Tag: PMLN

لاہور: مسلم لیگ ن کی رہنما مریم نواز کا کہنا ہے کہ ملکی ہر بیماری کا علاج ’ووٹ کو عزت دو‘ میں ہے، ووٹ کی عزت اور حرمت پامال ہوئی ہے اس کے گواہ پارٹی کے ٹکٹ ہولڈرز ہیں۔

اے آر وائی نیوز کی رپورٹ کے مطابق مسلم لیگ ن کی رہنما مریم نواز نے پارٹی مشاورتی اجلاس سے خطاب کرتے ہوئے کہا کہ نواز شریف نے کہا بیٹی بیگ تیار کرلو سینہ تان کے گرفتاری دینا، نواز شریف کا مقدمہ گلی گلی، محلے تک پہنچ گیا ہے، ان کی آواز گلی محلوں تک پہنچانے میں میڈیا کا کردار ہے۔

انہوں نے کہا کہ جب آپ ڈھول بجائیں گے تو بشیر میمن کی گواہی کی آواز آئے گی، جب آپ ڈھول بجائیں گے تو شوکت عزیز صدیقی کی گواہی کی آواز آئے گی، پیزے کی آوازیں آئیں گی۔

مزید پڑھیں: مولانا فضل الرحمان اور مریم نواز کے حکومت پر کڑی تنقید

مریم نواز نے کہا کہ کارکنوں کو یقین دلانا چاہتی ہوں کہ انہیں اکیلے نہیں چھوڑا، قربانی کے وقت کنٹینر میں لوگ چھپ جاتے ہیں کارکن آگے کردیتے ہیں، قربانی دینے کے وقت مریم نواز کو پہلی صف میں کھڑے دیکھیں گے۔

مسلم لیگ ن کی رہنما نے کہا کہ جب بھی نواز شریف پر امتحان کا وقت آیا اللہ نے فتح دلوائی، ہماری تحریک کامیاب ہوگی، آئین اور قانون کا سر نہیں جھکنے دیں گے۔

مریم نواز نے کہا کہ کارکنان وعدہ کریں پی ڈی ایم تحریک میں شانہ بشانہ شریک ہوں گے، عوام اور نواز شریف نے پی ڈی ایم سے امیدیں وابستہ رکھیں۔

اسلام آباد: مسلم لیگ ن کی رہنما اور نواز شریف کی صاحبزادی مریم نواز نے کہا ہے کہ میں خاموش تھی اس کی بہت سی وجوہات تھیں، مجھے میڈیا پر دکھانے پر بھی پابندی ہے۔

تفصیلات کے مطابق مسلم لیگ ن کی رہنما مریم نواز نے میڈیا سے گفتگو کرتے ہوئے کہا کہ ن لیگ کا شکریہ ادا کرتی ہوں، شاہد خاقان عباسی میرے بڑے بھائی ہیں، شاہد خاقان کی جتنی تعریف کی جائے کم ہے۔

انہوں نے کہا کہ میری خاموشی کے پیچھے بہت سی وجوہات تھیں، مجھے میڈیا پر دکھانے پر بھی پابندی ہے، آج مجھ سے زیادہ میڈیا پر سینسر شپ ہے، میڈیا پر ایسا برا وقت کبھی نہیں آیا تھا۔

مریم نواز نے کہا کہ میڈیا میں باتیں آئیں کہ میاں صاحب نے کہا مریم کے بغیرعلاج نہیں کراؤں گا، یہ باتیں ٹھیک نہیں، علاج میاں صاحب کرائیں گے۔

انہوں نے کہا کہ کہا جاتا ہے مریم کے بھائی، اہلخانہ موجود ہیں لندن میں علاج کے لیے، میرا دل بھی کرتا ہے کہ میں والد کے ساتھ رہوں، میری والد کے ساتھ رہنے کی جائز خواہش ہے، میری خواہش کو سیاست کی نذر نہیں کرنا چاہئے۔

مریم نواز کا کہنا تھا کہ سویلین بالادستی کے لیے میرا عزم اور مضبوط ہوا ہے، میں پارٹی کی ڈسپلن پر چل رہی ہوں، جب پارٹی نے کہا کہ مجھے آگے آکر کردار ادا کرنا چاہئے تو آپ پیچھے نہیں دیکھیں گے۔

انہوں نے کہا کہ یہ بات سچ ہے کہ میری بہن اور بھائی والد کی ہر طرح سے خدمت کررہے ہیں لیکن میں بھی ان کی اولاد ہوں، میرا بھی دل کرتا ہے کہ میں ان سے ملوں۔