پاکستان میں جاری سیاسی ہلچل نے پاکستان اسٹاک ایکسچینج پر بھی اثر ڈالا اور گزشتہ کاروباری ہفتے میں منفی رجحان رہا۔
ملک میں حکومت اور اپوزیشن کے درمیان تحریک عدم اعتماد کے معاملے پر جاری سیاسی رسہ کشی نے پاکستان اسٹاک ایکس چینج پر منفی اثرات مرتب کیے ہیں اور گزشتہ ختم ہونے والے کاروباری ہفتے میں پاکستان اسٹاک ایکسچینج میں منفی رجحان رہا۔
پاکستان اسٹاک ایکسچینج کی جاری رپورٹ کے مطابق پاکستان اسٹاک ایکسچینج میں حالیہ ختم ہونے والے کاروباری ہفتے میں منفی رجحان رہا اور ایک ہفتے میں 100انڈیکس 624 پوائنٹس کمی ہوئی۔
رپورٹ کے مطابق ایک ہفتے میں 100 انڈیکس1.4 فیصد کمی سے43029 پر بند ہوا ہے جب کہ کاروباری ہفتے میں 100 انڈیکس 1296 پوائنٹس کے بینڈ میں رہا، ایک ہفتے کے دوران 100 انڈیکس کی ہفتہ وار بلند ترین سطح 44283 جبکہ کم ترین سطح 42987 رہی۔
گزشتہ ہفتے اسٹاک مارکیٹ میں 23 ارب روہے مالیت کے 86 کروڑ شیئرز کے سودے ہوئے اور اس دوران مارکیٹ کیپٹلائزیشن 176 ارب روپے کم ہوکر 7274 ارب روپے رہ گئی۔
