کراچی: کراچی: ایم کیو ایم کے منحرف رہنما ڈاکٹر عامر لیاقت حسین نے کہا کہ فاروق ستار نے متحدہ کے آئین میں کوئی تبدیلی نہیں کی الطاف حسین اب بھی قائد ہیں؟ انیس ایڈووکیٹ نے کہا کہ یہ ڈرامہ بازی ہے، یہ لوگ آئین میں تبدیلی کرکے الطاف حسین کو الگ کیوں نہیں کرتے؟ شیخ رشید نے کہا کہ متحدہ کی گرفتار خواتین کو رہا کردیا جائے، فیصل وائوڈا نے کہا کہ عامر لیاقت کو جرأت پر سلام پیش کرتا ہوں۔
یہ باتیں تمام رہنمائوں نے فاروق ستار کی پریس کانفرنس کے فوری بعد اے آر وائی نیوز سے آن لائن کہیں۔
فاروق ستار جیسا کہہ رہے ہیں ویسا نہیں ہے، عامرلیاقت
Amir Liaquat says MQM should completely… by arynews
ایم کیو ایم کے منحرف رہنما ڈاکٹر عامر لیاقت حسین نے کہا کہ اعلان لاتعلقی سے زیادہ دفاتر گرانے کی بات کی گئی، آئین کیوں تبدیل نہیں کررہے؟ اصل لوٹ مار کے کھیل پاناما لیکس کو دبانے کے لیے ایک اور کھیل کھیل دیا گیا، انہیں خود نہیں پتا کیا کرنا ہے ،دفاتر گرانے پر کوئی رد عمل سامنے نہیں آیا، ظاہرہوا کہ کراچی کے لوگ پاکستان زندہ باد والے ہیں، فاروق ستار جیسا کہہ رہے ہیں ویسا نہیں۔
حکومت ان سے مل کر ڈرامہ کررہی ہے، فیصل وائوڈا
PTI leader says Sattar should create MQM-F if… by arynews
تحریک انصاف کے رہنما فیصل وائوڈا نے کہا کہ ایم کیو ایم چھوڑنے پر عامر لیاقت کو سلام پیش کرتا ہوں، ہمیں ایم کیو ایم سے نہیں متحدہ قائد سے مسئلہ ہے، حکومت ان کے ساتھ مل کر ڈرامہ کررہی ہے، مجھ پر حملے کی سی سی ٹی وی فوٹیج بھی نہیں مل رہی۔
متحدہ کے آئین میں تبدیلی کرکے الطاف حسین کو علیحدہ کریں تو مانوں، انیس ایڈووکیٹ
PSP leader says Sattar should have raised… by arynews
پاک سرزمین پارٹی کے رہنما انیس ایڈووکیٹ نے کہا کہ پہلے آئین میں تبدیلی کرکے الطاف حسین کو قیادت سے فارغ کریں پھر یقین کیا جائےگا، ہم نے اس وقت متحدہ چھوڑی جب ایم کیو ایم نے بلدیات انتخابات میں کامیابی حاصل کی۔ انہوں نے کہا کہ فاروق ستار کو الطاف حسین کے را سے تعلقات کاعلم ہے، ملک توڑنے کی بات پر آرٹیکل سکس لگتا ہے، الطاف حسین کو دوبارہ زندگی دینا فاروق ستار کا منشور ہے، یہ لوگ عوام کو بے وقوف بنارہے ہیں، فاروق ستار آج بھی کہہ رہے ہیں کہ نائن زیرو کو ڈی سیل کیا جائے۔
ایم کیو ایم کو ایک اور موقع دیا جائے، شیخ رشید
MQM Pakistan should be given political space… by arynews
عوامی مسلم لیگ کے سربراہ شیخ رشید نے کہا ایم کیو ایم کو ایک موقع اور دیا جائے، غیر قانونی طو ر پر گرفتار خواتین کو رہا کیا جائے۔
الطاف حسین کے ماننے والے زیادہ ہیں، سعید غنی
سعید غنی نے کہا کہ دیکھنا ہوگا کہ ایم کیو ایم پاکستان کا الطاف حسین سے کتنا تعلق ہے، یہ ان کا اندرونی معاملہ ہے، ایم کیو ایم کو ووٹ دینے والوں میں زیادہ تعداد الطاف حسین کے ماننے والوں کی ہے۔
