اسلام آباد: سبزی منڈی کے قریب مشکوک افراد نے پولیس پر فائرنگ کردی، پولیس کی جوابی فائرنگ میں دو حملہ آور زخمی ہوگئے۔
پولیس ترجمان کے مطابق سبزی منڈی کے قریب پولیس موبائل گشت پر تھی کہ تین افراد نے پولیس پر فائرنگ کردی، پولیس کی جوابی فائرنگ کے نتیجے میں دو حملہ آور زخمی ہوگئے جبکہ ایک فرار ہونے میں کامیاب ہوگیا۔
زخمی حملہ آوروں کو حراست میں لے لیا گیا ہے، جن کی شناخت عمر اور نائیک ملئی کے نام سے کی گئی ہے، پولیس ترجمان کے مطابق حملہ آوروں کا تعلق پشاور اور کوہاٹ سے ہے۔
کراچی:سپرہائی وےمیں پولیس مقابلےکےدوران چھ ملزمان ہلاک ہوگئے۔ بلوچ کالونی میں ایک شخص ٹارگٹ کلنگ کاشکار بناتوکلفٹن میں چھریوں کےوارسےایک شخص زخمی ہوگیا۔
کراچی میں سیکیورٹی اہلکاروں نے جرائم پیشہ افراد کے گرد گھیرا تنگ کردیا۔ سپرہائی وے میں پولیس کی کارروائی کے دوران مقابلے میں چھ ملزمان مارے گئے۔ایس ایس پی راؤ انوار کا کہنا ہے کہ ملزمان ڈکیتیوں، لوٹ مار سمیت سنگین جرائم میں ملوث تھے۔ ہلاک ملزمان کی شناخت تیس سالہ طاہر، تیس سالہ خداداد، بتیس سالہ ولی، پچیس سالہ ولی ، تیس سالہ نصیب اللہ، اور اٹھائیس سالہ عبدالمنان کے نام سے کی گئی۔
لیاری سیفی لین میں رینجرز سے مقابلے میں جبار جھینگو گروہ کا ایک گینگ وار جنید ہلاک ہو گیا۔ ملزم اٹھارہ قتل سمیت سنگین وارداتوں میں مطلوب تھا۔ بلوچ کالونی پل کے قریب گاڑی پر فائرنگ سے ایک شخص جان سے گیا۔ کلفٹن بوٹ بیسن کے قریب چھریوں کے وار سے ایک شخص زخمی ہوگیا۔
سکھر:مگسی برادری کی جانب سے پولیس کے خلاف احتجاجی مظاہرہ کیا گیا۔تفصیلات کے مطابق سکھر کے نواحی گاﺅں صالح پٹ کے قریب تین روز قبل پولیس کے مبینہ مقابلے میں مارے گئے تین افراد کے و رثاءکی جانب سے سیشن کے کورٹ کے سامنے احتجاجی مظاہرہ کیا گیا۔
مظاہرین کا کہنا تھا کہ قتل ہونے والے محمد پناہ مگسی کی والدہ کی جانب سے سیشن کورٹ میں سکھرپولیس کے خلاف پٹیشن دائر کی گئی اور کورٹ سے واپس آتے ہوئے پٹیشنر خاتون کو پولیس نے گرفتار کر کے لاپتہ کردیا ہے ۔مظاہرین نے چیف جسٹس آف پاکستان وزیر اعلیٰ سندھ سے انصاف کا مطالبہ کیا
کراچی: رات گئے ہونے والے مبینہ پولیس مقابلوں میں دو ڈاکو اور گینگ وار کا ایک ملزم ہلاک ہو گیا۔
پولیس کے مطابق نیشنل ہائی وے لنک روڈ کے قریب پانچ مسلح ڈاکو لوٹ مار کے بعد فرار ہورہے تھے کہ پولیس نے ملزمان کو رکنے کا اشارہ کیا، ملزمان نے پولیس پر فائرنگ کردی ، جوابی فائرنگ کے نتیجے میں دو ڈاکو ہلاک ہوگئے جبکہ ان کے تین ساتھی فرار ہوگئے، گرفتار ملزمان کے قبضے سے اسلحہ بھی برآمد ہوا۔
کراچی میں بغدادی کے علاقےمیں خفیہ اطلاع پر کاروائی کے دوران مبینہ پو لیس مقابلے میں گینگ وار کا ایک ملزم ہلاک ہو گیا، ملزم کی ۔شناخت سردار عرف سردارا کے نام سے ہوئی ہے ، ملزم دو پولیس اہلکاروں اور ایک سی آئی ڈی اہلکار کے قتل میں ملوث تھا۔
بورے والا : مدینہ کالونی میں پولیس مقابلے میں تین ڈاکو مارے گئے اور دو کو گرفتار کرلیا گیا جبکہ مقابلے کے دوران ایک پولیس اہلکار شدید زخمی بھی ہوا ہے۔
بورے والا پولیس کے مطابق خطرناک اشتہاری ڈاکوؤں کی اطلاع ملنے پر مدینہ کالونی میں ایک مکان کا محاصرہ کیا تو ڈاکوؤں نے پولیس کا محاصرہ توڑ کر فرار ہونے کے لئے پولیس پر اندھا دھند فائرنگ کر دی، جس کے نتیجے میں ایک پولیس اہلکار شدید زخمی ہوگیا۔
پولیس کی جوابی فائرنگ سے تین ڈاکو موقع پر ہلاک ہوگئے جبکہ دو ڈاکوؤں کو مقابلے کے بعد پولیس نے حراست میں لے کر نامعلوم مقام پر منتقل کر دیا ہے، پولیس کا کہنا ہے کہ مکان سے بھاری مقدار میں جدید اسلحہ بھی برآمد ہوا ہے ۔
کراچی : مارٹن کوارٹر میں نامعلوم افراد دکان پر فائرنگ کرکے فرار ہوگئے، اُدھر اورنگی میں پولیس نے مقابلےکے بعد ڈاکو گرفتار کرلیا ہے۔
پولیس کے مطابق مارٹن کوا رٹر کے علاقے میں نامعلوم مسلح ملزمان دکان پر فائرنگ کرکے فرار ہوگئے، پولیس کا کہنا ہے کہ فائرنگ بھتہ خوروں کی جانب سے کی گئی ۔
اُدھر اور نگی ٹاؤن کے علاقے اقبال مارکیٹ میں پولیس نے مقابلے کے بعد ڈاکو کو گرفتار کر لیا ۔ پولیس نے گرفتار ملزمان سے اسلحہ اور مسروقہ سامان بر آمد کرلیا، بریگیڈ کے علاقے میں پولیس نے کارروائی کر تے ہو ئے اسٹریٹ کرائم کی درجنوں وارداتوں میں ملوث ملزم کو گرفتار کر کے اسلحہ برآمد کرلیا ہے۔
کراچی : کلفٹن میں منی چینجرکےقریب پولیس مقابلے میں دو ڈاکو مارے گئے جبکہ جمشید کواٹر پولیس اسٹیشن کے باہر موٹرسائیکل میں نصب بم ملنے کی تحقیقات جاری ہے ،تفصیلات کے مطابق پولیس نے کلفٹن میں منی چینجر میں ڈکیتی کی کوشش کا ناکام بنا دیا۔ڈاکوؤں نے پولیس کو دیکھتے ہیں فائرنگ شروع کردی تھی جس پر پولیس نے بھی جوابی کارروائی کی ۔فائرنگ کے تبادلے کے بعد دونوں ڈاکو مارے گئے۔
ایس ایس پی فیصل بشیر میمن کے مطابق ڈاکومنی چینجرمیں ڈکیتی کی کوشش کررہےتھے ۔دوسری جانب جمشید کواٹر پولیس اسٹیشن کے باہر موٹرسائیکل میں نصب بم ملنے کی تحقیقات جاری ہے۔تفتیشی ذرائع کا کہنا ہے کہ موٹرسائیکل پر جعلی نمبر پلیٹ کے بی جی فور فائیو ایٹ فور لگی ہوئی تھی جبکہ موٹرسائیکل کا اصل نمبر کے ایف او تھری سیون فائیو زیرو تھا جس کی مدد سے مالک کو تلاش جاری ہے۔
موٹرسائیکل کا مالک محمد اسماعیل کلری کا رہائشی ہے جس کی گرفتاری کیلئے چھاپے مارے جارہے ہیں۔ذرائع کے مطابق موٹرسائیکل چوری ہونے کی ایف آئی آ ر نہیں کٹوائی گئی۔واضح رہے کہ آج صبح سویرے جمشید کوارٹر پولیس اسٹیشن کے قریب پانچ کلو وزنی بم بم ڈسپوزل اسکواڈ نے ناکارہ بنایا تھا۔
لاہور: مبینہ پولیس مقابلے میں زیرِ حراست چارڈاکوہلاک ہوگئےجبکہ دوفرارہوگئے۔تفصیلات کے مطابق لاہور کے علاقے اقبال ٹاؤن میں پولیس اور ڈاکوؤں کے درمیان مبینہ پولیس مقابلہ ہوا۔ جس کے نتیجے میں چارڈاکوؤں کو اپنی جانوں سے ہاتھ دھونے پڑے۔
پولیس کے مطابق علی حسن ،عثمان ،نور خان عرف سہیل نامی چاروں ڈاکو زیرِحراست تھے۔ جنہیں تفتیش کے لئے لے جایاجارہاتھا کہ ساتھی ڈاکووں نے انہیں چھڑانے کے لئے پولیس پر فائرنگ کردی۔
پولیس نے جوابی فائرنگ کی جس سے زیرِ حراست چاروں ڈاکو موقع پر ہی ہلاک ہوگئے جبکہ ساتھی فرارہوگئے۔ پولیس نے چاروں ڈاکوؤں کی لاشیں ضابطے کی کارروائی کے لئے جناح اسپتال منتقل کردیں۔ جبکہ فرار ڈاکوؤں کی تلاش جاری ہے۔
پولیس کا کہنا ہے کہ انہی ملزمان نے کچھ روز قبل مزنگ کے علاقے میں ایک دکان میں ڈکیتی میں مزاحمت کے دوران موٹر وے پولیس کے سب انسپکٹر کامران شہزاد کو قتل کردیا تھا۔
کرا چی:فائرنگ کے مختلف واقعا ت میں تین افراد جاں بحق جبکہ پولیس مقابلےمیں لیاری گینگ وارکےملزم سمیت تین ملزمان مارے گئے۔
کراچی میں بدامنی نے پھر سر اٹھالیا، گلستان جوہر میں راڈو اپارٹمنٹ کے قریب امام بارگاہ کے باہر بیٹھے افراد پر نامعلوم موٹر سائیکل سواروں نے فائرنگ کردی، جس کے نتیجے میں دو افراد جاں بحق اور دو زخمی ہوگئے۔
لیاری کے علاقے بغدادی میں فائرنگ سے ایک شخص جاں بحق ہوگیا، لیاری ہی کے علاقے کلری میں مبینہ پولیس مقابلے میں گینگ وار کا ملزم مارا گیا، ملزم کی شناخت عبداللہ عرف حاجی دادا کے نام سے ہوئی ہے، ہلاک ملزم کا تعلق شکیل بادشاہ گروپ سے تھا۔
پولیس کے مطابق ملزم اغوا برائے تاوان سمیت متعدد وارداتوں میں مطلوب تھا، سہراب گوٹھ میں پولیس مقابلےمیں دو ڈاکو مارے گئے۔
کراچی میں جاری دہشت گردوں کیخلاف آپریشن میں گلشن بونیر میں کالٰعدم تنظیم کے پانچ دہشت گرد ہلاک ہوگئے۔پولیس نے علاقے سے سے بم بنانے کی فیکٹری برآمدکرلی کراچی میں دہشت گردوں کے خلاف سیکیورٹی اداروں کی کاروائیاں بلا تعطل جاری ہیں۔پولیس اور حساس اداروں نے ٹارگٹڈ کارروائی میں گھیراتنگ کیاگلشن بونیرمیں چھپے دہشتگردوں کے گرد۔سیکیورٹی اداروں کی اچانک کارروائی پر علاقےمیں روپوش شرپسندوں فائر کھول دیا۔
جوابی فائرنگ سے کالعدم تنظیم کاکمانڈرجواد محسودپانچ ساتھیوں سمیت ماراگیا۔ایس ایس پی راؤانوارکے مطابق مارےجانے والےملزمان پولیس،رینجرز،لیڈی ہیلتھ ورکرز پرحملوں میں ملوث تھے۔ٹارگٹڈ کارروائی میں پولیس کے چارسو جوانوں سمیت دیگر سیکورٹی فورسز کے اہلکاروں نے حصہ لیا ۔ آپریشن کے دوران بم بنانےکی فیکٹری اور موٹرسائیکل کی سیٹیں برآمد کر لیں ۔پولیس اور ملزمان کے درمیان فائرنگ کا تبادلہ وقفے وقفے سےہوتارہا۔پولیس نے علاقے کے داخلی و خارجی راستے مکمل بندکرکےمتعددمشتبہ افرادکو حراست میں لے لیا