Tag: police operation

ذوالفقار مرزا اعلان جنگ کرتے ہوئے کلاشنکوف لیکر میدان میں اتر آئے

بدین : پولیس نےذوالفقار مرزا کےساتھیوں کو گرفتار کرنے کیلئے مرزا فارم ہاوس اوراطراف کےعلاقوں کا محاصرہ کرلیا، سابق وزیر داخلہ سندھ نے پولیس فورس کیخلاف مزاحمت کا اعلان کردیا۔

ذوالفقارمرزا کے ساتھیوں کی گرفتاری کے لیے آپریشن کیا گیا، پولیس نے مرزا فارم ہاوس اور اطراف کے علاقوں کا محاصرہ کیا، سابق وزیر داخلہ سندھ نے قانون ہاتھ میں لینے کا اعلان کردیا۔

ذوالفقارمرزا نے ایف آئی آر میں نامزد دوستوں کو پولیس کے سامنے پیش کرنے سے انکار کیا تو پولیس فورس نے مرزا فارم ہاؤس کا گھیراؤ کرلیا۔

پولیس کے اقدام کے بعد سابق صوبائی وزیر اعلان جنگ کرتے ہوئے کلاشنکوف لیکر میدان میں اتر آئے۔

ذوالفقار مرزا کا کہنا ہے کہ پہلے انھیں گولی ماری جائے پھر دوستوں کوگرفتار کیاجائے، پولیس کی نفری کو روکنے کیلئےسابق وزیر داخلہ کے حامیوں نے روڈ پر آگ لگا دی ، جس کے بعد پولیس موبائل، بکتر بند گاڑیاں فارم ہاؤس سے ایک کلو میٹر دور کھڑی ہوگئیں۔

ذوالفقار مرزا اور انکے ساتھیوں پر کار سرکار میں مداخلت ، ہنگامہ آرائی، زبردستی دکانیں بند کروانے کے مقدمات درج ہیں

بدین میں کشیدگی ، ہوائی فائرنگ سے شہریوں میں خوف و ہراس پھیل گیا۔

یاد رہے کہ ذوالفقارمرزا نے گرفتاری سے بچنے کیلئے پہلے ہی سندھ ہائیکورٹ سے رجوع کیا اور حفاظتی ضمانت کیلئےدرخواست دائر کی، جس میں انہوں نے مؤقف اختیارکیا کہ انہیں جعلی پولسی مقابلے میں مار دیئے جانے کا خادشہ ہے جسے مقامی عدالت نے چھ مئی تک کے لیے منظور کرلی۔

مئی 5, 2015
پشاور: اسلحے سے بھرا ٹرک پکڑا گیا،2ملزم گرفتار، اسلحہ اور گولہ بارود برآمد

خیبرپختونخوا: پشاور اور مانسہرہ میں پولیس کی کارروائیوں میں چار افراد کو گرفتار کر کے بھاری تعداد میں اسلحہ اور گولہ بارود برآمد کر لیا ہے۔

خیبرپختونخوا پولیس نے پشاور اور مانسہرہ میں دو الگ الگ کارروائیوں کے دوران اسلحہ اسمگل کرنے کی کوشش ناکام بناتے ہوئے چار افراد کو گرفتار کر کے بھاری تعداد میں اسلحہ اور گولہ بارود قبضے میں لے لیا ہے۔

اسلحہ سے بھرے ٹرک کو درہ آدم خیل سے پشاور لانے کی کوشش بڈھ بیر پولیس نے ناکام بنائی، پنجاب میں دہشتگردی کی غرض سے سمگل کئے جانیوالا اسلحے سے بھرا ٹرک پشاور پولیس نے قبضے میں لے لیا ہے، پولیس نے ٹرک کی تلاشی کے دوران 50 کلاشنکوف، 600 بندوق اور 2000 کارتوس برآمد کرکے ڈرائیور سمیت 2 افراد کو گرفتار کرلیا ہے، ملزمان کا تعلق لکی مروت سے ہے۔

ایس ایس پی پشاور ڈاکٹر سعید نے پریس کانفرنس کے دوران بتایا کہ اسلحے کے ڈیلر کیخلاف مقدمہ درج کرلیا گیا ہے اور غیر قانونی اسلحہ رکھنے والوں ڈیلروں کیخلاف بھی کریک ڈاؤن جاری ہے۔

دوسری جانب بٹگرام کے علاقے پائمال میں سیکورٹی فورسز اور پولیس نے مشترکہ کارروائی کرتے ہوئے دو مشکوک افراد کو گرفتار کر کے بھاری تعداد میں اسلحہ اور گولہ بارود برآمد کر لیا ہے۔

فروری 11, 2015
کراچی:گلشن اقبال اسکول حملہ کیس میں پیشررفت، 5مشتبہ افراد گرفتار

کراچی : شہرِقائد میں گلشن اقبال اسکول پر کریکر حملہ کرنے والے ملزمان کی گرفتاری کے لئے پولیس نے مختلف مقامات پر چھاپے مارے، پولیس نے کاروائی کرتے ہوئے 5مشتبہ افراد کو حراست میں لے لیا۔

آئی جی سندھ کی جانب سے گلشن اقبال میں اسکول پر ہونے والے کریکر حملے کی تحقیقات کے لئے پولیس افسران پر مشتمل کمیٹی قائم کی گئی تھی، جس نے رات گئے گلشن اقبال،ابوالحسن اصفہانی روڈ،سہراب گوٹھ ،گبول ٹاؤن اور دیگر مقامات پر کاروائی کر کے پانچ مشتبہ افراد کو حراست میں لے کر نامعلوم مقام پر منتقل کردیا ہے۔

پولیس ذرائع کے مطابق کریکر حملے کی سی سی ٹی وی فوٹیج کی مدد سے ملزمان کا سراغ لگالیا گیا ہے۔

گزشتہ روز آئی جی سندھ پولیس غلام حیدر جمالی نے گلشن اقبال میں گذشتہ روز دستی بم حملوں سے متاثر ہونے والے اسکولو ں کا دورہ کیا اور سیکیورٹی صورتحال کا جائزہ لیا،

انہوں نے کہا کہ اسکولوں کی سیکیورٹی مزید بہتر بنا رہے ہیں جبکہ اسکول انتظامیہ سے بھی درخواست ہے کہ سی سی ٹی وی کیمرے بہتر بنائیں، انہوں نے بتایا کہ واقعے کی سی سی ٹی وی فوٹیج کی مدد سے ملزمان کی گرفتاری کیلئے کوششیں جاری ہے۔

یاد رہے کہ کراچی کے علاقے گلشن اقبال بلاک سیون میں صبح سویرے دو نجی اسکولز پر نامعلوم افراد نے کریکر حملے کیے، کریکر حملے کے وقت اسکولز بند ہونے کی وجہ سے کوئی بچہ موجود نہیں تھا، خوش قسمتی سے کوئی جانی نقصان نہیں ہوا۔

حملے کے بعد دہشت گردوں کی جانب سے اسکول کے اطراف میں دھمکی آمیز پمفلٹ بھی تقسیم کیے گئے، جس میں حکومت کو دھمکی دیتے ہوئے کہا گیا ہے کہ پھانسیاں بند کرو ورنہ مزید حملے بھی کیے جائیں گے۔

فروری 5, 2015
کراچی: سی آئی ڈی اور رینجرز کی کاروائیوں، کالعدم تنظیم کے کارکنوں سمیت سات ہلاک

کراچی: کراچی میں سی آئی ڈی پولیس اور رینجرز کی مختلف کارروائیوں میں کالعدم تحریک طالبان کے پانچ دہشت گردوں سمیت سات ملزمان مارے گئے ہیں۔

کراچی کے علاقے ماڑی پور میں سی آئی ڈی پولیس نے دہشت گردوں کی اطلاع پرکارروائی کی۔ جس میں دو دہشتگرد مارے گئے۔ پولیس کے مطابق ہلاک دہشت گردوں کا تعلق کالعدم تحریک طالبان کےخان زمان گروپ سےتھا، ملزمان کے قبضے سے اسلحہ اور دیگر سامان برآمد کرلیا گیا ہے، جبکہ ان کے دیگر ساتھی فرار ہونے میں کامیاب ہوگئے۔

دوسری جانب گھگر پھاٹک کے قریب رینجرز سے مقابلے میں تین ملزمان ہلاک ہوگئے۔ رینجرز ترجمان کےمطابق ملزمان کا تعلق کالعدم تحریک طالبان پاکستان سے تھا ملزمان کے قبضے سے اسلحہ بھی برآمد ہوا۔

لیاری میں نیازی چوک کے قریب پولیس اور رینجرز کی مشترکہ کارروائی میں گینگ وار کے دو کارندے مارے گئے۔ ملزمان قتل اور بھتہ خوری کی متعدد وارداتوں ملوث تھے۔

دسمبر 20, 2014
کارساز دھماکے میں ملوث ملزم پولیس مقابلے میں ہلاک

کراچی: شہر قائد میں پولیس کی جرائم پیشہ عناصر کےخلاف کارروائیاں جاری ہیں ،منگھو پیر میں سی آئی ڈی پولیس سے مقابلے میں ایک دہشت گرد مارا گیا،گودھرا اور نیو کراچی میں سرچ آپریشن میں متعدد افراد زیر حراست۔

منگھو پیر میں سی آئی ڈی پولیس سے مقابلے میں ایک دہشت گرد ہلاک ہوگیا،پولیس کے مطابق ہلاک ملزم کا تعلق کالعدم تنظیم سے تھا اور وہ دو ہزار سات میں کارسازکےقریب ہونےوالےدھماکے میں ملوث تھا۔

گودھرا میں پولیس نے سرچ آپریشن کرتے ہوئے تین ملزمان کو گرفتار کر کے ان کے قبضے سے دستی بم اور اسلحہ برآمد کرلیا،ملزمان پولیس پرحملوں،ٹارگٹ کلنگ اوردیگرسنگین جرائم میں ملوث ہیں۔

نیوکراچی انڈسٹریل ایریا میں پولیس نےسرچ آپریشن میں مخصوص گھروں کی تلاشی لی اور سات مشتبہ افراد کو حراست میں لے لیا اس دوران کسی پولیس اہلکار نے موقع کا فائدہ اٹھاتے ہوئےموبائل فون اور پرس چوری کرلیے جس پر علاقہ مکینوں نے احتجاج کرتے ہوئے پولیس کے خلاف نعرے بازی کی۔

دسمبر 9, 2014
کراچی میں دہشت گردی کا راج، تین افراد جاں بحق

کراچی: فائرنگ اور پرتشدد واقعات میں تین افراد جاں بحق ہوگئے، لیاری میں رینجرزسے مقابلے میں گینگ وارکاکارندہ ماراگیا۔

پولیس کے مطابق ناظم آباد دو نمبر گجر نالہ کے قریب ذاتی جھگڑے کے دوران فائرنگ سے چوبیس سالہ عمیر جاں بحق ہوگیا جبکہ جھگڑے کے دوران فائرنگ سے پچاس سالہ مسرت اور سولہ سالہ سمیر زخمی ہوگیا پولیس نے فائرنگ کرنے والے ملزم کو گرفتار کرلیا۔

ادھرتھانہ رضویہ کی حدود میں واقعہ قبرستان سے ایک شخص کی کئی روز پرانی بوری بند لاش ملی مقتول کو تشدد کرکے قتل کیا گیا،رات گئے سپر ہائی وے پر چاکر ہوٹل کے قریب مسلح افراد نے ڈکیتی میں مزاحمت پرفائرنگ کردی جس کے نتیجے میں باپ موقع پر جاں بحق جبکہ بیٹا زخمی ہوگیا۔

لیاقت آباد میں فائرنگ سے اے ایس آئی کمال حسین زخمی ہوگیا،لیاری جونا مسجد کے قریب رینجرز سے مقابلے میں گینگ وار کا اہم ملزم مارا گیاہلاک ملزم قتل کی تیرہ وارداتوں اور بھتہ خوری میں ملوث تھا۔

گلستان جوہرپولیس نے خفیہ اطلاع پر کاروائی کرتے ہوئے بھتہ خورآصف عرف سرکی کو گرفتار کرلیا ،دوسری جانب ایس آئی یو پولیس نے کاروائی کرتے ہوئے بینک ڈکیتیوں میں ملوث سہیل اور بلال نامی ملزمان کو گرفتار کرلیا ملزمان نے فیروز آباد اور سولجر بازار میں واقعہ بینک ڈکیتیاں کی تھی چند عرصہ قبل ملزمان نے سنار کواغواء کرکے سونا لوٹ لیا تھا۔

نومبر 30, 2014
کراچی،لیاری میں رینجرز سے مقابلہ،چارملزمان ہلاک

کراچی:شہر قائد کےعلاقے لیاری گل محمد لین میں رینجرز اور پولیس سے مبینہ مقابلے میں گینگ وار کے چار کارندے ہلاک ہوگئے۔

پولیس کے مطابق لیاری گل محمد لین میں رینجرز اور پولیس نے جرائم پیشہ افراد کے خلاف چھاپہ مارا جہاں ملزمان نے فائرنگ کردی،جوابی فائرنگ کے نتیجےمیں چارملزمان ہلاک ہوگئے جن کا تعلق لیاری گینگ وار سے تھا۔

پولیس کے مطابق ملزمان قتل،اقدام قتل،بھتہ خوری اور دیگرسنگین جرائم میں ملوث تھے،ملزمان کے قبضے سے اسلحہ بھی برآمد ہوا ہے ۔

نومبر 28, 2014
کراچی: قتل وغارت گری، تین جاں بحق، چار زخمی ، ایف آئی اے بھی متحرک

کراچی: شہرکے مختلف علاقوں میں فائرنگ اور پرتشدد واقعات میں تین افراد جان بحق ہوگئے دوسری جانب پولیس اور رینجرز کے جرائم پیشہ افراد سے ہونے والےمقابلوں کے دوران تین ملزمان مارے گئے، جبکہ چار کو زخمی حالت میں گرفتار کرلیا گیا، ایف آئی اے نے بھی بھاری مقدار میں غیر قانونی اسمگل شدہ ادوایات برآمد کرلیں۔

پولیس حکام کے مطابق آرام باغ کے علاقے میں نامعلوم افراد کی فائرنگ سے ایک شخص جان کی بازی ہار گیا ،مقتول کی شناخت وجی اللہ کے نام سے ہوئی ہے، سہراب گوٹھ میں مسلح ملزمان نے فائرنگ کرکے دوست محمد نامی کپڑے کے بیوپاری کو قتل کردیا اور ملزمان کی فائرنگ سے حملہ اروں کا ایک ساتھی حمیداللہ بھی زخمی ہوگیا جسے اسپتال سے پولیس نے گرفتار کیا ہے گرفتار ملزم کا تعلق کالعدم تنظیم سے ہے۔

جمعہ کی شب اورنگی ٹاون نمبر 5میں متحدہ قومی مومنٹ کے ممبر سازی کیمپ پر ہونے والے دستی بم حملے کے زخمیوں میں شامل ایک کارکن نے عباسی اسپتال میں دوران علاج دم توڑ دیا مقتول کی شناخت55 سالہ عبدالجبار کے نام سے ہوئی ہے۔

دوسری جانب ایف آئی اے کرائم سرکل نے ایم اے جناح روڈ پر ڈینسو ھال کے قریب کارروائی کرتے ہوئے بھاری مقدار میں غیر قانونی بھارتی اسمگل شدہ ادویات برآمد کرکے دوکانداروں کو حراست میں لے لیا۔ ایف آئی اے حکام کے مطابق دوکانوں اورگوداموں میں بھاری مقدار میں بھارتی اسمگل شدہ ادویات موجود تھیں۔

صدر پاسپورٹ آفس کے قریب پولیس مقابلے کے دوران ایک ملزم کو زخمی حالت میں گرفتارکرکے اسلحہ برآمد کرلیا گیا، ٹیپو سلطان تھانے کی حدود میں پولیس نے کارروائی کرکے تین ملزمان کو زخمی حالت میں گرفتار کرکے اسلحہ برآمد کرلیا۔

دوسری جانب گلشن اقبال کے علاقے میں مبینہ پولیس مقابلے کے دوران ایک ڈاکو ہلاک جبکہ ایک کو زخمی حالت میں گرفتار کرکے اسلحہ برامد کرلیا گیا،ایس پی گلشن کے مطابق ملزمان شہریوں سے لوٹ مار کررہے تھے۔

لیاری غلام شاہ لین میں رینجرز کے ٹارگیٹڈ اپریشن کے دوران مسلح ملزمان نے رینجرز اہلکاروں پر فائرنگ کردی رینجرز کی جوابی فائرنگ میں 2مبینہ حملہ آور مارے گئے ترجمان رینجرز کے مطابق ملزمان کی شناخت سمیر اور شہزاد کے ناموں سے ہوئی ملزمان 30سے زائد افراد کے قتل کے علاوہ اگواء برائے تاوان،ڈکیتیوں اور دیگرسنکین جرائم میں بھی ملوث تھے ملزمان کے قبضے سے اسلحہ بھی برآمد ہوا ہے۔

نومبر 22, 2014
کراچی: منگھوپیر میں پولیس آپریشن ، 7 مغوی بازیاب

کراچی: منگھوپیر سے پولیس اور سی پی ایل سی نے مشترکہ کارروائی کے بعد گزشتہ روز بلوچستان سے کراچی آنے والے فیکٹری کے سات ملازمین کو بازیاب کرالیا گیا۔

پولیس کے مطابق گزشتہ روز نادرن بائی پاس کے قریب سے مسلح افراد نے بلوچستان سے کراچی آنے والے فیکٹری کے سات ملازمین کو اغواء کرلیا، رات گئے سی پی ایل سی اور پولیس نے منگھوپیر کے علاقے میں ملزمان کی گرفتار ی کیلئے چھاپہ مارا جہاں فائرنگ کے تبادلے کے بعد سات ملازمین کو بحفاظت بازیاب کرالیا گیا جبکہ ملزمان اندھیرے کا فائدہ اٹھا کر فرار ہونے میں کامیاب ہوگئے۔

بازیاب ہونے والے ملازمین میں ،کاشف رحمان، ریحان ،خرم خان ،سلمان علی ، واجد اور فیروز ڈرائیور شامل ہیں ملزمان کی گرفتاری کے لئے چھاپے مارے جارہے ہیں ۔

نومبر 18, 2014
کراچی: فائرنگ کے واقعات میں 7افراد لقمہ اجل ہوگئے

کراچی: شہر میں موت کا رقص جاری، مختلف علاقوں میں فائرنگ کے واقعات میں سات افراد جاں بحق جبکہ متعدد زخمی ہو گئے، شہر کے مختلف علاقوں میں رینجرز اور پولیس کی کاروائیاں جاری ہے جن میں گینگ وار اور کلعدم تنظیموں کے اہم ملزمان گرفتار کر لئے گئے۔

تفصیلات کے مطابق شہرِ قائد کوصبح ہوتے ہی فائرنگ کے واقعات نے اپنی گرفت میں لے لیا۔ بلدیہ کے علاقے عبداللہ گوٹھ سے تین افرادکی لاشیں ملیں ہیں۔ پولیس کے مطابق تینوں افراد کو فائرنگ کرکے قتل کیا گیا ہے۔ پولیس نے لاشوں کو ہسپتال منتقل کر کے واقع کی تفتیش شروع کر دی ہے۔

ادھر قائد آباد مرغی خانہ اسٹاپ پر فائرنگ سے ایک شخص لقمہ اجل ہو گیا جبکہ ایک اور فرد زخمی ہوگیا۔ قتل اور زخمی ہو نے والوں کو فوری طور پر ہسپتال منتقل کیا گیا تاکہ مزید پولیس کاروائی کی جاسکے۔

دوسری جانب کورنگی ڈھائی نمبر سے ایک شخص کی لاش ملی جسے فائرنگ کرکے قتل کیا گیا ہے۔ ادھر گلستان جوہر بلاک سات میں فائرنگ سے ایک شخص ہلاک ہوگیا۔

رینجرز نے مدینہ اور اسلامیہ کالونی میں سرچ آپریشن کے بعد چھ ملزمان کوگرفتار کرکے اسلحہ برآمد کرلیا۔ رینجرز ترجمان کے مطابق گرفتار ملزمان کا تعلق کالعدم تنظیم سے ہے۔ ادھر بلدیہ چار نمبر میں رینجرز نے چھاپہ مار کاروائی کے بعد دو ملزمان کو گرفتار کرکے اسلحہ برآمد کرلیا ملزمان کا تعلق لیاری گینگ وار سے ہے۔

اکتوبر 27, 2014