتہ روز وفاقی وزیر داخلہ کے ترجمان کا کہنا تھا کہ چوہدری نثار علی خان ذاتی مصرفیات کی وجہ سے کابینہ کے اجلاس میں شریک نہیں ہوسکے، موجودہ صورتحال پر وزیرداخلہ آئندہ چند روز میں اپنا مؤقف پیش کریں گے۔

    واضح رہے کہ پاناما رپورٹ آنے کے بعد وزیراعظم کی زیر صدارت اہم اجلاس منعقد کیے گئے جس میں وفاقی وزراء، لیگی رہنماؤں نے شرکت کی جبکہ وفاقی وزیرداخلہ اجلاس میں شرکت نہیں کرسکے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔