اسلام آباد: وفاقی وزیر داخلہ چوہدری نثار کاکہناہے کراچی آپریشن منطقی انجام تک پہنچائیں گے۔
وزارت داخلہ میں چوہدری نثار کی زیرصدارت سول آرمڈ فورسز کے سربراہوں کااجلاس ہوا، ڈی جی رینجرز سندھ نے کراچی کی صورتحال کے متعلق بتایا کہ رینجرز کراچی میں جرائم پیشہ عناصر کے خلاف موثر آپریشن کیاجارہاہےجس کے باعث جرائم میں نمایاں کمی آئی ہے۔
وزیر داخلہ نے کہاکراچی آپریشن اپنے منطقی انجام تک جاری رہے گا، آئی جی ایف سی بلوچستان نے کہاایف سی بلوچستان جرائم پیشہ اور ملک دشمن عناصر کے خلاف آپریشنز کر رہی ہے۔
کراچی: شہر قائد کے علاقے سہراب گوٹھ میں مبینہ پولیس مقابلے میں چار ملزمان مارے گئے۔
تفصیلات کے مطابق کراچی میں سہراب گوٹھ کے علاقے میں پولیس مقابلے کے دوران کالعدم تنظیم کے کمانڈر سمیت چار ملزمان مارے گئے ، بارودی مواد اور بھاری اسلحہ برآمد کیا گیا ہے ۔
ایس ایس پی ملیر کاکہنا ہے کہ کراچی میں تین خودکش حملہ آوروں کی موجودگی کی اطلاع ہے، سہراب گوٹھ کے علاقے صنعتی ایریا نالے کے ساتھ واقع کچی آبادی میں چھاپے کے دوران فائرنگ کے تبادلے میں چار ملزمان مارے گئے۔
ایس ایس پی ملیر راؤ انوار کے مطابق ہلاک ہونیو الے ایک ملزم کی شناخت اکبر بادشاہ کے نام سے ہوئی ہے ، جو کالعدم تنظیم کاکمانڈر تھا جبکہ دو ملزمان زوہیب محسود اور گوہر پولیس پر فائرنگ کرتے ہوئے فرار ہوگئے۔
راؤ انوار نے میڈیا سے بات چیت کے دوران بتایا کہ کراچی میں تین خودکش حملہ آوروں سمیت چھ دہشت گردوں کی موجودگی کی اطلاع ہے جنہیں تلاش کیا جارہا ہے ۔
گوجرانوالہ:دوسری شادی کرنے پر پہلی بیوی نے شوہر کو احاطۂ عدالت میں تشدد کا نشانہ بناڈالا۔
تفصیلات کے مطابق شوہرکے دوسری شادی کرنے پرپہلی بیوی نے کچہری میں مقدمہ دائرکیا تھا۔
پیشی کے لئے کچہری آنے پرپہلی بیوی نے آؤدیکھانہ تاؤ اوراپنے شوہرکو تھپڑوں اورگھونسوں کی زد پررکھ لیا۔
واضح رہے کہ اس موقع پرتنازعات کا شکارجوڑے کا کمسن بچہ بھی موقع پر موجود تھا اور ماں نے بچے کے سامنے ہی اس کے باپ کو زدو کوب کیا۔
موقع کی نزاکت کو بھانپتے ہوئے پولیس اہلکار درمیان میں آئے اور معاملے کو رفع دفع کرایا۔
کراچی : سائٹ ایریا میں نامعلوم افراد کی فائرنگ سے ایک پولیس اہلکار جاں بحق ،دوسراموٹرسائیکل حادثے میں زخمی ہوگیا ہے۔
پولیس حکام کے مطابق دونوں اہلکار سائٹ بی تھانے میں تعینات تھے اور دوران ڈیوٹی سائٹ اے تھانے جارہے تھے کہ نامعلوم افراد نے غنی چورنگی کے قریب نشانہ بنایا۔
ملزمان کی فائرنگ سے ایک اہلکار جاں بحق جبکہ دوسرا موٹر سائیکل گرنے سے زخمی ہوگیا جسے طبی امداد کیلئے سول اسپتال منتقل کردیا گیا۔
شہید پولیس اہلکار کی شناخت عادل نواز جبکہ صداقت نامی اہلکار زخمی ہوا، پولیس کے مطابق حملہ آوروں کی تعداد چھ تھی جو تین موٹر سائیکلوں پر سوار تھے اہلکاروں کی جوابی فائرنگ سے ایک ملزم زخمی بھی ہوا۔
واردات کے بعد تمام ملزمان فرار ہونے میں کامیاب ہوگئے، پولیس نے ملزمان کے زیراستعمال ایک پستول کو موقع واردات سے قبضے میں لے لیا۔سول اسپتال کے قریب نامعلوم افراد کی فائرنگ سے ایک شخص زخمی ہوا۔
اسلام آباد : وزیر داخلہ چوہدری نثار علی خان نے کہا ہے کہ پولیس اہلکار وقت ضائع کرنے کے بجائے ظالموں، چوروں اور ڈاکوؤں کا راستہ روکیں۔
ان خیالات کا اظہار انہوں نے اسلام آباد میں محکمہ پولیس کے زیر اہتمام ایک تقریب سے خطاب کرتے ہوئے کیا، چوہدری نثار نے کہا کہ پولیس اہلکار دوران ڈیوٹی سگریٹ پینے اور سونے میں وقت ضائع نہ کریں ۔
وفاقی وزیر داخلہ نے پولیس والوں کو انہی کی تقریب میں شرمندہ کردیا، اسلام آبادپولیس نےچوہدری نثار کو مدعو کیا کہ وہ آئیں گے اور اُن کی تعریفوں میں زمین آسمان ایک کردیں گے لیکن چوہدری نثارکا تو موڈ ہی کچھ اور تھ۔
وزیر داخلہ نے کہا کہ پولیس اہلکار وردی کے تقدس کا پاس رکھیں۔ڈیوٹی کے دوران سگریٹ پینے اور فون پر باتیں کرنے سے جرائم نہیں رکیں گے۔
وزیر داخلہ نے کہا کہ ڈیوٹی میں رینجرز والوں کا پولیس سے سو فیصد مقابلہ نہیں ہے لیکن اہلکار کچھ تو ان سے سیکھ لیں۔
چوہدری نثار نے محکمہ پولیس کی دکھتی رگ پر ہاتھ رکھتے ہوئے کہا کہ حلال کھانے میں جو برکت ہے وہ حرام میں نہیں، چوہدری نثار نے تو ایسی کھری باتیں کیں کہ پولیس والے تالیاں بجانا بھی بھول گئے۔
کراچی : شہر میں ٹارگٹ کلنگ کا سلسلہ تاحال جاری ہے، دو افراد کی تشدد شدہ لاشیں ملیں۔
تفصیلات کئے مطابق کراچی کے علاقے رضویہ سے دو افراد کی لاشیں ملی ہیں جنہیں ضا بطے کی کارروائی کیلئے اسپتال منتقل کردیا گیا۔
پولیس کا کہنا ہے کہ لاشیں کچھ روز پرانی معلوم ہوتی ہیں اب تک صرف ایک شخص کی شناخت نعیم خان کے نام سے ہوئی ہے جس کا تعلق جامشورو سےبتایا جارہا ہے۔
مقتول کو تشدد کے بعد سر میں گولی مار کر قتل کیا گیا تھا۔جبکہ دوسری لاش کی تا حال شناخت نہیں ہوسکی ہے۔
ملتان : گدھے ذبح کرنے والے ملزمان کو علاقہ مکینوں نے رنگے ہاتھوں پکڑ کر دھنائی کے بعد پولیس کے حوالے کردیا۔
تفصیلات کے مطابق ملتان میں گدھےکو ذبح کرتے ہوئے ملزمان کوعلاقے کے لوگوں نے رنگے ہاتھوں دھرلیا اور پھینٹی لگانے کے بعد پولیس کے حوالے کردیا۔
اے آروائی نیوزپرخبرنشرہونے اور ملزمان بغیر قانونی کارروائی چھوڑنے پر آئی جی پنجاب نے رپورٹ طلب کر لی۔ علاقے کے لوگوں کےمطابق شجاع آباد کے ایک بھٹہ مزدوررمضا ن کا گدھا گزشتہ رات چو ری ہو گیا تھا۔ جس کی تلاش کے دوران اُسے اطلاع ملی کہ علی ٹاؤن کے مکینوں نے دونامعلوم افراد کو گدھا ذبح کرتے رنگے ہا تھو ں پکڑلیا ہے۔
تھا نہ سٹی پو لیس شجاع آباد نے بھی موقع پرپہنچ کرملزمان پرہا تھ صا ف کئے اور انھیں تھا نے لے گئے۔
تاہم بعد میں ملزمان کو بغیرکسی کارروائی کے چھوڑدیاگیا، بعد ازاں اے آر وائی نیوز پر خبر نشر ہونے کے بعد آئی جی پنجاب نے رپورٹ طلب کر لی ہے۔
پریٹوریا : جنوبی افریقہ میں نامعلوم افراد نےپاکستانی بزنس مین راؤ شہزاد علی کو قتل کردیا۔
تفصیلات کے مطابق جنوبی افریقہ میں غیر ملکیوں پر حملے شروع کردیئےگئے ہیں، جس سے پاکستانی سخت خوفزدہ ہیں۔
جنوبی افریقہ کے شہر پریٹوریا میں اکتالیس سالہ راؤشہزاد علی کو جمعہ کی رات اس وقت گولیاں ماری گئیں جب وہ دوست کے گھر سے اپنے گھر جارہے تھے۔
پولیس کے مطابق دوگاڑیوں میں سوار حملہ آوروں نے راؤ شہزادکی گاڑی پرکئی گولیاں برسائیں۔ پولیس کو ابھی تک قتل کی وجوہات معلوم نہیں ہوسکیں، البتہ خدشہ ظاہر کیا جارہا ہے کہ قتل کی واردات رقم چھیننے کی غرض سے کی گئی تھی۔
پولیس نے امکان ظاہر کیا ہے کہ مقتول کے پاس کثیر رقم موجود تھی۔
لاہور : پولیس نے ون ویلنگ کرنے والے منچلے موٹر سائیکل سواروں کو گرفتار کرلیا۔
تفصیلات کے مطابق لاہور پولیس نے ون ویلنگ کرنے والے منچلوں کے خلاف شہر کے مختلف علاقوں میں کریک ڈاؤن کرتے ہوئے تین درجن سے زائد نوجوانوں کو گرفتار کرکے مقدمات درج کرلئے۔
ڈی آئی جی آپریشنز لاہور ڈاکٹر حیدر اشرف کی ہدایت پر پولیس نے مغلوپورہ ،مین بلیوارڈ ، مسلم ٹاون ، ریس کورس سمیت کئی علاقوں میں ون ویلنگ کرنے والے درجنوں منچلوں کو گرفتار کرلیا۔
گرفتار شدگان کے خلاف مقدمات درج کرلئے گئے، ڈی آئی جی آپریشنز ڈاکٹر حیدر اشرف کا کہنا ہے کہ یہ منچلے تیز رفتار موٹر سائیکلیں چلا کر مختلف حادثات کا شکار بنتے تھے۔
ان کا کہنا تھا کہ شہریوں کی شکایت پر ان کیخلاف کارروائی عمل میں لائی گئی ہے۔
کراچی: اللہ والا ٹاؤن کورنگی میں قائم اچار فیکٹری کے گودام کے ٹینک سے سات مزدوروں کی نعشیں برآمد، تفصیلات کے مطابق اللہ والا ٹاؤن کورنگی میں اچار فیکٹری کے گودام میں قائم ٹینک سے سات مزدوروں کی نعشیں ملیں ہیں۔
خدشہ ہے کہ گودام کے ٹینک میں مزید نعشیں بھی موجود ہیں، مرنے والوں میں فیکٹری کا مالک مہتاب بھی شامل ہے، مذکورہ سات نعشوں کو جناح اسپتال منتقل کیا گیا۔ مذکورہ فیکتری گیر قانونی طور پر قائم تھی۔
جناح سپتال شعبہ ایمرجنسی کی سربراہ سیمی جمالی کے مطابق پوسٹ مارٹم کے بعد اموات کی صحیح وجوہات سامنے آئیں گی۔
کورنگی کےاللہ والا ٹاؤن میں اچارکی غیرقانونی فیکٹری سات مزدوروں کونگل گئی ابتدائی اطلاعات کےمطابق فیکٹری غیرقانونی طورپرقائم تھی جہاں کسی قسم کے حفاظتی انتظام نہیں تھے۔
فیکٹری مالک مہتاب زیرزمین کیمیکل ٹینک میں جاگرا۔ اسے بچانےکےلئےمزدوروں نے بھی چھلانگ لگائی،تاہم وہ اپنے مالک کو تو نہ بچا سکے، مگراپنی جان بھی گنوا بیٹھے۔
اتوارکےباوجودفیکٹری میں بیس سے پچیس افراد کام کررہےتھے۔ٹینک میں لاشیں دیکھ کرکہرام مچ گیا،پولیس اورریسکیوکواطلاع دی گئی ،جنہوں نے لاشوں کونکالنا شروع کیا۔
آخری اطلاع تک چھ لاشیں نکال لی گئیں جن کی عدنان،سہیل،نواب،عمران اورسلیم کےنام سےشناخت ہوگئی علاقےسےملنےوالی اطلاع کےمطابق اچارفیکٹری کئی سال سےکام کررہی تھی،زیرزمین ٹینک میں نمک کاکیمیکل تھا۔
پولیس نے فیکتری کو ست بمہر کرکے چوکیدار سمیت پانچ افراد تفتیش کیلئے حراست میں لے لیا ہے۔