Tag: PM

واشنگٹن: وزیراعظم عمران خان سے ترک کمپنی کیلک ہولڈنگ کے چیئرمین نے ملاقات کی، اس دوران دوطرفہ تعلقات سمیت معاشی امور پر تبادلہ خیال کیا گیا۔

تفصیلات کے مطابق وزیراعظم سے ملاقات ورلڈاکنامک فورم کی سائیڈ لائن پر ہوئی۔ اس موقع پر مشیر خزانہ، مشیرتجارت رزاق داؤد، زلفی بخاری اور معیدیوسف بھی موجود تھے۔

ترکی کمپنی کے چیئرمین سے ملاقات میں عمومی سفیر برائے سرمایہ کاری علی جہانگیر صدیقی بھی شریک ہوئے۔ کیلک ہولڈنگ توانائی، تعمیرات، ٹیکسٹائل، معدنیات اور ڈیجیٹل سیکٹر میں کام کرتی ہے۔

قبل ازیں سوئٹزرلینڈ کے شہر ڈیووس میں عالمی اقتصادی فورم کے موقع پر سائد لائن میں وزیراعظم عمران خان اور امریکی صدر ڈونلڈ ٹرمپ کے درمیان ملاقات ہوئی جس میں دونوں ملکوں کے وفود بھی شامل تھے۔

امریکی صدر نے ایک بار پھر مسئلہ کشمیر پر ثالثی کی پیشکش کر دی

اس موقع پر وزیراعظم عمران خان نے کہا کہ ڈونلڈ ٹرمپ سے دوبارہ مل کر خوشی ہوئی، امریکی صدر سے افغانستان کی صورت حال پر بات ہوگی۔ انہوں نے کہا کہ پاکستان خطے میں امن کا خواہاں ہے، پاکستان خطے میں امن واستحکام کے لیے کردار ادا کرتا رہے گا۔

امریکی صدر ڈونلڈ ٹرمپ کا کہنا تھا کہ عمران خان میرے دوست ہیں، ان سے دوبارہ ملاقات پر خوشی ہوئی۔ انہوں نے کہا کہ پاکستان اور امریکا کے درمیان اچھے تعلقات ہیں۔

واضح رہے کہ امریکی صدر نے دورہ پاکستان کی بھی یقین دہانی کرائی ہے۔

اسلام آباد: وزیرمذہبی امورنورالحق قادری کا کہنا ہے کہ قائداعظم نے کہا تھا پاکستان مذاہب کو حقوق دے گا، وزیراعظم عمران خان بھی اقلیتوں کا تحفظ چاہتے ہیں۔

تفصیلات کے مطابق تقریب سے خطاب کرتے ہوئے نوارالحق قادری کا کہنا تھا کہ پاکستان کاآئین اقلیتوں کے حقوق کا تحفظ دیتا ہے، پاکستان کی بنیاد مساوات پر ہے، ریاست مدینہ میں بھی تمام مذاہب کو آزادی ہوتی تھی۔

ان کا مزید کہنا تھا کہ کشمیریوں پر ظلم وبربریت ہورہی ہے۔

خیال رہے کہ وزیراعظم عمران خان پاکستان کو مدینے کی ریاست پر استوار کرنا چاہتے ہیں۔

پاکستان میں خصوصی طور پر اقلیتوں کو حقوق دیے گئے، کرتارپورراہداری کھول کر دنیا کو پیغام دیا گیا کہ پاکستان ایک پرامن ملک ہے جہاں تمام مذاہب کے ماننے والوں کو مکمل آزادی ہے۔

واضح رہے کہ عمران خان اقتدار میں آنے سے قبل بھی ملک کو مدینے جیسی ریاست بنانے کا عزم کیا تھا۔

اسلام آباد:حکومت کا فلاحی ریاست کی جانب ایک اور اہم اقدام سامنے آگیا، گوجرانوالہ میں بھی 2 لنگر خانے کھولنے کا فیصلہ کرلیا۔

تفصیلات کے مطابق پنجاب کے شہر گوجرانوالہ میں بھی دو لنگر خانے کھولے جائیں گے، وزیراعظم کے معاون خصوصی برائے صحت ڈاکٹرظفر مرزا نے گوجرانوالہ لاری اڈہ پر پناہ گاہ بنانے کے حوالے سے دورہ کیا۔

ظفرمرزا کا کہنا ہے کہ وزیراعظم کا خواب ہے پاکستان میں کوئی نادار اور غریب بھوکانہ سوسکے، گوجرانوالہ میں 2 لنگر خانے کھولے جائیں گے، وزیراعظم عمران ایک فلاحی ریاست چاہتے ہیں۔

انہوں نے یہ بھی کہا کہ وزیر اعظم احساس پروگرام کے تحت نچلے اور نادار طبقے کو اٹھانا چاہتے ہیں۔ فروری تک گوجرانوالہ میں لنگر خانے قائم کیے جائیں گے۔ حکومت مستقبل میں مزید ایسے اقدامات کرے گی۔

اسلام آباد کے بعد تھرپارکر میں بھی لنگر خانہ کھولنے کا فیصلہ

یاد رہے کہ وزیر اعظم عمران خان نے 7 اکتوبر کو اسلام آباد میں احساس سیلانی لنگر اسکیم کا افتتاح کیا تھا، لنگر اسکیم سماجی و فلاحی بہبود کے جامع پروگرام احساس کا اہم جزو ہے۔

وزیر اعظم عمران خان نے کہا تھا کہ لنگر پروگرام کے آغاز سے انھیں بہت خوشی ہے، جب تک لوگوں کو روزگار نہیں ملتا لنگر پروگرام کو بڑھاتے رہیں گے، کم زور طبقے کی مدد کی جائے گی تو ریاست میں برکت آئے گی۔

بعد ازاں وزیر اعظم عمران خان نے لنگر خانہ پروگرام کو ملک بھر کے پس ماندہ علاقوں تک وسعت دینے کا فیصلہ کیا، اسلام آباد کے بعد اب سندھ کے ضلع تھرپارکر میں بھی لنگر خانہ کھولا جائے گا۔

کراچی: وفاقی وزیرمواصلات مراد سعید کا کہنا ہے کہ آج قومی ادارے اپنے پاؤں پر کھڑے ہورہے ہیں، معیشت بہتری کی جانب گامزن ہوچکی ہے، جلد ثمرات عوام تک پہنچیں گے۔

تفصیلات کے مطابق اے آر وائی نیوز کے مارننگ شو باخبر سویرا میں گفتگو کرتے ہوئے مراد سعید کا کہنا تھا کہ وزیراعظم نے کفایت شعاری مہم کا آغاز اپنی ذات سے کیا، عمران خان نے اپنے گھر جانے والی سڑک خود تعمیر کرائی۔

انہوں نے کہا کہ گزشتہ10برس میں بے دریغ پیسہ اپنی ذات پر خرچ کیا گیا، ماضی کی حکومتوں نے معیشت کو لوٹا۔

وزیرمواصلات کا کہنا تھا کہ ماضی کی کرپٹ حکومتوں نے رائےونڈ کی سیکورٹی پر قومی خزانے کے 214کروڑ روپے خرچ کیے گئے، بیرون ملک دوروں پر نوازشرف نے 185کروڑ روپے خرچ کے۔

وزیراعظم عمران خان نے کفایت شعاری کی نئی مثال قائم کردی

خیال رہے کہ وزیراعظم عمران خان کی کفایت شعاری مہم جاری ہے، بیرون ملک دوروں پر قومی خزانے کو لاکھوں ڈالرز کی بچت ہوئی، وزیراعظم نے بیرون ملک دوروں پر اخراجات مزید محدود کردئیے۔

وزیراعظم رواں ماہ ورلڈ اکنامک فورم میں شرکت کریں گے، عمران خان نے آئندہ ماہ ڈیوس کے اخراجات کو بھی انتہائی کم رکھنے کی ہدایت کردی ہے۔ ذرائع کا کہنا تھا کہ وزیراعظم کے 3 روزہ دورے پر 68 ہزار ڈالرز خرچ ہوں گے، سابق دور حکومت میں ڈیوس دوروں پر لاکھوں ڈالرز اڑائے گئے تھے۔