منسک : بیلاروس کی اسٹیٹ یونی ورسٹی نے پاکستان کے وزیراعظم نواز شریف کو اعزازی ڈاکٹریٹ کی ڈگری دے دی، اس موقع پروزیراعظم کاکہنا تھا کہ تعیلیم ہماری اولین ترجیح ہے ہماری حکومت نے تعلیم کے بجٹ میں دوگنا اضافہ کیاہے۔
وزیراعظم نواز شریف ان دنوں بیلاروس کے سرکاری دورے پر ہیں، انہوں نے بیلاروس کی اسٹیٹ یونیورسٹی سے خطاب کرتے ہوئے اعزازی ڈاکٹریٹ کی ڈگری دینے پر شکرگزاری کا اظہار کیا۔
ان کا کہنا تھا کہ ہم اپنی تاریخ کے اہم ترین موڑ سے گزررہے ہیں، ہمیں سیکیورٹی اورڈیولپمنٹ سے متعلق مسائل درپیش ہیں جن پر قابو پانے کے لئے کوشاں ہیں۔
انہوں نے کہا کہ تعلیم ان کی حکومت کی اولین ترجیحات میں شامل ہے، ہماری حکومت نے تعلیم کے بجٹ کو دوگنا کیا ہے اور ہماری کوشش ہے کہ تعلیم کے بجٹ کو جی ڈی پی کے 4 فیصد تک لے جائیں۔
وزیراعظم کا کہنا تھاکہ ایشین انفرا اسٹرکچرڈیولپمنٹ بینک کا قیام اہم ہے، پاک چین اکانومک کاریڈور سے خطے کی ترجیحات بدل جائیں گی۔
ان کا کہنا تھا کہ مغربی اور مشرقی ہممسایوں کو تجارتی شاہراؤں کے ذریعے ملاناچاہتے ہیں۔
انہوں نےتقریر کا اختتام بانی پاکستان کے اس قول سے کیا کہ ’’اقوام کی فلاح و بہبود کا راز انکے دانشوروں میں پوشیدہ ہے‘‘۔
