اسلام آباد : وفاقی وزیر ریلوے خواجہ سعد رفیق نے کہا ہے کہ سیاستدان برائیوں کو بڑھا چڑھا کر پیش کرتے ہیں عوام ان کی باتوں کو سنجیدہ نہ لے، دعا ہے جن سیاسی جماعتوں میں بلوغت نہیں آئی جلد آجائے۔
ان خیالات کا اظہار انہوں نے اسلام آباد میں ایک تقریب سے خطاب کرتے ہوئے کیا، خواجہ سعد رفیق کا کہنا تھا کہ مشکلات اور مسائل کے باوجود پاکستان آگے بڑھ رہاہے ہم ہر کسی کو خوش نہیں کر سکتے، آپس میں جھگڑا کم کریں تو ترقی کی رفتار اور بڑھ سکتی ہے۔
سعد رفیق نے کہا کہ ضمیر مطمئن ہونا چاہئیے اگر ہمارا ضمیر مطمئن ہو اور کہیں غلطی ہو جائے تو ہم خود اصلاح کر سکتے ہیں۔
مزید پڑھیں: پاناما ڈرامے کا مرکزی کردارعمران خان اور ڈائریکٹر ملک سے باہر ہے، سعد رفیق
انہوں نے کہا کہ سیاستدان اتنے بُرے بھی نہیں، جتنا لوگ سمجھتے ہیں، پاکستان کی تمام سیاسی جماعتیں جمہوریت کی تعریف پر پورانہیں اترتیں، پاکستان کی سیاسی جماعتوں میں بلوغت آئی ہے جہاں بلوغت کی کمی ہے وہاں آئندہ 2 چار سالوں میں پوری ہو جائے گی۔
مزید پڑھیں: سی پیک کو متنازع نہیں ہونے دیں گے، سعد رفیق