Tag: PM Shehbaz

استنبول : وزیراعظم شہباز شریف نے ترکیہ کے سرمایہ کاروں کو پاکستان میں سرمایہ کاری کی دعوت دیتے ہوئے ساٹھ دن میں ادائیگیوں کی یقین دہانی کرادی۔

تفصیلات کے مطابق وزیراعظم شہبازشریف نے پاکستان ترکیہ بزنس کونسل اجلاس سے خطاب کرتے ہوئے کہا کہ ترکیہ میں گزرا ہوا کل کا دن بہت اچھا رہا، ترکیہ پہنچنے پر میرا پرتپاک استقبال کیا گیا۔

وزیراعظم کا کہنا تھا کہ ترکیہ ہمارا دوسرا گھر ہے، تجارت اور سرمایہ کاری کو بڑھانے کے لیے اچھی گفتگو ہوئی، پاکستان ترکیہ بزنس کونسل سےدونوں ممالک میں سرمایہ کاری کو فروغ ملے گا۔

شہباز شریف نے کہا کہ ترکی میں دہشت گردوں کے حملے کی مذمت کرتا ہوں اور حملےمیں شہید ہونے والوں کے اہلخانہ سے اظہار تعزیت کرتا ہوں، دہشت گردی کی اس لعنت کو ختم کرنے میں ترکیہ کے ساتھ ہیں۔

ان کا مزید کہنا تھا کہ پاکستان نےدہشت گردی کے خلاف جنگ میں بڑی قربانیاں دی ہیں، پاکستان کےعوام ، فورسز، ڈاکٹرز اور عام عوام نے قربانیاں دی ہیں۔

وزیراعظم نے سیلاب زدگان کی مدد پر ترک صدر اور عوام کے شکریہ ادا کرتے ہوئے کہا کہ ترکیہ کی جانب سے ادویات، ڈاکٹرز اور دیگر چیزیں بھیجی گئیں، ترکیہ اور پاکستان کی دوستی کو پوری دنیا جانتی ہے، ترکیہ اور پاکستان کے دل 2 بھائیوں کی طرح جڑے ہیں۔

شہباز شریف کا کہنا تھا کہ دونوں ممالک کےدرمیان تعلقات تاریخی اور تجارتی تعلقات گہرے ہیں، پاکستان میں سیلاب سے 35ملین لوگ متاثر ہوئے، ترکیہ نے پاکستان کے مشکل وقت میں ساتھ دیا۔

انھوں نے مزید کہا کہ ہمیں ماضی کوبھلاکرتیزی سےترقی کی جانب بڑھنا ہوگا، دونوں ممالک کےدرمیان تجارت کو تیزی سے بڑھانے کی ضرورت ہے، دونوں ممالک کو کاروبار کے قوانین کو آسان بنانا ہوگا اور کاروباری رکاوٹوں کو دور کرنا ہوگا۔

وزیراعظم نے بتایا کہ بیجنگ کی طرح ترکیہ سے بھی کچھ شکایات آئی ہیں، چین نے 33 بلین ڈالر کی پاکستان میں سرمایہ کاری کی ہے، ترک صدر نے بتایا کمپنیاں پاکستان میں سرمایہ کاری کرنا چاہ رہی ہیں لیکن کمپنیوں کو ادئیگیاں نہیں ہوتیں۔

شہباز شریف کا کہنا تھا کہ اب ہماری حکومت میں اس طرح کی صورتحال کو برداشت نہیں کیا جائے گا ، دونوں ممالک کےدرمیان تعلقات خراب کرنے والے عناصرکو برداشت نہیں کیا جائے گا۔

انھوں نے ترک صدرکو یقین دہانی کرائی کہ کاروبار کے قوانین کو آسان بنایا جائے گا، تجارت کو بڑھانے کے لیے معاہدے کیے گئے ہیں۔

اسلام آباد : وزیراعظم شہباز شریف شنگھائی تعاون تنظیم کے اجلاس میں شرکت کیلئے سمرقند روانہ ہوگئے، کانفرنس میں شہباز شریف شریک رہنماؤں سے ملاقاتیں بھی کریں گے۔

تفصیلات کے مطابق وزیراعظم شہبازشریف 2روزہ دورہ ازبکستان کیلئے سمرقند روانہ ہوگئے ، خواجہ آصف، مفتاح اسماعیل اورطارق فاطمی بھی شہباز شریف کے ہمراہ ہیں۔

وزیراعظم شنگھائی تعاون تنظیم کے سربراہان مملکت کے سالانہ اجلاس میں شرکت کریں گے، اجلاس میں بھارت، چین، روس اور دیگر رکن ممالک کے سربراہ بھی شریک ہوں گے۔

شنگھائی تعاون تنظیم کے اجلاس میں موسمیاتی تبدیلی، خوراک کی حفاظت اور توانائی کی سلامتی سمیت اہم عالمی اورعلاقائی مسائل وامورپرتبادلہ خیال کیا جائے گا۔

شنگھائی تعاون تنظیم کا سربراہی اجلاس پندرہ تا سولہ ستمبرجاری رہے گا۔

وزیراعظم سمرقند ایئر پورٹ سے حضرت خضر کمپلیکس جائیں گے اور اسلام کاری موف کے مزار پر بھی جائیں گے۔

سربراہی اجلاس میں شرکت کے علاوہ وزیراعظم شہباز شریف دیگر شریک رہنماؤں سے ملاقاتیں بھی کریں گے۔

وزیراعظم صدر تاجکستان اور صدر ازبکستان سے علیحدہ علیحدہ ملاقات کریں گے جبکہ روسی صدر ولادی میرپیوٹن، ایرانی صدر، بیلا روسی صدر اورصدر کرغزستان سے بھی ملاقاتیں ہوں گی۔

شہباز شریف ازبک صدر کیطرف سے سربراہان ممالک کے اعزاز میں دیےگئےعشائیے میں شرکت کریں گے ، عشائیے کے بعد وزیراعظم کی ترکیہ کے صدر رجب طیب اردگان سے ملاقات ہوگی۔

شنگھائی تعاون تنظیم کے اجلاس کے موقع پر روسی صدر ولادیمیرپیوٹن کی چینی ہم منصب شی جن پنگ سے ملاقات بھی متوقع ہے۔

کورونا وبا کے بعد گزشتہ دوسال میں چینی صدر کا یہ پہلا غیرملکی دورہ ہے اور روسی ہم منصب سے ممکنہ ملاقات چین سے باہرکسی سربراہِ مملکت سے پہلی ملاقات ہوگی۔