اسلام آباد: وزیر اعظم میاں نواز شریف کل ترکی کے دو روزہ دورے پر روانہ ہو ں گے۔
وزیر اعظم یہ دورہ دوست ممالک کو یمن کے بحران کے حل کے لیے اعتماد میں لینے کی غرض سے کررہے ہیں۔
دورے میں نو از شریف ترک قیادت سے مشرقی وسطی کی مجموعی صورتحال پر تبادلہ خیال کرینگے۔
سفارتی حلقے یمن کی مو جودہ صورتحا ل اور سعودی اتحاد کے یمن پر فضائی حملوں کے تنا ظر میں نواز شریف کے دورے کو خا صی اہمیت دے رہے ہیں۔
اسلام آباد: وزیرِاعظم نوازشریف نے یمن کی صورتحال پر آج اجلاس طلب کر لیا ہے، سعودی عرب فوج بھیجنے یا نہ بھیجنے کا فیصلہ آج کئے جانے کا امکان ہے۔
وزیرِاعظم نواز شریف کی زیرِ صدارت اجلاس میں یمن کی صورتحال پر تبادلہ خیال کیا جائے گا، اجلاس میں وزیرِ دفاع اور مشیر خارجہ دورہ سعودی عرب اور سعودی حکام سے ملاقاتوں سے متعلق بریفنگ دیں گے ۔
اجلاس میں تینوں مسلح افواج کے سربراہوں کی شرکت بھی متوقع ہے۔
ذرائع کے مطابق اجلاس میں تعاون کی سعودی درخواست، پاک فوج کے دستے سعودی عرب بھیجنے اور یمن سے پاکستانیوں کے محفوظ انخلاء اور اس بارے میں دیگر امور کا جائزہ لیا جائے گا۔
گزشتہ روز وزیرِاعظم نواز شریف نے یمن کی صورتحال پر دوست ممالک کو اعتماد میں لینے کا فیصلہ کیا اور پہلے وزیرِ اعظم کل ترکی جارہے ہیں، وزیرِاعظم مشرق وسطیٰ کی صورتحال پر ترک قیادت سے تفصیلی تبادلہ خیال کریں گے، ملاقات میں او آئی سی کے کردار کو فعال بنانے اور مسلم ممالک کے درمیان تنازعات کے خاتمے کی حکمت عملی پر غور ہوگا۔
حکومتی ذرائع کے مطابق وزیرِاعظم اور ترک قیادت یمن کی صورتحال سے خطے میں پیدا ہونے والی کشیدگی کے خاتمے کے لیے موثر کرادر ادا کرنے کیلئے صلاح مشورہ کریں گے ۔
وزیرِاعظم مسئلہ کے حل کے لیے او آئی سی اور دیگر رکن ممالک کی قیادت سے بھی رابطے کریں گے۔
دوسری جانب سرتاج عزیز اور خواجہ آصف یمن کی صورتحال پر بات چیت کے بعد سعودی عرب سے وطن واپس پہنچ گئے۔
اسلام آباد: وزیراعظم نواز شریف نےیمن کی صورتحال پر دوست ممالک کو اعتماد میں لینے کا فیصلہ کیا ہے، پہلے مرحلے میں وہ جمعےکو ترکی جارہےہیں، سعودی عرب گیا حکومتی وفد واپس وطن پہنچ گیا۔
وزیراعظم مشرق وسطیٰ کی صورتحال پر ترک قیادت سے تفصیلی تبادلہ خیال کریں گے، ملاقات میں او آئی سی کے کردار کو فعال بنانے اور مسلم ممالک کے درمیان تنازعات کے خاتمے کی حکمت عملی پر غور ہوگا۔
حکومتی ذرائع کے مطابق وزیراعظم اور ترک قیادت یمن کی صورتحال سے خطے میں پیدا ہونے والی کشیدگی کے خاتمے کے لیے موثر کرادر ادا کرنے کیلئے صلاح مشورہ کریں گے ۔
وزیراعظم مسئلہ کے حل کے لیے او آئی سی اور دیگر رکن ممالک کی قیادت سے بھی رابطے کریں گے۔
دوسری جانب سرتاج عزیز اور خواجہ آصف یمن کی صورتحال پر بات چیت کے بعد سعودی عرب سے وطن واپس پہنچ گئے۔
اسلام آباد: یمن کی صورتحال پر بات چیت کیلئے پاکستان کا اعلی سطح کا وفد سعودی عرب روانہ ہوگیا، وزیرِاعظم نے محصور پاکستانیوں کی بحفاظت واپسی کی ہدایت کردی۔
وزیرِاعظم کی ہدایت پر پاکستان کا اعلی سطح وفد وزیرِدفاع خواجہ آصف کی قیادت میں سعودی عرب روانہ ہوگیا، روانگی سے قبل خواجہ آصف کا کہنا تھا کہ پاکستان یمن کے پُرامن حل کی حمایت کرتا ہے اور مسلم ممالک میں انتشار کے خاتمے کا خواہاں ہے، اگر سعودی عرب کی سالمیت کوخطرہ ہوا تو تمام وسائل فراہم کریں گے۔
اعلیٰ سطح وفد میں مشیر خارجہ سرتاج عزیز، ڈپٹی چیف آف ایئر اسٹاف آپریشنزایئر وائس مارشل مجاہد انور، ڈپٹی چیف آف نیول آپریشنزریئر ایڈمرل کلیم شوکت اور چیف آف جنرل اسٹاف لیفٹیننٹ جنرل اشفاق ندیم احمد شامل ہیں۔
اس سے قبل یمن کی صورتحال کے پُرامن حل، سعودی عرب کولاحق خطرات سے نمٹنے اور محصورپاکستانیوں کی بحفاظت واپسی کیسے ہو۔ وزیراعظم نوازشریف اعلی سطح کے اجلاس میں سرجوڑکر بیٹھ گئے، اجلاس میں آرمی چیف جنرل راحیل شریف بھی شریک ہوئے۔
وزیراعظم نوازشریف نے پہلے مرحلے میں پاکستانیوں کی وطن واپسی کے اقدامات پر اطمینان کا اظہار کیا اور محصور پاکستانیوں کی جلد وطن واپسی کیلئے اقدامات کی ہدایت کی۔
اسلام آباد: وزیرِاعظم نوازشریف کو یمن میں محصور پاکستانیوں کے انخلاء کی رپورٹ پیش کردی گئی، دفترِ خارجہ کا کہنا ہے کہ خانہ جنگی کے باعث عدن کے حالات خراب ہیں لیکن المکالہ سے محصورین کا انخلاء ممکن ہے۔
یمن میں جنگی بحران جاری ہیں، یمن میں محصور پاکستانیوں کے انخلاء کی رپورٹ وزیرِاعظم کو پیش کردی گئی، رپورٹ کے مطابق یمن کا شہرالمکالہ تاحال پر امن ہے اور وہاں کا ہوائی اڈہ معمول کے مطابق کام کررہا ہے۔
عدن سے ایک سو پچاس محصورین زمینی راستے المکالہ پہنچیں گے، جہاں پہلے سے موجود سو پاکستانیوں کو خصوصی طیارے کے ذریعے منگل کو پاکستان لایا جائے گا۔
محصورین کی فی الفور واپسی کیلئے کراچی سے ایک بحری جہاز بھی یمن کیلئے روانہ ہوگیا ہے۔
دفتر خارجہ کی ترجمان تسنیم اسلم کا کہنا تھا کہ عدن میں خانہ جنگی کے باعث ہوائی اور بحری راستوں سے محصورین کا انخلاء ممکن نہیں ہے۔
ترجمان کا کہنا تھا کہ المکالہ کے نزدیکی ائیرپورٹ ریان کے ذریعے انخلاء ممکن ہے اور دوسرا ممکنہ راستہ غیضہ ائیرپورٹ ہے، جہاں سے محصورین کو واپس لایا جاسکتا ہے۔
اسلام آباد: وزیرِاعظم کی ہدایت پر یمن میں محصور پاکستانیوں کے انخلاء کے لیئے پلان تیار کرلیا گیا ہے، پی ائی کے دو طیارے روانگی کے لئے تیار ہیں۔
وزیرِاعظم ہاؤس کے ترجمان کے مطابق وزیرِاعظم نے یمن سے پاکستانیوں کے فوری انخلاء کے لئے اقدامات کرنے کی ہدایت کی تھی، یمن میں ریاستی ڈھانچہ تباہ اور بیشتر ایئر پورٹس غیر فعال ہوچکے ہیں۔
یمن میں محصور پاکستانیوں کو قافلوں کی شکل میں ہمسائیہ ممالک لایا جائے گا، جہاں سے پی آئی اے کے ذریعے ان کو وطن لایا جائے گا۔
ترجمان کے مطابق یمن میں پاکستانی سفارتخانے اور ایوی ایشن کی کلیئرنس ملتے ہی پی آئی اے کے طیارے روانہ ہو جائیں گے۔
وزیرِاعظم نے یمن میں پاکستانی سفارتخانے کو ہدایت کی ہے کہ وہ پاکستانیوں کا تحفظ یقینی بنائے۔
وزیرِاعظم نے کہا کہ جہاں بھی پاکستانی مشکل میں ہیں، ہمارے دل ان کے ساتھ دھڑکتے ہیں ۔
اسلام آباد: اے آروائی یمن میں پھنسے پاکستانیوں کی آواز بن گیا، وزیراعظم میاں نواز شریف نے اے آروائی نیو زکی خبرپرنوٹس لیتے ہوئے یمن میں پھنسے پاکستانیوں کو انخلا کی ہدایت کردی۔
وزیراعظم نواز شریف نے یمن سے تمام پاکستانیوں کو نکالنے کیلئے ہنگامی بنیادوں پر اقدامات کرنے کی ہدایت کر دی ہے۔
وزیر اعظم کا کہنا ہے کہ ریاستی ڈھانچے میں پاکستانی مشکلات کاشکار ہیں اور پاکستانیوں کو یمن سے نکالنے کیلئے ہر ممکن اقدام اٹھایا جائے گا۔
اس سے قبل اے آر وائی نیوز سے خصوصی گفتگو کرتے ہوئے یمن میں اپنے اہل خانہ کے ساتھ محصور ایک پاکستانی خاتون کہتی ہیں وہاں تقریباً سات سو پاکستانی محصور ہیں۔
وزیراعظم کے نوٹس لینے سے پہلے یمن میں پھنسے خاندانوں نے انتہائی بے بسی کا اظہار کیا اور حکومت پاکستان سے فوری نوٹس لینے کی اپیل کی تھی ۔
یمن میں محصور پاکستانی کا کہنا تھا سفارت خانےنےرابطہ کیاہے لیکن ہمیں واپس بھیجنے کیلئے تاحال کوئی پلان نہیں دیا گیا، تمام پاکستانی گروپ کی شکل میں قریبی گھروں میں موجودہیں،یمن کےمقامی لوگ ہماری بھرپورمددکررہےہیں۔
اسلام آباد: وفاقی وزیراطلاعات پرویز رشید کہتے ہیں دھرنا منتخب حکومت کے خلاف سازش تھی۔
وفاقی وزیراطلاعات پرویز رشید نے کہا کہ ٹیپ نےدھرنےکی اصل حقیقت بے نقاب کردی، ٹیپ نے جاوید ہاشمی کے الزامات سچ ثابت کردئیے۔
پرویز رشید نے کہا کہ تحریک انصاف چوردروازےسےاقتدارحاصل کرناچاہتی ہے،پی ٹی وی پر حملے کے حوالے سے پی ٹی آئی کا نام شامل کرناچاہئے۔
ان کا کہنا تھا کہ وزیراعظم کےخلاف نازیبازبان کے استعمال پر ایکشن ہونا چاہئے۔
اسلام آباد: وزیرِاعظم نوازشریف سے ایم کیوایم کا وفد آج ملاقات کرے گا، ایم کیوایم نے وزیرِاعظم سے کراچی کی صورتحال پر ملاقات کے لئے وقت مانگا تھا۔
وزیرِاعظم نوازشریف سے ایم کیوایم کا وفد آج پارلیمنٹ میں ملاقات کرے گا، ایم کیو ایم کے وفد میں ڈاکٹر خالد مقبول صدیقی، فاروق ستار، رشید گوڈیل سمیت دیگر ارکان شامل ہونگے۔
ملاقات میں کراچی آپریشن سمیت شہر میں امن وامان کی مجموعی صورتحال پر تبادلہ خیال کیا جائے گا جب کہ ایم کیوایم کا وفد وزیرِاعظم کو تحفظات سے بھی آگاہ کرے گا۔
وفد وزیرِاعظم کو کراچی میں ایم کیوایم کے مرکز نائن زیرو پر رینجرزکے چھاپے کے بعد پیدا ہونے والی صورتحال سے آگاہ کریں گا اور کراچی آپریشن پر اپنا مؤقف پیش کرے گا۔
یاد رہے کہ دو روز قبل وزیرِ اعظم کراچی دورے پر آئے تھے اور ایم کیو ایم نے وزیرِاعظم سے کراچی کی صورتحال پر ملاقات کے لیے وقت مانگا تھا تاہم مصروفیات کے باعث وزیرِاعظم ایم کیو ایم کے وفد سے ملاقات نہیں کر پائے تھے۔
اسلام آباد: وزیراعظم کی زیرصدارت اعلی سطحی اجلاس میں سعودی عرب کی خودمختاری کو درپیس کسی بھی قسم کے خطرات کا پاکستان کی جانب سے بھرپور جواب دینے کا فیصلہ کیا گیا ہے۔
وزیراعظم ہاوٴس اسلام آباد میں ہونے والے اجلاس میں وزیردفاع خواجہ آصف، مشیر خارجہ سرتاج عزیز، آرمی چیف جنرل راحیل شریف،پاک فضائیہ کے سربراہ ائرچیف مارشل سہیل امان نے شرکت کی۔ اجلاس میں مشرق وسطی کی حالیہ صورتحال کا تفصیلی جائزہ لیا گیا۔
وزیراعظم کا کہنا تھا کہ پاکستان کے سعودی عرب اور دیگر خلیجی ممالک کے ساتھ برادرانہ تعلقات ہیں، اس لیے پاکستان ان کی سلامتی کو اہمیت دیتا ہے۔
اجلاس میں فیصلہ کیا گیا کہ وزیردفاع خواجہ آصف، مشیر خارجہ سرتاج عزیزاور سینئر فوجی حکام پر مشتمل ایک وفد کل سعودی عرب جائے گا، وفد سعودی عرب میں صورتحال کا تفصیلی جائزہ لے گا۔
اجلاس میں سعودی عرب کی سلامتی اور دفاع کے لیے ہر ممکن تعاون فراہم کرنے کا فیصلہ بھی کیا گیا۔