Tag: PM

وزیراعظم کے خلاف توہین عدالت کی درخواست سماعت کے لیے منظور

اسلام آباد: سپریم کورٹ نے وزیراعظم نواز شریف کے خلاف توہین عدالت کی درخواستسماعت کے لیے منظور کرلی ۔

درخواست ایک شہری محمو د اختر نقوی نے شجاعت عظیم کو مشیر برائے ہوا بازی مقرر کرنے پر دائر کی تھی۔ درخواست میں موقف اختیار کیا گیا تھا کہ شجاعت عظیم دہری شہریت کے حامل ہیں۔

سپریم کورٹ کا فیصلہ ہے کہ دہری شہریت کے حامل لوگوں کو اہم اور حساس عہدوں پر تعینات نہ کیا جاسکتا، وزیراعظم نے شجاعت عظیم کو مشیر برائے ہوابازی مقرر کرکے عدالتی فیصلے کی خلاف ورزی کی ہے۔

لہذا ان کے خلاف توہین عدالت کی کارروائی کی جائے۔درخواست کی سماعت آٹھ ستمبرکوہوگی۔

ستمبر 2, 2015
لاہور: چرچ پرحملہ وزیراعظم سمیت مختلف سیاسی رہنماوں کی مزمت

لاہور: وزیراعظم نواز شریف اور سیاسی رہنمائوں نے لاہور کے گرجاگھروں میں دھماکوں کی پر زور مذمت کی ہے اور بیگناہ انسانی جانوں کے نقصان پر افسوس کا اظہار کیا ہے ۔

وزیراعظم نوازشریف اور وزیراعلیٰ شہباز شریف نے دھماکوں میں قیمتی انسانی جانوں کے ضیاع پر گہرے دکھ اور افسوس کا اظہار کیا اورواقعے کی رپورٹ طلب کر لی ۔

عمران خان نے واقعے پر افسوس کا اظہار کرتے ہوئے زخمیوں کو بہتر طبی امداد مہیا کر نے کا مطالبہ کیا ہے ۔

متحدہ قومی موومنٹ کے قائدالطاف حسین نے دھماکوں کی مذمت کرتے ہوئے کہا کہ دہشت گردی کے خلاف جاری جنگ کی سمت درست کی جائے۔

امیر جماعت اسلامی سینیٹر سراج الحق نے کہا کہ دھماکہ ملک دشمن عناصر کی بزدلانہ کارروائی ہے۔

پاکستان عوامی تحریک کے سربراہ طاہر القادری، چوھدری شجاعت حسین اور چوھدری پرویز الہی نے بم دھماکوں کی شدید مذمت‎ مزمت ہے۔

جمہوری وطن پارٹی نے جاں بحق افراد کےلواحقین سے اظہار افسوس کیا ہے، سنی تحریک کے سربراہ ثروت اعجاز قادری تحفظ عزاداری کونسل اور جعفریہ الائنس کے رہنمائوں نے واقعے کی مذمت کرتے ہوئے کہا کہ حکومت عبادت گاہوں کو تحفظ فراہم کرنے میں ناکام ہوچکی ہے۔

یونائیٹڈمنارٹی کےصدرنورس مسیح اور کرسچین ڈیموکریٹک وائس نے حکومت سے تحفظ دینے کی اپیل کی ہے۔

مارچ 15, 2015
غیر ملکی سرمایہ کاری میں ڈیڑھ فیصد کی کمی ریکارڈ

کراچی : رواں مالی سال کے پہلے سات ماہ میں غیر ملکی سرمایہ کاری میں ڈیڑھ فیصد کی کمی ریکارڈ کی گئی۔ جولائی تا جنوری غیر ملکی سرمایہ کاری کا حجم چوون کروڑ چوون لاکھ ڈالر رہا ۔

اسٹیٹ بینک کی جانب سے جاری اعداد وشمار کے مطابق رواں مالی سال کے پہلے سات ماہ میں گزشتہ مالی سال کے مقابلے میں براہ راست غیر ملکی سرمایہ کاری کےحجم میں اٹھتر لاکھ ڈالر کی کمی ریکارڈ کی گئی ۔

جنوری کے مہینے میں غیر ملکی سرمایہ کاری کا حجم ایک کروڑ تریسٹھ لاکھ ڈالر رہا، سب سے زیاد ہ غیر ملکی سرمایہ کاری دھاتی مصنوعات اور سب سے زیادہ کمی فارماسیوٹیکلز اور اوور دا کاؤنٹر پروڈکٹس میں ریکارڈ کی گئی۔

فروری 18, 2015
وزیراعظم وآرمی چیف کا دورہ کراچی اہمیت کا حامل ہے،سراج الحق

لاہور: امیر جماعت اسلامی سراج الحق نے کہا ہے کہ وزیراعظم اور آرمی چیف کا دورہ کراچی اہم ہے، امید ہے سانحہ بلدیہ ٹاؤن پر پیش رفت ہو گی، جے آئی ٹی کی رپورٹ کئی ماہ کی تفتیش کے بعد تیار کی گئی۔

تفصیلات کے مطابق شوکت خانم ہسپتال لاہور میں کسان بورڈ کے رہنماء ظفر حسین کے بیٹے کی عیادت کے بعد میڈیا سے گفتگو کرتے ہوئے امیر جماعت اسلامی سراج الحق کا کہنا تھا کہ وزیراعظم اور آرمی چیف کا دورہ کراچی اہمیت کا حامل ہے،امید ہے کہ سانحہ بلدیہ ٹاون پر اہم پیش رفت ہوگی۔

انہوں نے کہا کہ جے آئی ٹی کی رپورٹ حساس اداروں کی مدد سے مہینوں کے بعد تیار کی گئی ہے ، جو وزیر اعظم کا امتحان ہے کہ وہ سیاسی مصلحتوں کا شکار ہوتے ہیں یا مجرموں کو کیفر کردار تک پہنچاتے ہیں۔

امیر جماعت اسلامی نے کہا کہ سینٹ کے انتخابات میں ایک صوبے کے افراد کو دوسرے صوبوں کی نشستوں پر انتخابات لڑانا افسوس ناک ہے، حکومت اور تحریک انصاف کے درمیان مذاکرات کےلیے بظاہر برف پگھلتی نظر نہیں آ رہی ۔

جہانگیر ترین اور اسحاق ڈار کو سیاسی جرگہ کی طرف سے خطوط لکھ دیئے گئے ہیں۔ انہوں نے میڈیا پر زور دیا کہ وہ آصف علی زرداری اوربلاول جیسے بڑے لوگوں کے اختلافات کی بجائے عوام کے مسائل پر توجہ دے۔

سراج الحق کا کہنا تھا کہ حکومت دو سال میں عوام کو ریلیف فراہم کرنے میں ناکام رہی ہے۔

فروری 16, 2015
کے الیکٹرک صارفین پر ظلم کرنا بند کرے،ایم کیو ایم رابطہ کمیٹی

کراچی: متحدہ قومی موومنٹ کی رابطہ کمیٹی نے عالمی سطح پرپیٹرولیم مصنوعات کی قیمتوں میں ہونے والی کمی کے پیش نظروزیراعظم پاکستان کی جانب سے ملک بھرمیں بجلی کے نرخوں میں کمی کے واضح اعلان کے باوجودکے الیکٹرک ترجمان کی جانب سے بجلی کی قیمتوں میں کمی کا اطلاق کےالیکٹرک کےصارفین پرلاگونہ کرنے کی سخت ترین الفاظ میں مذمت کی ہے اوراسے کراچی کے غریب شہریوں کے ساتھ سراسرناانصافی اورکھلی کراچی دشمنی قراردیاہے۔

ایک بیان میں رابطہ کمیٹی نے کہاکہ وزیراعظم پاکستان میاں محمد نوازشریف نے اپنے حالیہ خطاب میں ملک بھر میں بجلی کے نرخوں میں2روپے32پیسے فی یونٹ کمی کااعلان کیاتھا تاہم کےالیکٹرک کی متعصب انتظامیہ وزیر اعظم کے اعلان کے برعکس ہٹ دھرمی کامظاہرہ کرتے ہوئے اعلان کررہی ہے کہ بجلی کی قیمتوں میں کمی کااطلاق کےالیکٹرک صارفین پرلاگونہیں ہوگا۔

رابطہ کمیٹی نے سوال کیا کہ کیاکراچی پاکستان کاحصہ نہیں جواس کے شہریوں کو بجلی کے نرخوں میں کمی کے اطلاق سے لا تعلق قراردیاجارہاہے؟

رابطہ کمیٹی نے کہاکہ جب بجلی کے نرخوں میں اضافے کااطلاق کراچی کے شہریوں پرلاگوکیاجاسکتاہے توکمی کے اطلاق سے لاتعلق قراردینا سراسر کراچی دشمنی ہے۔رابطہ کمیٹی نے کہاکہ ایک جانب کے الیکٹرک انتظامیہ کی ہٹ دھرمی اور نااہلی کے سبب کراچی کے شہریوں کو12سے14گھنٹے تک کی لوڈ شیڈنگ کاسامناہے ۔

جبکہ طویل لوڈشیڈنگ کے باوجودشہریوں کوہرماہ اضافی اوراووربلنگ کی مدمیں ہزاروں روپے کے بھاری بل ارسال کیے جارہے ہیں۔رابطہ کمیٹی نے کہاکہ کراچی کے شہری پہلے ہی ملک کی سب سے مہنگی ترین بجلی استعمال کرنے پرمجبورہیں اورتمام ترمالی مشکلات کے باوجودہرماہ باقاعدگی سے بجلی کے بھاری بل جمع کروارہے ہیں ۔

ایسے میں حکومت کی جانب سے بجلی کے نرخوں میں کمی سے کراچی کے غریب شہریوں کوبجلی میں کمی کے ثمرات سے محروم رکھناسراسرناانصافی اورکھلی کراچی دشمنی ہے جس کی جتنی بھی مذمت کی جائے کم ہے۔

رابطہ کمیٹی نے کے الیکٹرک انتظامیہ کوخبردارکرتے ہوئے کہاکہ وہ اپناقبلہ درست کرلے اوروزیراعظم کے احکامات مطابق کراچی میں بجلی کے نرخوں میں کمی کااعلان کرے۔

رابطہ کمیٹی نے وزیر اعظم پاکستان میاں محمدنوازشریف،وفاقی وزیرپانی وبجلی خواجہ آصف سے مطالبہ کیاکہ کےالیکٹرک کی جانب سے بجلی کے نرخوں میں کمی کے اطلاق کوکراچی کے صارفین پرلاگو کرنے سے انکارکانوٹس لیاجائے اورکراچی کے شہریوں کوبجلی کے نرخوں میں کمی کافائدہ پہنچانے میں اپناکرداراداکریں۔

دسمبر 13, 2014
لندن سرماکاری کانفرس میں وزیراعظم نواز شریف کی شرکت

لندں: وزیر اعظم پاکستان نواز شریف نے کہا ہے کہ توانائی کانفرنس سے ماہرین اور سرمایہ کاروں کوقریب آنے کاموقع ملا ہے۔ لندن میں سرمایہ کاری کانفرنس میں آج وزیراعظم نواز شریف نے شرکت کی۔

وزیر اعظم نواز شریف نے کہا کہ نجی شعبے کی سرمایہ کاری ہی پائیدار ترقی کی ضامن ہے۔ انھوں نے کہا کہ تھر کے کوئلے سے بجلی پیدا کریں گے مشکل فیصلوں کے مثبت نتائج سامنے آرہے ہیں۔

برطانوی وزیر نے وزریر اعظم کی شرکت کا خیر مقدم کرتے ہوئے کہا کہ کانفرنس کامقصد پاکستان کوتوانائی کے عالمی معیارسے آگاہ کرنا ہے اور پاکستان ترقی کررہا ہے۔

برطانوی وزیر کا کہنا تھا کہ پانچ سالہ توانائی پالیسی تیار کرنے پروزیراعظم مبارکباد کے مستحق ہیں۔ انھوں نے کہا کہ برطانیہ توانائی کے شعبے میں پاکستان سے تعاون جاری رکھے گا۔

نومبر 13, 2014
اختلاف رائے ہی جمہوریت کا حسن ہے، وزیرِاعظم

اسلام آباد: پاکستان پیپلز پارٹی اور متحدہ قومی موومنٹ کے درمیان اختلافات شدت اختیار کر گئے ہیں۔ اختلافات کی وجہ سے سندھ کی سیاسی فضا کشیدہ صورت حال اختیار کر تی جارہی ہے اور اس میں ایم کیو ایم کے وزرا کی جانب سے دیئے گئے استعفوں نے ان دونوں جماعتوں کے درمیان خلیج بڑھا دی ہے۔

تفصیلات کے مطابق ایم کیو ایم کے وفد نے فاروق ستار کی قیادت میں آج وزیر اعظم پاکستان میاں نواز شریف سے ملاقات کی اور ملاقات کے دوران پیپلز پارٹی کی جانب سے ان کے خلاف کی جانے والی زیادتیوں کی شکایات کے انبار لگا دیئے۔ ملاقات میں پیپلز پارٹی کے رہنما اور قومی اسمبلی میں اپوزیشن لیڈر خورشید شاہ کی جگہ نیا اپوزیشن لیڈر لانے کے حوالے سے بھی بات چیت کی گئی۔ ایم کیوایم کی جانب سے وزیر اعظم کو بتایا گیا کہ قائد حزب اختلاف پر عدم اعتماد برقرار ہے۔

وزیراعظم نواز شریف سے متحدہ قومی موومنٹ کے وفدکی ملاقات کے دوران موجودہ ملکی سیاسی صورتحال اور خاص طور پر سندھ میں سیاسی گرما گرمی پر تبادلہ خیال کیا گیا۔

اس موقع پر وزیر اعظم نواز شریف نے کہاہے کہ اختلاف رائے ہی جمہوریت کا حسن ہے،جمہوری قوتیں آئینی طریقہ کار کے تحت مسائل کے حل کے لئے بات چیت کا ذریعہ اپنائیں۔ انھوں نے کہا کہ پچھلے کچھ ماہ سے پارلیمانی جمہوریت اور قانون کی عملداری کے لئے تمام جماعتوں نے اپنا کردار ادا کیا۔

وزیر اعظم نواز شریف نے کہا کہ نظام کی بہتری کے لئے جمہوری اداروں کے وقار کا تحفظ ضروری ہے۔ وزیر اعظم نے منتخب جمہوری قوتوں کو متحد رہتے ہوئے ملک کی بہتری اور سلامتی سمیت سندھ میں ترقی کے لئے کام کرنے کی ضرورت پر زور دیا ۔

ملاقات میں ایم کیو ایم کی جانب سے رشید گوڈیل اور نسرین جلیل نے بھی شرکت کی جبکہ حکومت کی جانب سے وفاقی وزیر اطلاعات پرویز رشید،وفاقی وزیر برائے ریلوے خواجہ سعد رفیق اور وزیر اعظم کے پولیٹیکل سیکرٹری آصف کرمانی بھی شریک ہوئے۔

واضح رہے کہ سندھ میں خورشید شاہ کے بیان کے بعد ایم کیوایم نے سندھ حکومت سے علیحدگی اختیار کرلی تھی۔ دونوں جماعتوں کے درمیان لفظی جنگ جاری ہے۔ جس کی وجہ سے سندھ میں سیاسی گرما گرمی دیکھی جا رہی ہے ایم کیوایم نیا اپوزیشن لانے کیلئے دیگر سیاسی جامعتوں سے رابطے کر رہی ہے۔

اکتوبر 28, 2014
غیر ملکی سرمایہ کاروں کو خوش آمدید کہتے ہیں، وزیراعظم

اسلام آباد: پاکستان کے دارلخلافہ السلام آباد میں دو روزہ بین الاقوامی سرمایہ کاری کانفرنس شروع ہو گئی۔ وزیراعظم نواز شریف کہتے ہیں کہ پیداواراور توانائی کےدرمیان خلیج بڑھ گئی ہے۔

تفصیلات کے مطابق اسلام آباد میں بورڈ آف انوسٹ منٹ کے زیر اہتمام دو روزہ سرمایاکاری کانفرنس منعقد ہو ئی جس سے خطاب کے دروان غیرملکی سرمایہ کاروں کو خوش آمدید کہتے ہوئے وزیر اعظم نے کہا کہ توقع ہے اس قسم کی مزید سرمایہ کاری کانفرنسز ہوں گی۔ وزیر اعظم پاکستان نے کہا کہ پا کستان سرمایاکاری کیلئے موزوں ترین ملک ہے۔

وزیر اعظم نواز شریف نے سرمایاکاری کانفرنس سے خطاب کرتے ہوئے کہا کہ پاکستان جغرافیائی لحاظ اور افرادی قوت سےمتعلق سرمایاکاری کیلئے بھی موزوں ترین ملک ہے۔

انھوں نے کہا کہ پاکستان کی پالیسیز سرمایا کار دوست ہیں۔ وزیر اعظم کا کہنا تھا کہ حکومت کی مؤثراقتصادی پالیسی کےباعث پاکستانی روپیہ مستحکم، زمبادلہ ذخائر میں اضافہ ہوا جبکہ معاشی شرح نمو کا ہدف چار سے چھ فیصد مقرر کیا گیا ہے۔ نوز شریف کا کہنا تھا کہ حکومت ایسے اقدامات کر رہی ہے جس سے توانائی کی پیداواراور طلب کےدرمیان کی خلیج ختم ہوجائے گی۔

کانفرنس کے اختتام پر وزیر اعظم نواز شریف نے میڈیا کے نمائندوں سے گفتگو کر تے ہو ئے کہا کہ دھرنوں سے معیشت کو نقصان پہنچ رہا ہے، ترقی میں رکاوٹ ڈالنےوالےسوچیں ملک کی کیا خدمت کر رہے ہیں۔ وزیراعظم نواز شریف نے مزید کہا کہ ہمیں سیاسی پختگی کا ثبوت دینا ہوگا۔ انھوں نے کہا کہ دھرنےدھرنے ہی رہ جائیں گےملک آگےنکل جائےگا۔

اکتوبر 27, 2014
نوازشریف کا جھنگ میں سیلاب متاثرہ علاقوں کا دورہ

جھنگ: وزیر اعظم محمد نواز شریف نے کہا ہے کہ سیلاب متاثرین کی بحالی تک چین سے نہیں بیٹھیں گے، متاثرین کی بحالی کے لیے دن رات کام کر رہے ہیں۔

جھنگ میں متاثرین سیلاب سے خطاب کرتے ہوئے وزیر اعظم کا کہنا تھا کہ حکومت سیلاب زدگان کی خدمت کے فرض سے غافل نہیں ہے، وزیر اعظم کاکہنا تھا کہ دنیا میں کہیں بھی اس تیز رفتاری سے امدادی کام نہیں کئےگئے۔

وزیر اعظم نےخطاب میں امدادی سرگرمیوں کا ذکر کیا،اسکا عملی مظاہرہ بھی بہت جلد لوگوں نےدیکھ لیا، وزیراعظم کے رخصت ہوتے ہی امدادی سامان کا ٹرک بھی انتظامیہ واپس لے گئی، متاثرین سیلاب دور تک ٹرک کےپیچھےامدادکیلئےبھاگتے رہے تاہم وہ حکمرانوں کے وعدوں کی طرح امداد سے محروم رہے۔

متاثرین سیلاب وزیر اعظم کی جانب سے کی گئی جذباتی تقریر کے بعد انتظامیہ کے رویے سے کافی مایوس نظر آئے اور خالی ہاتھوں میں حکمرانوں کے وعدے لیے واپس اپنے کیمپوں کی جانب روانہ ہو گئے۔

اکتوبر 11, 2014
وزیراعظم نوازشریف کا سیلاب متاثرہ علاقوں کادورہ

سکھر: وزیراعظم نوازشریف سندھ میں سیلاب کی صورتحال کا جائزہ لینے سکھر پہنچے جہاں انہیں چیف سیکریٹری سندھ اورسیکریٹری آبپاشی نے سیلاب کی صورتحال پر بریفنگ دی ۔

وزیراعظم محمد نواز شریف سکھر پہنچے جہاں انہوں نےسندھ میں سیلاب کی صورتحال کے بارے میں معلومات حاصل کیں اور سیلاب سے متاثرہ علاقوں کا جائزہ لیا ۔ اس موقع پر وزیر اعلی سندھ بھی ان کے ہمراہ تھے،وزیر اعلی سندھ کا کہنا تھا سندھ حکومت سیلابی صورتحال سے نمٹنےکیلئےپوری طرح چوکس ہے۔

وزیر اعظم نوازشریف کو بریفنگ میں بتایا گیا کہ سیلاب سے سندھ میں کچے کے دوسو اکیاون دیہات متاثرہوئے ہیں اور ایک لاکھ چھیالیس ہزا چھہ سو پچیس ایکڑرقبہ سیلاب سےزیر آب ہے،بریفنگ میں وزیر اعظم کو بتایا گیا کہ سیلاب سےستاسی ہزار پانچ سو پچاسی افراد پر مشتمل آبادی متاثر ہوئی ہے۔

ستمبر 19, 2014