Tag: PM Nawaz

اسلام آباد: وفاقی وزیراطلاعات پرویز رشید نے ایک بار پھر کپتان پر چڑھائی کردی، انہوں نے کہا کہ عمران خان ملک میں عدم استحکام اوربےروزگاری چاہتےہیں،ملک جب بھی ترقی کی طرف جاتا ہے تو روڑے اٹکائےجاتےہیں۔

مظفرآباد میں پریس کانفرنس کے دوران وفاقی وزیراعلاعات پرویز رشید کا کہنا تھا کہ عمران خان نے ایک سو بیس دن سڑکوں پر کنٹینر لگا کر ملکی ترقی میں روڑے اٹکائےاوراب پھرپاناما لیکس کا بہانہ لئے سڑکوں پر آنے کی تیاری کررہے ہیں۔

ملا اخترمنصورکی ہلاکت سے متعلق سوال پر پرویزرشید نے کہا کہ ملکی خودمختاری کی خلاف ورزی سابق آمرکی پالیسیوں کانتیجہ ہے۔

پرویزرشید کامزید کہنا تھابارہ اکتوبرکےاقدام سےملک اندھیروں میں ڈوبا،ملکی وقاراورسلامتی مجروح ہوئی، عمران خان ملک میں عدم استحکام اوربےروزگاری چاہتے ہیں۔

اسلام آباد: پاکستان تحریک انصاف کے سربراہ عمران خان کہتے ہیں ملک بحران کا شکار ہے وزیر اعظم کو مستعفی ہوجانا چاہیئے ۔

اسلام آباد بنی گالہ میں صحافیوں کے وفد سے گفتگو کرتے ہوئے عمران خان کا کہنا تھا ملک بحران کا شکار ہے اور حکمران قوم سے سچ نہیں بول رہے۔

عمران خان کا کہنا تھا پرویزرشیدجیسےلوگ عوام کودھوکانہیں دےسکتے،عوام کو شعور آگیا ہے، حکمران خود کو احتساب کے لیے پیش کرنے کے بجائے قوم سے جھوٹ بول رہے ہیں۔

عمران خان کا کہنا تھاوزیراعظم نوازشریف کومستعفی ہوجانا چاہئے، فرد واحد پربحران کی وجہ سے پورے ملک کوبحران کاشکار کردیاہے،ان کا کہنا تھا انصاف نہ ملا تو تحریک انصاف سڑکوں پر نکلے گی ۔

عمران خان نے کہا کہ ملک سے دھاندلی اور کرپشن ختم کر دی جائے تو فوجی مداخلت کے امکانات دم توڑ دیں گے،موجودہ صورت حال میں فرد واحد پر بحران آیا تو اس نے پورے ملک کو بحران کا شکار کر دیا ،اب جمہوریت کو خطرہ ہوا تو ذمہ دار نواز شریف خودہوں گے۔

بات چیت کے اختتام پر پرویزرشید کو بھی تنقید کا نشانہ بناتے ہوئے کہا کہ ان جیسے لوگ اب عوام کو دھوکہ نہیں دے سکتے،آئی ایس آئی سے پیسے لینے اور سپریم کورٹ پر حملہ کرنے والے کس منہ سے جمہوریت کا درس دے رہے ہیں۔

اسلام آباد: وزیراطلاعات پرویز رشید کا کہنا ہے کہ پاکستان اور چین نے ملکرترقی کا سفر شروع کیا ہے، بندرگاہ کی تعمیر سے پورا خطہ مستفید ہوگا۔

اسلام آباد میں پاک چین دوستی کے حوالے سے منعقدہ سیمینار سے خطاب کرتے ہوئے وزیر اطلاعات پرویز رشید کا کہنا تھا کہ پاک چین تعلقات باہمی تعاون اور شراکت کی عمدہ مثال ہیں، جبکہ پاکستان اورچین کی دوستی دو ملکوں کی بجائےایک ارب سے زیادہ لوگوں کی دوستی ہے۔

ان کا کہنا تھا کہ اس دوستی نے پورے خطے اور دنیا میں امن کی کوششوں میں کردارادا کیا ہے،بندرگاہ کی تعمیر سے پورا خطہ مستفید ہوگا، اس وقت دنیا کو امن کے سوا کسی دوسری چیز کی اشد ضرورت نہیں ہے۔

وزیر اطلاعات کا کہنا تھا کہ پاکستان اور چین کی قیادت نے اقتصادی راہداری کا سفر شروع کیا ہے، اقتصادی راہداری امن اور ترقی کی شاہراہ ہوگی، جبکہ ہم آنیوالی نسلوں کوغربت اورجہالت سے پاک ملک دیں گے۔

اسلام آباد : وفاقی وزیر اطلاعات و نشریات پرویز رشید نے کہا ہے کہ اقتدار کے لئے اقدار کا جنازہ نکالنے والوں کو تاریخ کبھی معاف نہیں کرے گی۔ عمران خان تین سال سے ایک ہی تقریر کررہے ہیں۔

تفصیلات کے مطابق سوات میں عمران خان کے جلسے  سے خطاب پر مسلم لیگی رہنماؤں نے اپنے شدید ردعمل کا اظہار کیا ہے۔

اسلام آباد میں میڈیا سے گفتگو کرتے ہوئے وفاقی وزیراطلاعات و نشریات پرویز رشید نے کہا کہ وزیراعظم نواز شریف سوات میں ترقیاتی منصوبے لے کر گئے اورعمران خان ان منصوبوں پر تنقید کرنے کیلئے وہاں گئے۔

پرویز رشید نے کہا کہ نئے خیبر پختونخواہ میں اسکولوں کے بچے زمین پر بیٹھ کر پڑھتے ہیں۔ عمران خان کا دامن صاف ہوتا تو سینہ تان کر خود کو احتساب کیلئے پیش کرتے۔

انہوں نے کہا کہ عمران خان سڑک سے جاتے تو ان کو کے پی کے میں کھنڈرات کی شکل میں سڑکیں نظر آتیں۔ ان کا کہنا تھا کہ اقتدار کے لئے اقدار کا جنازہ نکالنے والوں کو تاریخ معاف نہیں کرے گی۔

دوسری جانب پنجاب کے وزیر قانون رانا ثناء اللہ نے کہا ہے کہ عمران خان رٹی رٹائی باتیں کرتے ہیں دوہزار اٹھارہ کے عام انتخابات میں ملنے والے ووٹوں سے عمران خان کا علاج ہوگا۔