ARYNews.tv | Urdu – Har Lamha Bakhabar

Tag: PMLN

  • آمدن سےزائد اثاثوں کا الزام: نیب نےامیرمقام کوآج طلب کرلیا

    آمدن سےزائد اثاثوں کا الزام: نیب نےامیرمقام کوآج طلب کرلیا

    پشاور: قومی احتساب بیورو نے مسلم لیگ ن کے رہنما اور سابق وزیرامیر مقام کو آمدن سے زائد اثاثوں کے کیس میں طلب کرلیا۔

    تفصیلات کے مطابق مسلم لیگ ن کے صوبائی صدرامیرمقام آمدن سے زائد اثاثے بنانے کے الزام میں آج نیب خیبرپختونخواہ میں پیش ہوں گے۔

    نیب حکام کے مطابق امیرمقام کو بیان قلمبند کرانے کے لیے آج طلب کیا گیا ہے، ان پرآمدن سے زائد اثاثے بنانے کا الزام ہے۔

    قومی احتساب بیورو کے مطابق امیر مقام پراسلام آباد، لاہور اور پشاور میں جائیدادیں جبکہ سوات، شانگلہ اور پشاور میں زرعی اراضی خریدنے کا الزام ہے۔

    نیب ذرائع کے مطابق قومی احتساب بیورو امیرمقام کو آمدن سے زائد اثاثے بنانے کے کیس میں پہلے بھی دو بار طلب کرچکا ہے لیکن وہ پیش نہیں ہوئے۔

    آمدنی سے زائد اثاثے: نیب کا امیرمقام و دیگرکے خلاف کارروائی کا فیصلہ

    واضح رہے کہ رواں سال اپریل میں نیب نے خیبرپختونخواہ میں مسلم لیگ ن کے صدر امیرمقام کے خلاف آمدن سے زائد اثاثے بنانے سے متعلق تحقیقات کرنے کا فیصلہ کیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پیپلزپارٹی نے اپوزیشن جماعتوں‌ کو حلف اٹھانے پر راضی کر لیا، جنگ پارلیمنٹ میں لڑنے کا عزم

    پیپلزپارٹی نے اپوزیشن جماعتوں‌ کو حلف اٹھانے پر راضی کر لیا، جنگ پارلیمنٹ میں لڑنے کا عزم

    اسلام آباد: پاکستان پیپلزپارٹی نے تمام بڑی جماعتوں‌ کو حلف اٹھانے پر راضی کر لیا، جنگ پارلیمنٹ میں‌ لڑنے کا فیصلہ کیا گیا ہے.

    تفصیلات کے مطابق تمام بڑی جماعتیں‌ حلف اٹھانے پر راضی ہوگئیں. یہ فیصلہ پیپلزپارٹی کے وفد کی شہباز شریف سے ملاقات میں‌ کیا گیا.

    اس اہم ترین ملاقات میں‌ ملاقات میں مولانا فضل الرحمان، سعدرفیق، ایازصادق اوردیگر نے شرکت کی، اجلاس میں تمام جماعتوں کاپارلیمنٹ جانےپر اتفاق کیا، تاکہ سیاسی جنگ جمہوری انداز میں‌ لڑی جاسکے.

    ذرایع کے مطابق اجلاس میں پیپلزپارٹی نے ایم ایم اے اور ن لیگ کو حلف اٹھانے پر قائم کر لیا، پیپلزپارٹی کا موقف ہے کہ لڑائی پارلیمنٹ میں رہتےہوئے لڑی جائے.

    جماعت اسلامی نے حلف نہ لینے کی فضل الرحمان کی تجویز مسترد کردی

    یاد رہے کہ جماعت اسلامی بھی حلف نہ لینے کی فضل الرحمان کی تجویزمسترد کرچکی ہے.

    امیر جماعت اسلامی نے آج اپنے ایک بیان میں کہا کہ نئی حکومت کو کام کرنے دینا چاہیے، پارلیمنٹ میں جاکرمضبوط اپوزیشن کا کردار ادا کریں گے.

    انھوں نے کہا کہ جماعت اسلامی نے ہمیشہ جمہوریت کے لئےجدوجہد کی ہے، نئی حکومت کےاچھے کاموں کی تعریف کریں گے.

    ہمارے نمبر پورے ہیں حکومت بنانے کی پوزیشن میں آچکے ہیں: شاہ محمود قریشی

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ایازصادق نے نامناسب الفاظ کہے، ان ہتھکنڈوں‌ سے دباؤ میں نہیں آئیں گے: ترجمان الیکشن کمیشن

    ایازصادق نے نامناسب الفاظ کہے، ان ہتھکنڈوں‌ سے دباؤ میں نہیں آئیں گے: ترجمان الیکشن کمیشن

    اسلام آباد: ترجمان الیکشن کمیشن الطاف خان نےکہا ہے کہ پاکستان میں شفاف اورآزاد الیکشن کرائے، کسی دباؤ میں نہیں آئیں گے۔

    ان خیالات کا اظہار انھوں نے مسلم لیگ ن کے قائدین کے الزامات کا جواب دیتے ہوئے کیا. 

    یاد رہے کہ آج ایاز صادق، شاہد خاقان عباسی اور مریم اورنگزیب نے الیکشن کمیشن کے حکام سے ملاقات کی، جس کے بعد پریس کانفرنس میں انھوں نے چیف الیکشن کمشنر سے ملاقات نہ ہونے کا شکوہ کرتے ہوئے ادارے پر کڑی تنقید کی.

    ترجمان الیکشن کمیشن کا اس ضمن میں‌ کہنا تھا کہ ساڑھے5 بجے تک چیف الیکشن کمشنردفترمیں موجود تھے،اس وقت تک کوئی نہیں آیا، اس کےبعد چیف الیکشن کمشنرچلے گئے.

    انھوں نے کہا کہ آج مشاہدحسین سیکریٹری الیکشن کمیشن سے ملاقات کرکے گئے تھے، ایاز صادق اور شاہد خاقان امیدوارکی حیثیت سے یہاں آرہے تھے.ایازصادق نےچیف الیکشن کمشنر کے لئےنازیباالفاظ استعمال کیے.

    ترجمان الیکشن کمیشن نے کہا کہ اس قسم کے ہتھکنڈوں سے دباؤ میں نہیں آئیں گے، الیکشن کمیشن کوپارلیمنٹ نےاختیارات دیے ہیں.

    ان کا کہنا تھا کہ ملک بھرمیں شفاف انتخابات ہوئے، فارم 45 سےمتعلق شکایت ہے، تو درخواست دی جائے، ادارے کو دباؤ میں لانا درست نہیں.

    ان کا کہنا تھا کہ صاف اورشفاف انتخابات کرائے،عالمی مبصرین نے بھی تصدیق کی، الیکشن کمیشن ان ہتکنڈوں سےدباؤ میں نہیں آئے گا.

    الیکشن کمیشن کے رویے سے افسوس ہوا، چیف الیکشن کمشنراستعفیٰ دیں: ن لیگ کا مطالبہ

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • تخت پنجاب: ن لیگ مشکل میں، تحریک انصاف کی پوزیشن مضبوط

    تخت پنجاب: ن لیگ مشکل میں، تحریک انصاف کی پوزیشن مضبوط

    لاہور: تخت پنجاب کے لیےجاری سیاسی جنگ میں  تحریک انصاف کو  ن لیگ پر برتری حاصل ہے 

    تفصیلات کے مطابق وفاق کے بعد تخت لاہورمیں بھی ن لیگ کے دھڑن تختہ ہونے کا امکان ہے. تحریک انصاف نے پنجاب میں‌ حکومت بنانے کا اعلان کر دیا.

    الیکشن کمیشن آف پاکستان کے نتائج کے مطابق ن لیگ129 نشستوں کے ساتھ پہلے نمبر پر ہے، جب کہ تحریک انصاف کا 122 نشستوں کے ساتھ دوسرا نمبر ہے.

    تجزیہ کاروں‌ کے مطابق تحریک انصاف نمبرگیم میں مسلم لیگ ن کومات دے سکتی ہے، دعویٰ‌ کیا جارہا ہے کہ اٹھارہ آزاد امیدوارکل پی ٹی آئی میں شامل ہوں گے.

    ساتھ ہی تحریک انصاف کو مسلم لیگ ق کی حمایت بھی حاصل ہے، دونوں‌پارٹیوں نے عام انتخابات میں سیٹ ایڈجسمنٹ کی تھی.

    اگر تحریک انصاف کامیاب رہی، تو دس سال کے طویل عرصے بعد پنجاب میں ن لیگ اقتدارسے باہرہوجائے گی.

    حکومت بنانے کے لیے149 کا عدد درکار ہے. پی ٹی آئی نے ابتدائی طورپر18 آزاد امیدواروں سے رابطہ کیا ہے، جو جلد عمران خان کےساتھ پریس کانفرنس کریں گے.

    وزیر اعلیٰ‌ کون ہوگا؟

    اگر تحریک انصاف پنجاب میں حکومت بناتی ہے، تو پارٹی کے لیے پنجاب کے وزیر اعلیٰ کا انتخاب آسان نہیں‌ ہوگا.

    پارٹی ذرایع کے مطابق پی ٹی آئی کی جانب سے  وزیراعلیٰ کےلیےعلیم خان اور فواد چوہدری مضبوط امیدوارہیں،علیم خان کو جہانگیرترین کی حمایت بھی حاصل ہے.

    البتہ کچھ حلقوں کی جانب سے شاہ محمود قریشی کا بھی نام لیا جارہا ہے، جو ممکنہ طور پر صوبائی اسمبلی کی نشست پر دوبارہ الیکشن لڑیں‌ گے. کہا جارہا ہے کہ شاہ محمودقریشی نےوزیرخارجہ بننےسےمعذرت کرلی ہے۔

    الیکشن کمیشن کا قومی اسمبلی کی251 نشستوں پرنتائج کا اعلان

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • آل پارٹیز کانفرنس، دوبارہ انتخابات کے لیے تحریک چلانے کا اعلان

    آل پارٹیز کانفرنس، دوبارہ انتخابات کے لیے تحریک چلانے کا اعلان

    اسلام آباد: جمعیت علماء اسلام (ف) کے سربراہ مولانا فضل الرحمان نے کہا ہے کہ آل پارٹیز کانفرنس میں شریک جماعتوں نے الیکشن کو مسترد کردیا، دوبارہ انتخابات کرانے کے لیے تحریک چلائیں گے۔

    تفصیلات کے مطابق انتخابات میں مبینہ دھاندلی سے متعلق وفاقی دارالحکومت میں آل پارٹیز کانفرنس کا جمعیت علماء اسلام ف اور مسلم لیگ ن کی جانب سے کیا گیا جس میں نامور سیاسی شخصیات نے شرکت کی جبکہ ایم کیو ایم پاکستان اور پیپلزپارٹی نے آخری وقت میں انکار کیا۔

    آل پارٹیز کانفرنس کے بعد میڈیا سے گفتگو کرتے ہوئے متحدہ مجلس عمل اور جمعیت علماء اسلام ف کے سربراہ کا کہنا تھا کہ اے پی سی کی میزبانی شہبازشریف نے کی، شرکت کرنے والی تمام جماعتوں نے الیکشن اور نتائج کو مسترد کردیا۔

    اُن کا کہنا تھا کہ 25جولائی کا الیکشن عوامی مینڈیٹ پرڈاکاہے، دوبارہ شفاف انتخابات کرانےکے لیے تحریک چلائیں گے، اس ضمن میں کمیٹی تشکیل دے دی گئی جو تمام جماعتوں کے کارکنان کو متحرک کرے گی۔

    مولانا فضل الرحمان کا کہنا تھا کہ کانفرنس میں تمام جماعتوں نے اتفاق کیا کہ کوئی بھی رکن حلف نہیں اٹھائے گا البتہ شہباز شریف نے اس کی مخالفت کی، پارلیمنٹ کے اندر الیکشن کمیشن کو اختیارات دیے اور اب ملک میں ازسر نو جمہوریت کی بحالی کے لیے ہم سب آگے بڑھیں گے اور دیکھیں گے کہ یہ لوگ ایوان کس طرح چلائیں گے۔

    اُن کا کہنا تھا کہ شہباز شریف کل اپنی پارٹی سے مشاورت کریں گے جبکہ پیپلزپارٹی سےبھی رابطہ کیا جائے گا اُس کے بعد آئندہ کے لائحہ عمل طے کیا جائے گا۔

    بعد ازاں شہباز شریف نے میڈیا سے گفتگو کرتے ہوئے کہا کہ ’تمام جماعتیں متفق ہیں کہ انتخابات میں بدترین دھاندلی کی گئی، اگلےچندروزمیں آئندہ کےلائحہ عمل کااعلان کریں گے‘۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • آزاد امیدواروں سے رابطے میں‌ ہوں، فارورڈ بلاک بنیں گے: پرویز الہیٰ

    آزاد امیدواروں سے رابطے میں‌ ہوں، فارورڈ بلاک بنیں گے: پرویز الہیٰ

    لاہور: مسلم لیگ ق کے سینئر رہنما پرویز الہیٰ نے کہا ہے کہ آزاد امیدواروں سے رابطے میں‌ ہوں، فارورڈ بلاک بنیں گے.

    ان خیالات کا اظہار انھوں نے اے آر وائی نیوز کی الیکشن ٹرانسمیشن میں‌ گفتگو کرتے ہوئے کیا.

    چوہدری پرویز الہیٰ‌ نے کہا کہ پنجاب کو چلانا اتنا آسان کام نہیں ہے، پنجاب کی وزارت اعلیٰ کے لئےعمران خان سےبات ہوگی.

    ان کا کہنا تھا کہ ہماری تحریک انصاف کے ساتھ سیٹ ایڈجسٹمنٹ ہوئی ہے، پانچ سال سےہم تحریک انصاف کےساتھ چل رہے تھے.

    انھوں نے کہا کہ پنجاب میں ق لیگ کے 8 ارکان ہیں، قومی اسمبلی میں ہماری 5 سیٹیں ہیں، ہم اپنوں کےساتھ چلیں گے، مخالفوں کےساتھ نہیں.

    انھوں نے مزید کہا کہ پنجاب میں‌ فارورڈبلاک بنیں گے، پہلےبھی بنتےرہے ہیں، آزادامیدواروں کےساتھ میرےرابطےہورہےہیں.

    ایک سوال کے جواب میں انھوں نے کہا کہ چوہدری نثارکےساتھ میراکوئی رابطہ نہیں ہوا.

    واضح رہے کہ الیکشن کمیشن کی جانب سے نتائج کا سلسلہ جاری ہے۔ اب تک قومی اسمبلی کی 251، جبکہ پنجاب کی 289، سندھ 118، خیبرپختونخواہ کی 95 اوربلوچستان کی 45 نشتوں کےحتمی نتائج کا اعلان کیا گیا ہے۔

    الیکشن کمیشن کے مطابق پاکستان تحریک انصاف 115 نشستوں کے ساتھ سرفہرست ہے جبکہ مسلم لیگ ن 62 کے ساتھ دوسرے جبکہ پیپلزپارٹی 43 نشستوں کے ساتھ تیسرے نمبر پر ہے۔

    الیکشن 2018: تحریک انصاف کو واضح برتری حاصل

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • حلقہ این اے 249، شہباز شریف کی دوبارہ گنتی کی درخواست مسترد

    حلقہ این اے 249، شہباز شریف کی دوبارہ گنتی کی درخواست مسترد

    کراچی: الیکشن کمیشن آف پاکستان کے ریٹرننگ افسر نے قومی اسمبلی کے حلقہ این اے 249 سے شہبازشریف کی درخواست مسترد کردی، تحریک انصاف کےفیصل واؤڈا کو آر او نے فاتح امیدوار قرار دے دیا۔

    تفصیلات کے مطابق شہباز شہریف نے کراچی کے قومی اسمبلی کے حلقے این اے 249 سے انتخاب لڑا جس میں انہیں تحریک انصاف کے امیدوار فیصل واؤڈا نے بہت کم مارجن سے شکست دی۔

    شہبازشریف نے ووٹوں کی دوبارہ گنتی کے حوالے سے الیکشن کمیشن میں درخواست دائر کی جس میں مؤقف اختیار کیا گیا کہ ریٹرننگ افسر ایک بار پھر ووٹوں کی گنتی کرے کیونکہ ہمارے پولنگ ایجنٹس کو باہر نکال دی گیا تھا۔

    مزید پڑھیں: قومی اسمبلی میں تحریک انصاف کی 114 نشستیں ہیں: ایڈیشنل ڈائریکٹر الیکشن کمیشن

    ریٹرننگ افسر نے شہبازشریف کی درخواست مسترد کرتے ہوئے مؤقف اختیار کیا کہ ’پولنگ کے دوران امیدوار کی شکایت پر آر او کارروائی کا حق رکھتا ہے لہذا درخواست گزار کو اُسی وقت اپنے تحفظات کا اظہار کرنا تھا‘۔

    الیکشن کمیشن آف پاکستان نے قومی اسمبلی کے حلقہ این اے 249 سے تحریک انصاف کے امیدوار کو کامیاب قرار دیا۔

    خیال رہے کہ الیکشن کمیشن آف پاکستان نے قومی اسمبلی کی 251 نشستوں کے نتائج جاری کردیے جس کے مطابق تحریک انصاف 114 کے ساتھ پہلے نمبر پر ہے، پی ٹی آئی نے کراچی سے قومی اسمبلی کی 12 نشستیں حاصل کیں۔

    یہ بھی پڑھیں: الیکشن 2018: عمران خان کی پانچوں حلقوں پر کامیابی، نیا ریکارڈ بنادیا

    غیر سرکاری تنظیم فافن نے انتخابی عمل کو بہتر قرار دیتے ہوئے رپورٹ جاری کی جس کے  مطابق ملک بھر میں ووٹنگ کا ٹرن آؤٹ 53 فیصد سے زائد رہا یعنی رجسٹرڈ ووٹرز کی نصف آبادی نے اپنا حق رائے دہی استعمال کیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • چیف جسٹس آزاد کمیشن بنائیں، ثبوت پیش کروں گا، فرخ وحید

    چیف جسٹس آزاد کمیشن بنائیں، ثبوت پیش کروں گا، فرخ وحید

    کراچی: سابق ایس ایچ او فیصل آباد فرخ وحید نے کہا ہے کہ مجھے اور اہل خانہ کو کچھ ہوا تو رانا ثنا اللہ ذمہ دار ہوں گے، چیف جسٹس آزاد کمیشن بنائیں تو ثبوت پیش کرسکتا ہوں۔

    اے آر وائی نیوز کے پروگرام مٰں گفتگو کرتے ہوئے سابق ایس ایچ او فیصل آباد کا کہنا تھا کہ ’یہ لوگ پولیس کے ذریعے غلط کام کراتے تھے، رانا ثناء اللہ مجھے قتل کرنا چاہتے ہیں اگر مجھے یا اہل خانہ کو کچھ ہوا تو سابق صوبائی وزیر قانون ذمہ دار ہوں گے‘۔

    فرخ وحید کا کہنا تھا کہ لندن میں مجبوری کی وجہ سے بیٹھا ہوں مگر وطن واپس آنے کا خواہش مند ہوں، اگر چیف جسٹس آف پاکستان آزاد کمیشن بنائیں تو تمام ثبوت پیش کروں گا کیونکہ راناثناء اللہ مجھ سےجو کچھ کراتےرہے سارےثبوت موجودہیں۔

    مزید پڑھیں: عابد باکسر کے بعد پنجاب کے ایک اور سابق پولیس افسر کا ویڈیو بیان سامنے آگیا

    سابق ایس ایچ او فرخ وحید کا کہنا تھا کہ بھولاگجرکو راناثناء اللہ نےقتل کرایا اس بات کا اعتراف خود نوید کمانڈو نے بھی کیا تھا،  موجودہ احتساب کو دیکھ کرضمیرجاگ اٹھا، پہلےحالات سازگارنہیں تھےاس لیےخاموش رہا۔

    اُن کا کہنا تھا کہ سوشل میڈیاکےذریعےعوام کیلئےاپناویڈیوپیغام بھیجا اب تحقیقات کے لیے چیف جسٹس آف پاکستان کو خود تحریری درخواست بھیجوں گا،  راناثنا اللہ نے میرےدوست تو نہیں اس لیےکام کے لیے ہی کال کیاکرتےتھے، اعتراف کرتا ہوں کہ بطور پولیس افسر صوبائی وزیر قانون کاساتھ دیتارہا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ن لیگی کارکن ووٹ کی عزت نوٹ کے ذریعے خاک کرنے میں مصروف، ویڈیو وائرل

    ن لیگی کارکن ووٹ کی عزت نوٹ کے ذریعے خاک کرنے میں مصروف، ویڈیو وائرل

    حافظ آباد: ووٹ اور ووٹر کو عزت دو کے نعرے لگانے والے خود ہی ووٹ کی عزت کو نوٹ کے ذریعے خاک میں ملانے میں مصرف ہیں۔

    تفصیلات کے مطابق حافظ آباد میں مسلم لیگ ن کے کارکنان نوٹ کے بدلے ووٹ مانگتے پکڑے گئے، ووٹرز کو پیسے باٹنے کی ویڈیو اے آر وائی نیوز نے حاصل کرلی۔

    ویڈیو میں دیکھا جاسکتا ہے کہ حافظ آباد میں مسلم لیگ ن کے رہنما ریاض تارڑ کی انتخابی مہم کے دوران لیگی کارکنان لوگوں کو قائل اور اپنی طرف مائل کرنے کے لیے نوٹ تقسیم کر رہے ہیں۔

    ووٹ حاصل کرنے کے لیے مسلم لیگ ن نے ووٹ کی حرمت اور عزت کو ہی فروخت کرنا شروع کردیا، عوام کے ووٹ پیسوں کے ذریعے خریدنے لگے ہیں۔

    الیکشن 2018 کے تاریخی لمحات: انتخابی مہم کا وقت ختم

    خیال رہے کہ آج 24 جولائی سے الیکشن 2018 کے سلسلے میں سیاسی جماعتوں کی انتخابی مہم کا وقت ختم ہو گیا ہے، ایک دن بعد قوم اپنے مستقبل کا فیصلہ کرے گی۔

    واضح رہے کہ رات کے بارہ بجتے ہی ملک بھر میں ووٹرز کو مائل اور قائل کرنے کا وقت ختم ہو گیا، سیاسی شخصیات نے انتخابی مہم روک لی ہے۔

    یاد رہے کہ ملک میں جاری الیکشن 2018 کے تاریخی لمحات اپنے اختتام کی جانب بڑھ رہے ہیں، ملکی جمہوری تاریخ کا ایک اور سنگ میل عبور ہونے میں ایک دن رہ گیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • اڈیالہ میں گورنر راج، نوازشریف کی خفیہ ملاقاتیں

    اڈیالہ میں گورنر راج، نوازشریف کی خفیہ ملاقاتیں

    راولپنڈی: نیب عدالت سے سزا یافتہ مجرم نواز شریف اور کپیٹن صفدر نے اڈیالہ جیل میں خفیہ وی آئی پی ملاقاتیں شروع کردیں۔

    ذرائع کے مطابق گورنر پنجاب رفیق رجوانہ اور خیبرپختونخواہ کے گورنر ظفر اقبال جھگڑا نے نوازشریف سے ملاقات کے لیے اپنے عہدے کا ناجائز استعمال کیا اور انتظامیہ سے اجازت لیے بغیر اڈیالہ پہنچے۔

    دونوں گورنروں سے مجرم نوازشریف نے خفیہ طور پر ملاقات کی جس میں مریم نواز، کپٹن صفدر بھی موجود تھے، آدھے گھنٹے سے زائد وقت تک جاری رہنے والی ملاقات کے بعد رفیق رجوانہ اور اقبال جھگڑا پنجاب ہاؤس واپس چلے گئے۔

    دوسری جانب  وزیر اعظم نواز شریف کے ابتدائی طبی معائنے کی رپورٹ سامنے آگئی، جس میں ڈاکٹرز نے ایون فیلڈ ریفرنس کے مجرم کی صحت کو تسلی بخش قرار دیا اور ادویات روزانہ کی بنیاد پر کھانے کی ہدایت کی۔

    دس سالہ قید کی مدت شروع ہوئے نو روز ہی گزرے تھے کہ نوازشریف کی بیماری کی خبریں سامنے آنے لگیں، لیگی قیادت نے علالت پر بنا تحقیق کے جیل انتظامیہ پر الزامات عائد کیے۔

    سابق وزیر اعظم کی صحت کے حوالے سے خبریں سامنے آنے کے بعد صدرِ پاکستان ممنون حسین نے نواز شریف کے مکمل علاج کو یقینی بنانے اور تمام سہولیات فراہم کرنے کی ہدایت کی۔

    دوسری طرف آئی جی جیل خانہ جات نے اڈیالہ جیل کے قیدی کی صحت کی خرابی پر تبصرہ کرتے ہوئے کہا ہے کہ جیل میں آ کر سب ہی بیمار ہو جاتے ہیں، جب مریم اور صفدر ٹھیک ہیں تو نواز شریف کیوں بیمار ہو گئے۔

    جیل انتظامیہ نے پمز اسپتال کے پانچ رکنی میڈیکل بورڈ سے نوازشریف کی صحت کا معائنہ کروایا جنہوں نے خون، پیشاب، شوگر وغیرہ کے ٹیسٹ کیے جن کی رپورٹس کو بورڈ نے تسلی بخش قرار دیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔