Tag: Police

  • پرائیوٹ اسکولز مینجمنٹ ایسوسی ایشن کا کل اسکول بند رکھنے کا اعلان

    پرائیوٹ اسکولز مینجمنٹ ایسوسی ایشن کا کل اسکول بند رکھنے کا اعلان

    کراچی: پرائیوٹ اسکولز مینجمنٹ ایسوسی ایشن کے چیئرمین شرف الزمان اور پرائیوٹ اسکولز مینجمنٹ ایسوسی ایشن کے چیئرمین سید خالد شاہ نے ایم کیو ایم کے پرامن یوم سوگ کی حمایت کا اعلان کیا ہے۔

     پرائیوٹ اسکولوں کے رہنماؤں کے مطابق کل سندھ بھر میں نجی اسکول بند رہیں گے ۔

     شرف الزمان کے مطابق ہنگامی اجلاس میں اس بات کا فیصلہ کیا گیا ہے، کہ کل تعلیمی و تدریسی عمل نجی اسکولوں میں معطل رکھا جائے گا۔

     دوسری جانب جامعہ کراچی کے تحت کل ہونے والے بی اے کے امتحانات بھی ملتوی کردیے گئے ہیں، ناظم امتحانات کے مطابق پرچوں کی نئی تاریخ کا اعلان بعد میں کیا جائے گا۔

  • علماء ملکی ترقی میں مثبت کردارادا کرنے میں ناکام رہے،عمران خان

    علماء ملکی ترقی میں مثبت کردارادا کرنے میں ناکام رہے،عمران خان

    اسلام آباد: تحریک انصاف کے چئیرمین عمران خان کا کہنا ہے کہ ملک جس نہج پر پہنچ چکا ہے ۔اس کے ذمے دار ناصرف سیاست دان اور فوجی جرنیل بلکہ علمائے کرام بھی ہیں۔

    اسلام آباد میں علماءومشائخ کانفرنس سے خطاب میں عمران خان نے علماء سے گلہ کیا کہ وہ ملک کی ترقی میں مثبت کردار اداکرنے میں ناکام رہے۔عمران خان کا کہنا تھا کہ مدارس کوبدنام کرنا سراسرظلم ہے۔

     انہوں نے کہا کہ عوام کے مینڈیٹ کی چوری سے ملک میں جمہوریت کیسےپروان چڑ سکتی ہے،عمران خان کا کہنا تھا کہ ایک مخصوص طبقہ ملک کو لوٹنے میں مصروف ہے، ان کا احتساب کیے بغیر ملک صحیح سمت پرلانا مشکل ہے۔

     عمران خان نے کہا ہے کہ فرانس میں جو کچھ بھی ہوا اس کے ذمہ دار مسلمان رہنماءہیں کیونکہ توہین آمیز خاکوں کی اشاعت کیخلاف مسلم ممالک کے رہنماﺅں کو کردار ادا کرنا چاہیے۔ ان کا کہنا تھا کہ چھوٹا سا طبقہ ملک کو لوٹ رہا ہے۔ دین کے نام پر سیاست کرنے والوں کی قیمتیں لگتی دیکھی گئیں۔

  • پروفیسرسبط جعفر، پروفیسرشکیل اوج کے قاتل کو پکڑلیا ہے، کراچی پولیس چیف

    پروفیسرسبط جعفر، پروفیسرشکیل اوج کے قاتل کو پکڑلیا ہے، کراچی پولیس چیف

    کراچی: صاحب علم شخصیات ڈاکٹر شکیل اوج اور پروفیسر سبط جعفر کو قتل کرنے والے گروہ کا ایک رکن گرفتار کرلیا گیا۔

    کراچی پولیس ہیڈ آفس میں پریس کانفرنس کے دوران غلام قادر تھیبو کاکہنا تھا کہ پروفیسر سبط جعفر اور ڈاکٹر شکیل اوج کے قتل میں شریک ٹارگٹ کلرز کے گروہ کا ایک رکن منصور گرفتار کرلیا ہے،کراچی پولیس کے سربراہ کا کہنا ہے دونوں صاحب علم افراد کو قتل کرنے میں منصور شامل تھا، ملزم منصور سندھ گورمنٹ اسپتال لیاقت آباد میں ملازمت کرتا ہے

     کراچی پولیس کے سربراہ کا کہنا ہے کہ ملزم منصور کا تعلق ایک سیاسی جماعت سے ہے جس نے انیس سو ترانوے میں مخالف سیاسی جماعت کے کارکنوں کو قتل کرنے کا اعتراف کیا ہے۔ ملزم نے رینجرز اہلکاروں پر فائرنگ اور لوٹ مار کی متعدد وارداتوں کا بھی اعتراف کیا ہے، ان کا کہنا تھا کہ دیگر قاتل بھی جلد گرفتار کرلیے جائیں گے ۔

    انہوں نے کہا کہ پولیس کی کوششوں سے ٹارگٹ کلنگ میں پچھلے سال کی نسبت کمی آئی اور صرف انتیس افراد اس ماہ قتل کیئے گئے، کراچی پولیس چیف نے ایک بار پھر کہا کہ سیاسی جماعتوںمیں جرائم پیشہ افراد موجود ہیں۔

  • آسٹریلوی پولیس کو ’خطرہ‘لاحق

    آسٹریلوی پولیس کو ’خطرہ‘لاحق

    سڈنی: آسٹریلوی پولیس نے پولیس اہلکاروں پردہشت گردوں کی جانب سے ممکنہ حملے کا خدشہ ظاہرکرتے ہوئے ہائی الرٹ کردیا گیا ہے، خطرہ یورپ اورکینیڈا میں ہونے والے حملوں اور انٹیلی جنس اطلاعات کا تجزیہ کرنے پربھانپا گیا۔

    سڈنی میں لوگوں کو یرغمال بنائے جانے کے واقعے کے بعد عوام اورپولیس اہلکاروں کے لئے خطرے کی سطح برابر
    قراردے دی گئی ہے۔

    آسٹریلین وفاقی پولیس کی جانب سے جاری کردہ بیان کے مطابق یہ فیصلہ مختلف ذرائع سے موصول ہونے والی
    سیکیورٹی اطلاعات کے جائزے کے بعد کیا گیا۔

    بیان میں مزید کہا گیا کہ فرانس، کینیڈا اورآسٹریلیا میں پیش آنے والے واقعات کے پیشِ نظر’پولیسنگ‘کو درپیش
    خطرات میں اضافہ ہوا ہے۔

    گزشتہ سال دسمبر میں ایک مسلح شخص نے سڈنی کے ایک کیفے میں موجود افراد کو یرغمال بنالیاتھا 16 گھنٹے تک مسلح شخص سے مذاکرات کے بعد پولیس نے مسلح شخص کے خلاف آپریشن کیا جس کے نتیجے میں جہادی گروہ سے تعلق رکھنے والا شخص اور دو یرغمالی ہلاک ہوئے تھے۔

  • کراچی : فائرنگ سے پانچ افراد جاں بحق، پانچ ملزمان گرفتار

    کراچی : فائرنگ سے پانچ افراد جاں بحق، پانچ ملزمان گرفتار

    کراچی : شہرکے مختلف علاقوں میں فائرنگ سے دو پولیس اہلکاروں سمیت پانچ افراد جاں بحق، لانڈھی میں رینجرز نے کارروائی کے دوران پانچ افراد کو گرفتار کرلیا۔

    پولیس کے مطابق ناظم آباد نمبر تین کے قریب موٹر سائیکل سوارملزمان نے پولیس اہلکاروں پر فائرنگ کردی جس کے نتیجے میں مسجد کے باہر سیکیورٹی ڈیوٹی دیتے دوپولیس اہلکارجاں بحق ہوگئے ۔

    مقتول پولیس اہلکار ناظم آباد تھانے میں تعینات تھے جن کی شناخت ہیڈ کانسٹبل عبدالغفور اور سپاہی فاروق کے ناموں سے ہوئی ہے ، گلبرگ بلاک بارہ میں کلینک بند کرکے گھر جانے والے ڈاکٹر فاروق احمد شیخ کو نامعلوم موٹر سائیکل سواروں نے فائرنگ کرکے قتل کردی۔

    پولیس کے مطابق مقتول ڈاکٹر فاروق گلبرگ بلاک تیرہ کے رہائشی تھے اور انہیں گھر واپسی پر ٹارگٹ کلنگ کا نشانہ بنایا گیا،پاپوش نگر ریلوے پھاٹک کے قریب نامعلوم افراد نے پینتالیس سالہ ریحان کو فائرنگ کرکے قتل کردیا۔

    گذشتہ روزقائد آباد کے علاقے میں فائرنگ سے زخمی ہونے والے حنیف نے رات گئے زخموں کی تاب نہ لاتے ہوئے دم توڑ دیا، دوسری جانب لانڈھی 89 میں رینجرز نے چھاپہ مار کارروائی کے دوران پانچ افراد کو حراست میں لے لیا۔

    زیر حراست افراد میں سے تین کا تعلق سیاسی جماعت سے ہے، زیر حراست افراد کو تفتیش کے لئے نامعلوم مقام پر منتقل کردیا ہے۔

  • فرانس فائرنگ کیس:پولیس نے دونوں حملہ آوروں کو ہلاک کردیا

    فرانس فائرنگ کیس:پولیس نے دونوں حملہ آوروں کو ہلاک کردیا

    فرانس : پیرس پولیس نے کارروائی کے دوران میگزین چارلی ایبڈو پر حملہ کرنے والے دو مبینہ حملہ آوروں اور کوشر سپر مارکیٹ کو یرغمال بنانے والے ایک شخص کو ہلاک کر دیا ہے۔

    تفصیلات کے مطابق پولیس نے پیرس اور اس کے شمال میں دو مقامات پر دھاوا بول کردونوں حملہ آوروں کو ہلاک کردیا، جنھوں نے عمارت میں موجود لوگوں کو مغوی بنا لیا تھا۔

    کوشر سپر مارکیٹ میں کی جانے والی کارروائی میں چار یرغمالی شدید زخمی ہو گئے۔اس کارروائی میں پندرہ یرغمالیوں کو رہا کروا لیا گیا جبکہ دو پولیس اہل کار بھی زخمی ہوئے۔

    حملہ آور نے مارنے سے قبل فائرنگ کرکے دو یرغمالیوں کو بھی ہلاک کردیا تھا۔فرانسیسی صدر نے خبردار کیا ہے کہ فرانس پر شدت پسندی کا خطرہ اب بھی منڈلا رہا ہے۔

    پیرس میں دہشت گردی کے واقعے کے بعد فرانس میں رہنے والے مسلمان خوف و ہراس کاشکارہیں۔ان واقعات میں مسلمانوں کے ملوث ہونے کے شبے میں اسلام مخالف گروہوں نے انتقامی کارروائی شروع کردی ہیں۔

    ان گروہوں کی جانب سےفرانس کےتین مختلف علاقوں میں مساجدپرحملےبھی کئے گئے۔ اسلام فوبیا میں مبتلا افراد نے سوشل میڈیا پر کلنگ آل مسلم کا ٹرینڈ بنا ڈالا۔ ان واقعات کے بعد مسلمان فرانس میں محصور ہو کر رہ گئے ہیں۔

  • نوابشاہ پولیس  کا مبینہ حملہ، گاؤں جل کر خاکستر

    نوابشاہ پولیس کا مبینہ حملہ، گاؤں جل کر خاکستر

      نواب شاہ :گاؤں پر نوابشاہ پولیس نے مبینہ طور پر حملہ کر کےگھروں کو آگ لگادی، گھروں کو جلانے اورمتعدد افراد کی گرفتاری کے خلاف علاقہ مکین سراپا احتجاج بن گئے۔

    تفصیلات کے مطابق پولیس نے نوابشاہ کے گاؤں غلام رسول پر حملہ کر کے گھروں کو آگ لگادی اور متعدد افراد کو گرفتار کرلیا۔ گھروں کو جلتا دیکھ کر خواتین اور بچوں نے چیخ پکار مچائی۔

    لوگ کچے گھروں کو آگ سے بچانے کی ناکام کوشش بھی کرتے نظر آئے، آتشزدگی کے باعث خاتون سمیت دو افراد زخمی ہوگئے پولیس نے کارروائی کے دوران متعدد افراد کو گرفتاربھی کرلیا۔

    واقعے کے خلاف گاؤں کے مکینوں نے احتجاج کیا اور سڑک بلاک کردی، مشتعل افراد نے پتھراؤ کرکے پولیس موبائل کے شیشے بھی توڑ دیئے، مشتعل مظاہرین کا کہنا تھا کہ گرفتار افراد کو رہا اور ان کے نقصان کا ازالہ کیا جائے۔

  • کراچی ایئرپورٹ پرسخت سیکیورٹی، رینجرز پولیس ہائی الرٹ

    کراچی ایئرپورٹ پرسخت سیکیورٹی، رینجرز پولیس ہائی الرٹ

    کراچی:جناح انٹرنیشنل ایئر پورٹ پر سیکیورٹی ہائی الرٹ، رینجرز اور پولیس تعینات کردی گئی، تفصیلات کے مطابق کراچی میں حساس اداروں کی جانب  سے کی جانے جانے والی پیش گوئی اور دہشت گردی کے خطرات کے پیش نظر کراچی ایئر پورٹ کے ٹرمینل ون پر حفاظتی انتظامات مزید سخت کردیئے گئے ہیں۔

    اے ایس  ایف اہلکاروں کو بھی الررٹ کر دیا گیا ہے،ایئر پورٹ پر آنے والی گاڑیوں کی سخت چیکنگ کی جارہی ہے، پولیس اور رینجرز کے دستے پہلوان گوٹھ سے ایئر پورٹ آنے والے راستے پر گشت کررہے ہیں۔

    جبکہ دوسری جانب سول ایوی ایشن کے ترجمان کے جاری کردہ بیان کے مطابق کسی قسم کی کوئی تھریڈ نہیں ملی ہے اور ڈی جی رینجرز نے سیکورٹی صورتحا ل کے حوالے سے معمول کا دورہ کیا ہے۔

  • سالِ نو کا استقبال سادگی سے کیا جائے گا،سخت حفاظتی انتظامات

    سالِ نو کا استقبال سادگی سے کیا جائے گا،سخت حفاظتی انتظامات

    اسلام آباد + کراچی : سانحہ پشاور کے بعد ملک بھر میں سال نو کا استقبال سوگ اور خوف کے سائے میں کیا جائے گا،اسلام آباد میں دفعہ ایک سو چوالیس نافذ کر دی گئی جبکہ کراچی میں نیو ایئر نائٹ تقریبات پر پابندی اور ساحل کو جانے والے راستے بند کر دئیے گئے ہیں۔

    دو ہزار چودہ کا اختتام پاکستان کیلئے اچھا ثابت نہ ہوا ۔ ملک دشمنوں نے پشاور میں سو سے زائد معصوم بچوں کو شہید کر کےنئے سال کی آمد کو سوگوار کردیا۔

    ملک بھر میں جہاں نئے سال کا استقبال سادگی سے کیا جائے گا وہیں سیکیورٹی خدشات کے باعث ملک بھر میں حفاظتی انتظامات انتہائی سخت کئے گئے ہیں۔

    اسلام آباد میں نیو ایئر نائٹ کے موقع پر دفعہ ایک سو چوالیس نافذ کر دی گئی۔بغیر سائلینسرموٹرسائیکل چلانے پر پابندی عائد ہوگی۔کراچی میں نیو ایئر تقریبات پر پابندی جبکہ ہوائی فائرنگ کرنے والوں کو جیل بھیجے جانے کا فیصلہ کیا گیا ہے۔

    کراچی میں موٹر سائیکل کی ڈبل سواری بھی ایک روز کیلئے بند کر دی گئی۔ساحل کی طرف جانے والےتمام راستے کنٹینر لگا کر بند کر دئیے گئے ہیں۔

    جبکہ نیو ایئرنائٹ پر نظم و ضبط برقرار رکھنے کیلئے سات ہزار پولیس اہلکاروں کو تعینات کیا گیا ہے۔ملتان میں بھی سیکیورٹی خدشات کے باعث دفعہ ایک سو چوالیس نافذ کر دی گئی ہے۔

  • سندھ پولیس کی تنخواہوں میں بالآخر اضافہ کردیا گیا

    سندھ پولیس کی تنخواہوں میں بالآخر اضافہ کردیا گیا

    کراچی: سندھ پولیس کی تنخواہوں میں بالآخر اضافہ کردیا گیا ، سندھ حکومت نے تنخواہون میں اضافے کا نوٹی فکیشن جاری کردیا ہے۔

     آئی جی سندھ غلام حیدر جمالی کے مطابق سندھ حکومت پولیس کو تنخواہوں کی مد میں سالانہ تین ارب دس کروڑ اضافی دے گی، تنخواہوں میں اضافے کے بعد سندھ پولیس کے افسر سے سپاہی تک کی تنخواہ پنجاب پولیس کے برابر ہوجائے گی۔

    نئے سال کے آغاز پر پولیس کی اضافی تنخواہوں کے ساتھ ملے گی  اور یہ سندھ پولیس کیلئے نئے سال کا تحفہ بھی ہے ، آئی جی سندھ کے مطابق تنخواہون مین اضافے سے پولیس کی کارکردگی اچھی ہوگی اور یہ پولیس کاسالوں سے مطالبہ تھا کہ تنخواہیں بڑھائی جائیں۔