Tag: police base

  • عراق :دو خودکش حملہ آوروں کا حملہ،12افراد ہلاک، 45زخمی

    عراق :دو خودکش حملہ آوروں کا حملہ،12افراد ہلاک، 45زخمی

    بغداد: شمالی عراق میں داعش کے شدت پسندوں کے بھر ے پرے سوئمنگ پول پر دوخودکش حملوں میں بارہ افراد ہلاک اور پینتالیس زخمی ہوگئے۔

    دارلحکومت بغداد سے ایک سوپچھتر میل شمال میں واقع شہر تعز خرماتو میں سوئمنگ پول پر داعش کے خود کش حملہ آور نےاپنے آپ کو اس وقت دھماکہ سے اڑا دیا جب سوئمنگ پول لوگوں سے کھچا کھچ بھرا ہوا تھا۔

     پولیس کے مطابق دوسرے حملہ آور نے بارود سے بھری موٹر سائیکل اس وقت دھماکہ سے اڑا دی جب زخمیوں کو اسپتال منتقل کیا جارہا تھا، پولیس کے مطابق زخمیوں میں بچوں کی بڑی تعدا د بھی شامل ہے۔

  • عراق میں پولیس بیس پرداعش کا حملہ

    عراق میں پولیس بیس پرداعش کا حملہ

    بغداد: شدت پسند جہادی گروہ دولت اسلامیہ نے بغداد کے جنوب میں واقع پولیس بیس پر خود کش حملے میں 37 افراد کو ہلاک کرنے کا دعویٰ کیا ہے۔

    اپنے آن لائن بیان میں داعش کا کہنا تھا کہ ایک صومالی شخص دھماکہ خیز مواد سے آراستہ گاڑی لے کر بیس میں داخل ہوا اور پیچھے سے ریموٹ کنٹرول کے ذریعے ایک تاجک اور شامی جہادی نے دھماکہ کردیا۔

    عراقی افسران کے مطابق حملے میں تیس افراد زخمی ہوئے تھے اور یہ حملہ سمارا اور تھرتھر جیل کے درمیان واقع وفاقی پولیس کی بیس پرپیش آیا۔

    واضح رہے کہ یہ بیس انبر میں داعش کی سپلائی لائن کاٹنے کے لئے استعمال کیا جارہاہے جہاں داعش نے گزشتہ ماہ اہم شہررمادی پراپنا تسلط جمایا ہے۔