بیجنگ :وزیراعظم نواز شریف بیجنگ میں ہونے والےتین روزہ ایپک ممالک کے اجلاس میں شرکت کیلئے چین پہنچ گئے ہیں۔
دفترِ خارجہ کے مطابق وزیرِاعظم دس نومبر کو بیجنگ میں تین روزہ اجلاس میں شرکت کریں گے، دورے کے دوران نوازشریف، چینی صدر سے ملاقات بھی کریں گے، پاکستانی وفد کےدورے کے دوران توانائی کے شعبے میں سرمایہ کاری سے متعلق معاہدے طے پانے کا امکان ہے۔
دوسری جانب وزیراعلیٰ پنجاب شہبازشریف بھی آج چین جائیں گے، ذرائع کا کہنا ہے کہ ایپک اجلاس میں شہبازشریف کو بھی خصوصی دعوت دی گئی ہے۔
اسلام آباد: وزیرِاعظم نواز شریف ایپک اجلاس میں شرکت کیلئے آج چین روانہ ہو رہے ہیں۔
دفترِ خارجہ کے مطابق دس نومبر کو بیجنگ میں ہونے والے تین روزہ ایپک اجلاس میں شرکت کیلئے وزیرِاعظم نوازشریف آج چین کیلئے روانہ ہونگے، وزیرِاعظم بیجنگ میں قیام کے دوران چینی صدر سے ملاقات بھی کرینگے۔
اس موقع پر پاکستان میں توانائی منصوبوں پر چینی سرمایہ کاری کے معاہدوں پر دستخط ہونے کا امکان ہے۔
دوسری طرف وزیراعلیٰ پنجاب محمد شہبازشریف بھی آج عوامی جمہوریہ چین جائینگے، ذرائع نے بتایا ہے کہ ایپک اجلاس میں وزیراعلیٰ شہبازشریف کو بھی شرکت کی خصوصی دعوت دی گئی ہے۔
اسلام آباد: ترجمان دفترِخارجہ تسنیم اسلم کا کہنا ہے کہ وزیرِاعظم نوازشریف کل چین کے دورے پر روانہ ہورہے ہیں، دورے میں دونوں ملکوں کے درمیان مفاہمتی یادداشتوں پردستخط ہوں گے۔
اسلام آباد میں ہفتہ وار پریس بریفنگ کے دوران دفتر خارجہ کی ترجمان تسنیم اسلم کا کہنا تھا کہ وزیرِاعظم نوازشریف کے چین کے دورے سے دوطرفہ تعلقات کو مزید فروغ ملے گا، پاکستان اور چین کے درمیان توانائی کے شعبے میں سمجھوتے کئے جائیں گے ۔
ترجمان دفتر خارجہ کا کہنا تھا کہ پاک بھارت مذاکرات خطے اور دونوں ممالک کی ضرورت ہیں۔
امریکی محکمہ دفاع کی رپورٹ کے بارے میں ان کا کہنا تھا کہ ہم نے اپنے تحفظات سے امریکی سفیر کو آگاہ کر دیا ہے، آپریشن ضربِ عضب جاری ر ہے گا، ان کا مزید کہا تھا کہ نومنتخب افغان صدر جلد پاکستان کا دورہ کریں گے۔