ARYNews.tv | Urdu – Har Lamha Bakhabar

Tag: police and rangers

  • ایم کیو ایم لندن کیخلاف بڑے پیمانے پر کریک ڈاؤن کا فیصلہ

    ایم کیو ایم لندن کیخلاف بڑے پیمانے پر کریک ڈاؤن کا فیصلہ

    کراچی : ایم کیو ایم لندن کی جانب سے کورنگی میں نکالی جانے والی ریلی کے بعد کراچی میں بڑے پیمانے پر کریک ڈاؤن کا فیصلہ کرلیا گیا۔

    اس حوالے سے ذرائع کا کہنا ہے کہ حکومت سندھ اور سیکیورٹی اداروں کو ایم کیو ایم لندن کیخلاف سخت کارروائیوں کا حکم جاری کردیا گیا ہے۔

    احکامات ملتے ہی متعلقہ افسران کی جانب سے کراچی کے علاقے کورنگی کی ریلی میں شریک ایم کیوایم لندن کے کارکنان کی گرفتاریوں کا آغازکردیا گیا۔

    ذرائع کے مطابق کورنگی اور لانڈھی میں پولیس اور رینجرز کی چھاپہ مار کارروائیاں جاری ہیں، اعلیٰ سرکاری حکام کا کہنا ہے کہ ایم کیو ایم لندن ملک دشمن سرگرمیوں میں ملوث رہی ہے۔

    حکام کے مطابق بھارتی خفیہ ایجنسی را سے تعلق رکھنے والے گروپ کو ملک میں سیاسی سرگرمیوں کی اجازت نہیں دی جاسکتی۔

    اعلیٰ حکام کا فیصلہ ہے کہ ایم کیوایم لندن کو کسی صورت سیاسی سرگرمیوں کی اجازت نہیں دی جائے گی، کورنگی میں ریلی کے منتظمین اور متعدد شرکاء کو شناخت کرلیا گیا ہے انہیں بہت جلد گرفتار کرلیا جائے گا۔

  • سنٹرل جیل کراچی میں پولیس اور رینجرزکا سرچ آپریشن شروع

    سنٹرل جیل کراچی میں پولیس اور رینجرزکا سرچ آپریشن شروع

    کراچی: سینٹرل جیل میں رینجرز اور پولیس کی بھاری نفری سر چ آپریشن کے لیے پہنچ گئی ہے ، جیل کی آج مکمل طور پر تلاشی لی جائے گی۔

    تفصیلات کے مطابق قانون نافذ کرنے والے اداروں نے سنٹرل جیل کراچی کی مکمل تلاشی لینے کا فیصلہ کیا ہے ، جس کے لیے پولیس اور رینجرز کی بھاری نفری نے آپریشن کا آغاز کردیا ہے۔

    ذرائع کا کہنا ہے کہ سرچ آپریشن جیل میں قید مجرموں کے پاس ممنوعہ اشیا کی موجودگی کی اطلاع پر کیا جارہا ہے ، ان ممنوعہ اشیا میں موبائل فون، منشیات اور اسلحہ بھی شامل ہے۔

    گزشتہ رات قانون نافذ کرنے والے اداروں نے جیل سےمتصل غوثیہ کالونی میں سرچ آپریشن کیا تھا۔ اس آپریشن کےدوران 75 سےزائد گھروں کی تلاشی لی گئی جبکہ 100 سےزائدافرادکےکوائف چیک کیےگئے تھے۔

    ذرائع کا کہنا ہے کہ جن افراد کے کوائف کی جانچ پڑتال کی گئی تھی ان میں سے کچھ افراد کےکوائف کی تصدیق نہ ہوسکی تھی ، جس پر تحقیقات جاری ہیں، تاہم یہ معلوم نہیں ہوسکا ہے کہ آیا ان افراد کو حراست میں لیا گیا ہے یا نہیں۔

    یاد رہے کہ کراچی کی سنٹرل جیل کا شمار پاکستان کی بڑی جیلوں میں ہوتا ہے جس میں 6000 قیدی بند ہیں۔ ان میں سے کچھ دہشت گردی کے سنگین ترین واقعات میں ملوث سزا یافتہ افراد بھی ہیں جیسے کہ سابق صدر پرویز مشرف پر قاتلانہ حملے میں ملوث افراد بھی یہی قید ہیں۔

    گزشتہ سال جون میں بھی اسی نوعیت کا سرچ آپریشن سنٹرل جیل کراچی میں کیا گیا تھا، 12 گھنٹے جاری رہنے والے اس آپریشن میں بھاری مقدار میں منشیات کے ساتھ ساتھ جیل کی بیرکوں سے لیپ ٹاپ اور موبائل فون بھی برآمد کیے گئے تھے ۔ جیل میں موبائل سگنلز کی روک تھام کے لیے جیمر لگے ہوئے ہیں تاہم کچھ مجرموں کے پاس سے ایسی ڈیوائسز بھی برآمد ہوئیں جو کہ جیمر کو ناکارہ کردیتی ہیں۔

  • آپریشن ردالفساد: مختلف علاقوں سے متعدد دہشتگرد گرفتار، اسلحہ برآمد

    آپریشن ردالفساد: مختلف علاقوں سے متعدد دہشتگرد گرفتار، اسلحہ برآمد

    اسلام آباد / لاہور / بہاولپور : ملک بھر میں پوری قوت کے ساتھ آپریشن ردالفساد جاری ہے، اسلام آباد میں پولیس اور رینجرز نے سہالہ کے مختلف علاقوں ڈھوک حیدر، ڈھوک ولایت اورچک مورہ میں سرچ آپریشن کرکے دو مشکو ک افراد کو گرفتار کرلیا۔

    گرفتار ملزمان کی نشاندہی پر اسلحہ بھی برآمد ہوا ہے۔ جس میں 6ایس ایم جیز 7بارہ بور ،رائفلرز ، پسٹلز ،اور گولیاں شامل ہیں، بعدازاں زیرحراست افراد کیخلاف مقدمہ درج کرکے انہیں متعلقہ تھانے منتقل کردیا گیا۔

    دوسری جانب لاہور میں پولیس نے بادامی باغ میں سرچ آپریشن کرکے تین افغانیوں سمیت بیس افراد کو گرفتار کرلیا۔ چشتیاں میں پولیس اور حساس اداروں نے سرچ آپریشن کرکے آٹھ افراد کو دھرلیا۔

    اس کے علاوہ بہاولپور میں بائیس مقامات پر سرچ آپریشن کیا گیا اور چار سو افراد کی بائیو میٹرک تصدیق کی گئی۔ لیاقت پور میں پولیس نے مختلف علاقوں میں کریک ڈاؤن کرکے پانچ ملزمان کو حراست میں لے کر ہتھکڑیاں لگادیں۔

  • کراچی :رینجرز اور پولیس کی ٹارگٹڈ کارروائیاں، تین دہشتگرد ہلاک، دو ٹارگٹ کلرز گرفتار

    کراچی :رینجرز اور پولیس کی ٹارگٹڈ کارروائیاں، تین دہشتگرد ہلاک، دو ٹارگٹ کلرز گرفتار

    کراچی : مختلف علاقوں میں رات گئے رینجرز اور پولیس کی ٹارگٹڈ کارروائیوں میں تین دہشتگرد مارے گئے جبکہ دو ٹارگٹ کلرز کو اسلحہ اور بارود سمیت گرفتار کرلیا۔

    کراچی میں قانون نافذ کرنے والے اداروں کی تابڑ توڑ کارروائیاں جاری ہے، رینجرز نے رات گئے لیاری کے علاقے گل محمد لین میں ٹارگٹڈ کارروائی کی، دہشتگردوں نے رینجرز کو دیکھتے ہی فائرنگ شروع کردی، فائرنگ کے تبادلے میں تین دہشتگرد مارے گئے۔

    دوسری جانب رضویہ کے علاقے میں پولیس نے کارروائی کےدوران دو ٹارگٹ کلرز کو گرفتار کرلیا، پولیس کے مطابق ٹارگٹ کلر محمد شاہد عرف بچنگا اورمحمد علی عرف علی شوٹر نے دوران تفتیش اورنگی ٹاؤن ،بلدیہ سمیت مختلف علاقوں میں بارہ افراد کی ٹارگٹ کلنگ کا اعتراف کیا ہے۔

    پولیس نے صدر کے مضافاتی علاقوں میں بھی سرچ آپریشن کے دوران پچیس مشتبہ افراد کو حراست میں لے کر تفتیش شروع کردی ہے۔

  • کراچی میں کالعدم تنمظیم کے تین کارندے مقابلے میں ہلاک

    کراچی میں کالعدم تنمظیم کے تین کارندے مقابلے میں ہلاک

    کراچی:قانون نافذ کرنے والے اداروں نے شہر کے علاقے اتحاد ٹاؤن میں ایک کاروائی کے دوران کالعدم تنظیم کے تین دہشت گرد مار گرائے۔

    تفصیلات کے مطابق ٹارگٹڈ آپریشن گزشتہ روز گرفتارکئےگئےملزم کی نشاندہی پر کیا گیا۔ اتحاد ٹاون میں پولیس مقابلےمیں تین ملزمان مارے گئے ،مقابلے میں دوپولیس اہلکاربھی زخمی ہوئے۔پولیس کے مطابق مقابلےمیں ہلاک ہونے والے افراد کا تعلق کالعدم تنظیم سے ہے، ملزمان کے قبضے سے اسلحہ اور دستی بم بھی برآمد ہوئے ۔

    بلدیہ اتحاد ٹاون میں سی ٹی ڈی سےمقابلےمیں 5دہشتگردہلاک

    پولیس ذرائع کے مطابق کالعدم تنظیم کے کارندوں کے ساتھ یہ مقابلہ بلدیہ ٹاؤن میں ڈی 11 بس اسٹاپ کے نزدیک پیش آیا۔

    دوسری جانب کراچی کےعلاقے گلستان جوہرمیں رینجرز نےٹارگٹڈآپریشن کرتے ہوئےچارافراد کو حراست میں لےلیا۔

    اتحاد ٹاؤن میں پیش آنے والے واقعے کے بعد شہر کے مختلف علاقوں میں پولیس اور رینجرز کی جانب سے کی گئی کاروائیوں میں کل 10 افراد کو حراست میں لیا گیا ہے۔

  • کراچی میں دہشت کا راج، 11 افراد جاں بحق

    کراچی میں دہشت کا راج، 11 افراد جاں بحق

    کراچی: شہر کے مختلف علاقوں میں فائرنگ سے 2 سیاسی کارکنان سمیت 11 افراد جاں بحق ہوگئے لیاری میں رینجرز کی چوکی کے قریب کریکر دھماکہ دو اہلکاروں سمیت تین زخمی جبکہ لیاری میں ہی مقابلے میں گینگ وار کا ایک ملزم مارا گیا۔

    پولیس کی مطابق لیاری میں گینگ وارکے درمیان تصادم اور فائرنگ سے دو افراد جاں بحق ہوگئے ،گینگ وار کے جاری تصادم کے باعث کئی علاقوں میں کاروباری مراکز بند ہوگئے جس کے بعد پولیس اور رینجرز نے آپریشن کرکے گینگ وار کے ایک ملزم مارا گیا پولیس کاکہنا ہے کہ مارے جانے والے شعیب عرف ریمبو کا تعلق فیصل پٹھان گروپ سے ہے۔

    ایم اے جناح روڈ رمپا پلازہ کے قریب نامعلوم افراد کی فائرنگ سے دو افراد جاں بحق ہوگئے مقتولین کی شناخت مدثر الہی اور اجمل کے نام سے ہوئی، لیاری میں کمیلا اسٹاپ کے قریب رینجرز کی چوکی پر کریکر حملے میں دو رینجرز اہلکاروں سمیت تین افرادزخمی ہوگئے، زخمی اہلکاروں کی شناخت مشتاق نور اور رحمت بخش کے نام سے ہوئی ہے جبکہ ایک راہ گیر بھی زخمی ہوا ہے واقعے کے بعد رینجرز کی اضافی نفری کو طلب کرکے ملزمان کی تلاش کیلئے سرچ آپریشن کیا جارہا ہے۔

    کورنگی تین نمبر میں نامعلوم افراد کی فائرنگ سے ایک شخص جاں بحق اور ایک زخمی ہوگیا، مقتول کی شناخت کامران ابرار اور زخمی کی شناخت ذیشان کے نام سے ہوئی ہے ۔ قصبہ کالونی میں فائرنگ سے ایک شخص جان کی بازی ہارگیا۔ کورنگی اللہ والا ٹاون میں گھر سے ایک خاتون کی تشدد ذدہ لاش ملی۔

    گذشتہ رات اورنگی ٹاوٴن چشتی نگر میں فائرنگ سے متحدہ قومی موومنٹ کے دو کارکنان جاں بحق ہوگئے جن کی شناخت شہباز اور شاہد کے ناموں سے ہوئی متحدہ قومی موومنٹ کی جانب سے واقعے کی شدید الفاظ میں مذمت کی گئی ہلاک ہونے والے دو نوں افراد کی لعشوں کو عباسی شہید اسپتال منتقل کیا گیا۔

    نیوکراچی بلال کالونی میں نامعلوم افراد کار سے ایک شخص کی لعش پھینک کر فرار ہوگئے مقتول کے پاس سے نقد رقم اور موبائل فون برآمد ہوا ادھر کورنگی عوامی کالونی میں فائرنگ سے ایک شخص ہلاک ہوگیا جس کی لاش کو ضابطے کی کاروائی کیلئے اسپتال منتقل کیا گیا۔