Tag: police muqabala

لاہورمیں ڈولفن فورس سے مقابلہ، ایک ڈاکو ہلاک دوسرا زخمی

لاہور: ڈولفن فورس کے اہلکاروں نے مبینہ مقابلے کے بعد ایک ڈاکو کو ہلاک کر اور دوسرے کو زخمی حالت میں گرفتار کرلیا۔ ملزمان واردات کے بعد فرار ہو رہے تھے۔

تفصیلات کے مطابق عید کے پہلے روز لاہور کے علاقے شادباغ میں مبینہ پولیس مقابلے کے دوران ایک ڈاکو ہلاک اور ایک زخمی ہوگیا۔ زخمی ہونے والے ڈاکو کی شناخت محمد علی کے نام سے ہوئی ہے۔

پولیس کے مطابق موٹرسائیکل سوار دونوں ڈاکو شادباغ کے علاقہ میں ملک ندیم نامی شہری کو لوٹ رہے تھے کہ ڈولفن پولیس کے اہلکار موقع پر پہنچ گئے جنہیں دیکھ کر ملزمان نے فرار ہونے کی کوشش کی۔

ڈولفن فورس کے اہلکاروں نے انہیں روکنا چاہا تو ملزمان نے اہلکاروں پر فائرنگ کردی، پولیس کی جوابی فائرنگ سے ایک ڈاکو موقع پر ہی ہلاک ہوگیا جبکہ پولیس نے دوسرے ڈاکو کو زخمی حالت میں حراست میں لے لیا۔

ہلاک ہونے والے ڈاکو کی لاش میو اسپتال مردہ خانے منتقل کردی گئی۔ جبکہ زخمی ہونے والے ڈاکو کی شناخت محمد علی کے نام سے ہوئی ہے۔

ہلاک و زخمی ہونے والے ڈاکؤوں کے قبضے سے اسلحہ اور لوٹا ہوا سامان بھی برآمد کرلیا گیا ہے، پولیس نے ملزمان کیخلاف مقدمہ درج کرلیا ہے، پولیس کے مطابق زخمی ہونے والا ڈاکو متعدد وارداتوں میں مطلوب تھا۔

جون 26, 2017
کراچی : مختلف علاقوں میں سرچ آپریشن اور پولیس مقابلے، 5ملزمان گرفتار

کراچی : جرائم کے خاتمے کیلئے سیکیورٹی اداروں کی کارروائیاں جاری ہیں، مختلف علاقوں سے پولیس مقابلے کے دوران پانچ ملزمان گرفتار کر لئے گئے ہیں۔

کراچی میں سیکیورٹی ادارے متحرک ہیں، مختلف علاقوں میں سرچ آپریشن اور پولیس مقابلوں میں پانچ ملزمان کو گرفتار کرلیا گیا، عزیزآباد،یاسین آباد میں رینجرز نے گرفتار ملزم کی نشاندہی پر سرچ آپریشن کیا، داخلی اور خارجی راستے بند کرکے گھر گھر تلاشی لی گئی۔

مبینہ ٹاؤن اور پیر آباد میں پولیس مقابلوں میں تین ملزم گرفتار کرلئے گئے، ملزمان کے قبضے سے اسلحہ اور مسروقہ سامان برآمد کرلیا گیا، گزری میں بھی پولیس سے مقابلے میں دو ڈاکو زخمی حالت میں گرفتار کرلئے گئے، جنہیں طبی امداد کے لئے اسپتال پہنچایا گیا۔

پولیس نے زخمی ڈاکوؤں کے خلاف مقدمہ درج کرکے تحقیقات شروع کردیں ہیں۔

دوسری جانب اورنگی ٹاؤن میں نشانِ حیدرچوک سے ایک شخص کی لاش ملی، جسے پوسٹمارٹم کے لئے ہسپتال پہنچایا گیا، پولیس مقتول کے ورثا کو تلاش کررہی ہے۔

اگست 17, 2016
کراچی:شاہ لطیف ٹاؤن میں پولیس مقابلہ،2دہشتگرد ہلاک

کراچی : کراچی کے شاہ لطیف ٹاؤن میں پولیس مقابلے میں دو دہشت گرد مارے گئے اور ایک اہلکار زخمی ہوگیا، دہشت گردوں سے خودکش جیکٹس اور اسلحہ بھی برآمد ہوا ہے جبکہ پختون آباد سے اٹھانوے افراد کو حراست میں لے لیا گیا ہے۔

تفصیلات کے مطابق کراچی میں شاہ لطیف ٹاؤن میں پولیس سے مقابلہ میں دو دہشت گرد مارے گئے، کاؤنٹر ٹیررازم ڈیپارٹمنٹ کے ایس ایس پی جنید شیخ کے مطابق حساس ادارے کی نشاندہی پر کارروائی کی گئی، دہشت گردوں سے مقابلے میں سی ٹی ڈی کا ایک اہلکار زخمی ہوا جبکہ دو دہشت گرد انجام کو پہنچے۔

ایس ایس پی جنید شیخ نے بتایا ہلاک دہشت گردوں سے 2 خودکش جیکٹس ، دستی بم اوراسلحہ برآمد ہوا ہے، خودکش جیکٹس کا وزن بارہ کلو گرام تھا، جنھیں ناکارہ بنا دیا گیا ہے۔

دوسری جانب منگھو پیر پختون آباد میں سرچ آپریشن کے دوران 98 افراد حراست میں لے لیا گیا، پولیس کے مطابق زیرحراست افراد سے 2پستول برآمد ہوئے ہیںں جبکہ غریب آباد میں قانون نافذ کرنیوالے ادارے کی کارروائی میں سیاسی جماعت سے تعلق رکھنے والے دو افراد کو بھی حراست میں لے لیا گیا ہے۔

جولائی 20, 2016
لیاری پولیس مقابلہ : بابا لاڈلہ گروپ کا کارندہ ہلاک، اسلحہ برآمد

کراچی : کلاکوٹ پولیس نے کارروائی کرتے ہوئے مقابلے میں گینگ وار بابا لاڈلہ گروپ کے کارندے کو ہلاک کرکے اسکے قبضے سے اسلحہ برآمد کرلیا، جبکہ اسکے دو ساتھی زخمی حالت میں فرار ہونے میں کامیاب ہوگئے۔

تفصیلات کے مطابق کلاکوٹ پولیس نے گینگ وار کے دہشت گردوں کی موجودگی کی اطلاع پر فوٹو لین آدم ٹی خان روڈ کے قریب کارروائی کی۔

پولیس اہلکاروں کو دیکھتے ہی گینگ وار کے دہشت گردوں نے اندھا دھند فائرنگ شروع کردی اور موقع سے فرار ہونے لگے۔

پولیس کی جوابی فائرنگ سے ایک ملزم ہلاک اور دو ملزمان زخمی حالت میں موقع سے فرار ہونے میں کامیاب ہوگئے ، پولیس نے ہلاک ہونے والے ملزم کی لاش کو تحویل میں لے کر قانونی کارروائی کیلئے سول اسپتال پہنچایا جہاں اسکی شناخت 30 سالہ نادر پنجگوری کے نام سے ہوئی۔

ڈی ایس پی انور علی شاہ کا کہنا ہے کہ مقتول لیاری گینگ وار نور محمد عرف بابا لاڈلہ کے لیے کام کرتا تھا اس کے خلاف لیاری کے تمام تھانوں میں قتل، اقدام قتل، اغواء برائے تاوان ، بھتہ خوری سمیت مختلف نوعیت کے مقدمات درج تھے، پولیس نے کارروائی کے بعد لاش ورثاء کے حوالے کردی۔

جولائی 17, 2016
بہاولنگر : پولیس اور ڈاکوؤں کا ڈرامائی اندازمیں مقابلہ، دو ڈاکو ہلاک

بہاولنگر : تھانہ صدر کے علاقہ میں مبینہ پولیس مقابلہ میں متعدد ڈکیتی، قتل اور رہزنی کی وارداتوں میں ملوث دو ڈاکو مارے گئے، پوسٹ مارٹم کے لئے لاشیں ڈسٹر کٹ ہسپتال منتقل کردی گئیں۔

تفصیلات کے مطابق بہاولنگر پولیس سنگین مقدمات میں ملوث ملزمان یوسف ماچھی اور یعقوب ماچھی کو تھانہ مدرسہ سے تھانہ میکلوڈ گنج شفٹ کر رہی تھی کہ ڈرامائی انداز میں تھانہ گھمنڈ پور کے علاقہ میں چھ مسلح افراد نے پولیس وین پر حملہ کردیا اور دونوں زیرحراست ملزمان کو چھڑا کر لے گئے.

ملزمان نے اس دوران پولیس اہلکاروں سے سرکاری اسلحہ بھی چھین لیا اور اپنے ساتھ لے گئے، بعد ازاں پولیس نے ملزمان کا تعاقب کیا تو تھانہ صدر کے دریائی علاقہ بہادر کا شرقی میں پولیس اور فرار ہونے والے ڈاکوؤں کے درمیان فائرنگ کا تبادلہ ہوا.

فائرنگ کے نتیجے میں ڈکیتی قتل اور رہزنی کی وارداتوں میں ملوث ڈاکو یوسف ماچھی اور یعقوب ماچھی جو کہ دونوں سگے بھائی تھے اپنے ہی ساتھیوں کی فائرنگ سے ہلاک ہو گئے۔

پولیس نے لاشوں کو اپنی تحویل میں لے کر پوسٹ مارٹم کے لئے ڈسٹر کٹ ہیڈ کواٹر ہسپتال منتقل کر دیا۔

جولائی 1, 2016
سپرہائی وے کے قریب مبینہ پولیس مقابلہ 4 دہشت گرد ہلاک

کراچی : سپرہائی وے کے قریب مبینہ پولیس مقابلے میں چار دہشت گرد ہلاک ہوگئے۔

تفصیلات کے مطابق کراچی میں جرائم پیشہ افراد کے گرد قانون کا گھیرا تنگ ہونے لگا۔ سپر ہائی وے کے قریب مبینہ پولیس مقابلہ میں چار مبینہ دہشت گرد مارے گئے۔

ایس ایس پی راؤ انوار نے میڈیا کو بتایا کہ خفیہ اطلاع پر غازی گوٹھ پر چھاپہ مارا تو ملزمان نے فائرنگ کردی، پولیس سے مقابلے میں ہلاک چار دہشت گردوں میں سے تین کی شناخت ہوگئی ہے۔

ہلاک ہونے والے ایک دہشت گرد کا نام خانیوال عرف خان ولی ہے۔ راؤ انوار نے بتایا کہ دوسرا دہشت گرد امیر اللہ محسود قاری نعمت کا ساتھی اور وزیرستان میں کالعدم تنظیم کا نائب امیر اور کمانڈر تھا۔

ان کا کہنا تھا کہ تیسرا دہشت گرد بھی سیکیورٹی فورسز پر حملے میں ملوث تھا۔ پولیس کے مطابق مبینہ دہشت گرد کراچی میں بڑی کارروائی کامنصوبہ بنا رہے تھے۔

جنوری 27, 2016
لیہ میں سی ٹی ڈی سےمقابلہ : تین دہشت گردہلاک، تین گرفتار

لیہ : کاؤنٹر ٹیررازم ڈیپارٹمنٹ نے لیہ میں کارروائی کر کے تین دہشت گردوں کو ہلاک اور تین کو گرفتارکر لیا۔

سی ٹی ڈی ذرائع کے مطابق دہشتگردوں سے متعلق اطلاع پر ایک ٹیم نے لیہ ہ کے علاقے چوک اعظم میں چھاپہ مارا۔ ٹیم کو دیکھتے ہی دہشت گردوں نے فائرنگ کر دی جبکہ ٹیم پر دستی بم بھی پھینکے۔

سی ٹی ڈی ٹیم نے بھرپور جوابی کارروائی کرتے ہوئے تین دہشت گردوں کو ہلاک اور تین کو گرفتار کر لیا۔ ہشت گردوں کا تعلق کالعدم تنظیم سے ہے.

ملزمان کے قبضے سے اسلحہ و بارود ،دھماکہ خیز مواد اور رائفلیں برآمد ہوئی ہیں۔ سی ٹی ڈی نے تینوں دہشت گردوں کو تفتیش کیلئے نامعلوم مقام پر منتقل کردیا ہے۔

جنوری 23, 2016
حیدرآباد: جامشورو فلٹر پلانٹ کے قریب پولیس مقابلہ،3 ڈاکو مارے گئے

حیدرآباد : جامشوروفلٹرپلانٹ کےقریب پولیس مقابلے میں تین ڈاکو ہلاک ہوگئے،اسلحہ اور گاڑی برآمد کرلی گئی۔

حیدرآباد میں پولیس نے خفیہ اطلاع پر جامشورو فلٹر پلانٹ کے قریب چھاپہ مارا، جہاں ڈاکوؤں نے پولیس سے سامنا ہونے پر فائرنگ کردی، جوابی فائرنگ میں تین ڈاکو ہلاک ہوگئے ۔

پولیس کے مطابق ڈاکوؤں کی شناخت منیرلاشاری، منظور لاشاری اور اختر سومرو کے نام سے ہوئی، ہلاک ملزمان چالیس سے زائد سنگین جرائم میں پولیس کو مطلوب تھے جبکہ اسلحہ اور مسروقہ گاڑی برآمد کرلی گئی ہے۔

کاروائی کے بعد لاشیں سول اسپتال منتقل کردی گئیں۔

نومبر 12, 2015
پولیس مقابلوں کے بعد تین ملزمان گرفتار، اسلحہ برآمد

کراچی : شہر قائد کے مختلف علاقوں میں پولیس مقابلوں کے دوران تین ملزمان کو گرفتار کرلیا گیاجبکہ میمن گوٹھ میں فائرنگ سے ایک شخص ہلاک ہوگیا۔

تفصیلات کے مطابق کراچی کے علاقے لیاقت آباد میں لیاری ایکسپریس وے کے قریب پولیس مقابلے کے دوران دو ملزمان کو زخمی حالت میں گرفتارکرکے اسلحہ برآمد کرلیا گیا۔

پولیس کے مطابق گرفتار ملزمان کی شناخت شعیب اور محسن کے ناموں سے کرلی گئی ہے۔ گرفتار ملزمان قتل ، اقدام قتل ، گھروں ميں ڈكيتی اور اسٹريٹ كرائم سميت متعدد وارداتوں ميں ملوث ہیں۔

دوسری جانب سہراب گوٹھ میں پولیس نے کارروائی کرکے مختلف جرائم میں ملوث ملزم کو گرفتار کرکے اس کے قبضے سے اسلحہ بھی برآمد کرلیا ہے۔

ملزمان سے مزيد تفتيش جاری ہے۔ جبکہ ملیر میمن گوٹھ سے ایک شخص کی لاش ملی ہے۔ پولیس کے مطابق مقتول کو فائرنگ کرکے ہلاک کیا گیا تاہم شناخت تاحال نہیں ہوسکی ہے ۔

اکتوبر 6, 2015
ٹارگٹ کلر سمیت 6ملزمان گرفتار ،اسلحہ اور دستی بم برآمد

کراچی : مختلف علاقوں سے ٹارگٹ کلر سمیت چھ ملزمان گرفتار کر کے اسلحہ اور دستی بم برآمد کر لیا گیا۔

تفصیلات کے مطابق کراچی پولیس نے مختلف علاقوں سے ٹارگٹ کلر سمیت چھ ملزمان گرفتار کر کے اسلحہ اور دستی بم برآمد کر لیا۔

منگھوپیر میں پولیس مقابلے میں دو ملزمان کو زخمی حالت میں گرفتارکرکےاسلحہ برآمدکرلیا، گرفتار ملزمان کا تعلق عابد مچھڑ گروپ سے ہے ۔

جبکہ رضویہ پولیس نے دو ٹارگٹ کلرز کو گرفتار کرکےاسلحہ اور دستی بم برآمد کرلیا، پولیس کے مطابق گرفتار ملزمان نے پانچ افراد کو قتل کرنے کا اعتراف کیا ہے۔

لیاری کلاکوٹ میں پولیس اہلکار کو قتل کرنے والے ملزم کو زخمی حالت میں گرفتار کرکے اسلحہ برآمدکرلیا گیا، ناردرن بائی پاس کے قریب ٹریفک حادثے میں پولیس اہلکار ناصر علی جان کی بازی ہا رگیا۔

جون 21, 2015