راولپنڈی : آرمی چیف جنرل قمر جاوید باجوہ نے پولیس کے شہداء کو بھرپور خراج عقیدت پیش کرتے ہوئے کہا ملک میں امن واستحکام کےلئےپولیس کا کردار قابل فخر ہے۔
تفصیلات کے مطابق آرمی چیف جنرل قمر جاوید باجوہ میجر جنرل بابر افتخار نے سماجی رابطے کی ویب سائٹ ٹوئٹر پر پیغام جاری کیا ہے ،جس میں آرمی چیف جنرل قمر جاوید باجوہ نے پولیس کے شہداء کو بھرپور خراج عقیدت پیش کرتے ہوئے کہا پولیس نے فرض کی ادائیگی کےدوران بےپناہ قربانیاں دی ہیں ، ملک میں امن واستحکام کےلئےپولیس کاکردارقابل فخرہے، دہائیوں سےپولیس اہلکارجانفشانی سےاپنےفرائض انجام دےرہےہیں۔
Salute to martyrs of Pakistan Police on Police Martyrs Day. “Pakistan Police has made monumental sacrifices in the line of duty over the years, contributing immensely in bringing peace and stability to the country ”, COAS.
— DG ISPR (@OfficialDGISPR) August 4, 2021
دوسری جانب وزیر خارجہ شاہ محمود قریشی نے یوم شہدائے پولیس پر شہدا کو خراج تحسین پیش کرتے ہوئے بیان میں کہا پولیس کےشہدانےدہشت گردی کے خلاف جانوں کےنذرانےدیے، پوری قوم کوشہداکی لازوال قربانیوں پر فخر ہے۔
شاہ محمود قریشی کا کہنا تھا کہ شہداکی لازوال قربانیوں کو رائیگاں نہیں جانے دیں گے، شہدا کے خون کی بدولت، امن و آشتی کے دیپ روشن ہیں۔
اپوزیشن لیڈر شہبازشریف نے اپنے پیغام میں کہا ہے کہ سلامتی کے مسائل سے نمٹنے میں پولیس نے ہر اول دستے کا کردار ادا کیا، دہشت گردی سے تحفظ کے لیے پولیس نے قابل فخر کردار ادا کیا ، پولیس کے ہزاروں بہادر افسروں اور جوانوں نے جام شہادت نوش کیا، تمام شہداکو سلام عقیدت۔
چیئرمین پی پی پی بلاول بھٹو زرداری نے بھی یوم شہدائے پولیس پر پیغام میں جانوں کے نذرانے دینے والے پولیس کے شہدا کو سلام پیش کرتے ہوئے کہا قوم کو اپنی پولیس کے شہداپر فخر ہے، دہشت گردی کےخاتمےمیں پولیس کا کردار تاریخی ہے اور قربانیاں بے مثال ہیں۔
