Tag: PML Q

لاہور: مسلم لیگ ق کے صدر چودھری شجاعت حسین نے ایم کیو ایم کے قائد الطاف حسین کووطن واپسی کا مشورہ دے ڈالا۔

مسلم لیگ ق کے سربراہ چودھری شجاعت حسین کا کہنا ہے کہ الطاف حسین پاکستان آجائیں انکے پاس پاسپورٹ بھی ہے، چوہدری شجاعت کا کہنا تھا کہ سانحہ ماڈل ٹاؤن کی تحقیقات ہوتیں تو فیصل آباد کا سانحہ نہ ہوتا، احتجاج اپنی جگہ مگر معیشت کو نقصان نہیں ہونا چاہئے۔

 انہوں نے حکومت سے مطابہ کیا کہ وہ پی ٹی آئی کےساتھ سنجیدہ مذاکرات کرے، انہوں نے کہا کہ آپریشن ضرب عضب میں متاثر ہونے والے قبائیلی علاقہ جات کے لوگوں کو پنجاب منتقل کر دیا جائے پنجاب کے صاحب حیثیت لوگ انکی دیکھ بھال کرسکتے ہیں،کے پی کے میں آئی ڈی پیز پر ظلم زیادتی قابل افسوس ہے۔

لاہور: پاکستان مسلم لیگ ق کے صدر چودھری شجاعت حسین اور سینئرمرکزی رہنما چودھری پرویزالٰہی نے کہا ہے کہ ہر گھر ہر گلی میں ہمارے مسلم لیگی کارکن موجود ہیں جو پارٹی پرچم تلے منظم ہونے چاہئیں۔

مسلم لیگ ہاؤس لاہور میں پارٹی کے صوبائی کنونشن سے خطاب کرتے ہوئے چوہدری شجاعت حسین اور چوہدری پرویزالٰہی نے کہا کہ اپنی ناقص کارکردگی پر عوامی غم و غصہ کے باعث ناکام حکمران بلدیاتی انتخابات سے خوفزدہ ہیں،

ان کا کہنا تھا یونین کونسل کی سطح تک فعال اور منظم ہو کر پارٹی کی تنظیم سازی میں بھرپور حصہ لیں۔ انہوں نے کہا کہ وہ موجودہ اتحادی جماعتوں کو ساتھ رکھیں گے، پارٹی کے مرکزی اور صوبائی سطح پر تھنک ٹینک قائم کیے جائیں گے جن میں سینئر رہنماء شامل ہوں گے۔