Tag: poly clinic

  • ملزم کی اسپتال اور گھر میں فائرنگ : 4 افراد قتل

    ملزم کی اسپتال اور گھر میں فائرنگ : 4 افراد قتل

    ملزم نے اسلام آباد کے پولی کلینک اسپتال کے زچہ بچہ سینٹر اور سسرال میں فائرنگ کرکے 4 افراد کو جان سے مار دیا۔

    تفصیلات کے مطابق اسلام آباد میں فائرنگ کے پے در پے دو واقعات ہوئے جس میں ایک ہی ملزم نے دو مقامات پر فائرنگ کرکے اہلیہ سمیت 4 افراد کو بھون ڈالا۔

    ملزم نے پہلے سسرال جاکر اپنے سسر اور سالے کو گولیاں ماریں اور بعد ازاں اسپتال جاکر فائرنگ کی جس کے نتیجے میں اس کی اسٹاف نرس بیوی اور ایک وارڈ ماسٹر جاں بحق ہوگیا۔

    اندھا دھند فائرنگ سے اسٹاف نرس اور وارڈ ماسٹر سمیت4افراد قتل کردیئے گئے، اس حوالے سے اسپتال ذرائع کا کہنا ہے کہ مقتولہ اسٹاف نرس کے شوہر نے فائرنگ کی۔

    واقعے کے بعد ملزم فرار ہونے میں کامیاب ہوگیا، ذرائع کا کہنا ہے کہ واقعہ گھریلوجھگڑے کا شاخسانہ ہے۔ پولیس نے لاشیں تحویل میں  لے کر مزید کارروائی کیلیے اسپتال روانہ کردیں، مزید تحقیقات جاری ہیں۔

  • وزیراعظم عمران خان کے پمز اور پولی کلینک اسپتالوں کے اچانک دورے

    وزیراعظم عمران خان کے پمز اور پولی کلینک اسپتالوں کے اچانک دورے

    اسلام آباد : وزیراعظم عمران خان نے پمز اور پولی کلینک اسپتالوں کا اچانک دورہ کیا اور مریضوں کو دی جانے والی سہولیات کا جائزہ لے کر مزید بہتری کی ہدایات جاری کیں۔

    تفصیلات کے مطابق وزیراعظم عمران خان نے اسلام آباد کے سرکاری اسپتالوں کی کارکردگی کا جائزہ لینے کیلئے پمز اور پولی کلینک اسپتال کا اچانک دورہ کیا۔

    اس موقع پر ان کے ہمراہ معاون خصوصی ڈاکٹر ظفرمرزا بھی تھے۔ وزیراعظم عمران خان نے پولی کلینک کے مختلف شعبوں اور وارڈز کا معائنہ کیا۔

    دورہ کے موقع پر پولی کلینک کی سربراہ ڈاکٹر نائلہ اسرار نے وزیراعظم کو بریفنگ دی۔ وزیراعظم عمران خان نے مریضوں کی عیادت کی اور سہولتوں کاجائزہ لیا، وزیراعظم نے اسپتال انتظامیہ سے صحت کی سہولتوں کی فراہمی پر بھی گفتگو کی۔

  • تیز رفتار گاڑی درخت سے جا ٹکرائی، تین افراد جاں بحق سات زخمی

    تیز رفتار گاڑی درخت سے جا ٹکرائی، تین افراد جاں بحق سات زخمی

    اسلام آباد : تیزرفتارہائی ایس بے قابوہوکر درخت سے ٹکراگئی ،حادثے میں 3افرادجاں بحق اور7 زخمی ہوگئے۔

    تفصیلات کے مطابق تھانہ سیکرٹریٹ کے علاقے میں تیزرفتارہائی ایس بے قابوہوکر درخت سے ٹکراگئی گاڑی میں سوار تین افراد موقع پرجاں بحق جبکہ سات زخمی ہوگئے۔

    پولیس ذرائع کے مطابق تیزرفتارگاڑی مری کی جانب رواں دواں تھی کہ راستے میں گاڑی ڈرائیور سے بے قابو ہوکردرخت سے جاٹکرائی جس سے ایک خاتون اوردوبچے موقع پرجاں بحق ہوگئے۔

     تینوں کی میتوں اورزخمیوں کوپولی کلینک ہسپتال منتقل کردیاگیا۔زخمیوں میں ڈرائیور بھی شامل ہے۔اسپتال ذرائع کے مطابق زخمیوں میں سے دو کی حالت تشویشناک ہے۔